مشكلتي وابي حل نفسي ..مع خطيبي

[دلوعة نور عيوني]

السلام عليكم ​

اناوالله تعبت جد ​

اقولكم المشكله من البدايه يمكن تكون طويله بس ابي احد يسمعني ويقولي شسوي ؟؟​

انا الحين بالجامعه سنه اولى ...ومن انا في متوسط كنت احب ولد عمي بس ماكنت اقول لاحد وكانت اخته صديققتي حيل اقرب وحده لي وقلت لها بس قلت لها سر هالشي بيني وبينج لاتقولين له بس اهي قالت له تحب فلانه قال لها اي من زمان وانا استلطفها واحبها قالت اهي تحبك المهم هذا البدايه
طبعا مابينا اي شي سلام من اخته بس .. يوم كبرت سنه كان يقول حق اخته ابغى اكلمها وابغى اميلها بس انا ماكنت ارضى وهوا يحااول بس مارضيت يوم خطبني كلمته على المسن في البدايه وكاانت ايااااام حلووه واخيرا الحلم تحقق ..ومره شفت جواله في حرف s وطبعا هذا مو حرفي وبعدين كلمته مسن وقلت له وقال لاا بس كذا وخرابيط ولاتهتمين وبعد فتره قال انا احبك وابي اقولك على كلشي في حياتي انتي بتصير مرتي وانتي حبيبتي مابي اخش عنك شي ...وياليت مااقاال لي يااااليت:tears:​

قال انه كان يكلم وحده وتم يكلمها اربع سنين بس يقول والله ماكنت احبها وكنت كلا اشكي لها عنك وانك ماتعطيني وجهه وانتي حاسه فيني مجررد صديقه وعلاقتنا كانت محترمه لابعد الحدود بس الحين يوم خطبتك خلاص وقال لي اسمها وعرفت انه كان يقصدها الي بالجواال :tears:​

انا هنا انقلبت حياااتي من هالنقطه والله كنت في حالة لايعلمها الا الله على طول اصيح واقول له ياخااين ويقول انتي السبب ليه ماكلمتني لييه ويصييح وكان كلا يصييح وحسااس قال انا اول محتاج لك والله انتي السبب في كلشي .تقريبا هالكلام من سنتين ..وقال انتي انسي ونسيني ولاتجبين هالسالفه ​

انا في قلبي جررح كبيير مو راضيه انسى وديما اقوله واذكره وليش سويت كذا وليه وليه يقول لو ماحبك ماقلت لك كلشي بحيااتي والله لاني احبك واحترمك قلت لك وخلااص للاتفتحين هالموضوع تكفيين ..وانا ابد مانسيته ويصير هوااش بسبب هالشي انا ادري المفروض مافتحه بس مااقدر والله قلبي يعووني ..وهوا يمووووت فيني والله اشوف الحب في كل تصرفاته ولافي شي يثبت انه يذكرها ​

بس احسه كلا حززين ويميل للاشيا الحزينه مادري ليش بسسبها ؟؟​

وقال لي اذا جبنا بنت بنسميها هالاسم يعني اسمها قلت له لييييييش وقال ليش وماليش وانا ماقصد شي بالاهسم وبالعكس انا بسمي بنتنا علشان مايسبب لك حساسيه ويصير طبيعي وانا كلش ماتناقش في الموضوع اسكره على طول واهوا عادي ​

ونسيت هالموضوع انا تقريبا ​

واليوم كنت اكلمه وجات سالفه عن وحده خاايسه واخلاق مافي قال احلى مافيها اسمها ​

انا هنااااااا بديت اصييح ولليش انت ماتحبني ليش تسوي لي كذا قاال شفييك شصار قلت انت تدري وتعرفني حساسه في هالنقطه قال انتي شفييك مجنونه وصاار كلاام طووووويل ​

وبعدها ماشووفه يتكلم سااكت قال فلاانه انتي تدرين اني احبك واموت فيك ولا افكر في غيرك ليش شفيك ليش شااكه انه في احد يشاركك في حبك انتي معقققده مقعده نفسك وللا اهو اسم وعصصب حسيته وتعب وقام يتنفس بقووه قال انا تعبت انتي تتعبين والله النسياان نعمه خليني اهنى بها كل ممابنسى تذكريني خلاص انا تعبت منك ​

وتم ساكت وحسيت يصيح قال انا احبك ليه تسوي لي كذا وبعدين سكر قال بنام انا اول مره يناام بدون مايقولي نامي انتي ويوصيني ويقول تصبحين على خير حتى لو كنا متهاوشين اكبر من هالهواش مايسوويها بس شكله صج صج زعلان وبقوه قلت له خلاص سامحني قال كلا اسامحك ماتغيرتي خلاص تعبت يلا باي بنام​

اخاف هون مايحبني مثل قبل لانه اول مره اشوفه منفعل لهدرجه ومنقهر مني يقول انتي
متى تهدين هالعقده ؟؟ترى انا تعبت ​

منو الغلطاان اهو يحبها ولا شنوو ؟؟ شتفسروون لي وشلون انسى شلووووووون ماتحمل ​

ليه قال انا كل مابنسى تذكرني معناتها يحبها ولا كان يعزها شنووو ؟؟ ​

ابي حل ارجووكم سنتين ماتغيرت :tears:​

 

[ذبحني الخوف]

ياحبيتي مدامك تدرين انه يحبك

ليه تذكرينه

خلاص حاولي تنسي هو غلط واعترف

بغلطته خلاص لاتذكرينه وعيشي حياتك

موفقه قلبوو

 

[gOoOoOory]

حبيبتي لا تذكريه بالموضوع ولا تجيبي طاريه وحاولي تنسي وتنسيه وهو لو كان يحبها ما كان قلك ع الموضوع وجاب لنفسه الشك

 

[ج ـنون الكـون]

دلووعه ..؟
الله يهديكِ بس ..

انتي بطرريقتكِ هذي تخلينه يتوووووووب يقوولك شي من اسراره ..<لان كل ماقال لك شي صررختي بووجهي وعفستي الدنيا ورجعتي الاول والتالي ..

كذا يضيع منك وربي .. خليك ريلاكس خيتوووو .. ولو يحبها ماخطبك ..

واذا بترتاحين من ناحيتها خليه يغير رقم جوواله (مع ان الي بيخون يخون) ..

وعيشي احلى ايام(فتره الخطووبه) .. ولا تقوومين تذكرينه بهالاشياء وفيهاا (لان كل انسان له مااااااضي)

انتي كذا تذكررينه فيهاا اكثر ..وتحننينه عليهاا ..وتنفرينه منك .....!

اعقلي خيتوووو ..وخلي قلبك كبيررر من هالناحيه ..
والله اعررف بنات عدوو اشياء من جد كبيررره واستحملو وسكتو(صح مانسيو بس خلاص سكتوو) ..

عليك بالجااي ..


موفقه قلبوووو .. ربي يدووم لكم حبكم ..

 

[دلوعة نور عيوني]

مشكوررين بنات

والله انا الي ودي انسى بس صار في قلبي جرح

واذا على جواله متأكده ماعنده شي لها كلشي انتهى

بس الي ابي افهممه اهو كان يحبها ولا ..ليه يقول خلني انساها الا انه كان يحبها

رسلت له مسج قلت له مو عارفه انام طمني عليك ولا رد علي ولاشي مادري شسووي ؟؟؟

 

[ج ـنون الكـون]

اعطيه فتره لاتتصلين عليه .. لين يهدآ ..
وان شاءالله يسير كلش تماااااااااااااااااااااااام ..

 

[دلوعة نور عيوني]

جنون الكون انا بعطيه وقت

بس ماعطتوني الحل النهائي وشو اسوي معاه وكيف لازم اتعامل معاه ؟؟

 

[بردايس]

ماعرف وش اقول لك حاسه فيك وعارفه انك تغارين عليه , بس لو فكرتي بتحسين انك معطيه الموضوع أكبر من حجمه
اقولك لك ليش :

*الرجال قالك عن كل شي لانه يبي يفتح صفحه جدده ونظيفه معك ..
يبي حياتكم كلها تكون واضحه ..

و انتي مالك حق تحاسبينه على الماضي .. حتى لو كان يحبك في هذيك الفتره ..
بس ماكان ملك لك ماكان زوجك .. الخيانه تبدا في الوقت اللي انتي تكونين معه .. وهنا لك الأحقيه في التصرف

فـ من اليوم أنسي كل اللي صار .. وافتحي صفحه جديده .. واذا جاب طاري هالاسم
حاولي تكونين عاديه وريلاكس .. تراه مجرد اسم .. اجل بكره لو طلعتي معه السوق بتغمضين عيونه لايطالع
الحريم والا لحد يطالعه .. صعبه ..

وحطي في بالك نقطه ( لو كان يبيها كان خطبها هي ترى مافي شي يمنعه ... بس هو خطبك انتي لانه يحبك ولانه يعرف انك انتي اللي بتسعدينه )


الموضوع بيدك انتي .. ياتنسينه .. ياتخلينه يرجع كلمها او يكلم غيرها عشان يثبت كل شكوك انها في مكانها الصحيح
ويدور راحته ويطلع من الهم اللي انتي محاصرته فيه وفي هذاك الوقت ماراح يراعي مشاعرك مثل مايراعيها الحين ..

لما تكلمينه .. لاتفتحين له الموضوع نهائيا .. تكلمي عادي ما كأنه شي صار .. لانك اذا ناقشتيه بيرجع يقول لك نفس الكلام
وانتي بتقولين نفس الكلام .. ووسعي صدرك واستانسي بفترة الخطووبه .. وفرفشي الدنيا حلوه ^_^ الله يووفقك يارب ويتمم لك على خير

 

[دلوعة نور عيوني]

ماعرف وش اقول لك حاسه فيك وعارفه انك تغارين عليه , بس لو فكرتي بتحسين انك معطيه الموضوع أكبر من حجمه
اقولك لك ليش :

*الرجال قالك عن كل شي لانه يبي يفتح صفحه جدده ونظيفه معك ..
يبي حياتكم كلها تكون واضحه ..

و انتي مالك حق تحاسبينه على الماضي .. حتى لو كان يحبك في هذيك الفتره ..
بس ماكان ملك لك ماكان زوجك .. الخيانه تبدا في الوقت اللي انتي تكونين معه .. وهنا لك الأحقيه في التصرف

فـ من اليوم أنسي كل اللي صار .. وافتحي صفحه جديده .. واذا جاب طاري هالاسم
حاولي تكونين عاديه وريلاكس .. تراه مجرد اسم .. اجل بكره لو طلعتي معه السوق بتغمضين عيونه لايطالع
الحريم والا لحد يطالعه .. صعبه ..

وحطي في بالك نقطه ( لو كان يبيها كان خطبها هي ترى مافي شي يمنعه ... بس هو خطبك انتي لانه يحبك ولانه يعرف انك انتي اللي بتسعدينه )


الموضوع بيدك انتي .. ياتنسينه .. ياتخلينه يرجع كلمها او يكلم غيرها عشان يثبت كل شكوك انها في مكانها الصحيح
ويدور راحته ويطلع من الهم اللي انتي محاصرته فيه وفي هذاك الوقت ماراح يراعي مشاعرك مثل مايراعيها الحين ..

لما تكلمينه .. لاتفتحين له الموضوع نهائيا .. تكلمي عادي ما كأنه شي صار .. لانك اذا ناقشتيه بيرجع يقول لك نفس الكلام
وانتي بتقولين نفس الكلام .. ووسعي صدرك واستانسي بفترة الخطووبه .. وفرفشي الدنيا حلوه ^_^ الله يووفقك يارب ويتمم لك على خير

كل كلمه قلتيها صح والله ريحيتي قلبي بردك

حبيبي خطيبي والله قلبي يعورني عليه قسيت علييه حييل :tears:

والله يووفقك حبيبتي

 

[Ms Uae]

الله ييسر أمورج ويهديج

حبيبتي

الانسان يغلط بس لازم يحصل له فرصة..هو خبرج عن كل شي وصارحج..لا تخلينه يندم..

شوفي اذا انتي صدق تحبينه..بتخلينه ينساها..خليه ينساها..ولاتتمين تذكرينه بالموضوع

حبه اللي كان فالبداية كان مراهقة..وطافت عليه..خلاص اللي فات مات..انسيه..هو الحين حصل الانسانة اللي يحبها..

ليش تخلينه يبعد!!

كوني شاطرة وذكية..لازم تقربينه صوبج..مش تبعدينه..

وعن موضوع الاسم..بس تعرسين..وتحملين وتيبين بنت ..بيكون لكل حادث حديث..

بس جد..يوم بيي هاك اليوم..تدلعي وقولي خلاص احنا نسينا..خلني اسمي الاسم الفلاني..اذا قال لا ..قولي خلاص غيره.بس ها الاسم ما يعجبني (بس ما يعجبج مش تغارين منها او شي..)

يلا الله ييسر عليك ويوفقج

طمنينا عليج..

وكفاية دلع بنات حبووبة

أختج

Ms Uae

 

[دلوعة نور عيوني]

انا صدق غبيه ماعرف اتحكم بمشاعري فيي االبدايه صبر صبر

بس شكلي صج ببعده بديني لانه للحين ماكلمني مو من عوايده

رسلت له قلت سامحني قسيت عليك وتصرفي كان طفولي

مادري عنه للحين الله يعدي على خير يارب طلبوا لي

 

[اعلامية طموحة]

تصدقي عصبتيي .. صدق انك دلوعه

ياختي كلنا معشر البنات علينا حركات طفوليه .. بس انتي غير روحج فيلم هندي لحالج

كأنج تقوليله ايوا انا مازلت مثل قبل .. والسبب اللي خلاك تبتعد قبل .. بعطيك اياه في طبق من ذهب

ومثل ما لجأتلها قبل .. الجألها الحين

تصدقي تضايقت منك لدرجة مافيني اكتب

بروح اسوي لي عشاء متأخر وبعد ما اتعشى واهدي اعصابي برجعلج :essen:

وجهزي نفسج بتتكفخين وبتتسطرين وبتنعضي بعد :flex:<< لا تضحكي اتكلم جد:busted_red:​

 

[دلوعة نور عيوني]

ههههههههه والله اني غبيييييه واعصابي هالايام مادري شفيها

احسن تعالي وكفخيني ابي احد يكفخني انتي اختي ماعندي خوات نصحيني تكسبين اجر فيني خخخ


انتظرك حبيبتي

 

[اعلامية طموحة]

عدنا​

بعد العشاء المعتبر مع برتقالة لذيذة هدت اعصابي خلاص ومابتتكفخين​

اسمعي يا حلوة الحلوين​

انتي قلتي ان رغم الحب اللي بينكم ماتواصلتي مع الريال .. مع انه هو حاول وحاول بس ماشي فايده انتي كنتي مصرة على رأيك وتمسكتي فيه .. وهو احترم هالقرار وخلاك على راحتك​

لـــــــــــــــكن .. ولأنه هو كان محتاج التواصل مع انثى .. ومحتاج يحس انه مرغوب ويريد حد يهتم فيه .. دور على وحده وأكييييد حصل ..​

بس لما انخطبتوا قرر انه يصارحك بحجة انه هو مايخبي عليييج وانه هو شهم وكريم ومحترم .. وهذا كله علشان امرين والله اعلم

1. علشان يطلع جدامك بمظهر الرجل اللي ما خبى عليج وكان شجاع وصارحك.. علشان يكبر بعينج ويحصل اهتمام اكبر​
2. علشان تحسي بغيره ورغبه في ازاحة اي انثى من طريقك ..ويحصل اهتمام اكثر​

بس شو اللي حصله:no: ... العكككككككككككككككككككككككسسسس​

ماقلنا شي .. تغاري وتزعلي حبتين بس .. شوية عتب علشان الأيام الخوالي:blushing: .. مب زوبعه.. :crazy:​

حبيبتي المفروض انك تقدري له شجاعته لاااا وتضخميها وتفتخريبها قدامه وتمدحيها وتنفخيه:flex: .. خليه قدامك يجللس كأنه عنتر بن شداد .. لاتخليه يصيح :tears:ويتمسكن بس علشان يحصل حبتين اهتمام​

خطيبك يحبب الاهتمااااااام .. ولفت النظر .. التفتي له واهتمي .. مب كل شي يتمحور حولك وحول مشاعرج واحاسيسك وجرحك الكبير :no:​

بالنسبة للبنت هذيج .. انا ما اقولج انه هو مازال يريدها .. لأن لو يريدها كان من زمااااااااااااااان عطاج كووووووع .. وبيقولج انتي السبب لأن عبرت لج عن حبي وما اهتميتي​

بس اللي قولج اياه ان بنسبة 80% هالبنت مابتترك خطيبج .. يعني هي بتقول اخوة وهو بيقول اخوه .. وبيظل يفضفضلها عن تصرفاتج.. لين ماتحصلينها مستحوذه على كل الجو .. وانتي حضرتك بتكوني تدندني على الجرح القديم .. وتذكريه بجماااااااااااااااااال وروعة وبراءة العلاقة بينه وبينها​

اعقلي اعقلي .. مافي ريال تفصيل وعلى الكيف ... دايما وفي كل بيت مشاكل وصراعات من هالنوع .. والمفروض تنتهي من أول أو ثاني يوم الكثير​

وخلاص اتصلي عليه وكلميه عادي ولا تجلسي تقولي انا طفله وانا غبيه لاتقومي تصدقي بعدين :bleh:

لملمي شتات نفسك .. واوقفي كأنثى شامخه .. وبنت محبوبه من خطيبها وولد عمها .. وبينكم حب طاهر جميل تتوج بخطوبه جميله .. ولا تضيعي ايام خطوبتك علشان بنت الله يعلم ايش من شكل​

 

[دلوعة نور عيوني]

هلاا والله اختي

صدقتي في كل كلمه ..يااليتني عرفتك من قبل وينك عني من زماان

نصايحك والله درر ومشكوووووووووره صحيتني وانتبهت لاشياا كبيره غافله عنهاا

تصدقي كنت متحطمه وشايل الدنيا على رااسي بس كلامك خله عندي ثقه واعرف كيف احافظ على خطيبي الله يخليه لي ياارب

ابشرك توه شبك مسن وكلمني وقال لي هلا بالورد يعني رضى عني

بحااول اغير في رووحي ... وبخلي تفكيري شامل مو محدود

لك الف شكر حبيبتي

 

[Ms Uae]

هلاا والله اختي

صدقتي في كل كلمه ..يااليتني عرفتك من قبل وينك عني من زماان

نصايحك والله درر ومشكوووووووووره صحيتني وانتبهت لاشياا كبيره غافله عنهاا

تصدقي كنت متحطمه وشايل الدنيا على رااسي بس كلامك خله عندي ثقه واعرف كيف احافظ على خطيبي الله يخليه لي ياارب

ابشرك توه شبك مسن وكلمني وقال لي هلا بالورد يعني رضى عني

بحااول اغير في رووحي ... وبخلي تفكيري شامل مو محدود

لك الف شكر حبيبتي

الحمدلله انفرجت..

يلا الله يوفقك وييسر أمورك ويهديك..

طمنينا عنك..وكوني مثل ما وصتك إعلامية طموحة

 

[غلطت بحقي]

يااويل حالي انا >>عالورد^.*

شكلي ييت متأخره يعني ماينفع اقعد اتفلسف شوي اوني بيبلج حل>>خخخخخخخخ
بس الحمد لله انه موضوع وعدا ويارب مايتكرر
وبصرااحه ياحظج فيه>>قلت ماشاء الله
شكله صدق يحبج واهم شي يقدرج وصريح>>ياااااسلام
تستاهلين كل خير والله يوفقج ويسعدج

 

[دلوعة نور عيوني]

الحمدلله انفرجت..

يلا الله يوفقك وييسر أمورك ويهديك..

طمنينا عنك..وكوني مثل ما وصتك إعلامية طموحة

مشكوره حبيبيتي على هالدعاوي الحلوه

الله يوفقك ويرزقك بالي يستاهلك يارب

يااويل حالي انا >>عالورد^.*

شكلي ييت متأخره يعني ماينفع اقعد اتفلسف شوي اوني بيبلج حل>>خخخخخخخخ
بس الحمد لله انه موضوع وعدا ويارب مايتكرر
وبصرااحه ياحظج فيه>>قلت ماشاء الله
شكله صدق يحبج واهم شي يقدرج وصريح>>ياااااسلام
تستاهلين كل خير والله يوفقج ويسعدج

لاتحرجيني :blushing:

حيااك في اي وقت
ههههههههه الله يدووم انشااءالله

والله يرزقك بالي في بالك ياارب

 

[safeerth]

شوفي حبيبتي انتي اهتمي

في الاشياء للي يحبهاا

ودايم خليه واثق فيك وانتي لاتخشين عنه شي

انا وخطيبي الحمد الله كذا يعني صريحين
وقولي له ابي افتح صفحه جديده مافيها مشاكل واقولك كل شي بخاطري
وانت بعد مابيك تخش عن شي اتفقنا ومن الكلام الحلو

وكذا تنسينه البنت للي صار لها اربع سنين معه ترى فتره مو هينه وشفيك الله يهديك

وفكري في الاشياء للي يحبها لاتنسين

والغيره الزايده ترى تهدم كل شي انتبهي خليك هاديه

والله يوفقكم يارب