مشكلتي من نوع غريب اذا ممكن تساعدوني!!!!!!!!!

[الدانه911]

:sad_1:مرحبا فيكم اخواتي انا عندي طفلين اعمارهم 3و5ومشكلتي ان زوجي مصر انهم يبقون معانا بنفس الغرفه معى العلم ان البيت واسع لدرجة ان بنتي تتمنى تطلع بغرفه لوحدها وماعندها اي مانع .انا اشوف انه كل ماتاخرنا كل ماصعب عليهم الاستقلال وحتى اني افكر اني مااحمل حتى تنحل المساله وزوجي مازال مصر وبشده:no:ارشدوني ايش الحل ؟؟؟؟؟كيف ممكن اقنعه؟؟

 

[الدانه911]

شدعوى كلكم تدخلون بلا تعليق كذا بتشائم لان هذي اول مشاركه لي حرام عليكم احد يجبر بخاطري:schmoll:

 

[الدانه911]

شدعوى ما احد علق على تساؤلي!!!!كذا بتشائم لان هذي اول مشاركه لي .رجاء احد يجبر بخاطري

 

[مؤاسم الدهر]

مشكلتك عزيزتي بسيطه حاولي بسلوبك الحلووالتكرار المرح بجيب نتيجة ان شاء الله

 

[تميميه الكويت]

تصدقين ياقلــبي نفس المشكله..
اناا ريلي جذي ينننيي عااد اناا بنتي صغيرونه واايد عمرهاا 8 شهور..
ويبيهاا تناام بيناا..
بس اناا دايم اهااوشه واقوله مو زين بااجر تعود..
ماكو فايده...!!

شنسوي الله كريم,,

 

[أ.نجوى ناجي]

عزيزتي أكيد له سبب أو تبرير معين .. ماهو ؟؟
​

 

[احبه ويحبني]

انا بنتي من صارت سبع شهور وديتها بغرفه بروحها
وحطيت جنبها الجهاز اللي يخليني اسمع صوتها
اهو ريلي ماكان راضي ويقول اني قاسية قلب بس انا اصريت
وقلتله انا ابي اخذ راحتي
وكل ماكبرت بتصير لزقه زياده ومابقدر اخليها بروها
وخليته غصب ينقل سريرها
والحمدلله انا واهو مرتاحين

 

[الدانه911]

المشكله زوجي مايتقبل احطه امام الامر الواقع مثلك اختي ازهار .حتى اخرتها الاسبوع الماضي مزحت وقلت له شكلي بطلع سررهم شكلك مطول وتخيللو شقال!!!!!اوكي بس ترى انا بطلع معاهم غريبه انتي ماترحمينهم!!!!مره محتاره البنت بتدرس السنه الجايه وهو لسا معند

 

[الدانه911]

استاذه نجوى شكرا لاهتمامك..تبريره انهم مازالو صغار وصعب يكونوا لوحدهم ممكن ان يحلم احدهم او يبكي ومانسمعه.مع العلم ان الغرفه قريبه وانا مقرره اضع جهاز بحيث اسمعهم لو احتاجوني

 

[الرائعه في الحب]

يمكن علثه يبيك تبلشين بهم وتتركينه يعيش لحظات حياته لوحده فلا يكون شغلك الشاغل

 

[شموخ الجبال]

جربي تقولين له قصص عن عوائل اخرى ماذا تفعل في مثل حالتكم ... واحكي له القصص .. واذا مانفع اسالي اخواته او امه عن اوضاعهم حتى يعرف إنا الجميع يسوي كذا وانهم هم كبار ...ولازم ينفصلون ... فلربما يقتنع ..
واذكر هناك قصص عن تعامل الصحابة مع اطفالهم .. وماذكروه في هذا الوضع ان الطفل يبدأ يميز مايحصل في غرفة النوم منذ ان يبدأ الطفل بتذوق الطعام .. اي منذ الشهر الرابع او السادس .. ويبدأون بفصلهم عن الغرف ..

وماإلى ذلك من القصص التي تؤثر على الطفل مكوثه بين والديه مما يراه ..

كل ذلك حاولي ان تخبريه باسلوب جميل ومقنع ..واذا لم يقتنع اخبريه ان نجرب فقط لمدة اسبوع ثم نرجعهم ..

والله يفتح على قلبه وييسر لكم اموركم​

 

[عصفوره زرقاء]

انا الحقيقه مقرش افيدك عشان انا لسه ربنا مرزقنيش بالاطفال
انشاء الله كلها كام شهر وحيشرف النونو
وانا فعلا خايفه من الحكايه ديه لاني بقول لجوزي انه بعد مايكمل شهر او اتنين بالكتير حطلعه بره الاوضه هو مرضيش وقال لغاية لما يكبر بس مش معقوله لغاية تلاتة سنين حرام ده كتير
انا مستنيه اشوف اراء البنات عشان استفيد لحسن جوزي يعمل كده

 

[*روعة*]

اختي فعلاً مشكلتك غريبة شوي
طيب عندي سؤال البنت عمرها خمس سنين هو قصده لمتى؟؟؟؟؟
يعني يبيها توصل عشر!!!!!
مافي حل إلاّ انه يقتنع وزي ماقالت وحدة من الأخوات جيبي له امثلة
وخلي بنتك تقوله يمكن راح يسمع منها

 

[basmah]

الله يعينك كانت نفس مشكلتي عندي 3 بالغرفه الكبيره عمرها 6 سنين بدأت الدراسه بالمدرسه وانا اقنعه مو مقتنع يقول انا بنام معهم , اوكي حبيبي نام معهم ماعندي اي مشكله اهم شي اخذ راحتي بغرفتي وبنومتي وبلبسي قبل كل شي,وحطيته قدام الامر الواقع وضبط لهم غرفتهم ورتبت سرايرهم حت الصغيره اللي عمرها 1ونص حطيتها مع اخوانها يومين الى 3ايام وهو ينام معهم بعدين مل ورجع لغرفتنا مع بعض والحين اللى عمرها 1 وحده يبيها مع اختها الكبيره وانا اقول حرام توها صغيره بس شكلي برتبلها سرير مع اختها مللتني وابي ارتاح.
بطولي بالك وماعليك بيرجع لك بيرجع لك مايستغني.الله يعينك والله .

 

[الدانه911]

مشكورين جميعا على تعاونكم وافكاركم الحلوه وعن جد والله استفدت منها ...الله يجزاكم الف خير

 

[nonoura]

طيب روحى انتى وجوزك على غرفة تانية واتركى هالغرفة لولادك هههههههه

 

[غريبة الحب]

حياتي حاولي تقنعيه بأسلوب حلو يعني قولي له انا ابا اخذ راحتي معاك ابي البس وهذيل يهال مب زين يشوفونا ونحن بهذا الوضع فكر انت فيها اشوي واذا انت خايف عليهم بنخلي باب الحجره من بينا مفتوح اشوي وكل حد ينتبه فينا من نومه يروح يطمن عليهم ومن هذا القبيل

 

[ال ماس]

حبيبتي زوجك حنون بزياده أحسن لك طيعيه عشان تكسبين وده
وخلي أولادك بعد سنه حاولي مره ثانيه

 

[س من النساء]

أنا من رأي أنك تقولين له أنه هذا لصالحهم لأن الأطفال يميزون ويفهمون وهذا يأثر عليهم في المستقبل
أقول لك على قصة صارت لي مع ولدي البكر ومن بعدها قبل ما يكملون السنة أكون طلعتهم من غرفتنا
لما كان ولدي عمره سنتين كان ينام معانا بالغرفة وفي يوم الغرفة ظلام حالك جيت أغطيه كنت أظنه نايم
تدرين ويش قال؟ قال لي: ماما ألبسي ملابسك عيب!!!
ثالني يوم حطيناه في غرفة وفتحنا الباب لحد ما تعود
وهذي قصة صارت لأختي ولدها كان ينام عندها ومرة صحوا الصبح لقوه فاصخ ملابسه كلها وحاضن أمه من ورى
سألوه ليه كذا قال زيك أنتي وبابا ومرة قاعد يبوس أمه في رقبتها وخدودها وصدرها وهي ما كانت منتبهه يقولهاأبوسك زي بابا أنا شفته في الليل

ايش رايك الحين؟؟؟؟؟؟؟
مو أحسن لهم يروحون غرفة لحالهم؟؟؟؟؟؟

 

[زبيدة]

أختي الدانة ......بصراحة ما عندي حل لمشكلتك .......أنا عانيت هذه المشكلة كل طفل يسوي معاه جذيه وآخرها
بناتي التوأم إلى وصل عمرهم عشر سنوات بعدها استقلوا بغرفتهم
المشكلة في الشخص نفسه حاولي والله يعينك