مشكلتي معقده ما اعرف كيف أبدا

[Fefeno]

السلام عليكم جميعا. صديقاتي وخواتي ما اعرف كيف أبدا بس أنا ماعندي مشكله معينه يمكن عرفت احلها او اعرف احددها مشكلتي زوجي الي لو صار مشكله بيني بينه وعصب مثلا يثور وتنرفز ويمكن يطلع من البيت ويصير انسان غريب والموضوع تافه جداً مثلا ضاع غرض معين ومو لاقينه يعصب يكبر السالفة ويتهمني بالاهمال والتسيب وانا في هالحالات اسكت لأني بإمانه امووت رعب واستناه يهدي وبعدين نقعد كم يوم مايحكي وزعلان. دايم اذا جلست مع حالي افكر بالسالفه كلها باااايخه. وماتسوى علينا. وبعدها اكسر جدار الصمت وغالبا أنا الي ابادر بالحكي ونتناقش بالموضوع ودائما اطلع بالنهايه أنا الغلطانه. احيانا اكبر عقلي وأمشيها لأني فعلا اكون طفشت وانا عارفه تصرفي غلط بس مالي خلق زهقت الوضع بدا يستفحل بجد. لدرجة خلااااااااااص أسلوبي في بيتي الصمت ماكو سواليف ولا حكي نحكي بالسياسة والأخبار الدوليه واكتفي أنا لانه أخاف احكي وأقول شيئ يفهمني غلط ونرجع للزعل. احس مليييييت وش الاسلوب المفروض الي اتبعه معاه ً؟ابي اعرف وش شخصيته ابي اشوف البنات الي عايشين ويروحون ومتفاهمين وش يسوون **

 

[دموعي شي معتاده]

الله يفرج همك
شكـــل زوجـــك حساس وزعول
ويختلق الزعله عشان يطلع

يمكن اهله كانوا مدللينه ومعطينه كل شي يبغاااه
وهذي النقطه تأثر عليه حتى لما يكبر
بس مو لهدرجه زوجك مكبرها
لما يقولك وينه قولي الحاجه هذي لك
يعني عندك وانت اللي ضيعتها انا وش ذنبي
اذا قال انتي اللي ضيعتيها او شي كيذا
اكذبي عليه خبي حاجه من اغراضك وقولي حتى انا ضايع علي
هالشي ممكن تقولي وينه وابيك تبحث معي عنه
واذا رفض او عصب او قال انه لك مو له
قولي حتى انا نفسك اللي ضاع لك مو لي

 

[تشكرات]

طوّلـــي بالك حبيبتي فالــرّجال كالأطفال لازم نسايسهم

ونتحايل عليهم ...فــلو مثلآ سأل عن شئ يخصّه وقام يفتّش

انتي قومي وراه وفتّشي واستهبلي وسوّي نفسك مهتمّه

وأثناء البحث أتكلّمي وقولي أكيد أنت ناسيها في مكان ما

يعني اقلبي عليه أتهاماته وأخطاؤه ..( أبحثي وأقلبي )

وفي نفس الوقت ( هدّي الموضوع برويّه ) وقولي ...يعني

أن شاء الله نلاقيها وين بتروح يعني ....

وايّاكي والرّد على كلامه ومجاراته ( خلّيه يتكلّم ويطلّع كلّ اللي

بقلبه ) ...انتي حسبني في داخلك واذكري الله وصلّي على

رسوله ( كلّ هذا داخل نفسك ) حتى تطردي عنه شيطانه

وثقي تمامآ ( أن زوجك لما يشوفك بهذا الأسلوب الهادئ

راح يخف شوي شوي ....باذن الله طبعآ ..وربي يهديه يارب..

 

[دموع لا تجف]

الله يكون في عونك...يختلفون الرجال وتختلف الأسباب بعضهم طبعه عصبي وأتفه الاشياء تثيره ،،،بينما بعض الرجال واسال الله ان لايكون زوجك منهم ،،،تكون هناك مسببات مثل الإدمان على الحشيش والمخدرات ،،احيانا تكون لها اسباب نفسيه مثل ان يكون هناك مشاكل عائلية او مشاكل في دوامه او مع اصحابه او اي ضغوط نفسية اخرى!!**

 

[Fefeno]

خواتي شكرًا على ردودكم  لا مو مدلع ولا شي.بس أنا جبت لكم مثل اذا ضاع شي كيف الموضوع تافه وينعل ويدقق ويبي أنا الي اراضيه. لا حبيبتي ربي يكفينا شر البلاوي الحمدلله لا يروح بالك لشي سي زوجي انسان ملتزم بدينه والحمدلله بس يقهرني بموضوع لو صارت اي مشكله يزعل وينمد البوووووز شبرين وانت ومن واجبك تراضيني  أنا قصدت اي مشكله تصير ومشكلة اذا ضاعت شغلة كانت مثل مو اكثر. كنت اقصد للمشكله تكون صغيرة ماتستدعي الزعل ومايحكي ويحس لازم على الزوجه ومن واجبها هي الي تراضي وتقعد وتسايس فيه الى مايفرد وجهه ويبتسم ويرضى. نفسي يوم أزعل بقوة ويراضيني حاولت بدون فايده لأني لو زعلت مثلا لو الموضوع يستأهل لازم يقلل من اهمية الموضوع الي أنا زعلانه من شانو ويقولي كبري عقلك. انت ام وتربين جيل لاتفكرين كذا. واكرري شكري لكم خواتي على المرور والتعليق والطرح **