مشكلتي مع اختي

[مليكة الكون]

السلام عليكم ورحمة الله وبركاته
أخواتي الغاليات ...
عندي اخت صغيرة في الصف الأول الابتدائي ماشاء الله عليها متفوقة في دراستها ولكن عندما سألت المدرسة عنها قالت لي انها ممتازة ولكن لديها خوف ولاتشارك مع صديقاتها اللعب ولاالحديث بس جالسه لوحدها ومن يوم قالتلي المدرسة وان والله مهمومة منها بالرغم اننا والله محتوينها بالحب والمعاملة الحسنة وكمان هي اخر العنقود وكمان ان لاحظت هذا عليها قبل فترة انها ماتدافع عن نفسها اذا احد ضربها لدرجة ان اطفال صغار في الروضة ضربوها وجلست تبكي مادافعت عن نفسها وكمان لاحظت عليها انها اذا راحت تنام تجلس تسوي حركات كأنها تمارس العاده وجلست معاها وفهمتها ان البنت الحلوة ماتساوي حركات مي حلوة لأنها ممكن تأذي نفسها بعدين محد يحبها وتصير مي حلوه..وانا والله خايفة عليها فأنا اختها الكبرى وامنا متوفية وان المسئولة عن تربيتهم وان والله مهمومة من تصرفاتها وودي اعرف كيف اتعامل معها .. هي الأن عندها اجازة اسبوعين ابغى اغيرها في هذه الإجازة ..
انا والله مادخلت وسجلت الا لمن شفت تعاملكم الكريم مع بعض ومساعدتكم لبعض كأنكم أخوات فانا ليس لدي اخوات اكبر مني فاعتبركم انتم اخواتي ..
تقبلوا خالص تحياتي

 

[مليكة الكون]

ساعدوني يابنات 11مشاهده ولا رد فأنا يتيمة مالي الا الله ثم انتم حطوا نفسكم مكاني فأنا في هم مايعلم فيه الا الله.. تخيلوا انكم تتحملوا مسؤلية خمسة أطفال ولا انتي قادرة تهتمي فيهم بالقدر الي هم يتمنوه . والله اني ابذل قصارى جهدي لأربيهم التربية الصحيحة .. حتى اني ماعشت حياتي على اني بنت ولازم افرح وأعيش حياة البنات من فرفشة حتى ان الكل لاحظ علي كبرت قبل وقتي..