مشكلتي انا وزوجي والمطربات

[روزة]

عندي سؤال لكن ياعلم المتزوجات واتمنى تجاوبوني لاني حاليا متخانقة مع زوجي بسبب هذا الموضوع


زوجي معجب بأحدى السافرات************** المطربات وهو بصراحة ماقالها لي بالصحيح بس احسه مهتم فيها وفي اغانيها كلها تعجبه مع العلم اني في بيتي لاتوجد اي قناة من قنوات الاغاني لكن الله يحرق المقاهي والكافيهات الي يشوفوا فيها ماهب ودب

المهم مرة كنا انا وزوجي وهذا قبل كم سنة عند امه وكنا بنتحاور ونتناقش عن الغيرة وكانت امه تشاركنا الحديث وانا جالسة اقول المفروض المرأة تعتدل في غيرتها وبالنسبة لي انا متبعة هذا الاسلوب قام هو قاطعني وقالي طيب شوفي يأمي فلانة والي هي انا ماتخليني اتفرج على .... ( مطربته المفضلة )

طبعا انا صار وجهي كذا :blushing: عالرغم اني ماكنت امنعه بس امكن مرتين كنا نتفرج عند اهلي وهي جات قمت غيرت القناة وحسيت نظراته غريبة .......... طبعا عدت بس ساعتها على خير لكن بعد ماخرجنا من عند امه :icon28: وطبعا انا حطيت من ساعتها الموضوع ببالي

المهم السالفة هاذي قبل كم سنة
والي جاب طاريها ياطويلات العمر اني قبل يومين كنا انا وزوجي العزيز جالسين بكازينو على البحر والا هم مشغلين اغنية لمطربته الي عاجبته :thumbdown:

والا هو يقولي الله هاذي الاغنية مرة رومنسية طبعا انا عديتها لانه الوقت كان حلو وماهو وقت مضاربات وهذا غير اني شكيت انها تكون هي الي مغنيتها
فجيتكم امس وبأسلوبي الدهائي لويت الموضوع وقمت اقوله بطريقة استهزاء وانك انت عجبتك الاغنية عشان الي مغنيتها ست الحسن والدلال وقلت انها رومنسية عشان الفيديو كليب للأغنية كان رومنسي وشكلك كنت عايش جو الاغنية عشان كذا حسيت بالرومانسية الي انت عمرك ماجبت طاريها معاي وكنت تشوفها تفاهة


طبعا زوجي المصون :santa_1: قام نفر عن شنباته وقام يدافع عن نفسه بكلاماته الي تعودت اسمعها منه وهي انت دايما شكاكة انا لو كل الرجال تفكيرهم مثل تفكيري ماتلاقي احد يخون مرته انت عمرك ماتثقي فيني انا نيتي ماهي كذا وانا وانا وانا ....... طبعا دايما مطلع نفسه الطاهر الشريف الي عمره مايهمه الحريم ولايفكر فيهم حتى لو كانت جنبه لانه هو انسان يخاف الله



قمت انا كمان ادافع عن نفسي وسألته لو انا كنت جنبك وجت اغنية السافرة********* هاذي كان خليت القناة والا كان غيرتها قام جاوبني لاطبعا اغيرها عشان اخاف على شعورك
قمت قلت طيب انت تقول ان نيتك ماهي كذا لانك انسان تخاف الله طيب لما انت حضرتك ربط رومنسية الاغنية بالفيديو كليب ورومنسيته هذا معناه انك كنت تتفرج على ******** هاذي قال ايه قلت ليش لما جات الاغنية هاذي وانا ماني موجودة جنبك ماخفت الله ساعتها
الانسان الي يخاف الله يخاف الله سواء مرته جنبه او ماهي جنبه والانسان الي يخاف الله ماينخاف عليه وانت اثبت انك تضحك على نفسك وانت ماتخاف الله ربك الي امرك انك تغض بصرك وتحفظ فرجك وهو ساكت الا بعدها قام يطردني من الغرفة وانه بده ينام

ومن ساعتها انا وهو متضاربين ولا كمان وهو نايم مديني ظهره
اسألكم بالله هل انا غلطانه والا هو ترى مالي غيركم توجهوني وقولوا كيف اتصرف مع زوجي احس بقهر من ناحيته انه قاعد يلف ويدور علي ...........

 

[Queen***]

الله يعينك حبيبتي
بس الأفضل انك ما تناقشينه فيها ولا تزعلين معاه عشانها لأنها وحده أي كلام وما تسوى ليش تخلينها تأثر على حياتك وهو لا هو واصلها ولا راح يشوفها وبعدين بيمل منها أكيد لأنهم هذولا يستهلكون أنفسهم بكثر الطلعات لما يملهم الجمهور
المهم انتي لا تناقشينه عنها وحاولي تورينه مرة صورة لها بدون ماكياج أو وشكلها يضحك دوري في النت وراح تلقين لهم صور تضحك خصوصا اذا كانت اللي في بالي ما تنبلع من غير ماكياج بس مو تورينه عن قصد خليه يشوفها من غير ما تكونين قاصدة وانتي وذكائك عاد
وقبل كل شي ::::::::::: الدعاء الدعاء الدعــــــــــــــــــــــــــــــــــاء اطلبي العون من الله سبحانه وتعالى وادعي انه يعافها ويملها هي وغيرها وكل اللي غيرك
وبالتوفيق ان شا الله

 

[Queen***]

نسيت أقول لك لما تبين تورينه صورتها خلي يمر وقت طويل لما ينسا السالفة لا تسوينها الحين فحموتها راح يحقد عليك زيادة
ولا تنسين كل ممنوع مرغوب >>>>>>>> لا تمنعينه انه يشوفها

 

[الحـــور]

أصعب شي لما يكون زوجج انسان جريء وعادي عنده يجرح مشاعرج ..

ما أقدر افتي في هالأمر لأني أخليه لاهل الخبرة والمشورة ..

لكن لو مني أنـــا كنت بقهــره وبدور لي على مغني وبسوي مثله ..

أشوف حزتها بيرضى ولا لاء ..

وانا ما انصحج بها لأن مب كل الرياييل من صنف واحد ^_^

 

[rasaliangel]

حبيتى ذكرتينى بالذى مضى خخخخخخخ ولا يهمك ردى بأدب ودهاء حطيى فى يوم على قناة اغانى وخلى فنان انت تشوفيه حلووو ولما تجى اغنيه قولى له خليها انا مرررررررره احب الأغنيه هذه رومنسيه مررررررررره تحرك الإحساس وراح تشوفى انه راح يسوى زعلان وانت ادعى البراءه انك مو فاهمه ايش به اتقمص واتصرفى عادى يعنى شربيه من نفس الكاس اللى بيشربك منه بس من دون نقاش مو هو سمح لنفسه انه يبدى اعجابه بالمطربات اذا حقك تبدى اعجابك بالمطربين هههههههه وبروووووود مره واهم من هذا كله العبيها هذه اللعبه وانت واثقه من نفسك مو مهزووه والله يوفقك ويعين .

 

[واحات]

(( أختي هل سمعت يوما عن حكم سماع الغناء.... اتمنى أن تزوري القسم الديني لتجدي ضالتك))

اذا كان حكم السماع يشيب له الرأس فكيف بما يتبع هذا السماع من مشاهد


هداني الله واياك الى جادة الصواب

 

[بنوتة 911]

الله يسعدك ويهدي سرك مع زوجك ويجعلكي قرة عينه

 

[aldana]

:no: طبعاً حبيبتي أنتي الغلطانة ...

خلصوا المشاكل ؟؟؟ عشان تنيشين على نفسك وتغارين من مطربة بالتلفزيون ؟؟!!! :bigsmile:

حبيبتي طريقتك في الغيرة نكدية حبتين .... وهذي الغيرة الي يسمونها غيرة بلا طعمة ...

وسعي صدرك .... ولا تهتمين ولا تدققي ولا تعلني قدام زوجك غيرتك من أي انساة في العالم ...

وخليك واثقة من نفسك .

 

[العقد الفريد]

الله يهديه ويسخره لك -انا من رايي ماتناقشينه ابدا في هاالمسائل وحاولي دائما وانتو مع بعض تكونين متجدده ومسليه ولا تجيبين سيره الغيره او اي شى يضايقه يعني خليه يستمتع بوجوده معك وانتي اشغلي نفسك بهواياتك وصيديقاتك
وخليكي دائما متشيكه وفاجائيه بشغلات حلوه-وحافظي على الدعاء بشكل يومي (اللهم اجعلني قره عين زوجي اللهم اجعلني

1. سكنا لزوجي اللهم احفظ بصر زوجي وفرجه وسمعه من كل ما يغضبك يا ارحم الراحمين)عموما هدا رايي والله يوفقكم

 

[الكونتيسة]

السلام عليكم
حبيت بس أبدي راي في موضوعك
معلش حبيبتي الغلطة غلطتك وغيرتك زيادة حبتين
خليه يطالع شوف عينه وحظ غيره
وبعدين فين الثقة بنفسك؟؟؟؟؟؟
ليش تبينين أنك أقل منها بغيرتك؟!!!!!!!!!!!!!!!!!!!
تدرين أنا لما أشوف وحدة عاجبة زوجي بالتلفزيون أقول ايه والله حلوة وأتفرج معه
بعدين صار ما يهتم فيها يعني عادي
بعدين اهتمي بنفسك واكشخي وما عليك من هالسافرات كلها فترة وتعدي
بس بقولك شي: (واثق الخطوة يمشي ملكا) يعني خليك وااااااااااااااااااثقة من نفسك ويا جبل ما يهزك ريح
وسلامتك
أرجو أن تتقبلي صراحتي برحابة صدر (يعني لا تزعلين)

 

[sahar1982]

حبيبتي ...

بصراحة انتي غلطانة

كبري عقلك شوي

يعني حتى لو غرتي منها لا تبيني غيرتك له

هو اكثر شي ممكن يسويه يطالعها وبس

و لا تنسي كل ممنوع مرغوب

بينيله انه ما همك لانه يمكن هو متعمد يعمل الحركات هذي عشان يثير غيرتك

و الله يسخركم لبعض

 

[lovely]

يا اختي العزيزه روزه
والله لو انا بمكانك عادي اطنش الموضوع بس بنفس الوقت احط نقري بنقره يعني انا اغار عليه من هالمغنيه اجيب لي حيا الله مغني واموت فيه وابين له انه عاجبني لبسه واغانيه واسلوبه بالكلام صدقيني بينسى مغنيته وبيلتفت لك انت والمغني حقك
و المثل يقول وحده بوحده والبادي اظلم

 

[روزة]

شكرا حبيباتي على ابدأ رأيكن وجزاكن الله خير
بس حبيت أوضح اني انا ماني حاطة ولا قناة من قنوات الاغاني في بيتي ولا بسمعها ومابحفظها حتى يوم سمعنا الاغنية في الكازينو ماعرفت مين يغنيها اصلا ورجعت لاختي وسألتها وطلعت نفس الي توقعته

وبعدين انا والله دايما بهتم بنفسي وبعمل كل جديد عشان اكون دايما بعين زوجي في احسن حال لكن للأسف الرجال مايبان بعينهم الا التراب الله يهديهم

ومن ناحية الغيرة انا ماأنكر اني اغار على زوجي لكن غيرتي معقولة يعني مو طول الوقت انا ناشبة بحلقه من الغيرة والا قالبتها ليل نهار خصام بسبب الغيرة يعني زي اي وحدة تغار على زوجها



وابدا حبيباتي والله مازعلت من الي انتقدوني بالعكس لكل واحد وجهة نظره وانا بتقبلها بصدر رحب

 

[sahar1982]

حبيبتي روزة ....

الله يهدي سركم و يسخركم لبعض ...

بكون معاكي صريحة ولو اني ادري اني صراحتي ممكن تزعلك

الرجل ما يطلع للمطربات عشان زوجته مهملة ... يعني سواء كنتي مهملة او انيقة و يبي يطالع راح يطالع

و من وجهة نظري و من خلال ما كتبتي ترى غيرتك زايدة على زوجك

و الكلام الي وجهتيه له جارح " يوم قلتيله انه ما يخاف الله "

و هذي نصيحة لوجه الله

امسكي اعصابك و صادقي زوجك .... اذا المسألة كلها انه معجب بمطربة

ترى معظم الرجال الا من رحم ربي عندهم مطربة يفضلوها و يعجبوا فيها

وسلامتك

 

[سمايا]

أنا اتفق مع الكونيسه

ثانياً ياأختي الأغاني حرام وشئ الحرام ما يجي من وراه إلا النكد والمشاكل

وأنتي أدخلي له من هالجانب بتكسبين أجر وفي نفس الوقت يحس

بالخجل من تصرفاته ...

وانتبهي ياأختي لا تكونين من اللي يأمرون بالمعروف وينسون أنفسهم ...

 

[زهرة البوادي2006]

الله يهديه والله ضحكتيني صراحه بدون زعل الرجل الي يعجب بوحده سافرة تافهة وما فيه وازع ديني واصلن الاغاني حرام حرام لكن شكل زوجك مثل ما قلتي يسمع بر البيت يما ان انتي لاغيه القنوات الغنائيه
حاولي انك ما تهتمي بمن معجب وخاصه في التلفزيون لانه ما راح يلقاها الي معجب بيها من بعيد لبعيد وهده الي معجب بيها بتجي يوم وبتختفي مثل غيرها والله الهادي