مشكله بسيييطه

ر

رعبووب555

New member
إنضم
2008/09/11
المشاركات
1,104
مشكلتي في ان زوجي و من دون قصد لما نكون طالعين برع مثلا زياره او عرس يدق على اخته "للعلم اخته كبيره وايد" يقولها بنطلع وانا كاني اطرش في الزفه
ووايد انحرج جدام الحريم لان كلهم ازواجهم يدقون عليهم بعدين يخبرون عماتهم

والله يوفق كل وحده تساعد وترد:bigsmile:

وكيف اقدر اقوله بس من دون حساسيه
​
 
صحيح فيه ناس بطريقه هذي مازالو على ايام الحجريه بس شوفي وحده شطوره تخدمك
 
لتوفي ما ارضى تتكلمي عن زوجي بهاي الطريقه
زوجي متعلم وواصل لاعلى شهادات
واذا ماعندك شي مفيد لا تردي
 
الله يصبرج ويوفقج ويسخر لج زوجج يا رعبوب بس بسألج اختي واذا دق على اخته شفيها يعني؟؟

ماني فاهمه شتقصدين ...هل قصدج ان مايشك خيط بابره الا ماخذ شور اخته والا شنو؟؟

واذا تبين تكونين انتي بالصوره ولا تكونين مثل الاطرش بالزفه انا عندي راي اول ما تركبين السياره

طالعه مع ريلج على طول قولي حق ريلج ادق على اختك فلانه ابلغها بطلعتنا؟؟؟؟؟؟؟؟؟

شوفي شلون ردة فعله وهني انتي بينتي بالصوره وانج يافلان تراني موجوده وبنفس الوقت يمكن

يتفشل من هالحركه وشوي شوي يبطلها...........

حبيبتي رعبوب انتي حطيتي مشكلتج عشان الكل يقراها ويعلق عليها يعني كلام اختي لتوف ما في اي

غلط يمس زوجج هي تتكلم بالعموم وان في ناس واايد جذي ولازم تتحملين الردود طالما كتبتي

مشكلتج واسأل الله ان يوفق الجميع ويبارك لج بحياتج في ظل طاعة الله

تقبلي مروري
 
أختي إنت كتبتي المشكلة بسيطة فلو توضحين بعض النقاط يعني إنت من متى متزوجة؟ إذا كنت لسا في أول حياتك معاه فيمكن له سبب وأخته مثلا وين ساكنه عندكم ولا بعيد هل متزوجة في بيتها وعيالها ولا لوحدها ماعندها حد فهو يحب يعرف إذا هي محتاجه شي يجيبه لها ..سبحان الله في ظروف كثيرة ممكن تتحكم بالموضوع وهويخبرها على أي اساس يستأذن منها مثلا ولا يقوللها إذا بتطلع معاكم ولا؟ وكيف علاقته بهل الأخت غير هالموضوع ؟ يعني سامحيني لكني مافهمت وأحاول أبحث عن السبب..وليشما حاولتي تتكلمين معاه بصراحة هل هو من النوع الحساس أو أنه ممكن يقول لأخته ..
 
الله يكون في عونك انتي المفروض تتناقشين معه في الموضوع
وتقولين المفروض تدق على لاني زوجتك
 
يا اختي مشكلتك مو مفهومه ياليت توضحي اكثر علشان نقدر نساعدك
 
حبيبتي انا فاهمه مشكلتك وحاسه فيها لاني مجربتها يابنات هي قصدها اذا كانوا طالعين هي واهل زوجها اذا بغاهم زوجها يطلعون مايدق عليها هي يقول لها يله يدق على اخته‘‘ واناكنت احس بغيرة اذا سوى هالحركة لكن الحمد لله انا مانطلع كثير ‘‘انا اشوف ان مافيها شي لو صارحتيه ولكن باسلوب هادئ؛؛ واكرر اسلوب هادئ‘
 
حور فهمت عليه هذه هو قصدي

واحنا في بداية زواجنا
وزوجي ما يستأذن من احد في شي يخصنا
بس لما يقولنا ياللا طلعوا يدق على اخته
لكن الحريم كلهم ازواجهم يدقون عليهم ويقولون لهم طلعو

وشكرااااااااااا لكل اللي ردوا بس يمكن قصدي ما كان واضح
 
اتوقع انه يحترم اخته كثير خصوصا لانها كبيره وساكنه معاكم
طيب ليش مايتصل مره عليك ومره اخته امشان مايصير في خاطرها شى وهو يرتاح
 
أختي الله يعينك الحين فهمت السالفة وفعلا صراحة تقهر لكن أعتقد أنك لو تقوليله زتسوين حركة وقت ماتطلعون كوني بعيدة عن أخته عشان تتأخر شوي وهي تدور عليك ويوم تركبين السيارة قوليله سامحني إذا اتأخرت عيك لأني كنت بعيدة عن فلانة بس لو اتصلت علي كان أريحلك وأريحلي ومسكينة فلانة ظللت تدور علي...(مكر حريم ..صح؟) طبعا هذا إذا ماتحبين الطريقة المباشرة
 
حبيبتي رعبوب ه ه همعقوله فيه احد ما يقدر يصارح زوجه باسلوب حلو قولي له حياتي ليه ماتدق علي لما تبينا نطلع احس انك لما تدق على اختك اني كني بنتها الصقيره تقولي يله جا ت السياره وانا زي البنوته اصغيره البس جزمتي وركب السياره لين ماما تيجي ونمشي اش دعوى كانك ماتبي تجرح اختك بعد فكر انك ماتجرحني دق على ودق عليها وانا زوجتك اولى عشاني احبك ولا ابي يصير في خاطري شي عليك ياقلبيصارحتك بلي في قلبي :clap::blushing::icon1366::blush-anim-cl:
 
يعني انتو مع بعض في عرس والا عزومه وهو يدق ع اخته اذا جذي ترى عااااااااااادي لاتكدرين خاطرج بس انتي حساسه شوي
 
جربي تدقين عليه إذا جت حزت الطلعه يعن تعشيتي وخلصتي

كلمي عليه قولي يله حبيبي نطلع لأني مشتاقه لك حيـــل ...الخ

بكذا أنتي توحين له أنه يكلمك أنتي وبس وهو أكيد رح يفهمها
 
اتوقع ان اخته في مقام امه

وهذا لا ينقص من حقك ولا تقديرك شي عزيزتي

انا معك انت ودك تحسين انك في المقام الاول في حياته

لكن انا ايضا لا الومة في تقديرة لاخته و اقدر له تصرفة

عزيزتي ...خليك ذكية ..تقدرين تكسبين حب و قلب زوجك عن طريق اخته

دائما تكلمي عن اخته بالخير والمحبة .. عامليها بما يرضي الله

وصدقيني راح تكبرين في عين زوجك

وهذا ايضا لا يمنع انك تلمحي لزوجك انك ودك مرة يتصل عليك انت

وربي يسعدكم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل