مشكلتين ساعدوني فيهم

[باذنجان]

السلام عليكم


خواتي زوجي اللي هوا خطيبي مملكه

تقريبا ً من شهر 10 السنه اللي فاتت

وهوا مسافر هالحين

ومن خلال مكالماته لي اكتشفته انه مزاجي مرررررررررررررررررررررررررره

يعني طيب وحبوب بس احس احيانا انه مزاجي يحب يكلمني اوقات واحيانا احس مايحب يكلمني
و اذا صار مايحب يكلمني يكلمني بدون نفس واذا سألته عن السبب يقول مادري مافيني شيء

وله الحين اسبوع نزل عندنا

ويجيني تقريبا في الاسبوع 3 مرات

الحمدلله مرتاحه معاه بس منزعجه
اخاف لبعد العرس وهوا كيذا

شنو الحل مع هالرجال :8:



المشكله الثانيه
الدخان وما ادراك ما الدخان
مجنووون دخان يخلص علبه كامله في اليوم عادي

ابيه يخفف منه حاولت معاه بس يزيد
ابي بأسلوب راقي وحلو يخليه يتركه من نفسه ؟

 

[دموعي شي معتاده]

يمكن لانه تو راجع ومتعود على الوحده برى
واذا على الدخان انا زوجي في القائمه الاولى

 

[ياربي انصرني]

الشعور اللي يشعر به زوجك شعور طبيعي لانكم تستنزفون العلاقه اللي بينكم بالمكالمات والاجساد متباعده
والجمود والفتور يعتري اي ملكه بين زوجين وتطوووووول

عجلو بالزواج طول الملكه يجلب المشاكل والملل00


وبالنسبه للدخان 000 التدخين من الخبائث التي اجمع العلماء انها محرمه

وزوجك ابتلي به مثل اي شخص --لكن ترك الدخان لايأتي من كثر الكلام

ترك الدخاااان يريد إراده ويقين ان التدخين حرام ومضر بالصحه

اذا لم يكن عنده اراده قويه وقرار شجاع وصبر وتحمل اعراضه الانسحابيه00 لن يستجيب بيستمر في التدخين

حاولي ان تكونين مضطلعه على الاسباب المؤديه والمعينه على ترك الدخان وحاولي معه00
والزمي الدعاء والالحاح الى الله تعالى ان يقذف في قلبه كره للدخان
واستعيني بالله والله المستعان00

 

[مـلاك الصغيرة]

الله يفرج همك

 

[باذنجان]

دموعي شيء معتاده


لا بالعكس اكلمه على طول سواء ماسنجر او بالساكيب

تمر ايام اكلمه على طول ويجينا يوم ويومين ماندري عن بعض

يعني مو متعود على التوحد والغربه

 

[باذنجان]

ياربي انصرني

زواجنا قريب في شهر 11

والاجساد تكون متباعده لسافر بس

بس اذا جا عندي بالعكس امارس معاه على خفيف وبحدود طبعا

 

[باذنجان]

ملاك الصغيره

اهم شيء وجودك هني الله يفرج همك يارب

 

[اسلوبي واضح]

عاد ي حبيبتي يمكن عنده ظروف اويفكر بشي يخليه يكون متقلب بس ان شاالله لاتزوجتوا يرتاح ويستقر بس نصيحه اخت مافيه داعي لكثره المقابلات تبهت العلاقه حلو فتره الملكه بس مكالمات والباقي لبعد الزواج خليه يتفاجأبك احسن من انه يكون متعود على شوفتك
وبالنسبه للتدخين عندنا وعندك كل خير لا وعلبتين بعد بس اذا عنده اصرار يقدر ..شوفي رقم جمعيه مكافحة التدخين واعطيهم رقمه يرسلون له رسايل تذكير باضرار التدخين
موفقه اختي

 

[ايمومي]

الله يكون بعونك
المزاجيه عادي أتوقع معظم الرجال كذا
بس الدخان مشكلة ادعي وحاااولي
بيني له انه حتى يضرك وبكرا تحملين ويجيكم بيبي ويكون هم اكبر المتضررين
وربي يكتب لك الخيرة

 

[رازيا]

انشغلي عنه واثقلي او اطلبي منه يستعجل بالزواج

 

[باذنجان]

منورين حبايبي



ريحتو قلبي والله