مشكله لا أدري اين مركزها لأجد الحل...

[واثقة]

عزيزتي زوجك جنوبي

وانتي اعتقد انك شماليه..




اقرأي عن الجنوبي وكيفية التعامل معه حتى تتشبعين..

واقرأي قصة برود ومطر..


شخصيته ليست بذلك السوء.. لكنك بحاجه لمعرفة مفاتيحه والطريق الأسلم للتعامل معه...

وعلى كثر المشاكل اللي تصير يصارحني اوقات يقول انا احبك
بس وشلون يحبني واذا عصب ينقلب هذا الحب 180 درجه هو مجرد تعود علي وحس انه في احد في حياته

التعصيب ما ينافي الحب..

الأم اذا زعلت من عيالها ترفع صوتها عليهم وممكن تضربهم.. وهذا ما ينافي حبها لهم....



كونه يحبك هذي نقطه لصالحك....





حاولي من هذا المنتدى يكون بدايتك في التغير..


واحنا معك..

 

[نجـــاح]

شوفي حبيبتي
زوجك مثل كثير من الأزواج للأسف
لكن ابشرك هو سهل تغييره لكن لازم تصبرين صبر جبال وماتملين
وشكلك جديده بالمنتدى روحي اقرأي كل القصص في الإستشارات وتعلمي كيف تتعاملين معه
وفكري قبل اي تصرف شلون بتكون ردة فعله وجربي طرق كثيره معه
لازم تتغيرين اذا تحبينه وتساعدينه وتساعدين نفسك
الله يوفقك ياقلبي ويسهل امرك
والطلاق موسهل ترا

 

[حياة الشرق]

شكرا اخواتي لنا وواثقة وكادي عللى مروركم وتفاعلكم
بس أحب اسأل اي أمراءة ترضين زوجك يعاملك مثل الأطفال
اذا طلعتي للسوق مع أهلك يتصل في اخوانك يشوف انتي معهم ولا
دائما يحذرك من الجوال ومشاكله واوقات يقول لك افتحي جوالك ويفتشه
اي شي تسوينه يعلم اهله فيه لدرجة مره كنت حاطه رسمه بصدري له يوم رحنا لأهله قال وري خواتي اللي في صدرك شوفو زوجتي وش تسوي على باله يفتخر الحين وأخواته مبسوطين انه مايشق خيط بأبره الى وهو عارفين
انا احس عندي أمراة وانا الرجل يسولف مع خواته كنه حرمه
هو مو متعلق فيني مو لله بس لأنه يعرف شخصيتي وانه مافي شي يعيبني ومتحسف فيني هذا اولا ثانيا ماعنده استعداد ينفصل لأنه سبق وأنفصل انا احس رهذي الأسباب اللي مخليته يتعلق
وانا مأدري من جد حايس مخي ونفسيتي

 

[رومانسيه تائهه]

هلا حبيبتي
مشكلتك بالمره بسيطه ياحبيبتي انت شكلك ماحبيتي الرجال ومادخل مزاجك
لذالك انا اعتقد كل اللي قلتيه مهب كافي لطلب الطلاق ابدا والله اننا نصبر على ازواجنا والحمد لله مشت الامور يابنت الحلال كلمه مطلقة والله مهب سهله بالمره فكري اذا تتطلقتي ممكن يجيكي شايب او يجيك واحد عنده حرمه وعيال وتبلشين عمرك فيهم
حبيبتي غيري نفسك
وبالنسبه لاهلك لاعاد تطرين اهلك عنده ابد واذا على اهله سايريه والله هو اللي راح يمل مع مرور الوقت بس هو الحين حاس بقيمته وانت معه وعلشان يعوض النقص اللي من عند اهله ياخذكي معه ويوصلهم رساله انه فيه احد مهتم فيني بدليل (الحركه اللي بصدرك )
حبيبتي كلنا رجالنا يخافون علينا ويراقبوننا حتى والله بالجوال ياخذه ويفتشه عادي الله يهنيه دام اني واثقه من نفسي
ياقلبي انت ركزززززززززي على المميزات وانسي التفاهات وعيشي حياتك اطلبي حوار هادي بينك وبينه قبل ماترجعين وصلحي الامور
وانت انسي انك جامعيه وهو لا
وارحمي نفسك وفليها
تقبلي مروري وسامحيني اذا ازعجتك بكلامي بس والله وجهة نظري:shiny:

 

[واثقة]

الجنوبي سهل تعلقينه فيك....


بس اعرفي من اين تؤكل الكتف


تعاملي معه بصبر وهدوء...


والعاقبه لك





كوني واثقه انك لن تجدين زوجا بدون عيوب...

 

[Dream_bird]

والله ضحكت وأنا أقرأ مشكلتج ..
أنا أشتكي من نفس المشكله تقريبا ))
ما يحط خيط في ابره من دون ما يعرفون هله عنها ..
أنا أستر على بيتي وهو كل أخباري عندهم .. عند أمه وخواته !!
تعلمت من حياتي معاه :
_ الجنوبي يضايقج أكثر اذا حس انج ما تحبينه لأنه عاطفي
_ الشمالية تناقش الأمور بعقل ومنطق مع الجنوبي وهو لا يتجاوب,جربي العكس
مثلا : " لا تطلبي الخروج معه لأنها من واجباته بل لأنك تحبين رفقته
" لا تعنفيه لأن العين بالعين .. اتركيه واعزفي على وتره الحساس قولي لقد جرحتني
كلماتك .. أنا مرهفة الحس وابكي
وحذار من رفع صوتك واستفزازه .. هي قود غضبه .. البرود جميل جربيه
88 اذا أحس بالخنوع منك تطاول وتعدى أكثر كوني أكثرثقه وقوه
ليس برجل .. أهكذا تحسين ؟
الجنوبي عاطفي اطلبي منه مباشرة وبدون لف ودوران وبجمل قصيره واذا رفض اصمتي
واعيدي الكره برساله غزل على هاتفه وهكذا .. ابتعدي عن الصدام
أكثر شيئ جربته ونفعني .. لا تجعليه يحس أنك زوجه تعيسه معه .. عيشي سعيده لأن أمرك
بيد الله وليس بيده .. وبيدك الانسحاب لو أردتي ..
__
ابدئي منذ اليوم .. رتبي للقاء جميل بينكما .. انظري له بتقدير وحب قولي له أنا أحتاجك
وأتمنى لو أسعد أكثر بالقرب منك .. أرجو أن تساعدني في ذلك ..
أكتبي بورقه كل صباح .. أنا أنعم بحياه جميله مع زوج محب وانتظريه بشوق
.. قدمي له لتأخذي منه .. يداك لا تزال تقف على مقربه من باب قلبه ولم تطرقه بعد .
وفقك الله ))

 

[حياة الشرق]

الآن كل ماعلي هو فهم نفسيته ولكن لن استطيع ان اعطيه واتحمله اذا كنت لا احبه
فكيف احبه انا لا اطييييييق شخصيته لذلك لا اطيقه
في قصة برود ومطر كانت تحبه لذلك تريد ان تمتلكه لفسها ولاكن انا لا احبه فتصرفاته طفوليه جدا