مشكلتي مع برنامج مكافح الفيروسات مع صور توضح المشكلة

[أنثى وردية]

اهلين بنات
عندي مشكلة ببرنامج المكافح اول لونه كان سماوي وصار لونه الان برتقالي وش السبب ؟
الجهاز توني شاريته ماله شهرين عندي؟

​

حتى جهازي صار يبطي مايفتح .. من اول كان بسررررعة ينفتح .. لياليت تدلوني على هل المشكلة .

وش سبب تغير اللون ؟
وليه الجهاز صار بطيئ عند الفتح ؟
ولما افتحه تجيني الكلمة هذي ؟

الله يجزاها خير اللي تعرف ترد علي وشكرااا ​

 

[هبه فريد]

هذه الرساله تفيد بان البرنامج لازمله تحديث من على النت ياحبيبتى والتحديث موجود على موقع البرنامج وانشاء الله اكون افدك وبالنسبه للبطئ لانوا احتمال يكون دخل فيرس للجهاز بعد التحديث سوى اسكان على الاجهاز كله وانشاء الله يرجع مثل الاول واحسن

 

[ديم الغيم]

السلام عليكم ورحمة الله وبركاته

شوفي عزيزتي احتمال كبير ان برنامج نود كان تجريبي وانتهت صلاحيته وبكذا منتي مستفيده من وجوده على جهازك .. وحتى لو تسوينله تحديث..

كل اللي عليك تسوينه دبل كليك على ايقونة البرنامج من شريط المهام وبتفتح معاك صفحة النود صوريها لنا وبنخبرك وش المشكله :cupidarrow:

بس حبيت انبهك اختي انثى ورديه برنامج النود مو زي برامج الحمايه الثانيه بالنسبه للتحديث ( يعني ماتروحين لموقع البرنامج وتحدثيه ,, التحديث يكون من نفس البرنامج كلك يمين وبتلاقين بالقائمه خيارupdate ..

خل نحل المشكله هذي بالاول وبعدين نشوف وش سبب بطْء الجهاز :flex:

 

[أنثى وردية]

اشكرك اختي هبة فريد على اهتمامك
وايضا اختي ديم الغيم اشكرك على اهتمامك بمشكلتي

انا سويت له تحديث وشوفي بالصور وش طلع لي

ضغطت على ابي ديت وشوفي وش طلع ..

الله يجزاك خير ويوقفك ..
قولي لي وش الحل ..لاني طفشت منه احس فيه فايروس ..والبرنامج مايطلع شي لما اسوي سكان ..

هذا التحديث اللي سواه واشك انه ما سوى شي ..

بعد ما انتهى

هذي واجهه البرنامج بعد ماحطيت دبل كليك

 

[ديم الغيم]

^^
هلا وغلا اختي بالفعل النسخه تجريبيه زي ماهو واضح بالصوره وخلاص مابقي الا 4 ايام وتنتهي :surrender:

وكمان موضحين اذا كنتي تبغي النسخه الاصليه ماعليك الا تتوجهين للسايت تبعهم وتقومين بشرائها :idea:

يعني خلاص منتي بحاجه تتركين البرنامج على جهازك احذفيه ببرنامج ازالة البرامج من جذورها وخلاص :clap:

وبعدين اعملي رستارت لجهازك ونزلي برنامج حمايه ثاني وفيه عندك برامج كويسه زي AVG Internet Security >>

واذا تبغي نصيحتي عليك ببرنامج النود هذا اللي بتحذفيه بس اشتري نسخه اصليه,, مررره حجمه خفيف على الجهاز ,,وكمان احتل المرتبة الأولى مؤخرا في مجال الحماية من الفيروسات :flex:

اما بالنسبه لمشكلة بطء الجهاز هذا له اسباب كثيره ممكن تكون زحمة ملفات مؤقته ماحذفتيها وتراكمت ,, اوزحمة برامج وملفات على الذاكره,, اووجود فايروس ,, وفيه برامج تشتغل على طول مع الوندوز وتلاقينها واضحه على شريط المهام هذي ممكن تبطء عمل الجهاز زي برامج التحميل ,,

بعطيك رابط لموضوع للاخت ضوءْْْ هذا يفيدك في تنظيف القرص واذا خلصتي تنظيف اختاري من نفس القائمه اداة الغاء تجزئة القرص
وخليه يسوي التجزئه اللي ان شاء الله راح تفيدك لانه هو يحل مشكلة انه مع الزمن وتركيب برامج ومن ثم حذفها يكون هناك فراغات كبيرة في الهاردسك تأخذ عليه الكثير من الوقت وازالة التجزئة تحل المشكلة بإذن الله :msn-wink:

وهذا الرابط : هــنـــا


وان شاء الله اول ماتنزلين برنامج حمايه على طول سوي سكان للكمبيوتر وبيقضي على الفيروسات اذا ماكانت موجوده ..

اي استفسار انا بالخدمه :cupidarrow:

 

[أنثى وردية]

اهلين اختي الله يجزاك خير
طيب لما اسوي تجزأه هل يتغير شي او ينمسح شي بالجهاز ..
طيب وش رايك ببرنامج الافيرا لانه متوفر عندي وهذا البرنامج اللي انتي حاطته .. اتصالي بالنت بشريحة مو دي اس ال علشان كذا يبطي وهو يحمله ..

 

[أنثى وردية]

عطيني رابط الاخت ضوء .. لو سمحتي ..

 

[ديم الغيم]

طيب لما اسوي تجزأه هل يتغير شي او ينمسح شي بالجهاز ..

لا ابدا ماراح يتغير شي هذا اشبه مايكون بالدولاب او الدرج لمن تكون اغراضك في كل مكان وانتي ترتبيها وترصيها بشكل مرتب وبالتالي تكون عندك مساحه واسعه لمزيد من الاغراض :cupidarrow:

وش رايك ببرنامج الافيرا لانه متوفر عندي وهذا البرنامج اللي انتي حاطته .. اتصالي بالنت بشريحة مو دي اس ال علشان كذا يبطي وهو يحمله ..

بالنسبه لي ماسبق وجربته بس بحثت لك ولقيت المعلومات هذي

Avira هو الحل شامل لحماية كاملة والكاملة جداً و ذلك عن تجربة شخصية فهو برنامج سهل الاستعمال وشامل و صمم من أجل تقديم حماية قوية و موثوقة ضد اقوي و اعتى الفيروسات الموجودة إذ يقوم ب فحص شامل وسريع في كل أنحاء الكمبيوتر بحثاً عن البرامج الخبيثة مثل الفيروسات و الديدان.. الخ

فعند اكتشاف أي واحد منها تقدر أن تستخدم له واحد من الخيارات المميزة في البرنامج كحذف الفيروس او تروجان أو مسح أو إصلاح او تغيير اسمه أو حظر للملف آو الملفات آو البرنامج وبنفس المنوال مع أي فيروس :icon30:

الله يعينك على التحميل :showoff:

عطيني رابط الاخت ضوء .. لو سمحتي ..

الرابط موجود غاليتي بنفس ردي :bye1:

 

[أنثى وردية]

Registry Mechanic v3.0 لتنظيف الرجستري بسرعة الصاروخ
عندي برنامج هذا اسمه يادي نفس الغرض للتنظيف

وبسألك عن البرنامج هذا وش يسوي بالضبط وشو السيرفر _ Golden FTP Server لتحويل جهازك إلى سيرفر


طولت عليك اختي وزودها

 

[ديم الغيم]

Registry Mechanic v3.0 لتنظيف الرجستري بسرعة الصاروخ
عندي برنامج هذا اسمه يادي نفس الغرض للتنظيف

اوكي اذا عندك البرنامج خلاص بس باقي التجزئه .. موجوده بنفس البرنامج ؟؟

وبسألك عن البرنامج هذا وش يسوي بالضبط وشو السيرفر _ Golden FTP Server لتحويل جهازك إلى سيرفر

هذا برنامج يحول جهازك الى سيرفر ولازم تكوني متصله بالانترنت عشان تستفيدي من العمليه هذي ويستخدم كبديل عن مواقع رفع الملفات وتصيرين ترفيعن ملفاتك اليه مباشره ( يعني يكون جهازك هو السيرفر ...)

وعشان تعرفي وش هو السيرفر جبت لك موضوع فيه شرح متكامل :icon30:

السيرفر عبارة عن جهاز حاسب ... وهناك انواع للسيرفرات ... منهم :

وشكله كالجهاز العادي ... وهو فعلا جهاز عادي

والنوع الثاني هو كالتالي :

الثاني يسمى hot swappable ... اي المتغير الحار ... وبالعادة يتم وضع هذا النوع من السيرفرات على رفوف ... من هذا النوع :

المهم ... الان عرفنا ما هو شكل السيرفر ... والاناتي الى مكوناته :

السيرفر هو جهاز حاسب عادي ... يحتوي على معالج ورام و مساحة تخزين ... يعني بالعربي ... احسب ان جهازك سيرفر ... ولكن المختلف بالموضوع هو نظام التشغيل ... بدل ما يكون وندوز اكس بي ... يكون اي شيء ثاني خاص للسيرفرات ... مثل وندوز سيرفر ... او احد توزيعات اللنكس .

المهم ... الان عرفنا ما هي مكونات السيرفر ... ناتي الى فائدة السيرفر :

انت الان في هذه الصفحة صحيح ؟ ... تقرأ هذا المقال ... صح ؟ ... طيب الصفحة هذي اين موجودة ؟ ... هل هي في الهاء الطلق ؟ .

طبعا لا .

تخيل ان الصفحة هذي موجوده على جهازك ... واسمها pxll.html ... كل ما عليك هو فتح الملف لرؤيتها ... وفي الحقيقة انت تفعل نفس الشيء ولكن على الانترنت .

انت متصل بالانترنت بخط هاتف او DSL ... والسيرفر ايضا متصل بخط انترنت ... وبالعادة يكون بسرعة 10 ميجا بايت او 100 ميجا بايت ... بينما انت تملك يا 56 اذا كان خط هاتف عادي ... او ما بين 256 الى 4 ميجا ( بالدول العربية عامة ) .

حينما تفتح المتصفح وتكتب ... www.pxll.com/index.html ... فانت تطلب من السيرفر الي موجود عليه موقع www.pxll.com ... ان يكوم بفتح صفحة index.html ... وفي هذه الحالة يقوم السيرفر بارسال الصفحة لك على جهازك ... وانت من خلال الجهاز ... تقوم بفتحها من خلال البرنامج المناسب .

طيب ... السيرفر هذا وين ؟ وكيف موصل بخط انترنت :

السيرفرات بالعادة تكون موجودة في مكان اسمه داتاسنتر ( مركز معلومات ) ... وهذه صورة لاحد الداتاسنتر :

هل ترى ؟ اجهزة حاسب عادية ... موصلة بخطوط انترنت .... وانت حاليا في احد هذه الاجهزة

وهذه صورة اخرى :

طيب ... الان وعرفنا ما هو السيرفر ... واين مكانه .

طيب ... اسمع كثير بكلمة باندويث ... فما هي ؟
الباندويث هي كمية الارسال للبيانات للسيرفر ... فلنفرض انه لديك ملف حجمه 50 ميجا ... وتريد ان تجعل الناس تقوم بتحميله ... هل تعتقد انه بامكانك فتح التحميل للكل ؟
طبعا لا ... الداتاسنتر تعطيك حد معين ... وهذا الحد يسمى الباندويث .

طيب ... ما هي شركات الاستضافة ؟

شركات الاستضافة تقوم بمخاطبة هذه الداتاسنتر ... وتطلب منهم السيرفر ... وتقوم شركة الاستضافة ... بتقسيم السيرفر الى اجزاء ... وتاجره على الناس .

قد يبدو شرحي بسيط ... ولكن لا تنسى ان هناك حماية للسيرفر + متابعة دائما للسيرفر + تحديث السيرفر ووووووووو ... وهذه الامور تظيفه الشركة على سعر الاستضافة .

وابداً ماطولتي علي ولاشي :cupidarrow: انا بالخدمه غاليتي :bye1:

 

[أنثى وردية]

اهلين اختي شكرا على اهتمامك وجمعك للمعلومات
تصدقين خفت منه شكله يبيله شغل .. هونت مو منزلته بجهازي ..السيرفر

بالنسبة لبرنامج الافيرا ابشرك حملته وسويت سكان ..

ونظفت القرص .. بس باقي التجزئة ..بسويها ..
مشكورة والله قدمتي لي خدمة عظيمة بالنسبة لي ..

 

[قـطـريـة]

يعطيكم العافيه بناات ما قصرتوا

وان شاء الله الاخت تكون استفادت واخذت الي تبيه

بالتوفيق ان شاء الله للجميع