مشكلتي زوجة اخي؟؟؟؟

الحالة
مغلق و غير مفتوح للمزيد من الردود.
احمدي ربك انك متزوجه ولك بيت
اجل كيف لو كنتي لسه بنت كان مداك قلبتي البيت عليهم

خخخخخخخخخخخخخخ

اسفه

بس احسك ماتتحملي

كلنا كذا

بس خلاص هذي زوجت اخخخخخخخخخخخخخخ
وعندها عيال
 
تصدقين زوجة أخوي كانت نفس الشي بس بعدين تعلمت من زوجات أخوي الثانيات وايد شغلات حتى أشياء سلبية تعلمتها هههه
فلو تكلمينها انتي أحسن ولا تخليها تتعلم بروحها لأنها بتتعلم أشياء ماودكم تتعلمها وبتقولون لو ظلت على حالها أحسن
 
لاجول ولا قوه الا بالله ولله ماينعرف لكم يذا الخوات خوفي رب العالمين وحطي نفستس مكانها
سبحان الله اذا جت الام حبوبه جو بناتها قشران ولله اني ماحب حركات خوات الزوج اللي زي كذا وترا كما تدين تدان بتجي حوبتها فيتس ولا باحد خواتس او بناتكم حتى لو قلتي حنا مهوب مثلها
سنعات يجي اللي مايشوف سنعكم
تدرين وش دواكم وحده تلوفكم لوف وتوريكم الشغل عدل

فعلن ذكرت سالفة صديقتي ومرة اخوها دايم تشكى منها وتقول سلبيه وماتعرف تطبخ وناشبه لنا وعيالها قبل عندنا وخوي هو اللي يسوي كل شي وانا اقول مالكم دخل مادام زوجها راضي وامتس راضيه وتقول امي دايم بصفها وتهوش اذا قلنا شي لها وبقططون عليها الكلام مع ان امها تعزها وتقول البناتها اسكتوا عنا الحمدالله ماعمرنا جانا منها شر
المهم مع الوقت البنت بكثر ضغط البنات وتحقيرهم لها وشوفت نفسهم عليها انسحبت بستيره ولا زعلت بس من كثر التجريح منهم وصارت رسميه وهي ماعمرها جاهم منها شر ولا فضحت اسرارهم للناس
تزوج اخوها الثاني وكانو حريصين يبون اجتماعيه وطباخه وضفره صحيح جتهم الاجتماعيه والطباخه وطاروبها اول زواجها بس الله لا يوريتس لو بيروحون للسوق درو العالم كله لو سوتلهم فنجال قهوه ماخلت احد ماقالت له تقول تخيلو حتى الناس حسستهم ان مانعرف الطبخ ولا السناعه الا منها وان الطبخات كلها اللي نعرفها هي مصدرها اذاصار عندنا خبر ومانبي احد يعرفه زي خطبه او غيره لين يتم درو الناس قبل مانرد على الخطاب
ولا تقول اذا قلنا لها ولا انتقدناها مدت السانها وشيشت اخوهم تقول ثنتين من خواتها كرهتهم بيت اهلهم تقول انا وزوجي وعيالي ابدا منكم بيت اهلهم تخيلي صارو مثل الضيفات وياويلهم لو تكلمو من اخوهم قوم الدنيا وماقعدها ماسوت مثل الاوله يوم شافت مضايقتهم انسحبت وترا مانسحبت الا عقب ماعاد صارت تتحمل من كثر مايغلطون عليها
والاوله خلاص صارت تقدر خالتها وخالها وتسلم عليهم وتادي الواجب وبس
تقول ولله صرنا نتشفق الجيه منها وهي معاد تعطينا وجه وتقول مانلومها لانها مجروحه
عشان كذا اقول اتقو الله فيها ومثل مرة اخوك ماراح تلقون بذا الوقت بنات اليومين هذي يعادون اهل الزوج ومايبونهم قبل لا يدخلون عليهم وهذي احمدو الله ماسحيت اخوكم منكم صدقيني اي تصرف راح تندمين عليه وخافي الله وخافي حوبتها ودعوتها انا ماشوف في مرة اخوتس مشكله المشكله فيتس انتي وخواتس ودايم امهاتنا اعقل منا وافهم بالحياة لو فيها عيب صدقيني ماعزتها امتس لان امتس تخاف الله بناتها لايصير لهم شي خافته في بنت الناس

بينطبق عليكم مثل مايعرف قديري لين تجرب غيري
 
حبيبتي مايحتاج انك تواجهيها .....تواجهيها على طبع جبلت وخلقت

عليه ؟؟؟؟ ...السكوت وقلة الكلام ( طبع كثير من الناس وأصابعك

مو سوى ...فيه من الناس من هو ( ثرثار ويقلب الراس بكثرة كلامه

وفيه من هو ( متوازن ) وهكذا ....فالناس تختلف بالطباع ...

لكن ...اذا كان على ( الشغل ) فممكن أنك تطلبي منها خدمة ( ما)

(كتنبيه لها ) لا أكثر .....ولكن أطلبيها ( بروح حلوه ونفس طيبه )

( حتى لا يروح بالها بعيد ....وفي الوقت نفسه >>>أخوكي يأنس

لتعاملك معها .....وأحمدي الله وأشكريه >>تراها أحسن من غيرها

بكثير ...( مادامها كافيه خيرها وشرّها ) ...والله يوفقكم يارب..
 
والله يا اختي دام كافيه خيرها وشرها عنكم خلوها ، انا كان عندي نموذج في البيت بنفس الطريقه ، زوجة اخوي مش قادرين نتقبلها لاسباب ماله داعي اذكرها بس ما ققلنا من احترامها قدر لاخوي الكبير بس في نفس الوقت هيه في حالها ونحن في حالنا لحد ما حست بهذا الشي ولاحظنا انها صارت تتحاشا تقعد معانا وايد ، بس يا اختي لكل حاله ظروفها واللي فهمته ان زوجة اخوج مش سيئة مجرد اطالتها الجلوس عندكم بس واعتقد هذا مش سبب كافي يخليكم تكرهونها ، بس صدقيني مع الوقت راح تلاحظ وتحس بجفاكم عنها وتبتعد تدريجيا ، بس نصيحة اخت اذا هيه ماضرتكم في شي حالوا انكم توصلولها احساسكم من غير ما تجرحونها مهما كان قدر لاخوكم.
 
بسراحه الردود ارى فيها عجب
الي قرة المشكله وتمعنت فيها ترا انها ما تخصني لحالي انا كوحده ساكنه خارج البيت المشكله الكل متضايق منها واولهم اخوي هو ما قال لكن باين من تصرفاته وامي نفس الشي لاكن ما تكلمت صريح
الي تقول كان نفستي في بيتك اعتقد ان البيت بيتي قبل ما يكون بيتهاوانا الداخله وهي الطالعه واحرم نفسي من امي عشانها هذا رد ما يخش البال
والي تقول انها كافه خيرها وشرها وش عليك منها دعي الخلق للخالق انا ما تدخلت في شون بيتها او في حياتها الخاصه انا اتكلم عن تواجدها الزايد عندنا مع انا حاطين لها شقه متكامله وما نبي منها لاخير ولا شر برج مراقبه علينا
والي تقول عامليها معاملة اخواتك وخليها وحده من البيت هذا امر مستحيل لان تكيرها وطباعها وتربيتها غير
والي تقول اه ه من اخوات الزوج وهم الي يخربون انحن تحملنا شي منحن متكلفين فيه وصلت تبينا نشتري لها ملابس داخليه
والي تقول هجمتو عليها واخذتوها بالتهديد وروعتوها تبينا نخليها على فالها اكل ومرعا وقلت صنعا وبعدين ما هجمنا جيناها بالتفاهم والنقاش المحترم
والي والي والي
لكن اخص بالشكر الي تفهمت وضعي وحست بقدر مشكلتي لان الي رجله في النار مو مثل الي رجله في الماء وارجو انكم تنضرون للمشكله انها عامه للبيت كله مو لحالي والكل متضايق ولو نبي الشر كان شكيناها على اخوي وانتهى الامر بالنسبه لنا وطاحت كل البلاوي على راسها بس مانبي نحسس اخوي بشي عشان ما يكرهها بسببنا
ومره ثانيه اشكر تفاعلكم وردودكم المختلفه
 
انا بسأل سؤال وين المشكله يعني انها تنزل لكم دايم سويتوا مشكله مالها اول وتالي لو كانت ماتنزل لكم كان وش سويتوا سبحان الله مايعجبكم الا الثرثار والمهرج علشان تنبسطوا عليها بعدين شعليك انتي وخواتك منها بس ودكم تسون مشكله واذا صارت ساكته سوت جريمه مثلا لو انتم بادرتوا وحسستوها انكم تبونها وجلستوا تسولفون معها حطوا مكانكم مكانها صدق مالكم داعي
 
لبى قلبك من شفتك تكتبين انحن حسيتك من اهل سدير كانك من اهل سدير حولي زوجة اخووك علي توسع صدري حتى لو هي على الصامت اهم شي انسان قدامي ولا هالطفش ههههههههه

اذ كانت تجلس لها كم ساعه عادي
بس كانه ساكنه عند امك كل شوي نازله اتوقع مالها داعي
طيب خل خواتك يروحون لبيتها ويجلسوون نفس المده اللي هي تجلسها عندكم ويصيرون ع الصامت كودها تحس شوووي انها مسوويه طفش للبيت
يعني ماعليش تنزل وتسولف بس اما تنزل وصامت وش تحس به
وبالاول وبالاخير اهم شي اناه راضيه زوجها وامك يعني باين ان امك مبسوطه بتواجدها وهذا اهم شي يعني انتم مصيركم تروحون لبيت رجالكم وامك بتجلس لحاله خل توسع صدرها زوجة اخوكم
بس المشكله بعد اخوانك الشباب ا
 
طنشوها لاتعتبرونها موجوده بالبيت واذا جت لاتقدمولها اي شراب او اكل لانكم انتم الضيوف وهي راعية البيت
وحتى لاتكلم اخوكم قولوله كذا
صدقيني ياتتسنع او تطفش وماعاد تنزل
 
احس بعض البنات فهموك غلط

وان اعتراضك عليها لانها ساكتة ولا تتكلم

واللي فهمتة انا منك انك متضايقة لوجودها المستمر وكانها برج مراقبة

لان كان وحده من زوجات اخواني ايام نفاسي كانت تسوي كذا

قسم بالله عفت حياتي كنت تعبانه وحالتي حالة وهي تجي وتجلس عندي على الكنب

من العصر لاحد ما تتعشى رغم انها تسولف وعلاقتتي فيها زينة بس اتعبتني وعيالها وعيالي

بس يتهاوشون

بصراحة حتى لو زوجة الاخ عسل لازم كل واحد له حد والام وبناتها بينهم اسرار ما يبون احد يطلع عليها

وكل البنات العضوات اللي مكويات من خوات الزوج يشوفونك وحده من خوات ازواجهم هههههههههههه


الله يعينكم ​
 
بصراحه انا حاسة فيك
فعلا شعور مزعج زي لزقة عنزروت خخخخخخ
بس حلو انها كافيه شرها بس لاتكف خيرها
على الاقل تسولف معنا تستقبل الحريم تقهويهم تسوي شي سنع والا تطس شقتها فوق
قمة الغثااااااااااااااااااااااثة الانسان اللي زي كذا سلبي يصير مليييييييق ثقيل دم
تواجده غير مرحب فيه
 
بأقول شي بس تكفين لاتزعلين السبب الرئيسي للمشكلة على قولت النجديين انكم (جحودين اوكتومين )وماتبون مرت الولد تعرف كل شي (وماعندكم استعداد تخلونها وحده منكم وفيكم )لكن حبذا لوتغيرون الطبع هذا وتحاولون مادامكم كذا دايم مع بعض تكسبونها والله كم مرت ولد صارت احسن من مئة اخت وتذكروا بعدين اذاكل وحده منكم راحت في طريقها من بيبقى لامك بعدالله الاهي عشان كذا اعتبروه بر بأمكم وبالنسبه لاخوانك الثلنين قلولهم خذوا راحتكم فلانه نمون عليها موغريبه وهي تقوم تجلس في غرفة ثانيه ولاتروح بيتها لين يروحون اخوانك وهي بعدين اذا جاها عيال بتنشغل ببيتها
 
شكلها تمل من بيتها ضعيفة واهم شي ماجاك منها شر فاصبري الين يفرجها اللة
 
والله اخوات الزوج دائما هكذا ماذا تريدون منها ؟؟؟؟لو كانت شريرة وتتدخل في كل صغيرة وكبيرة في البيت كنتم عملتم لها الف حساب
واقول لي يقول انها غريبة هي لم تعد غريبة هي زوجة اخوووووووووووووووووووهم يعني واحدة منهم يعني عاملوها مثل اختكم
اتقوا الله في بنات الناس وحطي نسك انت واخواتك مكانها وانك منبوذة من طرف عائلة زوجك
​
 


ياربييييييييه وش هالردود .. الاغلب مافهم وجهه نظرها وسبب مشكلتها
لو انتم مرت اخوكم سوت كذا حتى لو تسولف صدقوني زهقتوا منها
تقولون كن ماعندها بيت .. وهذه عندها شقه وكل يوم نازله
وليت بعد تطبخ وتنفخ وتساعد وتسولف .. يعني مثل ماقالت برج مراقبه ..
والله قهر ..
لو زوجت اخوي كان كرهتها بعيشتها .. لين تتسنع والا لااشوف خشتها ..
اكره ماعندي الصامت ..
وصدقتي بالنفاس حلوه الوحده تاخذ راحتها .. وخاصه ان البيبي يخرب نومك
ونفسيتك .. يعني مو ناقصه وجع راس ..

اعطيك بعض الحلول يمكن تنفعك ..

- دوري لها شغل وعادي سوي من باب الميانه تامرينها وخليها تشيل وتحط
وتنظف تكنس او تغسل مواعين مافيها شي ..
او مثلا لكلتو قولي لخواتك انتي غسلي مواعين وانتي وزعيهم ووحده ترتب
وانتي مره اخوك كنسي .. يمكن كذا تحس ..
- او اذا اجتمعتو خواتك قولي عندي لعبه سؤال وجواب كل وحده تسال
والي بعدها تجاوب وتسال ومنها سحبوا منها كلام .. ومن ضمن الاسئله
لو قابلك حد ثقيل دم وكله ساكت وش تسوين معه :31: يمكن تحس . وتسولف.
- او قولوا لها من زمان ماجينا شقتك وكل يومين طلعوا وخلوها فتره غدى والا عشا ..
وشوفوا السناعه لين تطفش ..
- او قولي لها ماذقنا طباخك ومره بهالاسبوع خلوها تسوي لكم وجبه ..
وقولي لخواتك وهي موجوده من يوم ورايح والكلام للكل ابي كل مره تجون تسون
طبق مره حلى ومره طبق عشا وخليهم يتفقون معك حتى امك قولي
لها وتمشي عليها ان ودكم كذا للوناسه مو لها ..والي ماتجيب طبق لااشوف وجهها
وهي اذا ماحست وجابت اعذريني اقول شكل جزء من المخ مفقود ..:25:
والا سولفي على امك وهي ماتدري بنيتك يمها ان صديقتك
والا قريتي سالفه بالنت ان وحده خالتها والا عمتها عندها مره ولد من تزوجت
ماخذه شقتها فندق وكله بس بيت اهلها غيري الموضوع انتي هههه
وان اهلها يقولون كنهم ماعروسها مفروض وحده تكون ببيتها وتسعد زوجها وتكون
بوجهه بالدخله والطلعه يمكن تحس


عذريني طولت بس حاسه فيك ​
 
انا قرات كلامك وقرات الردود وتحمست مررررة..
اول شي ماشاء الله باين انكم اجتماعيين وفرفوشين بعكس مرة اخوك..؟؟
اذا انتي صادقة تبغين الحل سوي اللي بقول لك..لانه يبغى لك فترة وانتي وشطارتك تقدرين عليها باسبوع بشهر ..المهم موفقة
واذا تبغينها بس تروح عن وجهك وتجلس ببيتها وماتنزل
شوفي لك رد من الردود يناسبك..؟؟
حبيبتي..
(قبل كل شي بقولك موقف صار لي شخصيا.. والله ما انساه وقتها كرهت نفسي وحياتي والله العظيم..
..لما كنت ادرس نقلت صديقتي اللي انا واياها الروح بالروح لمدرسة غير اللي انا فيها لان بيتهم آجار ونقلو عنه لبيت بعيد عن المدرسه..
بعد نقلها جلست يومين او ثلاثة بلحالي وبعدين جتني وحدة بفصلي كنت بفصل أ (الله يوفقها ويسعدها وين ماتروح..اقسم اني ادعو لها من قلبي كل ما تذكرتها)وقالت اجلسي معنا هي وصديقتها اللي كانت بفصل ب غير فصلنا وكانو من يوم هم بالابتدائي جميع..
كنت اجلس معهم لكن انا ما كنت اجتماعيه.. وكنت استحي ومدري كيف ماني عارفة اوصف شعوري المهم خجولة جدااااا..
بدات اجلس معهم سنة كاملةلكني على الصامت اقسم واقسم واقسم انه مر علي ايام اذهب للمدرسه وارجع لم انطق بكلمة واحدة ان لم اقوم واجيب على سؤال في احد الحصص او ارد سلام لاحد الطالبات
شعور جدا يقهر ويعذب ..كنت كل يوم ارجع ابكي,,اشوف البنات اللي مرحة.. واللي تمزح مع هذي وهذي.. واللي تستهبل مع المعلمات ..الا انا انظر لمن حولي وابتسم فقط ..كنت اقول بكرا بتغير ..بكرا بتكلم واسولف لكن ماكنت اقدر..لين تخرجت ومادرست جامعة لظروف
جلست بالبيت وتزوجت )
هذا الكلام كان قبل ثمان سنوات تقريبا
اما الان الحمدلله تزوجت واصبحت اجتماعية مرحة مبستمة متفائلة طيبة محبوبة باذن الله من الجميع)
نجي للحل مع زوجة اخوك انا ضربت لك مثال من الواقع....
عشان تعرفين ان فيه احد زي مرة اخوك او اشد..
..الحلول..لازم تتشاركون فيها انتي واخواتك..
حتى تنحل المشكلة..ولازم تقتنعون انكم تبغون تتقربون منها لا انكم تبتعدون عنها..

**لما تكونو جالسين تعمدو وضع القهوة امامها..
وحدة منكم تقول من بيقهوينا اليوم ,,
او مرة اخوي بتقوينا اليوم الله يجزاها خير,,طريقة مباشرة وبعدها دعوة محببه للنفس..
**قولو بكرا نبغي كل وحدة تجيب لنا حلا وبنشوف من اللي احلى..واذا كنتو كثيرين قسمو
الحلا ليومين,,يعني كل ثلاث او كل ثنتين بيوم وتكون معكم..
**اساليها عن طريقة حلى ,,,عجينة,,خلطة للبشره,,
محل ملابس..عطر ,,اي شي يجعلها تتكلم..
**امدحي لبسها شعرها جسمها لو حتى اي شي بسيط فيها..ليعطيها دافع ثقة بنفسها ..
**لما تطلعين للسوق اعرضي عليها تروح معاك حتى لو رفضت ..المهم انها تحس بوجودها وقيمتها معكم..
**اذا جلستو قلبي بجوالك طلعي لك كم مقطع فيديو او صوت ووريها قولي اعجبني هذا ..راح يكون فيه مجال للكلام..وتنفك عقدة الصمت..
**اذا كنتي تحبي التصوير ومعاك كاميرا ,,(لاني لا اؤيد التصوير بالجوال)اطلبي منها ان تصورك انتي ومولودك الجديد..حفظه الله واقر عينيك بصلاحه..امين..
**اذا كنتي بتروحي لدورة المياة ,,اكرمكم الله,, اوعندك اي شغله بتسوينها اعطيها طفلك وقولي لها تنتبه له..
**لما تقومو تجهزو العشاء اطلبو منها ان تساعدكم ..
..قولو لها يالله متى تطبخين لنا نبغى نذوق طبخك..
حسسوها انها منكم وفيكم
..نجي للنقطة المهمة..
اذا حسيتو منها تجاوب في النقاط السابقة وانها بدات تتكلم وتسولف لو بشي بسيط..
انتي اجلسي معها مرة ..
& وقولي لها ياعمري أخوي ماعمره جلس ببيته ابد..
&اقترحي عليها انها تتقهوا هي وزوجها المغرب فوق..
&اقترحي عليها انها تخصص لزوجها من وقتها ماتنزل فيه ..
&قولي لها وفهميها ان اخوك ماتزوج الا يبغى يستقل ويستقر وتكون له حياته الخاصة
&حاولي تفهميها ان زوجها له حق عليها...
الهدية وما ادراك ما الهدية..؟؟؟؟!! ..
اهديها اي شي واقترح.. كتب رومانسيات زوجية ,,وشريط عشرين في عشرين للشيخ سليمان الجبيلان ..والله رووووووووووعة ..انصحك وانصح كل من مر على ردي ان يسمعة..
&شاوريها باي شي ووافقيها الراي..لو لم تقتنعي به
لان هذا يعطيها دافع للكلام,,


وموفقه غاليتي,,
اتمنى اشوف ردك على كلامي..
 
الحالة
مغلق و غير مفتوح للمزيد من الردود.
عودة
أعلى أسفل