&&**مشكلة و حل **الزوج الشكااااك ** عيشة السجناء**&&

[شذا الليل]

رايك زين يا الحلوة

 

[ماليزيا]

موضوعكم حلو الله يعطيكم العافيه
انا من اللي عانييييت من زوج شكاااك ماتصدقون اعوذ بالله (حياه جحيم)
عانيت من مشاكل كثيره بس كان اولها الشك ,وبصراحه شفت الإنفصال
افضل حل لمشكلتي​

 

[شذا الليل]

كم تتألم كثير من النساء من الرجل

فآه ثم آه مما يفعلون

نعم نحبهم ولكنهم في أحيان كثيرة لا يشعرون بنا ومما نعاني في داخلنا

تلك الكائن البشري الرقيق

قد يحس الرجل ويتألم

إلا أنه ينسى أن يتألم لزوجته

فكم هي جميلة هذه الزوجة التي تتحمل ما يصيبها وتصبر

فلها الأجر

ومن اختارت البعاد

فسيعوضها الله بخير منه

طوبى لكل منكن

اخواتي الغاليات

أنا سعيدة اني من منتسبات مملكة بلقيس

لأني أحس إنا نرمي همومنا واحزانا في هذا المكان

وكل وحدة تواسي الثانية

الله يخليكم لبعض ​

 

[الزهر الجوري]

هلا الحاالمة
مشكورة ع الرد تسلمي ....

 

[الزهر الجوري]

خاطره ممن عاشت بحياة شكاك
بجوف الليل الجميل ..ونور القمر الوضاح ...شعرت بغصة تخنقني ...رغم الصفا والهدوء... لكن نهاري نار...فمن هنا وهناك ....عيونه تراقب كل حركة ..خلية تتحرك في...يكاد يسمع خفقان قلبي ...يكاد لا يفارقني سوى سويعات...لم ارى ضوء الشمس البهيج بدفئه ....ولم احس بنسيم الليل البهيج بنعومته ....نجوم تمر واخر تاتي ...وانا لا ازال تحت وطأت شك من احب ...هذي حياتي..سامشي بها رغم الاسى ..رغم المهن والقسى ..سأقتلع الشوك بيدي ..رغم الوخز لن اتوقف ..وسارى النور بعدها ..طريق طويل ..نهار كئيب ...ليل مخيف ..هكذا ......شمس ...قمر ...نجوم ...سنا ...هذا ما احسسته بعد العنا ...احتضنني برفق وهنا ..دفء..سعادة ...عانيت ...اهنتي ..ظلمتي ...كلمات خرجت ...بصوت متحشرج ...كلها حزن ...لا تحزني ...الطريق الوردي طريقك ..فلا ...لن اعود ...ستظلين ..من احببت ...لا ...لا ..لا ...لن اشك ...اعف ... اطهر ..من رأيت ..هكذا ما حصلت عليه ..بالصبر و الكفاح .. ومن هناك ...رأيت...الزهر البنفسج يبتسم من بعيد ...عندما كنا نمشي ونمرح دون هم ...عندها احسست بنسيم الليل العليل ....فابتسمت ابتسامة لم تغادرني ......
تحياتي ...​

 

[الـحـاالـمـه]

شذا الليل ماشااء الله عليكي
دايما تعقيباتك وتعليقاتك رائعه
احوب اقرى كلامك
وزي ماقلتي والله حتى انا فرحانه وفخوره جدا بتواجدي في دا المنتدى

نشاارك بعض همومنا وكل وحده فينا تحب تساعد غيرها
وانتي وحده منهم الله يباارك فيكي يااااارب


الزهر الجووووري خاطرتك جميله




اختي ماليزيا ليتك حكيتلنا بشكل اكثر كيف كانت تجربتك
مع الشكاااك
وهل اتبعتي الحلول اللي قلنا عليها ومانفعت
احكيلنا عشان نستفيد ويستفيدو باقي الاخوات ​

 

[papero0o]

بداء العد العكسي لفتح الموضوع الجديد وهو الرجال العنيد مازال لديكم سويعات للمشاركة في موضوع الزوج الشكاك

 

[ماليزيا]

السلام عليكم ورحمة الله
حبايبي كل عام وانتم بخير

هذه قصتي مع الزوج الشكاك اللي خلى حياتي جحيم كتبتها قبل فتره
في هذا المنتدى الراقي اللي بصراحه بعد الله احس انه خفف علي آلامي وجروحي
وانسى همومي معاه ومعاكم الله لا يحرمني منكم ويجعلكم بخير وسعاده دوووم ياااارب
وبالأخص اختي ,,الحالمه

قصتي بقولها ويمكن تنبه ناااااس كثير لأن في حريم تغار على زوجها لحد ماتوصل الطلاق والعكس يمكن زوج يغار على زوجته لح ماتوصل للطلاق( وانا اسميها غيره مرضيه )
قصتي طبعا مع طليقي كانت فالبدايه حياه عاديه بس اغلبها مشاكل بسبب غيرته الزايده وبسب اشياء ثانيه,, الموقف اللي صحاني من نومي بعد صبري عليه واحمد الله ان ربي حطني بهالموقف
علشان ينتهي اللي بيننا بسلام وارتاح وفعلا ارتحت والموقف هذا والله كان فيه خييييره لي
بسم الله اذكر موقفي
في بداية زواجي حملت وربي ماكتب يثبت واجهضت في شهرين ,, وبعده تأخرت ماحملت لمدة 3 سنوات
وسويت فحوصات والحمدلله كل شي تمام بس الله ماكتب ,, المهم لحد ماقررو لي اشعة الصبغه علشان يطمنو على الأنابيب,, طبعا انا والله انا كنت مره خايفه منها وقلت له ماابغى اسوي الأشعه لأني سمعت انها توجع ,طبعا طليقي غصبني وقال لي بعد كل هذه الفحوصات ماتبغين تسوينه وحلف اني اسويها وقال مو على كيفك, وراح وحجز لي هو في مستشفى بعد ماتعب لحد مالقى الجهاز بالمستشفى
وجاب الموعد وقال يالله بكره اتجهزي بوديك المستشفى وتسوين الأشعه ,, قلت له طيب ابشر
قمنا الصبح ورحنا لمن جيت ادخل لغرفة الأشعه قالت له الطبيبه ممنوع تدخل معاها مايحتاج انا معاها والممرضه معاها لأن الأشعه موحلوه لك,قال طيب وخرج , واستعديت للأشعه وبعدين دخل ممرض تبع الأشعه وقبل مايدخل قلت للطبيبه وين زوجي خليه يدخل , قالت لا مايحتاج ,الحمدلله كنت متستره ومغطيه وجهي وحجابي كامل الحمدلله , طبعا الممرض كان سعودي وبس لقط الأشعه وخرج يعني أدى عمله وخرج وماستغرق خمس دقايق ,,,,,,,,,, يووووووووووووه بعدها زوجي دخل وعيونه حمرآآآ ياالله ماانسى هاللحظه
وعطاني كف ماانساه ,, تدرون ايش قال ؟؟ هذا ايش قاعد يسوي هنا يقصد الممرض<<انا تعالو دوروني ماتلقوني ألم عل خوف الله المستعان,وقال حسابك فالبيت يصير خير
وراح السياره وتركني اتوه بالمستشفى أدوووور وأبكي من قوة الألم ماادري من في أخرج
وبعدين خرجت ولقيته واقف عند السياره وركبت وانا ابكي من الألم وقلت يالله على بيت أهلي
ونتفاهم هناك على كل شي طبعا أهلي كانو في مدينه ثانيه بعيده وصلت البيت وياليتني مارحت البيت شفت اشياء صدمتني فيه لحد مانهارت أعصابي ماكنت اتوقعها وعمري ماانسى ظلمه لي
اكمل لكم
طبعا واحنا فالسياره انا انهرت وابكي بكا موطبيعي وقلت له
انت انسان موطبيعي تروح وتتركني ادور بالمستشفى
خلاص وديني بيت أهلي وهناك نتفاهم على كل شي ويقول
لأهلي على السالفه اجمع اخوانك كلهم وماني خايفه من احد
انا الحمدلله من بيت تربيه ودين واخلاق وانت تعرف هالشي
واقول لأهلك بعد عالسالفه,, وهو سااااااااااااكت ابد مايتكلم
وصلنا البيت ورحت وقفلت باب الغرفه ونمت وبعد ماصحيت
قلت له يالله وديني بيت أهلي وهناك نتفاهم على كل شي
ولاتنسى لازم نكلم اخوانك بعد, ويكونون أهلي وأهلك هم الحكم بيننا
طالع فيه وصرخ في وجههي بأعلى صوته لييييييه ياهانم علشان يقولوا
إني .............. ديوووووووث ...... تخيلو , انا هنا سكت قلت انت موطبيعي
انت اكيد فيك شي , ورحت وتركته
لحد ماجا وقت النوم طبعا شال لحافه وراح ينام بغرفه لوحده وان اطالع فيه
احس ودي اطعنه (شين وقوي عين )

اكمل لكم القصه واقو لكم الكلمه اللي قالها وهزت كياني يابنات
وبعدها اطلقت سراحي هالكلمه مع انها قويه ماانساها
ايه بنات نسيت اقول لكم انه في نفس اليوم بعد ماركبت السياره هو نزل وراح للمرض مسكين هزئه وغسل شراعه عل قولهم ( لأني قلت له اشفيك نسيت شي؟؟؟؟ قال لا بس نزلت ابرد قلبي فيه<< يقصد الممرض,, قلت حرام عليك والله انه ماشاف مني ظفر ظلمته وظلمتني , وقال انكتمي ولاعاد تهرجين
سكت وبعدها قلت لكم اللي صار بالبيت
المهم طولت السالفه واهلي كانو ا في مدينه ثانيه وانا صابره لحد مالقى حل وبعدها
رحت له بالغرفه اللي هو نايم فيها وقلت له خلاص انت ناوي تهجرني ؟ قال ايوه
قلت لييييه ؟رد بكلمه وصخه
آآآآآآآآآآآآه ياقلبي من هالكلمه, وحش هذا مو انسان ولا فيه ذرة انسانيه
قال ..... انا مااشرب اللبن المكشوووووووف ( كلمه هزت كياني وماانساها طول عمري )
آآآآآآآآآآآآآآآآآه يابنات احس صدري بينفجر كل ماتذكر الموقف ابكي غصب
حسبي الله ونعم الوكيل

اتمنى تدعوا لي ربي يعوضني خيييير (واتمنى بعد اشوف رأيكم بقصتي

تقبلوا ودي

 

[الـحـاالـمـه]

وعليكم السلام ورحمة الله وبركاته

اهلين اختي ماليزيا والله اتاثرت لمن قريت قصتك
الا الطعن بالشررف قووويه والله

لاحول ولا قوة الا بالله

خلاص مادام اتطلقتي منو مانقدر نقووول الا الله يعوظك يااااااارب باللي احسن منو الف مره

بس لا تخلي القصه دي تاثر عليكي
الماضي راح انسيه وشوفي المستقبل قداامك بعيون متفااائله حبيبتي

وكوني حريصه اكثر باختيار زوجك المستقبلي


والله يكتبلك اللي فيه الخير لك
​

 

[مورجانيت]

بصراحة فكرة الموضوع جدا رائعه وهادفه ومميزه
عشان كذا حبيت اشارك ولو بالقليل لعل الله ينفع بها الجميع
بدايه كيف اعرف الزوج الشكاك ؟
عن طريق الاسئلة المتكرره , احيانا بالتجسس , وقد يكون تتبع العثرة ايأ كانت هي حتى لو طفيفه , النظرة الفاحصة في كل شي حتى في أماكن الاشياء وتغيرها وكذلك في اللباس , عند تزيين زوجته له او عند ذهابها حتى لأهلها او اقاربها , حينما تطلب الزوجه اي شي حتى لوكان امرا خاصا بها
من ناحية الاسباب :
قد يكون من نابعه من نشأة احد ابوين الزوج او كلاهما هي طريقة تربيه في البداية وقد يكون الشخص لديه قابلية للشك ولكن لاتظهر جلية الا بعد الوقوع في مشكله مؤثرة او موقف مؤلم فتؤثر فيما بعد على طريقة تفكيره وعلى نمط حياته الخاصه ثم حياته الزوجيه وابنائه
كيفية تأثيرها على حياة الزوجه والأبناء :
يكون تأثير مميت بلاشك فالزوجه تعيش بمرارة الحرمان من كل شي بسبب الرقابة المبالغ فيها من قبل الزوج تعيش بتفكير دائم وهم قائم في كل وقت وكل حين تعيش بخوف مستمر من المستقبل وترقب مماقد يحصل يؤثر سلبا على شخصيتها ونفسيتهاااااااااااااا فتؤثر هي بدورها على ابنائها حتى لو حاولت الاختفاء خلف مخاوفها عوضا ان الاب سيمارس الضغوط والشكوك ايضا على ابنائه وقد يجعلهم أو يستخدمهم كوسائل وكاميرات مراقبه ايضا على زوجته
ممايؤثر ذلك على حياتهم المستقبلية فيينشأون بشخصية مهتززه وشكاكه في نفس الوقت وبانعدام الثقه في الجميع حتى في المقربين منهم
اما من ناحية الاسباب التي تجعل الزوج يصل لمرحلة الشك :
انعدام الثقه بين الزوجين , سوء الظن , النظرة السوداوية للحياة , طبعا وفي مقدمتها خيانة الزوجه , وقد تكون الزوجه غير خائنه ولكن تصرفاتها المبهمه وكثرة خروجها ودخولها للمنزل بدون علم زوجها , عدم تجاوبها مع زوجها بشكل طبيعي وبدون مببررات , كل ذلك قد يضع الزوج موضع الشاك في تصرفاتها مما يدفعه على مراقبتها .
اما كيفية التعامل مع الزوج الشاك :
اذا كان الزوج منذ زواجه في حالة شك وريب فيجب بحث الموضوع معه صراحة في هذا الامر ومحاولة وضع حدود لهذي الشكوك منذ البداية كأن يطالب بأدلة وبراهين ثابته ومواجهه من ولي امر الزوجه.
أما إن كان الزوج أصبح شكاكا بعد موقف صريح من زوجته فهنا على الزوجه أن تكون واضحه في تعاملها مع زوجها بأن تبتعدعن كل أمر ممكن يؤدي بها الى الشك من ناحية كثرة الخروج او استخدام اكثر من جوال اوغير ذلك من الوسائل التي كانت تستخدمها في ذلك الموقف وتحاول جاهده كسب ثقة زوجها فيها وذلك بالتركيز عليه وإقبالها عليه ومحاولة إشراكه في كل امر من امورها حتى يشعر بالإمان فيزول شكه وخوفه .

أتمنى اني وفيت وكفيت ​

 

[الامل السامي]

بسم الله الرحمن الرحيم
السلام عليكم
لي كلمة في هدا الموضوع وأتمنى من ربي التوفيق
كلام جميل كل اللي قيل
لان الموضوع شائك ومعقد ومدمر للنفوس ومدمر للحياة الزوجيه
في نظري ان الرجل الشكاك هو الرجل لايثق باللي أمامه سواء زوجه او اخت اوابنه
لانه مارس الكدب والخداع والخيانه واتقنهم
في مراحل حياته السابقه وممكن لايزال
هده من ناحيه
ومن ناحيه اخرى يكون مرض نفسي أصيب به لاحيلة له فيه
ومن اصيب بهدا الشك فأنه أختار الحياة البائسه له وللي يعيشون معه
و يكون الشك في الزوجه في كل شيء
**من ناحية عفافها ,,
**من ناحية النظافه,,
**من ناحية تربية الاطفال والاعتناء بهم من ملبس ومأكل
ونظافه وتدريس
**من ناحية الأكل هل هو نظيف ؟
مادا وضعتي به ممكن زجاج ممكن سحر؟
**من ناحية الخروج والدخول,,
**من ناحية المال كيف صرفتيه,,
من أعطيتي من مالي,حتى لو انه لايكون كافي لأغراضها
يحاسبها بالفواتير حتى يكتشف من أعطت
ويأسأل ويتحقق مثل الامن المركزي

يصرح لزوجته بكل وقاحه ان عملك اتممتيه لاني موجود بس لما أخرج يكون العكس,,
بس يوم بطحين وأدبك وأخرجك من الباب وأرميك مثل الكلب
** ممكن يشك بصدق نيتها معه ونيتها حتى في عبادتها لربها,,

**ممكن يشك بحبها له ولاطفالها وبيتها وكل من تحب
حتى في حبها لنفسها,,
**حتي لو مرضت يكدبها,,
**يشك بمعنى كلامها ويؤوله كيفما شاء
من رايي انه غيور جدا ومارس الكدب والخيانه
وخاصه اللي يتفاخر بهدا الشىء
,,الحلول,,
*الهدوء التام اثناء التحقيق معها وعدم العصبيه
* تركز نظرها في عينيه وترد بكل ثقه
*كلام مرتب وكل حرف ينطق بعنايه أي تنتقي الكلمات بشكل فأق
وتردد الجمله بشك آلي وكلمتين فقط لا تزيد
تنطقها بهدوء وغنج ودلال .....تشك فيني؟
لتحرجه بهدا السؤال,,
*هو ثقته بنفسه معدومه لتجارب مرت عليه حفرت
في نفسيته هنا لابد ان يطلب منه العلاج ودلك بان يقر هو ان هناك مشكله يحددها بكل دقه
ومن ثم تستخدم أكثر طريقه تتناسب مع شخصيته
وتتناسب مع حجم المشكله
وقدم أو قرب التجربه
ودرجة صلة القرابه للزوج
الدين أثروا عليه
او ان كانوا اصدقاء او أغراب

الشىءالاخر
***ممكن يكون من تأثير السحر
وعلاجه بالرقيى
***ممكن يكون بسبب وشاية عدو او قريب جدا موثوق به من قبل الزوج لايعلم نيته اي انه منافق وواشي وكداب وحقود وحسود
او صديق سوء مقرب

** هنا يكون الحل **
اولا يجب على الزوجه معرفة سبب الشك
فان كان بسبب وشايه او كدب
تفحم الزوج بقولها هات الدليل
يكون كلامها فيه نبرة صدق وثقه
مافيه دليل اخبرني من المتحدث بهدا الكلام؟


تدهب الى الوضوء وتتوضى وتحسن الوضوء وتصلي صلاة الحاجة وتدعو الله ان يثبتها ويعلي امرها
ويعطيها الاجر العظيم وان يكشف براءتها

عرفت من المتحدث تهدد برفع أمرها للشرطه وتفتح بلاغ
حتى يستوعب زوجها الكدب اللي قيل

مثال
كان زوج يشك بزوجته أيما شك
دهبت لزيارة أهلها في بلد آخر
جلست ثلاث شهور
ورجعت من نفسها لزوجها
يسألها زوجها انت حامل ؟
قالت كيييف؟؟ وانا بعيده عنك ثلاث شهور
المهم جلست معه جلسة مصارحه وقالت :
ان كنت تريدني انا أريدك والا الطلاق انا لا اريد المعيشه بهدا الشكل
وقالت: هل انا قصرت معك بشيء؟
قال : لا

قالت : ادا الطلاق لاأستحمل الشك وانا صبرت بما فيه الكفايه

الزوج جلس يفكر في الامر يقول كأني أفقت من غفله
كل الكلام اللي سمعته ليس من الواقع بشىء
المشكله ان اللي تكلم عنها من أقرب الناس لي وقريبن جدا
بعدها أنحلت المشكله بينهم وعرف الزوج الخطط التي تنحاك لفشل زواجه



تجربتي مع الشك
أخرى تقول
زوجي يشك بي بشكل لاينطاق
الحمد لله
يشك بسب تجارب سابقه مع أهله قبل زواجي منه,,
يشك بسبب وشاة حسده من أقرب الناس اليه,,,
يشك بسبب السحر,,
***العلاج ***
الصبر
لان هده منحه من الله وليست محنه
نظرت اليها هكدا
العمل الصادق والمثابرة
والصبر مرة أخرى
والصبر مرة ثالثة
والكلام الطيب
الصبر مع الدعاء والصدقه
والرضا بالله والشكر للمنحه
والدعاء والرقيه
الحمد لله فرجت كل اللي حرمني منه اصبح مثل الحلم
ودكريات مره ومؤلمه مرت من هنا
لي عوده ان شاء الله



​

 

[ماليزيا]

الحالمه اشكرك على دعواتك يالغاليه, الحمدلله والله ارتحت ( مع انه قد ايش حاول
يرجعني ورافض فكرة الطلاق ماتوقع اني راح اطلب الطلاق والله كان له خبر كالصاعقه ويالله طلق
بس خلاص النفس عافته وهو الخسران والحمدلله على كل حال
ولاتوصي حريص على زوجي المستقبلي اذا ربي كتب لي ,الحياه علمتني دروس كثيييره ومازلت
ادرس منها واستفيد ​

 

[ماليزيا]

الأمل السامي ماقصرتي يالغاليه
طيب اذا كان الشك في الزوج مرض نفسي ليه الوحده تصبر وتتعب
بالذات اذا مافيه اطفال يكون افضل الإنفصال ( زي حالتي )
طيب اذا فيه اطفال هنا المصيبه

 

[الزهر الجوري]

الحاالمة اشكرك على اطرئك

ماليزيا
كان الله ف عونك
بصراحة الا طعن الشرف ما بسهولة تنسي
وعسى الله يعوضك باحسن منه ..

الامل السامي
مشكورة ع المعلومات والامثلة
لحل المشكلة ...

​

 

[فيافي 2]

لاحول ولاقوة إلا بالله أأأأأأأأأأأأأأأأأأأأأأأه يازمن حركتوا الجروووووووووووووووووووووووووووووح .

 

[الامل السامي]

ماليزيا
اتمنى من كل قلبي
ان يسر لك الله الزوج الطبيعي
اللي يسعدك ويهنيك ولا يحرمك الله أجر المصيبه



من ناحية صبر الزوجه على هدا الزوج الشكاك
كل زوجه وأستطاعتها وظروفها وشخصيتها
لا تعمم الحلول على كل الحالات كل حاله ولها
طريقة حل مختلفه


اما من ناحية طليقك أعطيتيه درس جامدلن ينساه أبدا


​

 

[الامل السامي]

الزهر الجوري
أشكرك
ربي يوفقك
​

 

[الامل السامي]

السلام عليكم ورحمة الله وبركاته
الموضوع كبير ومهم جدا وتقريبا عدد لابأس به يعاني من هده المشكله
*** من اسباب الشك ***

*سمعت أحد أفراد عائله الزوجه غير طيبه
ممكن تكون أمرأة قريبه لها
أخت أم ,عمه خاله, بنت عم بنت خاله وهكدا
والناس مالهم الا الظاهر
سمعة اي فرد من العائله تؤثير كثير على سمعةكل العائله
هنا لابد الالتزام بشرع الله لكل الافراد
كدلك ليس من المعقول ان أعمم على العائله كلها بسبب فرد منها
* القصص التي يسمعها الناس عن الخيانه تؤثر بشكل
كبير على الناس الشكاكين بشكل سلبي
لان هدا قلة عقل وحكمه
*من الاسباب وهو مهم جدا أسلوب الزوجه في حياتها
تكون مبهمه وغامضه جدا لايعرف الزوج عنها أي شيء
طبيعي يشك بها
او تستقبل مكالمات في أوقات غير مناسبه
مثل أخر الليل
كلامها همس وترتبك وتغلق السماعه بشكل فوري عند دخول الزوج
كثرة المكالمات والاتصالات في كل وقت

مبرراتها الغير مقبوله وليست منطقيه لأنهاء المكالمه
*مبلغ الفاتوره الكبير
*ممكن عدو يستغل وجود الزوج في البيت ويكرر الأتصال ويسكر ليدخل الشك في قلب الزوج حتى لو كان الزوج طبيعي ليس لديه مرض الشك
تحصل كثير
*تحصل أيضا ان الزوج يقرأ في موضوع الخيانات الزوجيه
وعلامات وحركات الزوجه الخائنه
من الفلسفه الزائده او من الدكاء يطبق على زوجته
ويلقى كم حركه تشبه الحركات اللي قراها
وثبت على زوجته انها خائنه
طيب ماهو الحل ؟؟؟؟
أسئل يارجل زوجتك وصدق افعالها وأقوالها
وأنت يالحبيبه تحركي وحكي لزوجك ماتفعلين بك سلاسه
ولا تكلف وأفعل كدا علشان يحصل كدا


بصراحه اصبح الناس عموما يشك في بعض اختفى حسن الظن بالأخرين
​

 

[papero0o]

للرفع

 

[papero0o]

رفع
..............