مشكلتي مع أم زوجي

حبيبتي مادام زوجك بيوم قال لهم ليش خواتي مايدخلون المطبخ ؟
فهو اذا في صفك ..
بس ياهو خايف من امه او مستحي..
انا هذا الي اشوفه

افضل كلميه .. واحكي له السالفه كلها .. وخليك جاده بالموضوع وواثقه
وقولي له بقولك كلامي وانت اسكت وبعد مااخلص تكلم
وانتبهي صفصفي كلام قبل كويس ومقنع وهادي عشان ماتخبصي وبعدين تنسي اشيا كثير ودك تقوليها
بدون ماتسيئي لأمه او احد من اهله
ولاتجيبي طاري اخواتك ماعجبوني..امك صديقاتها مدري وشو
ابد لاتسبين .. قولي سالفتك وقولي له يشوف لك حل..
وانتي بعدين ارحمي عمرك
حاامل وتراكضين بالمطبخ
غلط انتي تعبانه لاتصيرين مره مخفه جد جد
ترا الزوج ماراح يقولوك تعبانه اجلسي..الزوج اذا شاف حرمته تمشي ولو انها ميته تعب
بيقول ماشاءالله نشيطه وماراح يدري..
ولو تقولين له انا تعبناه وكذا ومقدر ولو عصب راح يقدر ..وبكيفه انتي بعد لك حق لا تهضمينه على نفسك
انتي لك سنه متزوجه واكيد عرفتي زوجك..
كلميه بأسلوب يناسب

وربي يسهل عليــــــــــك ويوفقك
 
وبعدين ياقلبي..انتي كمان خليك جاده وشديده شوي مع ام زوجك
لاتخلينها تسوي فيك الي تبي..
يعني لو مره مابغيتي تطلعين تسوين شغله تنظفين .
من حقك انتي متزوجه واهم ماعليك زوجك ورضاه وسعادته
قولي لها بأسلوب هادي وواثق..
انا اسفه اليوم مثلا مااقدر
انا مشغوله..تعبانه شوي
ولو هي قامت تصارخ وحاله
مع الوقت .. بتخاف ..
ولو مره جا زوجك وهاوشك .. ردي عليه اذا الحق معك
قولي انا قلت كذا وكذا .. انا كنت تعبانه والبنات ماعندهم شيئ
خلك واقف معي .. انت عارف من الحق معه
لاتسكتين..والا وربي بتجلسين طول عمرك كذا ..
افرضي شخصيتك .. ولايهمك احد..
تحبين زوحك وهو يحبك .. وعارفه انه واقف معك بس امه شكلها شوي مسيطره..
خلاص .. تعاملي معها كويس
وادعي ربك كثير واستغفري
خدامه انتي عندها ؟؟؟
 
أسيرة هواه قال:
يالورد الذابل زوجي مو راضي نطلع بدون أمه ماتكون راضيه.. يعني لازم توافق انا نطلع.​

يا أستاذه حكمت.. تدرين اني مره قررت اني أروح لبيت أهلي وما أرجع الي في بيت لي مستقل
لاني سمعت منها كلام تقوله لزوجي قسم بالله اني مت من القهر...
تقول زوجتك هاذي من دخلت علي وأحنا في مشاكل.. وزوجتك هاذي مابي أشوفها عندي في بيتي
هذا بيتي وأبيها تنقلع برى بيتي.. يوم سمعت الكلام ضفيت ملابسي
طبعا زوجي ماقالي الكلام
بس زوجي والله أنهار عندي وجلس يبكي وقال اذا رحتي والله أسوي بنفسي شئ
ومن هالكلام فرحمت وجلست.. وهي اذا شافتني
تجلس تقول والله أنا أحبك بس أنتي الي مادري وش فيك علينا ومن هالكلام
ولما واجهتها بكلامها عني قالت أنا ماقلته وولدها يسمع أنكرت
ولحد ساعتك ولدها ماعاد يصدق منها أي سالفه..​

بس ان ششاء الله بأحاول أتغير ..​
أنقر للتوسيع...



انا بطرطع .. تصدقين ..
اذا انتي اول مرة ولد
فترا شكلها غاااايره منك .. وخايفه تاخذين ولدها منها
لاااااااايهمك .. واضح ان زوجك يحبك ويمووت فيك
وربي ماعليك الا تقوين شخصيتك وتفرضينها
لما تلكمت تأمرك ابتسمي لها واعتذري مااقدر مشغوله
حتى ابو زوجك واقف معاكم
خلاص يا قلبي..
شوفي عمرك ..
 
حبيبتي حل ما عندي لك حل لاننا كلنا في الهوا سوا ماعندي الا دعوه لي ولك ولكل وحده ضاعت احلى سنين عمرها في بيت حمولتها ولاهم من الشاكرين ربي يعوض صبرنا خير ويرزقنا مانتمنى ويجعل لنا فرجا قريبا بأذن الله .
 
بشائر نجد قال:
حطيتي يدك عالجرح انا من 15سنةاعاني من اهل زوجي وظلمهم وياليت يعجبهم بعد واصبري لين يتزوج اخو زوجك تشوفي القهر بعينك من اختلاف المعامله
أنقر للتوسيع...


ايه والله صدقتي بعد ما اتي السلفة المعامله غير

الله المستعان
 
حبيبتي حل ما عندي لك حل لاننا كلنا في الهوا سوا ماعندي الا دعوه لي ولك ولكل وحده ضاعت احلى سنين عمرها في بيت حمولتها ولاهم من الشاكرين ربي يعوض صبرنا خير ويرزقنا مانتمنى ويجعل لنا فرجا قريبا بأذن الله .
 
ماصار فيك كذا الا بسبب طيبتك مو لازم كل ماقالتلك شي نطيتي سويتيه واذا جاها ضيوف ومرره مستحيه منها سوي قهوه وشاي مافي داعي للحلى والمعجنات وعشاء زوجها غلطااانه تسوينه المفروض هي ولابناتها يطبخون انتي لازم تتخذين قرار قبل مايجيك اطفال كثير وتتعبين زياده كلمي زوجك قوليله اللي في قلبك قبل لاتصيرين زي اللي كاتبيلك لهم فوق العشر سنوات انتي توك في البدايه خلي لك شخصيه
 
بإحتصاااااااااار تزعل وتضرب راسها بالحيييييييييط



انتي اشتغلي لك ولزوجك


وبس خلي عندك شخصية



هي مافي يدها شي


سبحان الله امهات اازواج ليش يبون النكد


اطبخي لك ولزوجك بس

واذا عندها عزومة هي تقوم بنفسها


وانتي مالك شغل بأحد


ولا تطلعين من شقتك الا وقت محدد

مو كل شوي عندها والله يكون بعوونك
 
اختي العزيزه
حااامل وتكرفين ولاانتي راحمه نفسك ولا اللي فبطنك
اشلون تبين الناس ولابعد ام زوجك ترحمك
==
تعلمي كيف تقولين لا
ولاتسعدين الاخرين على حساااب نفسك
==
ام زوجي مااافي زيها وعسل وحبابه
بس والله ماادخل المطبخ الا بوجود بناتها
حتى المنديل ماارفعه من الارض الا اذا قامو البنات يرتبووون البيت اساااعدهم
==
اسوي كذا عشااان اي شي اسووويه يشوووفووونه وااااااااو
==
مو اصير حيطه هبيطه
كل من جا عندهم يصحوني بتالي الليول اطبخ لهم حلى
==
والله هذا اللي ناااقص
 
أنا مع الأخوات طلبي من زوجك تطلعون في بيت خاص لكم إذا زوجك قادر يأجرلك شقة ما في مشكلة

خصوصا إنها مب في البيت لحالها معها زوجها وبناتها وإذا تعسر الأمر طلبي منه يجيب خدامة وتعذري

ببنتك وما عليج منها سوي اللي ا ريحك والله يهدي الجميع .
 
لازم تفرضي شخصيتك والا ستبقين طول حياتك بدونها
الحق لا يفسد للود قضية الان عند تربية يعني البنت ستاخد كل وقتك لما يطلب منك شغل البيت قلي لهم انك مشغولة بالبنت حتى يتعودوا يخدمو انفسهم
ربي يصبرك ويعطيك على قد نيتك
 
انتي الان اصبحت ام... هل تحبين ابنتك؟؟؟؟ اكيد

و كل يوم يزداد محبتك لابتنك اكثر و اكثر...

تخيلي للحظة واحدة فقط انك يا من سهرتي علىى ابنتك و ارضعتها ليلا و نهارا و خفت عليها و سهرتي عليها وقت مرضها... كل هذا بعدما تكبر يذهب حبها و اهتمامها لشخص اخر غيرك و غريب عنك...

انه شعور الغيرة يا غاليتي... فطر الله قلب المراة عليه...

تعاملي معها على انها امك... تخيليها فقط امك و ان تصرفاتها اللتي تزعجك صادرة من امك... ستتقبلين الامر بصدر رحب... و هي ستشعر بمحبتك الحقيقة... و ستحبك هي الاخرى بصدق اكثر

تذكري ان الدنيا هي دين علينا كما تدين تدان و كما تعاملين ام زوجك و كما تشعرين نحوها تماما سياتي يوم تشعر زوجة ابنك نحوك... ربما ستخدمك زوجة ابنك و لكن بتذمر و تأفف...


غاليتي كلنا انكوينا بنار اهل الزوج... لا احد مثالي... حتى اهلنا ...

و اهل الزوج لا هم بملائكة ولا هم بشياطين... انهم بين هذا و ذاك...

اعيدي حساباتك مع نفسك... فكري بطريقة تخرجين بها من البيت اذا كان يريحك هذا الامر... اطلبي تساهيل الامور من الله و صلي الاستخارة ... و توكلي على الله

و ثقي انه لو ضاع معروفك بين الناس لن يضيع مع الله

جعلك الله قرة عين زوجك
 
التعديل الأخير:
الله ينتقم من كل عمه ظالمه آآآآآآآآآآآآآآه ياقلبي وش الحل غير ربي اللي كاتبه حسبي الله ونعم الوكيل ادعي بكللللللللللللللل سجده اللهم اكفنيهم بما شئت واجعل كيدهم في نحورهم واجعل تدبيرهم على تدبيرهم
 
اهم شي ان ريلج مقدر وعارف .. شوفي اول شي تطلبين خادمه لج تساعدج في البيت .. غير كذا فهمي ريلج ان عندج ياهل ومايصير كل شوي طالعه .. وقولي له انا عشان الياهل والله خلي الرفض اني اطلع يجي منك انت عشان ما تزعل مني انت تدري ماحب ازعل عمتي مني .. واذا اصرت خليه يقولها يما قبل كانت خاليه بس الحين في ياهل واخاف تمرض وانا قلت لمرتي ما تطلع عشان البنت تبيني اكسر كلمتي قدام مرتي ؟ وموضوع الطباخ لو في خادمه بيخف عنج وانتي داشه المطبخ داشه عشان ريلج وبنتج عقب فمن رايي لو ريلج يقدر يطلع لكم اطلعوا ولو مايقدر جيبي خدامه وخلي الرفض انج تطلعين تجي من ريلج .
 
الله يعينك ويصبرك عليهم اميييييييييييييييين
والاخوات ماقصرو ماشاء الله
 
مشكووورين يا أخواتي
ماقصروتووووا والله يعطيك ألف عافيه
جعله الله في موازين حسناتكم..

​
 
انتي اللي جبتي التعب لنسك
الطيب فالزمن هدا ضعيف شخصيه
زي الكيس الفاضي لازم يتعبى
خليك حازمه مو شرسه تصارخين مثلها
قومي سوي الاكل لزوجي معليش فلانه بنتك فينها انا ماني فاضيه
يعني زي كدا واللبيب بالاشاره يفهم
او اشتكي لابو زوجك
 
مالك الا ابو زوجك دام انه في صفك
اشكي له قولي له ماقدر اتحمل اكثر من كيذا
وهو بيتصرف مع حرمته وبيوقفها عند حدها
 
والله ان امي رافضه ان زوجات اخواني يسكنون معنا

و كل وحده في بيت خاص


على قولهم ابعد بعيد غلاك يزيد

وتعالي شوفينا سمن على عسل نفرح اذا زارونا وهن بعد يفرحن اذا زرناهن في بيوتهن


ياقلبي لازم تصيرين قويه شخصيه لازم اصري واعزمي على قوة الشخصيه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل