مشكلتي مع زوجي

دار ظهره لك وتقولي له حبيبي ؟؟؟؟؟
تتكلمين صدق ولا تمزحين معي انتي ؟؟؟؟؟؟؟
 
ابعدي عنه لاتتلزقين فيه وانتي خليك اخر شياكه واذا طلبك شي سويه له وخلي وجهك بشوش لاتكونين نكديه

وهو راح يجي وراك ويقولك كلام حب

بس لو كان سالفه الواقي صدق وفي علاقه هاذا موضوع ثاني
 
صباح الخير
انا اتبعت هالنصيحه وباعتبار هو يداوم اسبوعين في الصحراء قمت ما أرسل له مسجات كثيره مدة اسبوع وجاب نتيجة حلوه بعد الاسبوع
بالليل لقيت اتصال منه بوقت متأخر ورساله كاتب فيها ودي يصبح الصبح وتستبشري بإني دوم جنبج
فرحت وايد بس قلت احسن اثقل شوي وبعد يومين رسل لي رساله اسف احس رسايلي تسبب لج ازعاج قلت له مافي ازعاج بس انا وايد مشغوله وما افضى ارد ع المسجات
المهم لما رجع من الدوام كان منقلب180درجه كان قمه في الرومانسيه وكل حين يبوسني ويحظني ويستسمح مني بس للاسف هالشي استمر لمدة ثلاث ايام وبعدها شوي شوي ابتعد عني وما زلت احسه بعيد مع انه ما داوم بعده ويوم الاربعاء الماضيه سار دبي قال لي محتاج فترة نقاهه ورجع يوم الخميس طبعا ساير بروحه وانا افضي الشنطة انصدمت بوجود الواقي الذكري فالاغراض ورجعت كل شي مكانه ولما صحى من النوم راح حق الشنطه وطلع الواقي منها وخباه فالدرج بس مب فالكارتون وشفته مرمي بالدرج وسألته ع سبيل المزاح(شو هذا شايل معك الواقي؟؟)طبعا نكر وقال لي لا ما شلته معي
المهم ذاك اليوم رجع لطبيعته انه فرفوش ومرح جدا معي ومع اهله وحتى كنت ماره جنبه وتفآجأت ببوسه ع راسي
ولما رجعنا البيت توقعت انه يستمر فرومانسيته بس رجع وتغير علي والبارحه داوم عني
حظنته وقلت له دير بالك ع روحك وقبل هو شفايفي وقال ان شاء الله ولما وصل قال لي انا وصلت حبي والحمدلله رديت عليه الحمد لله ع سلامتك حبيبي وبعد بوقت رسلت تصبح ع خير مع صورة ورده بس ما رد علي بشي والصبح رسلت له صباح الخير مع صورة باقة ورد ورد علي صباح النور
هل انا غلطت فشي؟؟
شو رايكم؟
شو تحسون من تصرفاته؟؟
مرات اقول انه ندمان ع تصرفاته بس ما ادري شو إلي يغيره فجأه
 
خيتو زوجك يحب وحده وانت قومتي الدنيا عليه وما خليتيه يتزوجها وتريديه يجي يقول لك كلام حب؟؟؟
افهمي الحين هو حاقد عليك شوي فلا تنتظري كلام الحب والغزل
لا تقولي ندام وما ندمان زوجك لما يشوفك تلتهي عنه يشتاق لك ولكن لما تلصقي فيه يحس انك تحبيه مووووت فيتطمن ان هو ما راح يخسرك
الشمالي ما يحب احد ياخذ عنه شي من ممتلكاته ولو الحاجه ما يحبها فلذالك يشوف انك ملك له يعني يتزوج ويعيش الحب وحياته وانت في عصمته ولو ما يعطيك حقوقك المهم في يده وتشوفين الاولاد


خيتو حبك له خانق
انت لاصقه فيه لصق

اتركيه ولا ترسلي له ((لا تغرق قبله او كلمة حب))
انت تطمنتي عليه خلاص الحمدلله وصل خلاص لا صباح الخير ولا غيره
اتركيه شوي واذا سأل عن اخبارك لا تفتحي الوتس شوفي اذا هو راسل لاتفتحيه انتظري بعد ساعة ردي الحمدلله الغلا
واذا اتصل خليه يرن مرة وثنتين وبعدها شيليه ما اول ما يرن تركضي ركض
خليه ينشغل شوي عليك واذا قال لك شو فيك او رسائلي او اتصالي ازعك قولي لا ابدا بس مشغولة ونسيت الفون((نسيت الفون معناته انا ما افكر فيك نسيتك وهنا راح يبدأ يخليك تركضي وراه عشان يضمن حبك له وان ما يخسرك))
غلطتك المرة الماضية قال لك ودي استبشر بوجههك وانت ولا رد ردي بأي رد ما تطنشي كثير ولا رد

بيني لك استمتاعك خلال هالفترة وانك مشغولة كثير ((واذا سأل شو شغالك مره قولي له اهتم بنفسي ومرة سر ...ألأخ بس كثري الاسرار))
لما يتصل صوتك هادي وضحك ورقة وغزل وامدحي نفسك وامدحية
((اذا زوجك راح وما عطاك حقوقك )) ذووبيه وهو بعيد ((مشغولة كنت اعمل تقشير لجسمي امممم طالع قشطة هههه ضحكة دلوووعه))
صوتك في الاتصال ضحك ودلع طلعي انوثتك بالفون ورقتك وانت اللي تعتذري له وتغلقي السماعة البنت تبكي يالله الحب ...ام مع السلامة الحين اكمل شغلي تأخرت...ألخ اي عذر
ولا يلقاك كل دقيقة في الوتس ويقول شو شاغلها اتركي الوتس لا تدخلي له كثير

اتمنى اسمع اخبار حلوة
 
اهلين حبيبتي
تدرين شو المشكله ؟
اني تركته اخر ثلاث شهور وقللت رسايلي وما حسيته حرك ساكن بس في المقابل اهملت نفسي وشكلي ولبسي
على امل انه يسألني شو صاير؟ليش ما قمتي تتعدلين وتهتمين بنفسج نفس قبل بس ما تحرك ولا قال شي
وبعدها انا سألته شو صاير فيك؟
قلت له تعدلت او ما تعدلت ؟رسلت او ما رسلت؟؟ما فارقه معك بشي
رد علي اريد اتزوج
ما ادري هل اهمالي لنفسي خله يشوف على حبيبته إلي هو على تواصل معها بالتيلفون مدة سنتين ونص؟
او السبب اني قمت ما ارسل له ولا اتصل فيه ولا اعاتبه على غيابه
 
ليش ما ترسليل له وفي المقابل اهملتي نفسك؟؟
اكبر خطأ تهملين نفسك

ان قال لك راج اتزوج قولي له ممكن تخسرني

انت هالفترة لا ترسلي له واذا رسل ردي
واذا اتصل مثل ما خبرتك الرقه والدلع والغنج
اهتمامك بنفسك مهم جدا تروحي الصالون او في البيت
هالفترة اهتمي بنفسك من جميع الجوانب
الاستغفار وسورة البقرة والصدقة التقرب لله مهم والدعاء بيقين
اهتمي بثقافتك كذلك مو مهم الجمال وشخصيتك وثقافتك ولا شي

امدحي نفسك امامه وفلانه قالت عني وعلانه قالت
بيني ثقتك بنفسك وان هو الخسران لو خلاك
غيرك نفسك وشخصيتك اتركي النكد
امدحية واشكريه

اقري عن الشمالي كثير
 
مشكوره حبيبتي ع النصايح الحلوه
تدرين هو يرسل بكثره بفترات لما يشتاق الجنس خصوصا لما يروح الدوام لانه يداوم اسبوعين متواصل وبعد الاسبوعين يرجع
اول يوم لما يرجع يكون قمة الرومانسيه يس شوي شوي يبرد

بس رسايله تكون متمركزه حول الجماع والجنس
يعني لو اطلب منه اي شي ساعتها ما بيقول لا

ما ادري هل هذا الشي سمه مميزه فالشمالي ولا هذي بس ف ريلي؟؟
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل