مشكلتي في دوام زوجي وانا اغاااااااااار

[شوكولا]

دكتورة ناعمة الحمدللة اني اخيراً اكتشفت هالموقع الرائع وبالصدفة.... وكنت اتمنى لو كنت اعيش بالامارات الحبيبة حتى اتمكن من زيارتك... بصراحة انا عندي مشكلة من تزوجت من ثلاث سنوات وهي ان زوجي يشتغل في احد البنوك وهو محبوب عند زملائه من الجنسين بس المشكلة انه اهو وايد طيب ويستحي وبسرعة موظفينه ياخذون عليه وجه... خاصة البنات وانتي يا دكتوره شايفة بنات هالايام خاصة اللي تشتغل بالبنوك حتى العميلات اشكال الوان... :no: المهم يا دكتوره انهم وايد ماخذين عليه ويعطون نفسهم الحق انهم يتصلون في اي وقت... ويسوون طلعات وحفلات خاصة بالبنك او من كيفهم... يعني انا مالي اي اعتبار... وانا على طول كنت اتضايق خاصة في بداية زواجنا بس الحين احاول ما ابين بس اهو خلاص حافظني ويعرف انه امووووووووووووووووووت غيره... :icon28: من وجهة نظره انه هالشي عادي وانا معقده وما عندي ثقه في نفسي واهو المتفتح الواثق من نفسه... كم مره احاول ادور بالموبايل بس ما لاقي شي يدل على انه يخونني بس اشوف مسجات من بنات وتليفونات (بين عميلات وموظفين و صديقات العميلات والموظفين) :icon1366: وكل مره يراد البيت بهدية مرة قلم ماركة مرة عطر غالي مره افخر انواع البخور الخ... وكل ما سألته من منو قال عميل:dunno:
وبالصدف اعرف ان يمدح جمال بعض الموظفات اللي معاه ولما نطلع عيونه اربع اربع عالبنات... مادري يا دكتوره اذا تشوفين مشكلتي تافهة لكن انا متأكدة اني أنا الغلط فيني اللي بينتله غيرتي وحبي واهتمامي المو طبيعي وتعلقي فيه...
قريت مره في قصة علاجك مشكلة احد الاخوات عن موضوع بوصلة الشخصية لكل رجل فشلون اعرف شخصية زوجي...

دكتوره انا اعرف اني غلطانه واحاول اتغيربس اتغير لفترة صغيره وبعدين مجرد اشك بشغلة صغيرة ارد العن من اول :crazy:

على فكره انا موظفة واحاول اثير غيرته علشان احسسه بنفس الإحساس اللي احسه لكن ماكو فايده ولاحيات لمن تنادي كله يبينلي انه واثق فيني وما يغار

 

[الامورة]

مرحبا اخت شوكولا..... شلونج

اتصدقين انى اعاني من نفس المشكلة الى عندج ماتنقص عندى ولابشىء واحد, ووايد متضايقة منها ومسببه لى حالة نفسية. المشكلة انه لما يرد من الشغل يقول لى كل شىء بالتفصيل, بس الحين لا لان تخانقت معاه على هالسالفه انى اغار وليش يصور معاهم وكذا وكذا....... ومن يومها مايراوينى ولايقول لى, وآنه اعرف بالصدفة اذا فتحت كمبيوترة اشوف الصورالى صورها في الحفلات او الطلعات.

اتمنى من الدكتورة ناعمة تعطينا حل سريع لانى تعبانه وايد.

 

[شوكولا]

حبيبتي الامورة بصراحة اعتقد ان وايد زوجات اتعاني هالمشكلة خاصة وان احنا نشتغل ونشوف البنات في الدوامات شلون ترمي نفسها على الرياييل بس في رياييل جديين ما يعطون ويه وفي رياييل ما تصدق على الله وفي رياييل تجامل بس... لكن في النهاية كله على حساب الزوجات ومشاعرهم.. والمشكلة ان البنات يبون يثبتون حق روحهم انهم مرغوبين من الرياييل باي طريقة... احس ان زوجي يتجنب يقوللي تفاصيل لكن من التليفونات والاحاديث انا افهم كل شي... بس في وايد اشياء اكيد ما اعرفها لكن اكثر شي يضايقني اهو اني احس انه ماكو حدود بالتعامل بينهم يعني اخاف حتى ان يقولهم مشاكله الشخصية... اهو ينكر هالشي ويقول انه ما يكلمهم الا بالشغل بس انا ما اصدق ما ادري ليش احس ان العلاقات تتعدى الزمالة... مثلا اذا كان يكلمني واهو بالدوام اسمعهم شلون يكلمونه واسمع صراخهم وضحكهم .... وايد انقهر الصراحة...

 

[جرح الزمن]

اذا كانت طبيعة عمل زوجك مختلط بالحريم ودوامه تقريبا ثمان ساعات او اكثر وانتى تعرفين هذا من البداية فالأحسن ان تزرعى الثقة بقدر المستطاع وتقومى بجميع اموره التى يطلبها ولاتشغلى نفسك بهذه الأمور لانك راح تتعبين نفسيا وجسمانيا والله يكون فى عونكم

 

[المحبة لربي الله]

الحل الامثل صدقووووني نشوهم حبي نفسج عسب يحبج جوفي حياتج لا تخليه كل شي في حياتج خليه اااخرررر اولوياتج لاننا في زمن فتننننة

 

[حبيبي دقايق من وقتك سلف]

المشكلة مب فالزوج المشكلة فالوقحات الي سمحن لنفسهن ايكونن ارخاص
قمة في قلة الادب والانحطاط والمياعة شفت بعيني كيف في بنات رافعين الكلفة امبين الموظفين الشباب ضحك وتكعكيع وسوالف مالها اول ولا الها تالي
حسبي الله عليهن خرابات البيوت

 

[شوكولا]

جرح الزمن/ ربي الله/ حبيبي دقايق من وقتك سلف - اشكركم على رايكم وفعلا كلامكم صح ولازم الزوجه تحاول انها ما تفكر بهالموضوع لانه فعلا يتعب بس شسوي ياريت بايدي وبعدين حتى لو قدرت يكون لفتره صغيره وبعدين ارد.

 

[زهرة البوادي2006]

اختي انتي بنفسك قلتي انو انسان منفتح وانا عندي فكرة مادام دائم يروح حفلات حاولي شوفيه انك تروحي معه يعني شوفي ردة فعله ويش تكون واذا شفتي انو ما متشجع جيبي له فكرة انو تخرجو مع بعض مرة مع زملاءه ومرة معك وحاولي غيري من اسلوبك مثل كأنك ما مهتمه فيه ولا تحاولي تثيري غيرته لان هذا الشي بيخليه في شك وانتي ما تريدي مشاكل والله الموفق

 

[لوناتا]

والله هاي مشكلتي انا بعد .... بس الفرق بيني وبينكم ان زوجي ملتزم واخلاقه عالية وما يحب الاختلاط

كان قبل يشتغل في مكان مافيه اختلاط وكنت وايد مرتاحة ... بس الحين عقب ما غير دوامه اختلط بالحريم ... وهو بنفسه كان يقولي انه مب مرتاح من الشغل لهذا السبب... كان يقولي عن حركات الموظفات والموظفين ورفع الكلفة بشكل فظيع ... بس بعد كم من شهر ... تغير رايه شوي ... يقول لازم اصلح المكان اللي انا فيه ... اذا انا ما اصلحت منو بيصلح....

المشكلة انه مرة كان طالع من الدوام من وقت وانا كنت معاه بالسيارة ... اتصل بالموظفة بالدوام على اساس تخص بعض الاشغال وكان متشقق من الابتسامة وكلامه كان فيه شي من الالفة معاها...

على فكرة انا ربة بيت ودايما احاول اكون متانقة وجميلة ... بس احس السالفة استوت عادي له
مثل ما قلتي اختي احيانا تخبين مشاعرج عنه بس ما تقدرين على طول...

ارجو من الاستشاريات المساعدة ... وجزاكم الله خير

 

[أم مريم]

هلا اختي الكريمه الله يعينج ع هذه المشكله وان شا ء الله تنحل

اول اختي اهتمي بنفسج دامج واثقه من اخلاص زووجج .

ثاني شي كلنا نعاني من بعض الموظفات الي رازات ويهن للريايل بدون احترام ولا شي

واونه مثل اخوها بشغل . وبعض وليس كل موظفات فيه منهن فيهن خير .

وثالث شي اختي سوي زياره لمكان عمل ريلج وشلي معاج باقه من الورد اونج كنتي

بسوق واشتقتي له وسلمي ع الموظفات واونج تسالين عن مكتب زوجج .

لازم تكون الباقه الورد رومنسيه وصغيره الشكل مع فازه تحطين الورد فيها لمكتبه .

وتكونين على متشيقه على الاخر من مكياج حلوو ويبين جمالج ولبس . ربع ساعه او نص ساعه

تمي عنده وخلج مبتسمه لكل بويه موظفات وزجج .

عشان الكل يلاحظ انج زوجته وانه بينكم الحب وموده .

وكل كم شهر تبي عليه بشغل . ههههههههههه ه ه


والله يسعج ويهنيج ويبعد عنج المشاكل.​

 

[شوكولا]

مشكورين حبيباتي على ردكم وعسى ربي يسعدكم ويبعد عن رياييلكم بنات هالأيام :thumbdown:

زهرة البوادي 2006​

اهو متفتح بس بالكلام لكن مو بالفعل لاني كذا مره حاولت اروح معاه الحفلات والطلعات لكنه ما رضى ويقول فشلة اخذ زوجتي معاي مو حلوة :tears: ومن ناحية الاهتمام انا مشكلتي اهتمامي الزايد فيه :blow:

لوناتا​

اكثر شي يقهرني اهو هالالفة من يكلم اي وحده من زميلاته بالعمل ومستعد يكلم بالساعات بس احنا من ندق كلمتين ونص وزين اذا ما صك التليفون بويهج :dunno:

ام مريم​

بصراااااحة الفكره اعجبتني حيل وفكرت فيها بس المشكله اني كل مرة ااجل لين اضعف(كنت حامل و نزل البيبي في بداية الشهر الرابع وحيل متنانه) بس خلاص هالمرة لازم اسويها بكشخ وباخذله ورد وبروحله الدوام والله يستر :a115:​

 

[شوكولا]

استاذه نااااااااااااااااااعمه ربي يوفقك ويسعدك ابي مساعدتك .... ما رديتي علي :e076:

 

[شوكولا]

:e076: انا احتج وبقوة ... ليش ما في تفاعل مع مشكلتي ... لا تحسسوني اني تاااااافهة :e130:
صج والله ليش استاذه ناعمة ما ردت علي واللي شاركوني مشكلتي عسى ربي يسعدهم كم وحده بس ... من صجي انا زعلت خلاااااااااص :a032: