مشكلتي ياخوات التوجيه باسرع وقت احتاجكن لحظات

[@أمل رغم الالم@]

بسم الله الرحمن الرحيم
السلام عليكم ورحمة الله
اخواتي المعلمات والمشرفات وذوات الخبرة جزاكن الله عني خير الجزاء
ابي شوركم وعدلكم حسب اللوائح الادارة والتوجيه والوزارة حسب القانون
انا صارت لي مشكلة مع طالبة في المدرسة
اولا المدرسة اهلية,الشي الثاني انامدرسة مرحلة ابتدائي وولدي يدرس تمهيدي في نفس المدرسة تمام...
كان قبل كم يوم الحفل الختامي للتمهيدي..واستاذنت المساعدة عشان احضر الحفل وسمحت لي جزاها الله خير وانا اصلاماكان عندي شغل..
ادارة التمهيدي استعانوا بطالبة من الثانوي تقدم فقرات الحفل وفي اثناء الحفل قامت عددمن الامهات بالتصوير بالجوالات..!
تم تنبيههن عبر المايك اكثر من مرة والمساعدة ايضادارت عليهن وحدة وحدة لكن بعضهم استمر اضافة الى بعضالمعلمات اللي شاركن في الخطاء..
المهم انتهى الحفل بنجاح..وانبسطت فيه وفرحت بنجاح ولدي
بعد ماراحو المسؤلات اللي هم المساعدة حقت المهيدي وحقت الابتدائي قامو المعلمات استنزلوا اتستهبال ورقص..
انا كنت مكان المتفرج وتقدمت الى الطاولات الامامية,,ومن اول الحفل كان معي ضيفة تصير حماة زميلتي وعمة بنت زميلتي في التمهيدي وجاية تحضر حفل بنت اخوها..
وكانت معي طول الحفل وللامانة ماشفتها تصور..
المهم مقدمة الحفل اللي هي طالبة الثانوي جات عند طاولتي وفتشت جوال الضيفة اللي معي <<قالت لها بأدب ممكن تفتحين جوالك قامت الضيفة واعطتها الجوال !!رفضضت الطالبة فتحه وتفتيشه بزعمها مومن حقها انها تفتح الجوال قالت:افتحيه انت على اخر مقطع ..هنا انا تنرفزت شوي وما عجبني اسلوبها وكان الموقف محرج لنا كلنا احرجت الضيفة بقوة وعطتها لهجة:قالت ايش تبغين افتح لك مقاطع مثلا؟؟والا صورر؟؟؟
في هذا الاثناءتكلمت انا وقلت :فلانة انت صورتي قالت:لا قلت اجل لاتفتحين جوالك؟؟!
الطالبة انفعلت وتكلمت على وقالت انت ماتتدخلين ووووو الخ
وبعدين راحت تفتش جوال ام من الحضور كانت تجلس امامي واستاذنتها في التفتيش وبعدين وجهت لي كلام امامها واللي حولنا كله يسمع ناهيك عن زميلاتها بنات الثانوي اللي معاها
وقالت اصلا هذي المعلمة كذا<<قصدها اسلوبي موعاجبها,,
وقهرتني لماتكلمت على قدام الام وتنرفزت وحطيت يدي على الطاولة وقلت لها احترمي نفسك؟!!!
قالت انا محترمة انا مؤدبة انامدري ايش ...قلت لها المؤدب والمحترم مايرفع صوته على اللي اكبر منه؟؟
وشوي الا جابت امها وكلمتني باسلوب مدري وش يبي؟؟!!
لحظتها كنت جالسة على الكرسي والمدرسات يرقصون والكل مشغول
واشوفها وهي جاية ناصيتني جت عندكتفي قالت لوسمحتي انا ما اسمح لك تتكلمين على بنتي؟؟قلت والله لاتكلمت لا عليك ولاعلى بنتك؟؟
قالت على العموم انت بكرة مشكية !!!
<<يعني بتشتكي على عند الادارة..
قلت لها روحي اشتكي انا ماقلت لك شي..شوي جت وحدة من المعلمات تفرق بيننا وتقول ياجماعة صلوا على النبي اذكروا الله..رجعت الام مرة ثانية وقالت:انا بنتي محترمة انا بنتي مكرمة انا بنتي التوجيه يعرفها...
قلت لها وانا بعد محترمة ومكرمة والتوجيه يعرفني.؟؟؟
ورجعت وصاحت باعلى صوتها انت مشكية انا بشتكي عليك بصوت عالي في الساحة قدام كل الناس
من معلمات القسمين الى الاهالي الى الطلاب جميع المراحل الى ابنائي
فقلت لها غاضبة روحي اشتكي اعلى مافي خيلك اركبيه
بعدها دخلت عند المساعدة وخبرتها باللي حصل وطلبت رد اعتباري في هذا الاثناء طلعت المساعدة واغلقت الباب علي اذ بالبنت وامها عند الباب للشكوى وداربينهم حوار وبكت الام بكاء ولفقواعلى كلام ماقلته اني قلت للبنت ياحيوانه واحد قال اني قلت ياحمارة واحد قال اني قلت يا حقيرة
ووالله يشهد علي اني ماتلفظت عليها بقلة ادب نهائيا
ثم دخلت البنت على في المكتب بلا استئذان ودعت على قالت>>حسبي الله عليك مثل مانزلتي دمعةامي جعلك تشوفينها في عيالك <<
الموضوع بدء بسوء تفاهم وماقصروا بالاهانة في النهاية رفضو الصلح ومصرين على الاجراءت تاخذ مجراها

اللي ابي اعرفه وين الخطاء اللي ارتكبته ؟؟؟
واللي قاهرني ان المدرسة صح ماتبي مشاكل لكن محمليني جزء الخطاء
انا تعبت من المشكلة
وابي حل بانصاف يريحني
الله يريح اللي تريحني
وشكرا
انتظركم

 

[النوم سلطان]

ماعليك منهم اعلى مافي خيلهم يركبونه
انتي اكتبي خطاب رسمي ووجهيه للاداره وخليهم يطلعون له رقم رسمي
واذا استلزم الامر شهدي صديقتك في الموضوع
وحطي رقم بطاقتها وتوقيعها


وطنشيهم قلت ادب الى ابعد الحدود
استغرب من بعض الامهات اللي يعودون بناتهم على الكذب وقلت الحياااء

<<عصبت​

 

[@أمل رغم الالم@]

هلابك اختي
ماتتصورين قد ايش اتعبني الموضوع
وانا فيني طيبة دايم اتسامح واتنازل لكن الموقف هذا مستحيل اتنازل اواسكت عنه
اتعبتني واحرجتني وبهتوني في الالفاظ
على العموم انا فتحت محظر
وكتبت فيه شكوى واعتراض
والمديرة موقفها عادل وقالت الحق عليها موعليك
وعلى ماقالت زميلتي (هي تدفع وانت يندفع لك)؟؟؟
المدرسة موحابين الموضوع يكبر ولايبون يخسروني ولايخسرونها يبون يرضون ولى الامرللطالبة
امدرسة ادارتها من الرجال(المدير التنفيذي)
والعام اخرالسنة جاتنامديرة من التوجيه تقول انا المسؤلة عنكم في كل شؤنكم من توظيف الى غيره وادارة الرجال مالهم دخل فيكم
المدير التنفيذي وهو يكلم مديرة المدرسة يبي يحملني جزء الخطاء ويعطيني لفت نظر ويخصم من الراتب
انا رافضة تماما اني اوقع شي رسمي
واذا استدعى الامر وكبروها اتصلت بالمديرة المسؤلة عنا من التوجيه
ودعواااااتكم لي ان الله ينصرني ويحق الحق ويزهق الباطل
حسبنا الله ونعم الوكيل

 

[@أمل رغم الالم@]

وينكم يا اخوات ابي اراءكم

 

[@أمل رغم الالم@]

سبحان الله وبحمده

 

[امرأة انا]

سبحانك اللهم وبحمدك استغفرك واتوب اليك ما نقدر نحكم ونحن ما شفنا ولا سمعنا لكن ادعي ربك وربي ينصر الحق تحياتي

 

[@أمل رغم الالم@]

جزاك الله خير
بس ابي الراي على الاقل حد قولي وللي عنده خبره يفهم بالقوانين واللوائح التابعة للوزارة التربية والتعليم مثل اذا اخطاءت معلمة على طالبة او طالبة على معلمة
انا ابيها على حد الامر المطروح بمشورة عادلة
وكل المواضيع من استشارات ومشاكل مارايناها ولا ندري عنها والناس تاخذ بالظاهر
وفي كل الاحوال الله مطلع وبصير بالعباد

هذا اولا
وثانيا الحمدلله انتهى الموضوع بسلام
وتوفيق وتقفل المحضر
وكل واحد راح في حال سبيله

اللهم اني اعوذبك من ان اضل اواُضل او ازل او اُزل او اظلم اواُظلم او اجهل او يجهل علي