"مشكلتي باختصار"

[الشمـــــــــوخ]

بسم الله الرحمن الرحيم

مشكلتي بإختصار:
زوجي يريد الزواج وأبغى وسيلة أنه ما يهمني زواجه يعني ما أتاثر
مع العلم أنه لم يخطب بعد ولكن يبحث

الرجاء الرد من الكتورة :
ناعمة أو موزة​

 

[عنقود عنب]

ربي يعينك

ما لك غير رب العالمين تلجأين له

اكثر يا اختي من الدعاء

بعدين يا اختي .... مستحيل الواحده منا ما تتأثر من زواج زوجها عليها

لكن الشاطره اللي تعرف كيف تسيطر على نفسها ولا تخلي الموقف يؤثر عليها وعلى قراراتها و تصرفاتها

ولكن الالم لا بد منه والقهر ايضا ...حتى لو كانت لا تحب زوجها ...الا ما تحس بقهر و جرح في انوثتها وكرامتها

وربي يربط على قلبك

 

[ثقتي عاليه]

ممتاز انج فكرتي بهالاسلوب وما فكرتي باسلوب الضعفاء انج تطيحين عند ريله وتموتين من الصياح
يوم تشوفيه كله ضحكي قوليله ها عيل لين احين ماتزوجت متى بنبارك لك عيل..........
اشتركي في نادي او اي شي شغلي يومج ولو تحذفين رقمه من جوالج واايد احسن

 

[المنقبة]

لا حول ولا قوة الا بالله الله يصبرج

 

[أم فهد 123]

ما في وحده ما تزعل وتموت اذا قال لها زوجها بتزوج مسستحيل ولك الله يصبرج ولا تبينين له انج موافقه ابد ولا بطريق الضحك لانه بيستانس لكن حسسيه انج زعلانه ويارب يرده عن هالموضوع ويبعده عن الزوجه الثانيه

 

[البحر غدار]

ياالهى شو صاير للرجال والله عينهم صايرة قوية يعنى عينى عينك بدو يتزوج بدون ماياخد رايك او يشوفك بتزعلى مابتزعلى صحيح انو متجبر ومتكبر ازا اصر عالزواج فكرى بحالك ولاتفكرى فيه ابدا خليه منتسى من حياتك واضغطى عليه بالصرف والاغراض واهلكيه ولاترحميه لانه مارحم العشرة يلى بينكم وبلشى الحرب عليه لحتى يقول انو الله حق

 

[!* أمــار *!]

اختي الله يعينج ويصبرج
ويهدي زوجج لج ومايفرقكم
بس انتي مافهمتي من ليش بيتزوج؟؟؟
وماحاولتي تقنعينه ان قراره مو سليم ..​

 

[دانــــه جدة]

اختي الغاليه:

انتي لا زم تحاولي عشان تمنعينه من الزواج بس بعقل

اجلسي معاة وتحاوروا

حاولي تغيرين بنفسكـ بشكلك واطباعكـ

وغيري اجـواكم الروتنيه حاولي تغيرين با البيت وخليكي زي ماهو يبغى ويتمنى

والتجـي لله عزوجل

والله يسعدك دنيا واخرة
وما يجعل زوجكـ لغيرك​

 

[دانــــه جدة]

اختي الغاليه:

انتي لا زم تحاولي عشان تمنعينه من الزواج بس بعقل

اجلسي معاة وتحاوروا

حاولي تغيرين بنفسكـ بشكلك واطباعكـ

وغيري اجـواكم الروتنيه حاولي تغيرين با البيت وخليكي زي ماهو يبغى ويتمنى
وبلعكـــس بينيله تمسكك فيه وغيرتك عليه وانك تبينه لك انتي وحدك
وانك ما ترضين احد يشاركك فيه
وقوليه انا احبك وما ابغاك لغيري:tears:


والتجـي لله عزوجل

والله يسعدك دنيا واخرة

وما يجعل زوجكـ لغيرك​

 

[-مشاعل-]

الله يعينك يا اختي .. كثري الدعاء وخلي اتكالك على الله
انشاء الله انه يهون .. ويصير ما يشوف من الحريم الا انتي

 

[الملكه 22]

حسبي الله عليهم ونع الوكيل الاحد اذا بغى يذل زوجته اوينكد عليها
قال انابتزوج اوبسافر برى علشان استانس واغير جو مليت وطبعن لحاله مامعه الارفقا السؤ