&&**مشكلة و حل . الزوج البخيل**&&

[papero0o]

البــــــخــــــــيل

موضوع هذا الاسبوع تعاني منة أغلب الزوجات وهو موضوع البخل و تقصير الزوج في حقوقهن
طبعا احنى في هل موضوع ماراح نتكم عن الامور الثانوية من الاحتياجات راح نتكلم عن الامور الاولية
الي هي المسكن و المأكل و الملبس


راح نتكلم عن البخل هل هوا مرض . ؟ هل الزوج بخيل على نفسة و الناس و زوجتة او على زوجتة فقط .؟
و لماذا و الحلول​

 

[papero0o]

و لدينا رجاء خاص

معروف منتدى بلقيس بتميزة بأبداع الأعضاء و يمنع المنقول و المنسوخ فيرجى ان تكون الردود من جهوكم الخاصة

 

[دلع قلبه]

البخل اذا كان صفه في الشخص من البداية يعني طبيعته
في اعتقادي صعب حلها!!

لكن بعض الزوجات تشتكي من زوجها يعطي اهله اصحابه ومايعطيها!!
هنا انا ااكد على قضية الاسلوب
يعني انا بحط نفسي مكان هالزوج اطلع اشتغل واجمع فلوس
وتجي وحده بااسلوب شين وتحسسني ان غصب علي ادفع لاني مسؤول عن نفقتها
غصب ,
ياابعطيها من غير خاطر اذا كنت اخاف الله
ولا مااعطيها خير شر تدبر نفسها
وبعض الزوجات الله يهديهم ماعندها صبر تطلب منه واذا مانفذ دبرت نفسها
بعدين تجي تشتكي مايصرف ,اغراض البيت مايجيب ......
كيف بالله بيجيب ويحط وهي مدبره نفسها
احد يجيه خير وراحه ويقوله ما معي له صحن!!!!
لذلك المفروض على الزوجات اذا كان زوجها من النوع اللي مايلبي بسرعة
تصبر وتنتظر وتعيد وتكرر الطلب واكرر الطلب بااسلوب!!
لانه بمجرد ماتدبر نفسها يعني كذا كانها تقوله خلاص شل يدك من البيت انا بتولى المصروف!!
موقف اعجبني لقريبتي رغم انها لما تزوجت عمرها 18 سنه
يعني العمر مو مشكله المشكله في العقل
المهم لما كانو شهر عسل اعجبتها قطعه في المول وطلبت منه يشتريها
قالها غاليه قالت الغالي مايغلى على الغاليه وسكتت ماالحت !!!
شوفي الرد الحكيم الجذاب كله انوثه ودلع
طبعا مانفذ على طول على عشان لايحس ان ضعيف وانها قدرت تتحكم فيه
وخصوصا ان كان صغير بالسن
لكن جاب القطعه من بكرا مغلفه تغليف هدايا
لان الرجل بشكل عام ومانقدر نعمم لكن العناد عندهم رجوله فلو الحيتي واصريتي
بيعناد ويطنشك انتي وطلبك
لكن اعطيه كلمه حلوه فيها ثقه ودلع وانوثه واسكتي وخليه يفكر
غالبا راح ينفذ..

 

[مملكة حنوني]

هوا صح اللي قالته وفعلا مجرب الغالي مايغلى ع الغاليه
بس ازا من جد مرررررررة بخيل في الشرع يجوز ان تاخد مايكفيها من محفظته من غير ماتقوله
والله يهدي ماخلق

 

[papero0o]

أختي دلع شاكرة لتواجدك و مشاركتك

بنات لما الزوج يرفة نفسة و يشتري لأصحابة هدايا و اقاربة
بس بخيل على بيتة و عيالة..؟

بأعتقادكم هذا يسمى بخيل..؟
ولا مقصر..؟


و كيف نفرق بين الزوج المقصر و الزوج البخيل..؟

 

[روحي واو]

البخيــــل .. مايطلع الفلووووس لا على بيته ولا على اهله ولا على ربعه .. ابدااااااااا

المقصر .. اهو اللي يمكن يصرف براا بيته بالهبال .. لكن مصروف بيته اهله اطفاله مقصر فيهآ

وأحيانا يكون الرجل المقصر مبذر خارج بيته .. مفاخره ليش أكثر ..

 

[مهاجرةبإحساس]

أرى انها مشكله ليس لها حل ابدا... اي صفه سيئه تستطيعين تغييرها الا البخل..((خصوصا إذا كانت صفه وراثيه))
وغالبا اذا كان الرجل بخيل بماله فهو بخيل ايضا بعواطفه..
واللي يحب الفلوووس اتوقع ما فيه بقلبه مكان لاي شي ثاني

فيه مقوله قرأتها لأحدى النساء تشتكي من بخل زوجها مع انها متأكده انو يحبها..
فكان رد صديقتها:
البخييييييييييييل لا يعشق أبدا.... والعاشق لا يبخل أبدا....

 

[خلود بكر]

جزاك الله خير على المواضيع والله وجد اني احس انه المكان الوحيد الي بقول راي واسمع اراء الناس من غير جدال او اصرار على الراي يعني حلو الواحد يسمع لااراء غيره عشان يستفيد واذا ماعجبني طبعا ماضرني فلكم جزيل الشكر وبخصوص الموضوع الجديد فطبعا في فرق بين البخيل وبين المقصر اول البخيل هذا انسان مريض ومستحيل احد يقدر يعيش معاه الا طبعا ان كان معتبره شخص غير موجود يعني ادبر نفسي بنفسي دوووووووووووووووووووون الانتظار منه وهذا عاد ماله علاج ابدا الا اذا هو تغير وسبحان من يغير ولا يتفير اما المقصر هذا نوع ثاني وفرق بينه وبين الثاني عاد هذا مو مريض هذا الي عنده صفه ويمكن تغيرها يحب الناس تقول والله فلان سوى وسوى وتمدحه الناس وطبعا يسمع مدحته باذنه وهو مغفل ويترك اهل بيته وهذا يمكن تغيره يمكن احاول مره مرتين ادخل احد من طرفه اتناقش معاه اخذ من جيبه من غير مايحس وطبعا مستحيل تمر عليه لان بعد كذا بينتبه اني اخذت وماعاد بيحطها في مكان سهل فاافضل العلاج اني اناقشه او ادخل احد من اهله واذا مافاد واشوف اني اترك البيت كتهديد فيها حل اسويها بس اهم شئ اعرف زوجي هل من النوع الي يخاف او لا مو اي وحده تترك البيت لا حسب الزوج طبعا

 

[ملكة بإحساسي]

انا في أعتقادي ان البخل عبارة عن مرض نفسي والواحد يكتسبه غالبا بسبب بيئته اللي عاش فيها ولازم الشخص يتعالج منه,,يمكن صح بصعوبة ويباله وقت طويل بس لازم نسعى ان نبدل هالصفة فالشخص اللي نحبه كيف لو هالصفة فالزوج بحد ذاته,,وايد حريم ما يشتغلن ويعانن من بخل أزواجهن فالبيت مقصر ما يصرف على عياله وبيته وعلى زوجته هذا بسبب حبه للفلوس أكثر منهم ومن الآخرة حتى,,وهنا أحس الزوجة لازم توضحله كيف ان الفلوس بس شي دنيوي بحت وان الله سبحانه عطى أجر عظيم للأنسان اللي يكرم بيته ويتصدق على الناس,,تشغل قدامه فيديو لأطفال افريقيا وتخليه يشوف كيف الناس المحتاجين وان بشوية فلوس على فقير الله بيبارك حقه فالفلوس تقدر بعد اذا مشوا في السوق وشاافوا محتاج او محتاجه تمد ايدها وتعطيه قدامه اذا شافت ياهل تعطيه شي بسيط وتقول حقه الله يخليك لعيالنا ولا يقصرهم شي ولا يحسوا ان ناقصهم شي عن اليهال,,,اذا هو كانت صفة البخل مكتسبها من بيئته تقدر تبدلها بس يبالها فترة طويلة وبلطف,,أما اذا كان الزوج بس بخيل بس على بيته زوجته وعياله وبيته وكريم مع الناس هنا بعد للزوجة دور تغير هالصفة وتقوله شو ناقصنهم وتوضحله ان اذا هو ما صرف على البيت من بيصرف ولازم توضحله احتيجاتهم واذا هو ما يوديها السوق تعطيه ورقة بكل الاغراض وتقوله محتااجين ضروري هالاغراض وعشان المصروف الشهري لها ولعيالها تقوله انا ما اريد عيال اقل عن عيال اخوانك واريدهم نفس بقية الاطفال وما يقصرهم شي,,

هذي وجهة نظري تقبلي ردي ​

 

[سنجار]

لا يمكن حلها

 

[ام ريهـام]

البخل عاده واسلوب...واحيانا وراثـــــــــه
بعضهم بخلاء على انفسهم وعلى الناس لا
بعضهم العكس على نفسهم وزوجتهم عايشين بهنا وعز وعلى الناس بخيلين حيل



الله يعينك ولي عوده​

 

[papero0o]

طيب أذا كان الزوج بخيل و يعطي مثلا مصروف شهري جدا جدا قليل شهريا..
وش دور الزوجية كيف الطرق الي تكفي أحتياجاتها بهذا المبلغ ..؟

و نبي حلول مثلا
هل تطلب مثلا من اهلها مشروف شهري..؟
تشتغل ..؟
تجمع المبلغ الي من زوجها كل شهر و تقصر على انفسها بس عشان تجمع..؟
تحاول تغيير زوجها..؟
تصبر و تحتسب..؟

 

[عذبةالوصف]

الحمدلله ماقد شفت او عاشرت احد بخيل

بس اعتقد انه لكل شخص مفتاحه سواء كان بخيل او مقصر

بمعنى فيه اساليب سياسيه معينه
بس المهم نفهم وين العقده عشان نعرف مربط الفرس

مثلا
ابو محمد رجل بخيل بدعوى عدم الاسراف والتبذير..الخ
وهو رجل متلزم ولكن متشدد

اذن مفتاحه هو .......... << يلا ياعضواات قووولو وش هو


كذالك ابو خالد
رجل بخيل بدعوى الخوف من المستقبل وليس لديه ماينفق
وهو رجل يحب المظاهر الباذخه واغلب اصحابه هم من الطبقه الباذخه

اذن مفتاحه هو.........<< يلآ ياعضوات وش مفتاحه


همســـــــه:-
مشكلتنا كااغلبيه اننا نبي كل شي يصير بسرعه وبظرف يومين بالكثير
لذلك يفشل الكثير ...
كم زوجه عندها الاستعداد بمسايسة زوجها واعادة تهيله بشكل يناسبها
بدون متتحطم من طول الفتره او من النتائج خلال هذه الفتره




لي عوووده باذن الله
بس بعد مااشوف المفاتيح اللي حطيتوها لابو محمد وابو خالد

​

 

[الخط الفاصل]

الرسول عليه الصلاة والسلام سيد البشر تعوذ من البخل...بصراحة هذه صفة لا تطاق.

 

[كلي غنج~]

طيب اللي مو بخيل بس مهمل من هالناحيه شنو الحل معاه .......والزوجه تسستحي تطلب مصروفها كل مره رازه خشتها تبي مصروف...

 

[ثاقبه]

البخل افه تسري في الجسد

 

[جراح القلب]

السلام عليكم
من وجهة نظري البخل مرض نفسي وصعب الشفاء منه وايضا صعب التعامل مع الشخص البخيل
ولكم اعتقد ان البخل ليس بخل الفلوس ايضا بخل الدين والمشاعر والاحساسيس ومن وجهة نظري هي اصعب من بخل الفلوس
الحمد الله زوجي ليس ببخيل على بيته او اولاده ولكنه بخيل على نفسه وخاصة في الملبس يفضل انه اولاده يلبسوا افضل شئ وهو غير مهم ، مع اني لا اتفق معه في هذه النقطه ولكن حبه لاولاده زيادة عن اللازوم .

 

[الناصحه الامينه]

الزوج الذى يبخل على اسرته

بالنسبه لمسمى البخيل
البخل صفه مطلقه تدل على شخص يحب المال بشكل مرضى يمنعه من قضاء حاجاته به وحاجات من هو مسؤول عنهم
وعلاجها صعب ولاحتاج جهد كبير من الشخص نفسه لاجتثاث هذا الطبع الذى استعاذ منه حبيبنا ونبينا محمد صلى الله عليه وسلم
,,,اللهم انى اعوذ بك نن البخل والجبن ,,
اذن هو من اسوا الطباع التى تجعل ما اعطاه الله للانسان واستخلفه عليه من مال وبالا عليه وعلى من حوله بدلا من ان يكون علاجا لمشاكله ومشاكل غيره
البخل يقدس فيه المال اكثر من الانسان
وهذا ما لا يريده رب العزه والجلال
وقد توعد ربنا جل جلاله بمن يكنز المال ولا ينفقه فى سبيل الله بان يحمى عليه فى نار جهنم ويكوى بها جنوبهم وجباههم
,,,والذين يكنزون الذهب والفضه ولا ينفقونها فى سبيل الله فبشرهم بعذاب اليم ...يوم يحمى عليها فى نارجهنم وتكوى بها جنوبهم وجباههم ذوقوا ماكنتم تكسبون ,,,والبخيل يعيش تعيسا خائفا على ماله ولا يكاد يصرف منه شيئا الا ويصاب بالحسره والالم ,
اما المقصر فلا يهمه المال بقدر ماانه هو لا يهتم بمسؤولياته ولربما كان لبعض الظروف والتربيه السبب الرئيسى فى تقصيره
وهذا الشخص لو ثقف او ذكر بواجباته فاستجابته تكون اسهل وعلاجه اقل صعوبه
وهو لا يعتبر مريض هو شخص سوى بخلاف البخيل ولكن تنقصه بعض التربيه والتعليم التى تجعله افضل
بالنسبه للزوج المقصر اصلاحه اسهل وبقليل من الصبر والتذير واقتناص الفرص الملائمه للزوجه لتعويده على الانفاق ستصل الزوجه الى ما تصبو اليه

 

[الناصحه الامينه]

بالنسبه للالزوج الذى ينفق على ملذاته وشهواته ورفقته ويقصر على بيته واولاذه وزوجته هذا ليس بخيلا
وانما يعتبر مقصرا ويترك واجباته التى كلفه الله بها وينفق ماله فى اوجه ليست لها الاولويه فى الانفاق
لذا علاجه اسهل من البخيل الذى يحتاج لعلاج مشكلته وازاده قويه منه للتغلب عليها
وللاسف ان صفه البخل من الصفات التى تتوارث لا ادرى هل هى بالجينات ام بالتربيه ويحتاج المرء لمغالبه هواه للسيطره على هذه الصفه الذميمه

 

[حنان ابدى]

بسم الله الرحمن الرحيم


/
وفقت غاليتى فى اختيار الموضوع
البخل

صفة مذمومة وكريهة وتهلك صاحبه لانه من المعروف ان البخيل لا
ينفق لا على نفسه ولا على الغريب

وبالتالى كما يقول المثل (مال البخيل ياكله العيار)
بقليل من الصبر والمسايسة من الزوجة قد تاخذ ماتريد..
بس يبغالها كمية دهاء على كمية خطط ومؤامرات حتى تحصل على ماتريد

بالنسبة للامثلة اللى ذكرتهم الاخت عن الرجال البخلاء
مفتاح الاول البر والاحسان وفعل الخيرو الترغيب بالاجر والثواب
بما انه ملتزم
مفتاح الرجل الثانى اللعب على اوتار اهمية المظهر الخارجى والبرستيج
وايش راح يقولوا علينا العايلة الفلانية و..الخ
اتمنى انى وفقت فى الرد

/
دمت بود
حنان ابدى

​