مشكلتي من جديد...الحكيمات الهمكم الله مساعدتي؟

اللهم يفرج همك ويسخر لك زوجك ويصلح الحال بينكم
 
الله يفرج همك ويصلح حالك ويسخر لك زوجك ويجعلكما قرة اعين لبعض
 
زوجك من النوع اللي لاتملك الشي وضمنه يحس انه تافه نصيحتي لك انك تستقوي عليه لان النوعيات اللي كذا ماتجي الا بالحمرا ونصيحتي الجاي لله واستخيري لانه ماخاب من استخار والله يكون بعونك ويفرج لك والله لو اجتمعت الناس كلها عشان تنفعك ماراح ينفعك الا الله ودعائك دعواتك لي ياحبوبه
 
اختي اذا كانوا اهل زوجك علاقتك فيهم قويه حاولي تعملوا خطه وتفصلوا النت عنه او رجل في العيله يكلم صديقته يهددها ويدعي عليها............وانت قولي له انك ماتهمني واني جالسه معاك عشان ولدك اللي بالطريق وربي راح يكون معي.........
 
أهم شيء تمسكي بحقك في حضانة الطفل الله يجيبه بالسلامة ،،،،،،،،،،،،،،،،،الله يكتب لك الخير اختي
 
اختي اول اسلوب تتبعين معااااااه اسلووووووب التطنيش طنشيه بكل شي خليج سعيده فرحانه اول مايرن الفون مالج ادخلي غرفتج و اذا ما قدرتي اتكلملي بهمس و اذا عرفتي انه كلم حبيبته لا تهتمين وايد بينيله انه الموضوع مايهمج خاليج دوم كاشخه بسبب و لا بدون سبب المهم كاشخه تعمدي اتثيرينه بس لا تعطينه شي او تبنيله انج كاشخه عشاااااانه ز اذا طلبج لا تردينه اتفنني بالحركات و بعدها اذا زودها ارجعي عند هلج و اذا ياي من لا توافقين ترجعين بسهوله ذليه لين ما يتادب قوي شخصيتج غيري نفسج خليج قويه لا تبينيله انج محتاجتله قوليلهى و جودك و العدم واحد صدقيني لحظتها بيحبج و بجنون و السموحه منج
 
اختي عمر القوه ما كانت بالصراخ والمرادد..لا انتبهي..القوه انك تحبي نفسك اكثر من ما تحبيه وتعطي الأولويه لنفسك في كل شي ..اذا لبستي البسي عشان انتي تشوفي نفسك حلوه اذا رتبتي بيتك وعملتي ديكور جديد لا تنتظري ردت فعل أو كلمه منه لا سوي كل شي عشانك انتي وكفايه انتي تشوفي وتنبسطي..حاولي تشغلين نفسك ووقتك بشي مفيد ليش حياتك كلها تدور حوله ؟؟انتي وين ليه نسيتي نفسك؟ليه دفنتي نفسك؟ليه الغيتي شخصيتك؟ ..ليش ما تقدمين على وظيفه وتشتغلين ((كلها كم شهر وبتولدين)) منها تعتمدين على نفسج ويكون لج دخل مادي مستقل تقدرين تسوين لك شي للزمن وحتى تسجلين في دورات المنتدى وتستفيدين ومنها تشوفين الناس((لأن واضح تركيزك على زوجك وكأن هو الدنيا كلها وكأن مافي حد بالدنيا غيره)) ليش ما تطورين من نفسك؟ ادرسي لغه انجليزيه ..لغه فرنسيه..ادرسي مكياج..كملي تعليمج..ولا حتى وانتي بالبيت تقدرين تطورين نفسجك من النت ..تتوقعين ايش اللي خلاه ينجذب لوحده غيرك؟؟ثقافتها ؟لبسها؟شكلها؟دلعها ؟
 
اختي واضح انه يحب المرأه المثقفه واللي لها شخصيتهاالقويه((الواثقه من نفسها اللي تحب نفسها اللي لها رأيها المستقل..))
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل