مشكلتي كانت قد (حبة الرز) والحين ممكن توصل لطلاق والسبه حماتي !!

لون الربيع ...

لما تحسين زوجك ممكن في اي خلاف بينكم يكبر موضوع وينهي كل شي !!!!
ماراح ترتاحين ولا تحسيت بالاستقرار ...
بس كله عشان بنتي يهون وبحاول اعطيه فرصه يمكن أتعض من اللي صار وتغير !!
 
فوشيا قيرل ...
أشكرك على دخولك وردك الخاص :)

بالنسبه لتبادل المشاعر انا طيبه بطبيعتي مع الكل ومع زوجي أكيد بكون طيبه واعامله بالحسنى
ومحسسته دائما انه سي السيد وكلامه هوا اللي ماشي ودائما امدحه حتى كبر راسه علي !!

وبالنسبه للناحيه الماديه ماانكر انه كريم ومايقصر معي اذا عنده .. بس والالتزامات كثيره اجار الشقه مصاريف البيت وولدي اقساط سيارته فواتير كهرب ماء جوالات لنا ولاهله وكمان يرسل لامه بس والله ماناقشته في هالشي لانه اهله ومافيها شي ولاتنين كمان يدخن وهذا زاد الطين بله ... بس مو معناته نجلس كل شهر نحتري الراتب اللي ما يكفي حق ايش ولا ايش ونص الشهر مايصفى شي يقوم يطلب مني ذهب ومع ذلك صابره وساكته ولا تنسين انا حرمه اشوف غيري واتمنى ماصير ناقصه عن حد ...
واذا توظف وظيفه ثانيه وشفيها مو رجال ؟؟؟!! انا حاولت اتعنتر واضغط على نفسي عشاننا وهاذي النتيجه باعاني بكل سهوله وفي لحظه وحده !!!!

وسؤالي لامه كان عفوي يعني ماقصدت فيه اي شي وتوقعت تكون فرحانه لولدها ... بس للاسف ردها صدمني وابدا ماتوقعته يافوشيا !!!

أتمنى يكون ظن عزيزتي...وحده من خالاتي شافت امه في جمعه وقالت ان زوجي يبي ينقل لنفس مدينتهم اللي هم فيها ايش تتوقعين ؟؟؟

ماانكر اني غلطت بس ماكنت اتوقع يكبرها لذي الدرجه !!!

انا مو حارق قلبي غير ابني ماابيه يكون مشتت كل ماطالع بعيونه احس بالفهر والنار بني....
تسلمون ياعسولات على النصايح والدعوات الله يخليكم لمغلينكم ...
 
حبيبتي طنشيه وخليه هواللى يبدابمصالحتك انتي ماغلطتي كفايه تنازلات الدنيا ماتوقف عند رجال والله ماجان اللى وجع الراس منهم .
بس اذا جاء واعتذار وراضاك عطيه فرصة ورجعي حياتك السايقة

الله يوفقك ويسخر زوجك لك ويرده ردا جميل
 
بسرآحه مدري شقول
لاكن ما اقول غير ربي يكون بعونك وسخرلك ام رجلك غصبن عليها ورجلك
وسخرلك ربي اقوئ منكي ياااارب
 
نصيحه ياختي من كل قلبي اذا انتي ماتبين الطلاق
اتصلي عليه وتفاهمي معه
ومرد امه تلتهي وادعي الله يلهيها بنفسها
 
الله يهديه ويسخره لك ان شاء لله يفيدونك البنات
 
لي 3 شهور من حطيت الموضوع ولا حس ولاخبر منه او من اهله .... مدري وش النهايه ..... الله يسعد قلوبكم يابنات على هالتفاعل كأنكم خوات وأعز ...
امدحك ولا اجرحك
اخاف اتفاهم معاه يحسبه ضعف مني او ماابي اهلي ويحسب الشغله بسيطه يقوم يمد يده ويطردني ع اتفه شي وكل يومين وانا عند اهلي !!!
قبل أسبوع لاحظت شي بس مدري وش تفسيره ؟؟؟؟؟؟؟
 
لمسة سحر قال:
لي 3 شهور من حطيت الموضوع ولا حس ولاخبر منه او من اهله .... مدري وش النهايه ..... الله يسعد قلوبكم يابنات على هالتفاعل كأنكم خوات وأعز ...
امدحك ولا اجرحك
اخاف اتفاهم معاه يحسبه ضعف مني او ماابي اهلي ويحسب الشغله بسيطه يقوم يمد يده ويطردني ع اتفه شي وكل يومين وانا عند اهلي !!!
قبل أسبوع لاحظت شي بس مدري وش تفسيره ؟؟؟؟؟؟؟
أنقر للتوسيع...


قولي حبيبتي كلنا معاك ان شاء الله البنات يفيدونك
 
الله يفرج همك وهمنا جميعا يارب ياكريم

تحياااااتي
 
قولي اش حسيتي ... الله يفرج همك ياااارب ..

بس انتبهي تبادري انتي او اهلك وتتصلو .. صبرتو الكثير ما بقي الا القليل بتفرج ان شاء الله ..
 
هلا حبيبتي ميسسو ....
زوجي مره قال بنقل على المدينه اللي فيها اهله ومانقل للحين ؟؟؟
وقبل أسبوع حاط رسالته الشخصيه في المسن انه بيسافر بعد 3أيام للهند وجلس مدة اسبوع وهو حاط هالرساله واختفى بعدها 3 ايام ورجع متصل وغير الرساله الحمدالله على السلامه يابو فلان وبعدين غيرها ( كاتب بالانجليزي انه بيكون خارج السعوديه على الاسبوع الجاي ) طبعا حالتي غير متصل طول هالوقت بس كنت مراقبته خخخخخخ
انا حاسه انه ضايع ومتخبط بدوني ويبي الصلح بس مايبي يعترف بخطأه ويبيها مني او من ابوي يعني يكلمه ويناديه بس انا قلت..... عشم ابليس بالجنه
 
انا بتكلم معاك بكل صراحه وبدون زعل لأني لو جلست اجاملك ماراح تستفيدين أول شي هذي مشكله عاديه جداً ماهي كبيره لدرجة الطلاق ولازم يكون عندك صبر مدام زوجك إنسان طيب بس شخصيته ضعيفه قدام أهله تقدرين تكسبينه شوفي لما جات امه عندكم وراضيتيه كيف كان تعامله معك لا تخسرين زوجك بسبب مشاكل تافهه اتوقع زوجك بيسمع كلام أهله عشان يثبت لهم إنه رجال وله شخصيه قويه قدام زوجته يمكن هم كانوا يعايرونه إنه شخصيته ضعيفه فحب يثبت العكس على العموم عزيزتي اغلب الرجال معاك بينك وبينه ولا احلى بس قدام اهله ينقلب ونفس الشي قدام اصحابه عشان لا يفقد هيبته انتي في كم نقطه غلطتي فيها يمكن ماانتبهتي لها حبيت الفت نظرك لها
" مو طالعه والبيت مكركب " " وقلت له مو متحركه من بيتي الا وقد ريحت وسويت هالاشياء" لاحظتي اسلوبك حبيبتي انا ادري انتي مع الضغط والبيبي والدراسه وطبيعي الواحد مايحب يطلع وبيته مو مرتب بس هالأسلوب ينرفز يعني كأنك تفرضين رأيك او تعاندينه افرضي مثلا يوم جيتي قلتي لأختك تعالي ساعديني وقالت لك ماني جايه لين اخلص اللي بيدي وماقالت لك معليه شوي بس اخلص اللي بيدي واجيك من عيوني شفتي الفرق في الأسلوب كيف كنتي تقدرين تقولين له ابشر حياتي من عيوني بس ممكن تعطيني وقت انظف البيت مايصير نطلع والبيت مو نظيف بعدين تتراكم الأوساخ وينعدم الأثاث ولا تجي صراصير وانت تعبان فيه وفي تأثيثه الرجال زي الطفل لازم تجينه بالدلع والسياسه النقطه الثانيه " عصبت وانقهررررت منه قلت له انا كل يوم اخذ ولدي معي هالضعيف للمعهد وفي الشموس (احطه بالحضانه اللي بالمعهد )عشان اكمل دراستي واتوظف واحسن من دخلنا لان الحياه غليت وانا عشت عند اهلي اميره وماابغى احس اني اقل من غيري " كذا كأنك تتمنين عليه وإنك متفضله عليه عشان تساعدينه وإنه مو مهيأ لك الجو والعيشه المناسبه اللي تليق فيك وبمقامك كأنك تتكبرين عليه وهذا غلط ياقلبي انتي اخذتي وتعرفين ظروفه ماله داعي انا اتعب واشتغل واساعدك واسوي لك واعملك ولا تقدرني ولا ولا ... انتي كذا تبعدينه عنك وبالنسبه لسالفة أمه ماله داعي تدخلين خلافات الحريم في خلافاتك مع زوجك شفتي لو زوجك كان متهاوش مثلا مع اخته تروحين انتي ماتكلمينها ؟ مو منطق صح تصرف امه هو مو مسؤول عنه كأنك حملتيه وزر غيره وفوقها تقولين له انت وأمك شايفين الناس حشرات انتي دخلتي على قولتهم شعبان في رمضان اتعوذي من ابليس ولاتكبرين الموضوع وارجعي بيتك تراه بيتك مو لازم موافقته عشان ترجعين وتخلين الشيطان يدخل بينكم ارجعي واعتذري منه ولا عاد تجيبين طاري امه إلا بكل خير ونصيحه اتفقي مع زوجك يعاملك معامله رسميه قدام أهله مهما يكون ترى ام زوجك تغار ولابد ما تنظر لك إنك مآخذه ولدها اللي تعبت وربته قولي له لما نكون مع اهلك ولا مع اي احد عاملني رسمي وفي بيتنا بيني وبينك سوي كل اللي نفسك فيه بيرتاح من هالناحيه وان شااءالله ربي يسخره لك
 
يالغلا اسلوووبك يمكن وطريقة كلامك تنرفزه
يمكن كان غلطان بس المفروض ماجبتي طاااااري امه ابد

لان مهما كنتي من جمال واخلاق واسلوب ونظافه ماراح يرضى تجيبن طاري امه هو يحسب انك تقللين من قدرها
 
لمسة سحر قال:
هلا حبيبتي ميسسو ....
زوجي مره قال بنقل على المدينه اللي فيها اهله ومانقل للحين ؟؟؟
وقبل أسبوع حاط رسالته الشخصيه في المسن انه بيسافر بعد 3أيام للهند وجلس مدة اسبوع وهو حاط هالرساله واختفى بعدها 3 ايام ورجع متصل وغير الرساله الحمدالله على السلامه يابو فلان وبعدين غيرها ( كاتب بالانجليزي انه بيكون خارج السعوديه على الاسبوع الجاي ) طبعا حالتي غير متصل طول هالوقت بس كنت مراقبته خخخخخخ
انا حاسه انه ضايع ومتخبط بدوني ويبي الصلح بس مايبي يعترف بخطأه ويبيها مني او من ابوي يعني يكلمه ويناديه بس انا قلت..... عشم ابليس بالجنه
أنقر للتوسيع...


حبيبتي الرجال حتى هو يتأثر من الإنفصال بس فرقه عن الحريم الصبر والعزة اما الحريم عاطفيات وبسرعه نسامح اكيد انه متشتت وتوقعي اي شيء انه ممكن يكتبه يبي يلفت نظرك على الاقل لو تهاوشينه انه رايح يتمشى ولا سأل فيك انت وولدك ولا عطاكم مصروف وده ياخذ اخباركم ...
نصيحة دام ان لك 3 شهور لاتدقين عليه ولا ترسلين له حتى لو كان لمصروف ولدك اذا يبيك ومتمسك فيك يجي للوالد هو الي جابك بيت ابوك هو يجي ياخذك ..
لاتزعلين مني يالغاليه من كلامك ان زوجك طيب اذا عرفتي تكسبيه بالكلمه الحلوه وحسسيه انه رجال البيت لان اصلا شخصيته ضعيفه وهو عارف هالشيء فيحاول يثبت العكس اما اهله حتى لو كان سلبي عندهم وضعيف شخصيه صدقيني اذا ما لقى عليك شيء مراح يصدق فيك ..
الله يسعدك ويوفقك للي فيه خير لك ولولدك
 
اهلين حبيبتي
انا ماألومك لما زعلتي من امه بس المفروض زي ماراضيتيه اول مره قدام امه خلاص ماعاد تزعلينه مره ثانيه عشان مااحد يفرح عليك
وثانياً إنتي غلطتي وغلط خطير مررررره هوانك تناقشتي معاه وهو جاي من الدوام
كان تركتيه ينام وإذا صحى قولي باقي ماخلصت تنظيف راح يتقبل الوضع لانه بيكون ريح شوي من تعب الدوام
اما وضعك حالياً فمن رأيي إنتي إتصلي واعتذري لاتسمعين كلام اللي قالوا طنشي لاوالله ماراح ينفعك الا بيتك وزوجك ولاتفرحين الناس عليك وترى الازواج مابينهم كرامه ولاتفرحين الشيطان عليك
ورددي دائماً(رب هب لنا من ازواجنا وذرياتنا قرة اعين واجعلنا للمتقين إماما)
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل