السلام عليكم ورحمة الله
حبايبي كل عام وانتم بخير
هذه قصتي مع الزوج الشكاك اللي خلى حياتي جحيم كتبتها قبل فتره
في هذا المنتدى الراقي اللي بصراحه بعد الله احس انه خفف علي آلامي وجروحي
وانسى همومي معاه ومعاكم الله لا يحرمني منكم ويجعلكم بخير وسعاده دوووم ياااارب
وبالأخص اختي ,,الحالمه
قصتي بقولها ويمكن تنبه ناااااس كثير لأن في حريم تغار على زوجها لحد ماتوصل الطلاق والعكس يمكن زوج يغار على زوجته لح ماتوصل للطلاق( وانا اسميها غيره مرضيه )
قصتي طبعا مع طليقي كانت فالبدايه حياه عاديه بس اغلبها مشاكل بسبب غيرته الزايده وبسب اشياء ثانيه,, الموقف اللي صحاني من نومي بعد صبري عليه واحمد الله ان ربي حطني بهالموقف
علشان ينتهي اللي بيننا بسلام وارتاح وفعلا ارتحت والموقف هذا والله كان فيه خييييره لي
بسم الله اذكر موقفي
في بداية زواجي حملت وربي ماكتب يثبت واجهضت في شهرين ,, وبعده تأخرت ماحملت لمدة 3 سنوات
وسويت فحوصات والحمدلله كل شي تمام بس الله ماكتب ,, المهم لحد ماقررو لي اشعة الصبغه علشان يطمنو على الأنابيب,, طبعا انا والله انا كنت مره خايفه منها وقلت له ماابغى اسوي الأشعه لأني سمعت انها توجع ,طبعا طليقي غصبني وقال لي بعد كل هذه الفحوصات ماتبغين تسوينه وحلف اني اسويها وقال مو على كيفك, وراح وحجز لي هو في مستشفى بعد ماتعب لحد مالقى الجهاز بالمستشفى
وجاب الموعد وقال يالله بكره اتجهزي بوديك المستشفى وتسوين الأشعه ,, قلت له طيب ابشر
قمنا الصبح ورحنا لمن جيت ادخل لغرفة الأشعه قالت له الطبيبه ممنوع تدخل معاها مايحتاج انا معاها والممرضه معاها لأن الأشعه موحلوه لك,قال طيب وخرج , واستعديت للأشعه وبعدين دخل ممرض تبع الأشعه وقبل مايدخل قلت للطبيبه وين زوجي خليه يدخل , قالت لا مايحتاج ,الحمدلله كنت متستره ومغطيه وجهي وحجابي كامل الحمدلله , طبعا الممرض كان سعودي وبس لقط الأشعه وخرج يعني أدى عمله وخرج وماستغرق خمس دقايق ,,,,,,,,,, يووووووووووووه بعدها زوجي دخل وعيونه حمرآآآ ياالله ماانسى هاللحظه
وعطاني كف ماانساه ,, تدرون ايش قال ؟؟ هذا ايش قاعد يسوي هنا يقصد الممرض<<انا تعالو دوروني ماتلقوني ألم عل خوف الله المستعان,وقال حسابك فالبيت يصير خير
وراح السياره وتركني اتوه بالمستشفى أدوووور وأبكي من قوة الألم ماادري من في أخرج
وبعدين خرجت ولقيته واقف عند السياره وركبت وانا ابكي من الألم وقلت يالله على بيت أهلي
ونتفاهم هناك على كل شي طبعا أهلي كانو في مدينه ثانيه بعيده وصلت البيت وياليتني مارحت البيت شفت اشياء صدمتني فيه لحد مانهارت أعصابي ماكنت اتوقعها وعمري ماانسى ظلمه لي
اكمل لكم
طبعا واحنا فالسياره انا انهرت وابكي بكا موطبيعي وقلت له
انت انسان موطبيعي تروح وتتركني ادور بالمستشفى
خلاص وديني بيت أهلي وهناك نتفاهم على كل شي ويقول
لأهلي على السالفه اجمع اخوانك كلهم وماني خايفه من احد
انا الحمدلله من بيت تربيه ودين واخلاق وانت تعرف هالشي
واقول لأهلك بعد عالسالفه,, وهو سااااااااااااكت ابد مايتكلم
وصلنا البيت ورحت وقفلت باب الغرفه ونمت وبعد ماصحيت
قلت له يالله وديني بيت أهلي وهناك نتفاهم على كل شي
ولاتنسى لازم نكلم اخوانك بعد, ويكونون أهلي وأهلك هم الحكم بيننا
طالع فيه وصرخ في وجههي بأعلى صوته لييييييه ياهانم علشان يقولوا
إني .............. ديوووووووث ...... تخيلو , انا هنا سكت قلت انت موطبيعي
انت اكيد فيك شي , ورحت وتركته
لحد ماجا وقت النوم طبعا شال لحافه وراح ينام بغرفه لوحده وان اطالع فيه
احس ودي اطعنه (شين وقوي عين )
اكمل لكم القصه واقو لكم الكلمه اللي قالها وهزت كياني يابنات
وبعدها اطلقت سراحي هالكلمه مع انها قويه ماانساها
ايه بنات نسيت اقول لكم انه في نفس اليوم بعد ماركبت السياره هو نزل وراح للمرض مسكين هزئه وغسل شراعه عل قولهم ( لأني قلت له اشفيك نسيت شي؟؟؟؟ قال لا بس نزلت ابرد قلبي فيه<< يقصد الممرض,, قلت حرام عليك والله انه ماشاف مني ظفر ظلمته وظلمتني , وقال انكتمي ولاعاد تهرجين
سكت وبعدها قلت لكم اللي صار بالبيت
المهم طولت السالفه واهلي كانو ا في مدينه ثانيه وانا صابره لحد مالقى حل وبعدها
رحت له بالغرفه اللي هو نايم فيها وقلت له خلاص انت ناوي تهجرني ؟ قال ايوه
قلت لييييه ؟رد بكلمه وصخه
آآآآآآآآآآآآه ياقلبي من هالكلمه, وحش هذا مو انسان ولا فيه ذرة انسانيه
قال ..... انا مااشرب اللبن المكشوووووووف ( كلمه هزت كياني وماانساها طول عمري )
آآآآآآآآآآآآآآآآآه يابنات احس صدري بينفجر كل ماتذكر الموقف ابكي غصب
حسبي الله ونعم الوكيل
اتمنى تدعوا لي ربي يعوضني خيييير (واتمنى بعد اشوف رأيكم بقصتي
تقبلوا ودي