مشكلتي صغيره.....بس ابي نصايحكم!!!

[ذبلني الحزن]

اهلا وسهلا خواتي شخباركم ؟؟؟
خواتي ابي نصايحكم في موضوعي ....
انا كنت مالجة وانفصلت الحمدلله .......والحين خطبني ولد عمتي اكبر من ب4 سنوات ....
بنات انا مووووول ما ابغي اتكلم في موضوع خطيبي السابق وهو كان عارف المشاكل الي اتصير...
فابغيكم تنصحوني بكلام اقوله اني انا مابغي اتكلم وخلاص ها شي انتهى من حياتي ....واصلا من الاساس هوه ما كان يشوفني ومكالماتنا كانت جدا قليله وكلها مشاكل ...وصصدقوني انا وايد اتضايج واحزن على نفسي باالتجربه الي انا مريت فيها والحمدللله على كل حال .....
ابغي اكلام اقوله وما يرجع يفتحلي الموضوع العمر كله...

 

[خارج السرب]

خليك صريحه وواضحه من البدايه

قوليله انا مااحب اتكلم في الماضي

قوليله ذيك التجربه مااحب اتكلم فيها واتمنى تكون متفهم

يعني صدقيني مو صعبه

بس انتي خليك حازمه شوي

لان ذيك العلاقه ماكانت ملكك وحدك كان زوجك الاول شريك لك فيها

فمو من حقك تتكلمي عنها عند الغير

باب وتقفل

مايجوز لاحد يفتحه مهما كان

والله يوفقك ويكتبلك الخير

 

[الحب والعطاء]

حبيبتي انت خاطرك منكسر ومتضايقة من موضوعك الاول عشان كذا لمن احد يفتح معاك الموضوع يزيد المك وحزنك شي طبيعي الى انت مريتي فية انا كنت مثلك عادي خليك قوية وكلمك جدي مع ولد عمك قولي قسمة ونصيب وكل واحد في هذي الدنيا ياخذ نصيبة وكل شي خلقنة بقدار وانا موضوع شلتة من بالي ولا عاد يهمني سحابة صيف وعدات مالها اي اثر في حياتي واذا انت تحبني لا عاد تفتح الموضوع مرة ثانية خلاص انا ابيك ابي اعيش لك انت لوحدك مافية احد في هذي الدنيا غيرك

 

[ذبلني الحزن]

تسلموووون اخواتي وبحاول اكون جاده اذا فتح الموضوع

 

[المتغيرة للأفضل]

الله يوفقك حبيبتي ويكتب لك الصالح من البدايه وضحي له واشرطي عليه ان الماضي انتهى ولايسالك عن شيء لانه انتهى من حياتك للابد وقوليها بصريح العباره لاتذكرني بالماضي

 

[روحي أنت]

عزيزتي انا من راايي انك ما تخلين عنده فضوول يعني تكلمي عن تجربتك باختصا وبيني له انها مو مأثره فيك ومرحله وعدت
اذا اشبعتي فضوله من هالنايحه ماراح يسأل ثانيه او يحاول يعرف تفاصيل ..

 

[خلود بكر]

مبروك ياقلبي والله يوفقك واهم شئ اذا سالك عن اي شئ جاوبي اجابات خفيفه يعني لاتتعمقي ممكن يسال وش سبب الطلاق قولي له مافي نصيب ومااحب اتكلم بشئ راح اهم شئ بهدوء عشان مايحس انك مضايقه او زعلانه وصفحه وقفليها ولاتحكيها احد وانسيها وحتى عيالك ممكن ماتحكيهم لو نسيتي طبعا انتي

 

[njooool]

صباح الخير ..
انا من وجهة نظري مثل مااقالوا البلقيسات اللي قبلي قولي السالفه باختصاااار وسكري الموضوع مرة وحده الا اذاا حسيتي انه كل مره يتعمد يفتح الموضوع فبيني له ان الموضوع مااضي وانتهى وقسمه ونصيب وسكري الموضوع