مشكلتي هي خطيبي

[دندونه@@@]

حياتي استخيري وتوكلي على الله بما ان الاغلبيه يمدحونه واللي يذمونه متناقضين

 

[دندونه@@@]

ممكن ان الناس اللي يوصلون لج كلام غير صحيح عنه لهم هدف وغايه لنفسهم لا تشتتين نفسج بكثر الكلام والقيل والقال وتزوجيه وانتي مرتاحه بس الاهم صلي الاستخاره قبل الملكه والله يقدر اللي فيه الخير...
انا بعد ما ملكت الناس ما قصرو فيني حطوا فيني عيوب وصفات سيئه وصلوها لزوجي ونفس الشيء سووه فيني قالو عن زوجي بلاوي لكن بفضل الله تم الزواج وتوفقنا ومافي شفت شيء من اللي سمعته عن زوجي لكن الغيره والحسد تسوي بلاوي....

 

[ام الغالين8]

ممكن ان الناس اللي يوصلون لج كلام غير صحيح عنه لهم هدف وغايه لنفسهم لا تشتتين نفسج بكثر الكلام والقيل والقال وتزوجيه وانتي مرتاحه بس الاهم صلي الاستخاره قبل الملكه والله يقدر اللي فيه الخير...
انا بعد ما ملكت الناس ما قصرو فيني حطوا فيني عيوب وصفات سيئه وصلوها لزوجي ونفس الشيء سووه فيني قالو عن زوجي بلاوي لكن بفضل الله تم الزواج وتوفقنا ومافي شفت شيء من اللي سمعته عن زوجي لكن الغيره والحسد تسوي بلاوي....

كلام صحيح هذا حال الناس اذا عرفو بسالفه خطوبه ام اذا كان فيه ملكه يمكن يخف كلامهم شوي والله يكفيك شر الحاسدين ويقدملك اللي فيه كل خير وسعاده

 

[ran4]

انا عكسك باول ايام خطبتي كانت اختي بنت امي وابوي تسبه وتقولي مالقيتي الاهو؟

لكن كبرت عقلي وتوكلت على الله واعتمدت على راي ابوي لانه نظرة الرجال للرجال اكبر واشمل.
والان والحمد لله لي معه 15 سنه طبعا لابد من الزوابع والعواصف لكن الله يرحمنا بررحمته الدنيا مودائما تصفى لابن ادم.

والان تدرين اختي مشاركته بمشاريع!يعني ربي وثره عليها وانا ولامره قلت له انها ماكانت تبغاني اخذك.

 

[^ملامح جفا^]

حبيبتي الماسهـ::::
أنا كمان مخطوبه وبصراحه شفت مشكلتك وتعاطفت معها كثير..
وربي حاسه فيك وش قد مشتته أفكارك...
لاتتسرعين وانتي القرار بيدك إذا حاسه هالامر بيندمك بعدين بامكانك تتراجعين...
هذي حياة مو فترة وتنتهي...

وحاولي تستفيدي من ذوي الخبرات واللي اكبر مني ومنك

ربي يسعدك ويوفقك ويسهل عليك واتمنى تطمنيني عليك يالغاليه...

 

[آلماسهـ]

اللؤلؤة
برد استخير مره ثانيه ان شاء الله .. مع اني كنت استخير لفتره طويله من بعد ما سمعت الكلام تقريبا يوميا .. وما كنت احس بشي و كنت دايما اقول اذا ما فيه الخير بيبعده ربي عني .. بس كنت اجوف الأواصر و العلاقات بين العايلتين تشتد ..
الله يتمم اللي فيه الخير ان شاء الله .. و يهنيج بحياتج حبيبتي و يرزقج باللي قلبج فيه ..

دندونه@@@
و أنا نفس الشي حاطه ببالي يمكن في نوايا سيئه لأني يوم اشتكيت لأمي قالت لي هالناس كانو يبونه لبنتهم ..
بس ما اعرف والله ..
و إن شاء الله حبيبتي برد استخير مره ثانيه و ثالثه و رابعه لين يهدى بالي ..
و ربي يرزقج باللي قلبج فيه ..

ام الغالين8
الله يهدينا من شر الحاسدين ..
تسلمين حبيبتي و ربي يرزقج باللي قلبج فيه

ran4
انا الشي الوحيد اللي مطمني بالسالفه انه ابوي راضي عنه تماما .. قبله خطبوني يمكن ثلاثه و لا اربعه و من عايلات راقيه و حسب و نسب بس رفضهم كلهم بدون لا ياخذ شوري حتى .. و هذا الحين بمنظور النسب اقل منهم بس الطريقه اللي يمدحه فيها ابوي استغرب منها لأنه مب من النوع اللي يمدح حد .. حتى الناس اللي حوالينا استغربو لأنه عايلتنا شوي وايد تطالع النسب .. حتى انه ناس من اهلنا الله يسامحهم قالو له ليش انت ولد منو عشان يقبل فيك فلان لبنته .. فاستغربت من تفكيرهم .. ربي اييسر اللي فيه الخير
تسلمين حبيبتي .. و ربي يرزقج بما تحبين و يرضاه ..

8ملامح جفا8
الله يتمم لج على خير حبيبتي ..
مشكلتي اني متشتته من بعد اسبوع من خطوبتي لدرجه اني ما اطيق حد ينطق اسمه جدامي ولا يقول لي شي عنه ..
بس فاتحني اخوي الموضوع البارحه و كلمني وايد عنه و قال كلام وايد .. فقلت اعيد النظر في السالفه ب ما اعرف والله ..
تسلمين حبيبتي و ربي يرزقج باللي قلبج فيه

 

[آلماسهـ]

لا إله إلا الله .. محمد رسول الله

 

[عسكريمه...]

لا تفكرين بكلام الناس حتى لو كانت اخته طالما انتي استخرتي وارتحتي والكل يشير بصلاحه واخلاقه

كل ماعليك سوى الدعاء إذا كان هالأنسان خير لي في الدنيا والآخره اللهم يسر لي زواجي منه وإما ان كان زواجي منه شر لي في الدنيا والآخره اللهم اصرفه عني

 

[آلماسهـ]

تسلمين حبيبتي عسكريمه جعله الله في ميزان حسناتج ..

هيه والله مالي الحين غير الدعاء و الاستغفار


بارك الله فيج

 

[مريم الجميلة]

اختي كل انسان مهما كان كامل المواصفات


لازم يكون عنده ناس حساد ويحقدون عليه



لان الغالبيه شكرت فيه


ليش تطالعين الاقلية


اما اخت خطيبج

انتبهي منها وحاذري ابدا ما تقولين لخطيبج لو تزوجتوافي المستقبل عن الكلام اللي قالته عنه

وعامليها بحذر ولا تقولين قدامها عن ابسط شي في علاقتكم انتي وخطيبج وحتى بعد الزواج


ما تدرين يمكن انها تحبج بس ما دخلتي خاطرها كزوجة اخ او انها تبي وحدة ثانية



يعني كل الاحتمالات خليها في بالج


وموفقة اختي والله يتمم لكم بخير

​

 

[آلماسهـ]

حبيبتي مريم ..
علاقتي فيها بتنقطع و بتكون سطحيه جدا لأنها بتتزوج قبلي ان شاء الله و بتعيش بدوله خليجيه ثانيه ..
و انا بعد مش من النوع اللي احب انقل الأخبار فما اعتقد اني بقوله شي اذا صار لنا نصيب ..

انا ما اجوف كلام الأقليه بس هاذيل ناس قريبين مني وايد عشان جي متأثره انا باللي انقال ..
بس ان شاء الله اللي فيه الخير ربي اييسره ..

تسلمين حبيبتي و جعله الله في ميزان حسناتج

 

[صمتي غرور]

حبيبتي الماسه اذا ابوك واخوانك شاف هذا الشخص زين فتوكلي على الله وانا م الاخت اللي تقول هذي البنت مو معقوله تحبك اكثر من اخوها وصلي صلاه الاستخاره لانه ما خاب من استخار الله يتمم لك على خير ولازم تبشرينا حبيبتي اش صارمعاك

 

[آلماسهـ]

إن شاء الله حبيبتي ..
بستخير اليوم بإذن الله .. و اللي فيه الخير ربنا اييسره ..

تسلمين قلبي .. جعله الله في ميزان حسناتج ..

 

[لحن حياة]

الله يوفقك و يسهل لك امرك

صارحي اخوك بشكوكك لو انه قريب منك

 

[آلماسهـ]

صارحته هو و امي من زمان و قلت لهم كل اللي سمعته .. عشان جي قام اوي و رابعه بس يقول ما جفت عليه عيب يعني يخلينا نفسخ الخطوبه عشانها .. بالعكس وايد يمدح و جيه ..

تسلمين حبيبتي .. ربي اييسر لج امورج و يرزقج باللي قلبج فيه

 

[ميمي 89]

صلي استخاره حبيبتي

وماعليج من كلام الناس صلاة الاستخاره هيه الي بتحسم الامور

وبعدين مدام ابوج قالج انه زين عيل اوثقي بكلام ابوج مافي اب بيرضى بنته

تاخذ سكران

وعلى فكره مافي حد كامل كل انسان له عيوب

واخته على فكره ماكره وبنفس الوقت استغلت نقطة ضعفج الي هيه الوسواس

واتوقع انها صغيره في سن من حركاتها

 

[آلماسهـ]

ان شاء الله حبيبتي بصلي الاستخاره ..
و ان شاء الله بثق بقرارات ابوي و بوافق .. و اللي فيه الخير ربنا ييسره

و اخته بنفس عمري تقريبا عمرها 22 سنه ..

تسلمين حبيبتي جعله الله في ميزان حسناتج ..

 

[@أمـــــل عمري@]

الغاليه

كلمه وحده



ما خاب من استخار والخيره فيما اختاره الله ,,,,,



عيل انا كان خاطبني واحد الكل كان يمدح فيه ,, طبعا اهله وناسه واللي كانو عنده بالدوام ,, وانا كنت دوم اصلي صلاة استخاره ,,, سبحان الله آخر شي جا واحد طيب وابن حلال وكلم ابوي عن الولد بكلام شين وابوي طبعا تأكد من الكلام وانا بنفسي تأكدت ,, ومن اقرب الناس له ( أخته) تخيلي ’’ قلت لها صارحيني وترجيتها ,,, واعترفت بكل شي بعد انفصالنا <<< لاحظي بعد انفصالنا *_*

’’’ طبعا في شي لازم تحطينه في بالك ان الخوات والام لا يعرفون شيئا عن الولد ,, فعشان جذي لازم تشوفون مع مين يروح ويجي ,,, والمرء على دين خليله ,,, ييعني اسألو شباب يعرفونه وبنفس الوقت تكون العلاقه بينهم وبينه سطحيه ,,,

والله يوفقج يا الغاليه لكل خير يا رب

 

[آلماسهـ]

إن شاء الله حبيبتي ..
تسلمين عالنصائح الذهبيه ..

حفظج ربي و جعله في ميزان حسناتج ..

 

[محرومه من زوجي]

حبيبتي ..اخت زوجك غيورررررررره جدا لذلك هي متناقضه....
وبالنسبه لزوجك اذا كان انسان حريص ع الصلاه ومثقف...............كما قلتي فلا تضيعينه...لانك لن تجدي افضل منه...الله المستعان قل الرجال...وبقي اشباه الرجال...
واما الرسائل فيما لو علم انها منك...قولي لقد اخبرتني اختك بانك متهاون بصلاتك..وقد اخبرت والدي..فستأذنت من والدي ان ارسل لك رسائل تذكرك باهميه الصلاه...
لكن اياك ان تفرطي فيه....دام ان والدك سال عنه كثيرا..