مشكلت اختي مع ابنها--اريد الحل

[تذكاار]

السلام عليكم
د.نجوى ساعدينا الله يجزاج خير--
عند اختي ولد عمره10 تقريبا--ومره وهو صغير في الروضه مسكته مع ولد الجيران وهم في وضع محرج
وبصرااااحه هي تربيتها لاولادها وااايد ممتازه من حيث انهم مايتركون فرض من الصلاه ماشالله--حتى لو انها عصبيه شوي بس وقت اي مشكله تواجها مع ولدها تاخذه لين الغرفه وتجلس معاه يتناقشون في الغرفه بدون صراخ او ضرب وهو يتاسف الها ويوعدها انه مايعيد المشكله مره ثانيه--وتتفهم وتسامحه بعد محاضره طويله تلقيها عليه--ومره ثانيه كان في المدرسه العام نفس المشكله--وراحت المدرسه وحلت المشكله في المدرسه ولما رجع البيت تاسف لها--واخر مره البارحه كانت واااااايد تعبانه لانها حصلت ولد الجران معاه وفي نفس المشكله وهذا ولد الجيران له بصراحه سوابق مع عيال الحاره --انا مش ادافع عن ولد اختي --بس حبيت اخبرك بمستواه الخلقي--المهم بدا ولد اختي يتاسف لها بعد ان قالت له انها ستخبر ابوه بعد ان عجزت من التصرف معه-- اخبرت اختي زوجها بعد ان ادخلته الغرفه وما ان سمع زوجها القصه قام بضربه--فهي الان حزينه هل هي مخطاه باخبار زوجها بما انها اخبرته مرة وقالت له تفاهم معه بالكلا لا بالضرب ولاكن هذي المره ضربه--

ابن اختي//ترتيبه الثاني بين اخوانه
عدد اخوانه//بنت تكبره بسنه وبنت عمرها6سنوات وولدعمره3
امه//عصبيه في بعض الاحيان وبعض الحيان تلعب معهم وتتابع التلفاز معهم بجانب الجو الديني الي يعيشونه مع المواضبه ماشالله على الصلاه
والده//لايبخل عليهم بشي احلى فتراته وقت الغداء مع الاولاده نادر مايكون عصبي معهم ولاكنه صارم جداا

اريحينا الله يجازيك كل الخير

 

[أ.نجوى ناجي]

عزيزتي هل الوالد علاقته مع الطفل غير جيدة ؟؟لأن حل المشكلة لا يكون هكذا , حل المشكلة فعلا لابد أن يأتي من خلال الأب ولكن بلا صرامة وبلا ضرب , يأتي بالصداقة واللين والتفاهم والنقاش , يجب أن يفهم الطفل بالتدريج ماذا يعني عضوه وكيف يعتني بنفسه وماهو البلوغ وهكذا ..

 

[تذكاار]

اسمحيلي دكتوره ع التاخير---علاقته بوالده جيده والحمد لله وامه دايما من يوم هم صغار تشرح لهم ان اجسامهم الهم وعوراتهم ماحد يشوفها غيرهم وكيف يكون منتبه اذا تكلم معاه اي احد على ان يشوف عورته كيف يصده ولايسمح له--ووالده طول القت الي يكون معاه يكون يسولفون مع بعض عادي كانهم اصدقاء غير الفترات الي يكون فيها تعبان من الشغل يجي مزاجه تعبان شوي--مايحب يكلم احد--وهذا يكون قليل جدا

شو الحل يادكتوره اختي من ذاك اليوم وهي تعبانه نفسيا--بس عادي تتكلم معاه هي وابوه عادي ما كان شي حصل معاه

شو التصرف الصح وشو نصيحتج الها
ارحميها الله يرحمج الغاليه

 

[تذكاار]

بخصوص ضرب والده له---لما سالت اختي قالت انه العام حلفله اذا عاد مثل هذا التصرف انه بيضربه وان امه سامحته مرتين من دون علم والده وهذي المره قالت انها لازم تعطي والده علم على اساس الولد مايتعلق بمثل هذي الامور --وهو الحين رايح الصف الخامس--يعني مستحيل يكون سن مراهقه لاني احسبه صغير ع المراهقه--

وانت شو تقترحين علينا جزاااااااااااج الله الفردوس الاعلى

 

[تذكاار]

وييييينج يادكتوره تاخرتي عليه واااااايد اترياج الغاليه

 

[تذكاار]

نحن في الانتظار عزيزتي
وووووووووينج

 

[تذكاار]

مرحبا الغاليه ويييييينج ووين نصايحج الغاليه---بعدنا في الانتظاااااااااااااااااار