مشكلتي والحمل

[مريوم الحلوه]

انتي مثل وضعي بالضبط بس الفرق انا متزوجه من 9 شهور وكم يوم

وسويت الفحوصات بالصدفه اكتشفت هرمون الحليب بعد زواجي بكم شهر واخذت العلاج شهر ونزل
والمشكله الثانيه هي الاتهابات البول
وغير كذا كان عندي تشنج مهبلي يعني مايصير ادخال كامل

بس يعتبر وضعج طبيعي ومايعتبر متأخره في الحمل
وكيف تفكر الدكتوره تسوي لج اشعه الصبغه احسه بدري ع الاقل بعد ماتكملي سنه ع زواجج
انا سويت جميع الفحوصات وطلع كل شي سليم بس باقي اشعه الصبغه ولا افكر اسويها الحين
وباقي زوجي يسوي فحوصات هو يقول بعد مانكمل سنه بروح

وان شاء الله مانكمل سنه الا احنا حوامل
انا صدقيتي راحت لدكتوره متزوجه قبلي وسبحان الله خلاص بتروح للموعد بعد شهر وطلعت حامل
ويمكن انتي حامل
ماتدرين واذا متاخره عليج سوي فحص يمكن حامل اذا دورتج منتظمه ومتاخره 4 ايام سوي تحليل حمل وان شاء الله حامل
​

 

[ام ريهـام]

حبيبتي مشكوره على مرورك
وردك .!.
انا كملت سنه وشهر
وهرمون الحليب ارتفع عندي واخذت علاج له ونزل بسرعه
والالتهابات(البول,المهبل) كلها تعالجت عنها والحمدلله راحت
طبعا التهاب البول كان كل شهر رسمي يجي لي بس بديت اشرب مويه اكثر من قبل والحمدلله راحت مني ...
بالنسبه لاشعه الصبغه الدكتوره كل حين تأجلها ماودها تسويها الحين
قالت لي بالاول زوجي يحلل واذا طلعت النتيجه ذاك الوقت يصير خير...
انا بكرا موعدي بخليها تسوي لي تحيليل حمل ...وان شالله خير
واذا ماطلعت حامل اكيد راح نعيد التحاليل(بول .وهرمونات)

وخير البر عاجله

ودام طلع كل شي سليم فيـــــــــك
انتظري تحاليل زوجك وحرصي عليه انه يتابع علاجه وموعيده ولايهمل اي شي

وان شالله نطلع حامل انا معك ومشكوره على دعواتك يالغاليه

طمنينا وش يصير معك ومع زوجك ..
​

 

[ام ريهـام]

بسالكم انا دورتي متأخره 4 ايام
ابلع حبوب تنزلها ولا كيف .!
ولا انتظرها
ولاولا؟؟؟

 

[ليدي ليدي**]

الله يرزقك بما تتمنى ياكريم يارب

 

[أم رامــا]

ماعندي خلفيه ياقلبي وإن شاءالله البنات يفيدوك
والله يرزقك بالذريه الصالحه عاجلآ غير آجل

 

[دمعه بلمعه]

توكلي علي الله ونسي الحمل

 

[وحيده في دنياي]

الله يرزقك بالحمل السليم
عاجل غير اجل ياااااااااارب

 

[لعبةf]

ام ريهااااااااام
الله يسعد قلبك لا تاخذي علااااااااااج كثيرررررر لان بيعدم الجسم
خذي كل يوم ملعقه صغير بردقوش ومراميه مرتين في اليوم
حطي مووويه حاره وغطي الكاااااااااااسه وتشوووووفي كيف الدورة بتنتظم بسبب بردقوش
والمراميه حق هرمون الحليب
والمراميه لما تجي لك الدورة لا تستخدميه بعد الدورة
ولا تفكري كثيررررررررررررر
الله يررررررزقك ياااااااااارب​

 

[يفداني بقلبه]

لاتنزليها الا بعد ماتسوين تحليل دم للحمل اذا مافي حمل اخذيها
وبالتوفيق
ان شاء الله نحمل هالسنه كلنا يااااااااارب:11:

 

[blue]

الله يرزقج اللي تتمنينه

 

[ام فيصل و دانه]

الله يرزقك ياقلبي

 

[ام ريهـام]

ليدي
أم راما
دمعه بلمعه
وحيده
لعبه
يفداني بقلبه
ام فيصل
blue

الف شكر لقدومك اخواتي الكريمات الله يعطيكم مرادكم ويسعدكم يارب​

 

[ام ريهـام]

خواتي راح اكتب لكم وش صار معي ..
انا خبرتكم انو دورتي منتظمه كل 25 يوم بالضبط تجي لي اذا بتتأخر يوم بس او تجي قبل موعدها بيوم او يوم
من كثره المشي او من اكل الحموضه او الفلفل
انا هالمره تاخرت اربعه ايام ...وكان باليوم الرابع (يوم الاربعاء هذا)موعد مع دكتوره النساء
وخبرتها عن تأخرها وقالت ان شالله تكوني حامل بس مارضت تاخذ مني تحليل تقول تعب اخذ تحليل لانه احتمال كبير بيطلع سلبي قالت انتظري ليوم السبت وتعالي سوي تحليل وان شالله تطلعي حامل !
بس طلعت من المستشفى رحنا البيت انا وزوجي وشربت شوربه فيها فلفل ونزلت على طووووووووووووول(انا قلت لزوجي انو الفلفل ينزل الدوره بس ماصدقني ...)
؟؟..يعني لو اني حامل ومتأخره دورتي واكلت فلفل ولا حامض ولا مشيت وايد نفس الشي راح تنزل الدوره ؟؟؟
والشي الثاني ...
هالمره لما تاخرت دورتي هل راح تتعدل الشهر الجاي
في وحده فيكم مرت بهالمرحله تخربطت دورتها شهر ورجعت تعدلت لوحدها الشهر الجاي؟؟؟
لاني مابي اتعذب انظمها وووو...لاني من تزوجت تخربطت وتنظمت لوحدها .!

بالنسبه للمرمريه اخذها بعد الدوره ولا مع الدوره ؟؟؟
وابغى حاجات للي تعرف حق هرمون الحليب !!
انا بصراحه لما كان مرتفع عطتني علاج الدكتوره لما انتهيت علاج سويت تحليل ونزل للحد المطلوب
بعدها ماحللت صراحه ...
حاطه في بالي احلل هالشهر لان في حاللات واجد تعبت وهي تنزل بهرمون الحليب يعني مو معقوله مارتفع عندي
وهم في حاجه بسالكم وياها !!
هل الضغوطات النفسيه والضيقه لها علاقه بارتفاع هرمون الحليب


اعذروني ع الاطااااااااااااااااااااااااااااااله
اتمنى تفيدوني وتعذروني
​

 

[sun lines]

هلا فديتج
والله انا بعد مثل حالتك هرمون الحليب مرتفع والبويضة صغيرة وما صارلي حمل من سنة و 6 اشهر
بس سمعت والله اعلم النفسية تلعب دور كبير ف الحمل وكثر التفكير هو اللي يخلي هرمون الحليب مرتفع.
والله اعلم وعسى ربنا يرزقنا الذرية الصالحة ياااااااااااااااااارب.

 

[فراشه الامل]

انا كانت عندي التهابات شديده وما كان ينفع الدوا بعدين صرت اكل كل يوم ملعقه عسل الصباح والحمد لله الحين مافي اي شي

 

[فديت عبودي]

الله يرزقك بالحمل السليم الثابت ويرزقني

 

[حرم عدوله]

قولي آمين يااختي ان شاء الله مايجي الشهر الجاي الى انا وانتي وكل بنات المسلمين نكون حاملين واختي طبيعي ترى شوفي انا لي سنه و4 اشهر ولسى ماحملت مع ان كل شي سليم بس ربي ماكتبه والله يفرحنا يااااااارب ولاننحرم من الذرية

 

["حورية الأرض"]

حبوبة " الحمل بيد الله احيان ناس كويسين ولافيهم اي شي ولسى ربي ماكتب لهم الحمل

يعني كثري الدعاء واللجوء لربك والاستغفار وربك كريم مايخلي احد دعاءه

ولاتنسي صلاة الليل ترى لها مفعول قوي في حياتنا لان ربي ينزل في هذي الساعة ويقول لعباده

ادعوني استجب لكم وربي ينولك مرادك وينولنا مرادنا "آآآآآآآآآآآآآآآآآآآآآمين

 

[ام ريهـام]

مشكورين حبايبي
طمنتوني ..
الله يرزق كل محرومه يارب...!!
بالنسبه للالتهابات انا تخلصت منها والحمدلله بس احس مرات تغيير في لون البول لكنه بسيط
ومع ذلك خايفه تكون معي نسبه التهاب! حتى لو كانت بسيطه انا مابغى ولا 1%
ومع ذلك مافي حراره بالبول
ياخوات في وحده صار معها التهاب من غير حراره بالبول او الم بالكليه !؟
وهل تنصحوني بأكل عسل طبيعي ع الريق بدون ماخذ تحليل ولاشي!(هذا بالنسبه للالتهابات*)
بالنسبه لهرمون الحليب من نزل اخر مره مارحت شيكت عليه !!
تنصحوني اروح اعمل تحليل لجميع الهرمونات !؟
وبعدين ولا وحده طمنتني بالنسبه للدوره !
في وحده تخربطت معها شهر وزادت عن موعدها اربعه ايام واكثر والشهر اللي بعدو رجعت لطبيعتها ولا لا.!


وبالنسبه لكلام بعض الاخوات انو في ناس سليمين ولا حملو وهذا الشي بيد الله ..
ونعم بالله وانا اعرف ناس كثير سليمين وماحملو لحد الحين !
بس الواحد يبغى يتطمن على حاله ويعمل جميع الفحوصات ويحل جميع المشاكل وبعدين متى مااله اراد الحمل...

​

 

[جمالي بأخلاقي]

الله يشفيييييييك أختي