مشكلتى ...للى تعرف تتعامل مع الشمالى شرقى تفيدنى

[مغتربه]

السلام عليكم
هذى اول مشاركه لي بهالمنتدى بدخل بالموضوع على طول انا متزوجه من حوالى سنه وثمانيه شهور ولدى طفل ساكنه عند اهل زوجى زوجى هوا الكبير وابوه متوفى معاى فى البيت امه واخواته الخمسه عنده اخوه اصغر منه متزوج قبله وعايش ببيت مستقل وعنده اختين اكبر منه متزوجات المهم زوجى شمالى شرقى انا احبه ومتنازله عن اشياء كثير لكنه ابدا مايحس يبغانى اظل اتنازل واتنازل ولتنازل مايحب الطلعات بالقوووووووووووه نطلع من البيت مع العلم انى ساكنه بمنطقه بعععععيييده عن اهلى بالقوه نطلع وبسرعه نرجع البيت ومايحب انه ناكل بره مدرى بخل مدرى ايش بالضبط يفضل نرجع وناكل بالبيت مع اهله من اول ماتزوجت قلتله ابغى تلفزيون وغساله وفيه المجلس جنب غرفه نومى واستخدمها لما مايكون فيه ضيوف انشر ملا بسى اقعد فيها طبعاااالمجلس قديم ومهترى قلتله من اول ماتزوجت بنغيره او على الاقل غير الفرشه(السجاده) لانها قديمه ووسخه وابدا احيانا احسه بخيل احيانا احسه يستكثر عليا اشياء يقول انه يحبنى وانا ابدا ماحس بهالشى احس انه قاعد يسكت فيا ومتحملنى لانى متحمل وضعه وظروفه الفتره الاخيره صارت مشاكل بينى وبين اخواته وصار الوضع زفت قلتله ابغى بيت يقلى طيب طيب دايم يسكتنى طيب حاضر انشاء الله ولا اشوف شى افكر واقول معقول انسان من اول زوجى ماجابلى تلفزيون وفرشه حيجبلى بيت احس انى تعبت اهم شى انك تاكلين وتلبسين والحمد لله وابدا مو حاس انى انا متنازله عن الكثيييييير وعشان ايش عشانه بسالكم سوال لو حاولت الوى ذرعه يعنى انا بعد اسبوعين بروح لاهلى زيارها يش رايكم لا رحت اقله يابن الناس انا مابرجع الا بتلفزيون ومجلس جديد ووعد تعطينى ايه انه سنه سنه ونص او سنتين ثلاثه يكون ليا بيت مستقل ولا خلينى عند اهلى هل هذا الاسلوب ينفع مع الشمالى شرقى ولا ايش اعمل ارجووووكم اخواتى انا حتجنن انصحونى لان ماعند عندى اى حل غير الطلاق وهل طلب الطلاق من الشمالى يخليه يراجع نفسه؟؟؟ ولا يزيد الطين بله
افيدونى وعذرا على الاطال

 

[فوااحة فراولة]

السلام عليكم
اللة لايجيب الطلاق ياختي
مو هذا الحل انتي من البداية تنازلتي مو عشان تلفزيون وفرشة تتطلقي ولاتسوي مشكلة
انتي طالبي ببيت ولا تعدلي في المكان اللي انتي فية عشان مايقول سويت وسويت طالبي ببيت وبس وقولي انا اصبر عشانك والبنات تجاهليهم حبيبتي انتي وراك زوج تهتمين فية وهن فاضيات بكرهونك في عيشتك وبيضايقونك اكثر وبتنقلب عليك وعلى راحتك وقللي احتكك فيهم ولاتعطينهم وجة
وروحي لاهلك وانبسطي ولا تجيبي سيرة فاتحية في الطريق انك تبين بيت خاص فيك تلبسي على كيفك وتنظفينة على كيفك
واللة يصلح مابينكم ويهدي سرك

 

[مغتربه]

جزاك الله خير اختى فواحه على الدعوه والله يستجيب منك

 

[غلا الغوالي]

قولي اللهم يا من سخرت الرياح لسليمان أن تسخر زوجي لي ويا من ألنت الحديد لداوود أن تلنه لي.
هدا والله يسعدنا والله حاسه فيك زوجي مثلك شمااالي شرقي

 

[زهراتي الثلاث]

هلا بمغتربة,شوفي حبيبتي انا زوجي مثل زوجك عليه مسؤوليات كثيييرة وابوه متوفي وانصحك انه تراعين ظروف زوجك وربنا يفرجها ولكن بنفس الوقت بيني انه من حقك بيت لحالك ومو راضية باللي انتي فيه وقولي انو انا مراعية ظروفك وباصبر بس لما ربنا يفرجها باطلع ببيت لحالي اخذ راحتي فيه والبس على كيفيوو. وغير كذا بيجونا اطفال وين يروحوا خليه يفكر لبعدين اما من ناحية اخواته طنشيهم وكوني ثقيلة وافرضي احترامك عليهم وخلي علاقتك معهم بحدود-----ولا تعانديه وتطلبي بيت بعد ما تروحي لاهلك والله يعاندك.......انا زوجي عنيد يحب كلامه اللي يمشي حتى لو كلامي صح..انتي كذا؟؟؟والله يفرج عليك ويحقق لك اللي تتمنيه