&&**مشكلة و حل * الاساءة للزوجة **&&

[Et Rod]

للاسف يا papero هذا اللي يحجم من المشكله لما تسكت المراه عندما تتعرض لاول ضربه هذا اللي يخلي الرجل يتمادى ويحس انو الضرب افضل وسيله للتعامل
اذا كانت الزوجه متزوجه من فتره وعندها عيال راح تصبر وتسكت عن حقها عشان عيالها حتى مايتشتتون بعدين
طبعا هي قاعده تعرض نفسها وعيالها للخطر وهي ماتدري
اما بعض الزوجات اللي توهم متزوجين ويضربها زوجها شي طبيعي انها راح تزعل وتتضايق لكن بنفس الوقت تخاف من زوجها تخاف اذا طولت بالزعل او وقفت بوجه زوجها ودافعت عن نفسها انها تتطلق اويهجرها فتبدأ تتناسى ضربه لها وتفكر كيف تراضيه طبعا الزوج هنا ينبسط


لكن انا اقول لكل متزوجه انو الزوج اللي يضرب مره راح يضرب الف مره لما يشوف زوجته راضيه باللي قاعد يصير
فلازم تحط حد لزوجها وتزعل وتظل تذكره بعد كل فتره بدنائه تصرفه وانو الرجال اللي صح يضرب رجال زيه وبقوته مو حرمه لاحول لها ولا قوه
​

 

[شذا الليل]

عزيزاتي البلقيسيات

سأبدأ حديثي بأية من القرآن الكريم

حيث يقول الله تعالى {ومن آياته أن خلق لكم من أنفسكم أزواجاً لتسكنوا إليها وجعل بينكم مودة ورحمة} الروم 21

لماذا يتزوج الزوج إن لم يكن مقتنعا في داخله بل قادرا على حماية أقرب انسانة إلى قلبه وروحه وهي زوجته

كنا نتناقش أنا وزوجي عن هذه النقطة وهي سوء معاملة الزوجة ، فرد علي ان من يضرب زوجته لا يعد رجلا

نعم تختفي الرجولة من الرجل الذي يسء معاملة هذه الزوجة الرقيقة والتي أمره الله تعالى برحمتها قبل محبتها ، فإن لم تنغرس محبته فيها ، فتكفي أن يعاملها برحمة فتخرج منه شهامة الرجل الذي أوصاه الله تعالى بها

فهل تخيلت المشاعر التي يمكن أن تكتنف تلك الزوجة الرقيقة المشاعر عندما تقوم بضربها وهل تتخيل مقدار الظلم الذي تشعر به تلك الانثى والتي كانت تتوقع أنها ستأتي إلى رجل يحميها من نظرات الناس ومن صعوبات الحياة فكيف بها تكتشف ان من سكنت عنده جاءها نقمة وليس نعمة بأسلوبه الردئ في المعاملة


نحن هنا نوجه رسالة عميقة لك أيها الرجل حتى تمتنع عن فعل ما تفعله وان تحضن تلك الأثنى الرقيقة

هذه بدايتي

ولكم مني عودة أيتها الجميلات ​

 

[راحةالقلوب2]

جزاكم الله خير على التفاعل.....

نبي نناقش اول نقطة وهي اول صفعة او ظربة من الزوج ​

كثير من النساء للأسف لما تنظرب للمرة الاولى ماتحط حد للموضوع ولا تدري انة اول انذار للخطر و بعدها راح تنظرب مرة ثانية و ثالثة و للأبد​

لما المراءة تتعرض لاول ظربة كيف تتعامل و كيف تحط حد للموضوع
و كيف تتعامل مع الموضوع عشان مايتكرر..!
و خاصة ان اول ظربة تكون اول ايام الزواج قبل انجاب الاطفال و بعدها تجلس مع زوجها المسيئ و تجيب اطفال و تعيش معاى عشان اطفالها رغم انه كان يظربها من قبل الاطفال
و هل فعلا المراة تجلس مع زوجها عشان الاطفال بس
ولا خوف منها تاخذ لقب مطلقة

...؟​

اولا ..
ما اسمح لزوجي ان يرفع صوته علي
كيف ؟؟؟؟؟ ولماذا ؟؟؟؟؟؟
طبعا ما اسمح لزوجي ان يرفع صوته علي وابين له اني اخاف من الصوت العالي وابكي بكل ما لدي من انوثة ودلع

لأن الصوت العالي مرة على مرة على مرة يتحول للضرب


وإن حصل لا سمح الله ووصلت للضرب ..
اقوم الدنيا ولا اقعدها اخبر اهلي واهله واسويها حكاية واجلس عند اهلي فترة لعقاب الزوج عشان ما يكررها مرة ثانية ممكن تستمر لشهور وبدون اطفالي

طبعا هذا الكلام كله عندما تكون الزوجة مثالية ما ترفع صوتها على زوجها ..وما تثير غضبه ..وما تعطيه مبررواحد ليرفع يده عليها



تقبلو مروري...

 

[راحةالقلوب2]

عندما يضرب الأب زوجته أمام الأولاد، يترك هذا أسوأ الأثر على علاقة الأبناء المستقبلية بأبيهم وأمهم، لتنبت أجيال غير سوية من الناحيتين النفسية والاجتماعية , وبذلك يبدأ الابن يطبق ما شاهده في حياته بضرب زوجته امام ابنائه

 

[شذا الليل]

جزاكم الله خير على التفاعل.....

نبي نناقش اول نقطة وهي اول صفعة او ظربة من الزوج ​

كثير من النساء للأسف لما تنظرب للمرة الاولى ماتحط حد للموضوع ولا تدري انة اول انذار للخطر و بعدها راح تنظرب مرة ثانية و ثالثة و للأبد​

لما المراءة تتعرض لاول ظربة كيف تتعامل و كيف تحط حد للموضوع
و كيف تتعامل مع الموضوع عشان مايتكرر..!
و خاصة ان اول ظربة تكون اول ايام الزواج قبل انجاب الاطفال و بعدها تجلس مع زوجها المسيئ و تجيب اطفال و تعيش معاى عشان اطفالها رغم انه كان يظربها من قبل الاطفال
و هل فعلا المراة تجلس مع زوجها عشان الاطفال بس
ولا خوف منها تاخذ لقب مطلقة

...؟​

للأسف يوجد بعض الزوجات الضعيفات اللاتي لا يضعن حدا لأزواجهن ومنذ بداية الأمر

عزيزاتي
اليكم بعض الطرق التي يجب أن تبدأ بها الزوجة عندما تلاحظ أن زوجها قد بدأ بالصراخ عليها
1- تقول له ليش تصرخ ، ليش ما تتكلم بهدوء
2- راسي يعورني لما تصرخ
3- أرجوك حاول تكون هادي وانت تتكلم
4- تسبب لي الصداع لما تصرخ وراسي يعورني

ودائما تردد عليه هالكلام من مجرد يبدأ بالصراخ

ثانيا
تلاحظ أي أحد من اهله يصرخ أبوه ، أبوه ، أمه

ومن ثم إذا صرخ عليها مرة ثانية تقولله اسلوبك من اسلوب ابوك ، أو مثل أسلوب امك

بس لازم انت تكون غير لانك مثلا متعلم

وإذا صرخ طبعا تتركه وتروح

وإذا قال لها ليش رحتي تجول له قلت لك قبل اعاني من صداع من الصداع وأخاف يتزايد عندي مشكلة

وممكن تتأكد وتسأل أمي او أبوي وطبعا تكون متفقة معاهم من قبل عشان يقولوا له نفس الكلام

إذا تمادى الموضوع حبيبتي

وضربك للمرة الأولى طبعا لازم تزعلي رعل كبير وحتى لو وصلت ما تكلميه شهر كامل بصراحة عادي عندي لحد ما اي ويعتذر

ضربك المرة الثانية صرخي فيه صرخة توقفه عند حده وتتصل في أبوها عشان اي وعمها وتتكلموا بالموضوع في بيتج

ولازم يحصوا حل معاه

وتتناقشوا ويوعد اهلج واهله انه ما يمج ايده عليج

اذا قال انا عصبي وما اقدر

تتفقي معاه انه اذا غضب يطلع على طول من البيت او يغير من مكانه

حتى يتبع وصية الرسول وهي
عن أبي ذر – رضي الله عنه – قال : قال رسول الله ـ صلى الله عليه وسلم ـ " إذا غضب أحدكم وهو قائم فليجلس ؛فإن ذهب عنه الغضب وإلا فليضطجع عن أبي ذر – رضي الله عنه – قال : قال رسول الله ـ صلى الله عليه وسلم ـ " إذا غضب أحدكم وهو قائم فليجلس ؛فإن ذهب عنه الغضب وإلا فليضطجع

وعليك
1- بالدعاء له وباستمرار بالهداية والصلاح
2- الابتعاد عن كل المواضيع والتصرفات التي قد تؤدي إلى غضبه منك وبعد ذلك تصل إلى الضرب
3- عليك بالحديث معه عن التسامح وكم له من الاجر الكبير إن صبر عليك
4- حدثي عن الرحمة فيما بينكما يجب أن تنشأ حياتنا على الاحترام
5- ان تتناول النقاشات فينا بننا وبكل مودة
6- ان تحثيه على الهدوء والسكينة وإن له اجرا كبيرا عندما يتناول المواضيع حتى التي تغضبه بهدوء
7- حاولي ان تقنعيه أن اسولبه العصبي قد يبعد عنه كل الناس وانك ستتحميلنه إلا ان الآخرين لن يتحملونه

اتمنى تكوني عزيزاتي اتسفتوا من ردي

ولكم مني عودة إن عاود ذهني أي معلومة بسيطة
​

 

[ام على +]

سؤال ................. تتوقعون الضرب من اول كلمه


مستحيل ......................... مستحيل


الضرب يبدا بعد فقد الاعصاب يخرج من شعوره الى شعور ثانى

الزوجه تبدا تتكلم واهو يرد ...... تتذمر واهو يرد ........ صوته يعلى وصوتها يعلى .....اهو يغلط واهى ترد ....... اهو يهدد واهى تهدد ...

النتيجه ......... ضرب ادي الى تشقق اسري زوجه مهانه وزوج يبي يعيد الضرب لانه لم يشبع غليله


وبطريقه ثانيه ................ زوج يصارخ وزوجه ترد بهدوء .........يهدد وتهديه ..... تتوقعون بيصارخ وبعدين يضرب ابداااااااااااااااااااااااا


زوجى معصب ليش اوقفله الند للند كلمه بكلمه مشتهيه ضرب مثلا ابعد واخليه لين يهدا ولا اعيد الموضوع

 

[راحةالقلوب2]

ممكن الزوج يضرب لمجرد انه رأى ابوه يضرب امه

حالة نفسية وتربيتة تساعد على الضرب

 

[متفائله بالفرج]

اذاكان الزوج عصبي وهذي خلقت الله فيه ولازم تكون المراه هاديه وترد بكل برود طيب هالأمور تتفاوت عند النساء مثلا هي عصبيه وفيه امور لازم تتناقش ماتتحمل التاخيرفي هالحاله كيف تتعامل معه وبعدين الزوجه تزيد عصبيه اذا كان زوجها عصبي غصب عنها

 

[راحةالقلوب2]

اذاكان الزوج عصبي وهذي خلقت الله فيه ولازم تكون المراه هاديه وترد بكل برود طيب هالأمور تتفاوت عند النساء مثلا هي عصبيه وفيه امور لازم تتناقش ماتتحمل التاخيرفي هالحاله كيف تتعامل معه وبعدين الزوجه تزيد عصبيه اذا كان زوجها عصبي غصب عنها

عندما تطبخي الارز كيف ؟؟تحطيه على نار عالية أو تحطيه على نار هادية

عشان تحصلي على افضل النتائج ..

لازم ولابد ان تمسكي اعصابك شوي ..وما في شيء اسمه ما يتحمل التأجيل



الله عزوجل خلق السموات والارض في ستة ايام وهو القادر جل في علاه ان يقول للشيء كن فيكون

 

[papero0o]

حوار و نقاش جميل جدا جدا

بس سؤالي حتى لو الزوجة استفزتة و كانت ترد و اهي بأسلوبها خلتة يظربها

هل يحق له
هل هذا هو الحل ..؟ ولا فية حلول قبل الظرب

...............

و ان كان الزوج عصبي و الزوجة ضعيفة ولا ترد و يظربها بكل الاحوال
هل يعتبر مريض ولا مجرد شخص تربة على طريقة والدة متعامل مع امة...

 

[أحاسيس الغرام]

السلام عليكم ورحمة الله وبركااته
شلونكم يابنات احلىى منتدىى؟!
قريت لي قصه في احد المنتدياات وشدتني وهي قصة لوحده ..
والقصه هذي فيها الكثير من المواعظ والعبر واتمنى الكل يستفيييد
دعوه حلووه منكم تكفيني واترككم مع القصه

( السلام عليكم ورحمة الله وبركاته
موضوعي هذا تردد في كتابته
بس ما حبيت ابخل عليكم بالنصيحه
بالبدايه حبيت اعطيكم فكره عن الموضوع اللي بكتبه
موضوعي هذا مابي منه سوا الاجر من الله تعالى
حبيت اوجه رساله الى كل مهمومه من زوجها
الى كل زوجه احترق قلبها بالخيانه والعذاب والاهانه مع الزوج
اقسم بالله حياتي كانت شي واصبحت شي ثاني
والفضل كله يرجع لله تعالي

تبين تفاصيل قصتي
وشلون الله بدل حياتي مع زوجي من حال الى حال
ببدي اقولكم كل شي وخطوه بخطوه

بسم الله الرحمن الرحيم
بدية زواجي
تزوجت وعمري بحدود ال20سنه
كنت بنت على الموضه لبس كشخه وجمال ودلال
ما كنت اهتم لاي شي ثاني
كنت شبه مغروره
كان زوجي اكبر مني ب 7سنوات
بداية زواجي فيه
عشت ملكه في بيتي
كل شي متوفر لي
دلع الى ابعد الحدود00كان زوجي ما يحبني لا يا بنات كان يعشقني
كان بس يطالع فيني ويقول سبحان الله اللي رزقني بوحده مثل جمالج
مرت علي سنتيين كانو من اجمل سنين عمري
استغنيين فيها عن صديقات الطفوله والدراسه
حتى اهلي كنت ما اروح لهم ولا ازورهم لاني كنت بين احضان زوجي اعيش حياه لا توصف
مو محتاجه اي احد ثاني وانا عندي شخص معطيني الدنيا كلها
كانت المشاكل بينا شبه معدومه
حياة عشتها كانت اشبه بالحلم
رومنسيه لابعد الحدود 00حب 00شوق 00غيره 00
كنا عند الكل يضرب فينا المثل

الى ان جاء اليوم اللي حملت فيه
كانت فرحتنا لا توصف
حجز لي تذاكر وسافرنا (ببشارة الحمل)
رجعنا بعد اسبوعين وكنت مثل الاميره في بيتي
وكنت كل يوم يمر علي
احب زوجي اكثر واكثر
ومستحيل استغني عنه
وزوجي نفس الشي
كان يحبني حب جنوني وتعلق فيني اكثر واكثر

الى ان جاء يوم ولادتي
وجبت لي ولد
وكانت فرحته ما توصف
فرحنا كثير
الكل جاني وبارك لي كانت حياتي جدا سعيده
وفي فترة النفاس
وهذي كانت بداية حزني والمي وحسرتي
اتذكر الموقف يمر علي والاشياء اللي صارت وابكي على حضي
اللي اهي فترة النفاس
رحت فيها بيت اهلي
وكنت حيل فرحانه بولدي
ومشغوله فيه
وكان زوجي بين وقت والثاني يمر علي ويدق تلفون ويسال
وبعد اسبوعين من ولادتي
زوجي تغير وبدل الله حاله من حال الى حال
سبحانك ربي

صار كل ما ادق عليه تلفونه كله انتظار 00انتظار 00انتظار

كنت اقول يمكن يكلم رفيجه او امه او ابوه

كان يخليني على الانتظار ولا يرد علي
وبعدها يرد علي ولاول مره
باسلوب سوقي ومنحط
انتي شتبين؟ما اذيتيني ؟
وبعدين معاج؟
شفتي انتظار سديه وانا ادق عليج؟
انا من الصدمه تبلعمت
زوجي حبيبي يكلمني بهذا الاسلوب
وبعد مناقشات زعل وسد الخط بوجهي
قعت ابجي 00ابجي بحرقة قلبي ليش يعاملني جذيه
صد هني ولا يرد على اتصالاتي ولا مكالماتي ولا المسجات اللي ادزه له
الين جاء اليوم اللي بطلع فيه من الاربعين
ويوم طلعتي كان مواعدني نروح فندق ونقضي ليلتنا فيه
انصدمت انه يدز مسج ويقولي
خلي السايق يوديج بيتج؟
يعني طالعه من الاربعين واروح وارجع مع السايق
هذا الشي الثاني اللى اثبت فيه زوجي انه مستغني عني وما يبيني
وبعد ما تناقشت معاه واصريت انه يجي ياخذني

جاني ومرني في بيت اهلي
كنت بكامل زينتي
وكل اهلي انبهرو فيني
خليت ولدي عند اختي اللي تصغرني بسنه ورحت مع زوجي لشقتي في بيت حمولتي
علشان ناخذ راحتنا وولدي ما ياذيني وقت الليل
دخلت علي بيت حمولتي
الكل انبهر فيني
الكل يطالعني ويخزني
ويقول ماشاء الله تبارك الرحمن
كنت طالعه من الاربعين بشكل مميز
الى زوجي كان وده يفارقني وما يبيني عنده
دخلنا شقتنا
وسكرنا باب الفرح وراناااااااا
كل شي بزوجي تغير
لاحضت عليه التغيير من اول ما ركبت معاه السياره
كان حتى عيوني ما يبي يشوفها

التزمت الصمت
ودخل عزكم الله الحمام ياخذ شور

وانا بدوري
غيرت لبسي وقعدت انتظره على فراشي وبغرفة نومي
دخل وشافني
قام يخزني
يطالع
لبس بجامته
وقال انا تعبان اليوم وباجر وراي دوام ولازم انام
من الصدمه ما عرفت ارد قمت وغيرت هدومي ولبست بجامتي وحطيت راسي على المخده وطالعت فيه وقلت
تصبح على خير
صد عني ومارد علي
قلبي لحضتها قام يشتعل نار
وماحبيت اساله عن الاسباب
وقلت اكلمه بوقت يكون فيه رايق
واهني راح ابدي معاكم مسلمس معاناتي مع زوجي
بعد ما شفتو بداية تغيره عليه
وحتى وقت طلعتي من الاربعين
استمريت على هالحال فتره
كنت كل يوم اساله يقولي مافيني شي

حاولت افهم منه الموضوع وشنو اللي غيره ولا شي
انسان صامت وغامض ولا تعرفين شنو اللي وراه
تحملت 00على شاني احبه 00
وللحين ما شفت شنو سبب تغيره
ولا ادري شنو السبب
حاولت 00بحثت00
كدست كل وقتي وحياتي له بس اطلب رضاه وسعادته
ولا تغير فيه شي بالعكس الاهانه كل يوم قاعده تزيد
والاهمام والرومنسيه انعدمت بينا


زوجي انقلب حاله 180%
حياتي اصبحت تعيسه
نزل وزني وصلت وجهي ذبل
صارت حياتي كلها اهانه وضرب وتجريح
الى ان جا اليوم اللي كشفت فيه السر اللي اتمنى اني انساه
لاني اللي شفته مو شويه
وفي مره من المرات طلعت انا وزوجي
واحنا في السياره اشتد الحوار بينا
وانا من النوع اللي حيل هاديه وما اصارخ ولانه يصارخ علي وانا اسكت ينقهر
فا بلحضة غضب كان الوقت حزة المغرب واحنا في السياره
قام زوجي وشدني من راسي وانا يمه وطق راسي بجامة السياره
موقف مر عليه اكثر من اربع سنوات بس للحين اذكر احداثه بالتفصيل
كان الشارع صوب الاشاره فاضي
وفجئ شافنا رجل بجانبنا مدري من وين طلع
شافني يوم زوجي يطقني شوي
الى الرجال فاتح باب السياره اللي صوب زوجي
وسحب زوجي من صدره وزره من دشدشته
وقام يطق فيه ويطق ويقوله كلام ويسب
قام يقوله تتقوى على مره يا جبان
حيلك على حرمه
انت على هالتصرف منو يصبر عليك والله يعينها عليك
اول شي انا كنت ابجي بس كنت اطالع المنظر وزوحي يدافع عن نفسه
صرت اشوف الرجال شلون يطق زوجي وانا من صدمه ما قدرت اسوي شي
اصلا مدري من وين طلع
المهم
وبعد عراك معاه شوي صار الشارع فيه ناس يفرقونهم راح الرجال وركب السياره وطار
وزوجي يقول للناس حصل خير سوء تفاهم مع واحد من العايله
مايبي السالفه تكبر
ركب السياره وبعيونه كلها شرررررررررر
كنا قراب حيل من البيت
قال انزلي واصعدي شقتج بسرعه
انا نزلت وصعدت شقتي وانا ارجف
شوي ولا داخل وراي
وقفل باب الشقه
ودخل علي داري
وعقبها
طقني طق كااااااااااااااااااااافر
ما انسى اللي سواه فيني لو شنوووو
ما انسى الاهانه والطق اللي جاني يومها

كاني خليت الرجال يطقه وحط حرته فيني
اتذكر الموقف كانه امس


طلع عقبها انا طايحه على ارض الغرفه احس اني انهنت ونجرحت كرامتي
وبعد ساعتيين بالضبط طلعت ورحت بيت اهلي
قعت فتره زمنيه عندهم ورجعت بيتي
ولو اتكمل في التفاصيل ماراح اخلص
وللحين ممسلسل الاهانه مستمر
طقني واهاني
واشياء كثيره يا بنات
وفي مره من المرات
وهذي الصدمه اللي ما عقبها صدمه
عشت ثلاث سنوات بهم وحيره وقهر
كل شي في زوجي تغير
كل شي توقعته منه
بس عمره ما طرى في بالي انه يكون يخوني
كان اليوم الاسود اللي عرفت فيه خيانة زوجي
ومن متى كان يخوني وشلون وانا وين


بقولكم شلون
يومها كان زوجي تعبان
حيل حيل
لدرجة انه ما يقدر يقوم من الفراش
اخذوه اخوانه للمستشفى
ثاني يوم رحت عنده كاان يطالعني بنظرات يا بنات مو طايقني
يصد عني الرجال ما يبيني
كنت ادوس على قلبي لاني للحين احبه


وثالث يوم من كان في المستشفى
رحت له وسبحان ربي صدف اني قبل ما ادخل كان عامل مصري شايل بوكه ورد كبير
وبيدخله لغرفة زوجي
اخذته منه وقريت الكرت
شفت فيها صدمة حياتي
طلع زوجي له صديقه يعرفها من ثلاث سنيين ونص
عرفت التفاصيل بينهم كلها والحين اقولكم شلون
قريت الكرت كان فيه كلام حب وغزل واسمها وتوقيعها
انصدمت عيوني غرفت دموع
شلون ما حسيت وعرفت كل هذا
ويني عنه طول هالمده
كنت اداريه واجابله واسوي كل شي يبيه
وكل هذا جزاه الخيانه
كتمت غيضي
واخذت الورد وحطيته في ركن بعيد في المستشفى
وشقيت الكرت
دخلت عليه
من غير ما احس اول ما شفت عيونه
دمعت عيوني وتحسسرت على عيشتي معاه
حسيت اني بالفعل مغفله
غبيه
ويني عنه ما حسيت بكل هذا
طالع فيني قالي شلونج وشلون ولدي
تمام كلنا بخير نسال عنك
كمل صدته
ماكو فايده
قاعدين سايلند
كل منا ساكت
ولا احد يتكلم
وانا ادري لو بنطق بكلمه راح ابجي وما اتحمل

سكت انتظرت
عنده
وطلعت على طول
الشك ذبحني
رحت افتش باوراقه
وبسيارته
ما تتخيلون اني غشت طول الهسنيين مغفله
غبيه
لقيت بدرج السياره خط ثاني في ارقام بنات
ويسالون عنه
ويقولون وينك يا القاطع
لقيت منديل فيه روج حمره
تذكرت اني قبل جم شهر لقيت علامه في رقبته وسالته قال جرح وتوني اسوعب انه شي قذر
يعني اتضح لي انه يمارس الحنس معاها
كان يقوم من الصبح ويكلم بتلفونه ويقول جاهز يا قلبي امرك
<<<كان يسوي نفسه انه يكلم رجال واهوه يكلم رفيجته
ما كنت افطن انه يكلم حرمه
كان يدخل الحمام ويتروش ويحلق جسمه كامل ويطلع
ويرجع لي بعدها باربع ساعات مستانس ومرتاح وسرحان
وان طالع فيني قال اطلعي برا عني مابيج
كل هذا فسر لي شي واحد
حسيت اني صج مسكينه وعلى نياتي
وحسيت انه ما يستاهلني واخبث انسان على الارض
يعني في الوقت اللي اكون محتاجه له
كان يروح مع غيري ويمتع نفسه
بعد ما عرفت هذا
كان جسمي ينتفض وانا اكشف كل شي قدامي
سكت وقلت بشوف للنهايه
وبعدها طلع زوجي من المستشفى
استقبلته عادي نام على السرير
وراح في سابع نومه
بطلت تلفونه
فتحت الصور
لقيت صور بنات من تصويره
فيتلفونه واهوه معاهم
لقيت مسجات خلاعيه
يدزها لهم ويدزون له
انصدمت اكثر واكثر
قمت ابجي وابجي وابجي
ونمت وانا على فراشي
وعقب ما قام من النوم
صارحته بكل شي وقمت ابجي بحرقه
طلعت له المنديل والصور وتلفونه
تتوقعون شنو ردت فعله
طقني وشدني من شعري وطردني من البيت
وقالي روحي بيت اهلج مابيج
تخيلو
بعد كل اللي سوووه قال مابيج
وحط كل عيب فيني
رحت لاهلي
وانا عيني فيها رضه
جسمي كله كدمات
اهلي شافوني اوستخفو
خواني قالو امشى نرفع عليه قضيه
ونوديه ورى الشمس
امي طالع فيني وتتحسر على حالة بنتها
احس اني مكسوره
ضعيفه ومحتاجه لاحد يسندني
رفضت القضيه ورفضت ان احديكلمه وقلت لحد يدخل
وبعد اسبوع دق وحاول يراضيني وانا رافضه
مابي اطول عليكم
بقولكم بختصار
رجعت بعد شهرين الى عش الحياة الكئيبه
كنت ابي اجذب زوجي لي
بكسبه
ابيه يرجع مثل قبل


تدرون شسويت على شان اكسبه
استلمت معاشي كامل
رحت السوق شريت لي بدل وقمصان ونهال
تقريبا تجهيز عروس كامل
رحت الصالون صبغت شعري
ركبت رموش دائمه
صويت تاتو بحواجبي
حفيت حواجبي
نمصت
سويت كل ما يغظب الله على شان الفت نظره

الناس انبهرو فيني
وكل من قالي شنو هالجمال
زوجي كان يشوفني ولا شي بعينه
مهما سويت ومهما فعلت زوجي عايفني مايبيني
تعرفون شنو احساس الزوجه اللي ما يبيها زوجهااااا
شي مو طبيعي


احساس مثل الهم


وكل يوم اتعذب
كملت اربع سنوات وانا على هذا الحال
خيانه ظلم جفا فرقا
ما اشوفه الى قليل القليل
وان تلاقينا سب وقال كلام ما ينقال
صرت اكره البيت اللي انا فيه
بس عقبها صارت اللحضه اللي غيرت حياتي من الى
لحضه يا بنات فهمت فيها الحياة عدل
حاولت اني اجذب زوجي بس بطريقه خاطئه
وما عرفت ان اللي يغضب الله عمره ما يعيش بهنى
كنت مره من المرات اتمشى بالسوق وكنت بكامل زينتي
فا مرت علي بنت منقبه وتلبس عباية راس
وكنت اطالع في البنت تقرب صوبي
وتقترب مني
وبعدها قالت لي
السلام عليكم ورحمة الله وبركاته
رديت السلام
قالت اختي في الله
قالت امري
قالت
اسالج بالله انج تجاوبيني على سؤالي
وانا بكل غروور قالت امري
كنت حاطه في بالي انها بتسالني عن المكي اب اللي كنت حاطته اي ماركه
او شنو خامة عباتي المخصره
او وين مفصلتها
انصدمت في البنت تسالني
وتقول
لو الله امر ملك الموت باخذ روحك وانتي في كامل زينتك في هذا المكان المليئ في الرجال
والناس ينظرون اليك نظرات اعجاب
بماذا ستواجهين ربك وماذا تقولين له

انا من شدة الصدمه
وقفت مكاني
شريط ذكرياتي مر قدامي اسرع من البرق
تذكرت اني انمص حواجبي والنامص والمتنمص ملعونه من الله
تذكرت اني سويت وشم بمنطقة حواجبي وان الواشم والمستوشم ملعووونه
والملعون يطرد من رحمة الله
تذكرت اني ما اخرج من البيت الى بكامل زينتي
وافتن غيري وهذا نار علي
تذكرت اني ما اخرج من البيت الى متعطره والمتعطره لو احد يشم ريحها كانها زانيه
يعني بالعربي الفصيح
صرت عند الله زانيه مطروده من رحمة الله عاصيه وملعونه
بهذا اللحضه تخيلت شكلي مرميه في ارض المجمع اللذي لا يخلو من الناس و
الاسعاف ترفعني من الارض وتنقلني الى المستشفى وبعدها للمقبره

ما قدرت ارد على البنت باي كلمه
ابتسمت لي وقالت مابيج تردين باي شي
ابيج تاخذين رقمي ومتى ما احتجتي تفضفضين لي بتلقيني اقرب الناس لج
قلت انا ما عندي مشاكل افضفض فيها
وعايشه حياتي سعيده ليش تقولين هالحجي
قالت باين الهم والحزن من عيونج وكل شي واضح في ملامحج
وبلحضة صمت
مديت يدي ايدي من غير شعور واخذت الرقم
مشت البنت وخلتني بروحي ماني فاهمه اي شي حولي
ركبت السياره وسيده رحت البيت
لقيت شقتي مثل القصر كلها لوحات وصور واثاث
شفت المجسمات على شكل حيوانات
تذكرت ان كل بيت فيه مجسم او صوره حيوان او انسان لاتدخله الملائكه
شلون ابي ربي يوفقني ويستجيب دعائي وانا في معاصي واثاااااام
اخذت كل التحف اللي عليها صور ومجسمات وحيوانات وكل برواز فيه صوره شلته وحطيته بدرج ذكرياتي
رحت اطالع في وجهي بالمرايا
عبايه مخصره وملفع وميك اب وريحة العطر تفوح مني

وشلون ادور ان الله يوفقني ويخلي زوجي زين معاي وانا في هذي المعاصي
بعدها عرفت وفهمت اني اعيش في ضلال بعيد عن الروح الايماني
حرمني الله من الاستقرار والسعاده طول هذي السنيين كل هذا بسبب غضبه علي
ولاول مره من خمس سنيين اصلي
قمت اصلي وابجي وابجي واطلب من الله يهديني الى طريق الصلاح
شكيت همي الى ربي
ولاول مره احس اني اناااااااااام وانا مرتاحه
حسيت بشعور غريب من الراحه ما حسيته من قبل
ثاني يوم قعدت بروح لدوامي
ركبت السياره شغلت قناة اذاعت القرآن
وانا يدور في بالي اساله كثيره
لقيت الشيخ يقول بالاذاعه
زينها مع الله تزين
قلت بيني وبين نفسي بزينها مع الله واقوي ايماني بالله وعسى الله ان يلطف بحالي
اكملت دوامي واستاذنت على الساعه عشر ونص
رحت السوق وشريت لي عباية راس ونقاب
حاولت صاحبة المشغل انها تشوه هذي اللبسه في عيني وقالت كل هالمفاتن بتخفينها
مارديت عليها وكملت لبستي وسلمتها بفوسها وكملت طريجي
ما انكر لكم اني حسيت بضيقه من لبستي وحست اني كاني مراه عجوز
كرهت شكلي بس قلت من تركه شي لله عوضه الله بشي احسن منه
كنت اشوف اي فقير قدامي اعطيه مبلغ واقول يا رب بصدقتي هذي ثبتني على دينك
يا رب
وكان هذا دعائي على طول
رجعت البيت نزلت لبسي وبدلت ملابسي وتوضيت وصليت
راحه نفسيه
كنت اقول كل ما في قلبي لربي
كنت اقول يا رب تعوض صبري خير
يا رب تثبتني
حسيت بشعور غريب محد راح يفهمني الى اللي يحسه
ويجربه
عندي مصحف حاطينه للزينه فقط
مسكته واول مره اقرى واتمعن في كلمات الله
يا سبحان الله ويني انا عن كل هذا
اشغل التلفزيون
ادور القنوات الدينيه
واذا بقناة بدايه السعوديه
طلع شيخ على هذي القناة وكان يرد على احدى الاخوات
ويقول ابشري يا اختي فا الله ما ابتلاكي الى لانه يحبكي
اصبري واحتسبي الاجر عند الله
والله بيعوض صبرج خير
والله بيفرجها
حسيت في هذي الحضه ان الكلام موجه لي
فرحت اسنانست
سبحان الله
يعني الله ناوي لي الهدايه
قعدت على القناه اتفرج واسمع النصايح
شفت الشيخ يقول
من لزم الاستغفار جلع له من كل بابا فرجا ومن كل ضيق مخرجا
بجيت وبجيت وحسيت اني ضيعت حياتي بشي يغضب الله
وشلون ابي الله يوفقني ويهدي لي زوجي وانا على هذي الحال
قعدت استغفر باليوم الف مره
تدرون شنو الف مره
وكانت خفيفه وسهله علي
كنت اقولها وما احس بثقل او ضيق او اي شي
صرت اقوم الليل وادعي ربي ان الله يفرجها علي
ويثبتني ويصلح حالي واحوالي
صرت قبل لا اروح الدوام اشتري معاي اكياس خبز لبناني وماي وعصير وجبن
كنت اطلع مبجر واروح على عمال النضافه وامر عليهم بسيارتي
واعطيهم مبلغ بسيط مع كيس خبز وجبن وماي وعصير
كنت اشوف الفرحه بعيون الفراء واححسن صدقه سقي الماي

كنت اذا ردت من دوامي امر الجمعيه اللي صوب بيتنا واشتري حلوى وككاو تفاخيات وبس انزل من السياره الاقي عيال حارتنا وجيرانا يلعبون بالشارع صرت اوزع عليهم
واعطيهم واشوف الفرحه بعيون كل طفل فيهم كانو كل يوم ينتظروني
والمبلغ كان بسيط اللي اشتري فيه بس ما تتخيلون شلون يفرحون فيه الفقراء والاطفال
شريت لي حصاله حديد وخليتها في صالتنا وووصيت ولدي وخدامتي قلت اي لفلس تلاقونه حطوه في هالحصاله
ماشاء الله ثلاث ايام انترست
اخذتها ووديتها اللجنه
وفلت يا رب تفرجها علي وتثبتني
وبعدها تدرون شصار
بعد اسبوعين فقط تدرون وش اللي حصل
كان زوجي ينام بالدوانيه
يصعد عندي يبدل ويطلع
وما ينام بالشقه كلش

وبعد هلااسبوعين طق الباب بصوت قوي لدرجة اني من الخرعه ركضت افتحه
منو ؟منو

زوجي
فكي الباااااااااااب بسرعه
فتحته مسكني مع ايدي وسحبني معاه لغرفة نومي
وطل من ورى الباب نادى ولدي فلان يا فلان
ولدي نعم بابا
رد عليه ابوه انزل تحت عمك بياخذك للالعاب
ولدي الله يحفضه ركض ونزل
قفل الباب وجاني وقرب صوبي
وكنت اطالعه بنضره حايره
ما ادري شنو وراه
شوي
ولا زوجي بين احضاني ويبجي مثل الطفل الصغير
يقولي
انا قسيت عليج وظلمتج وضايقتج كثير كثير
تعبتج ماي وياما تحملتيني
وتحملتي ضربي واهانتي وطقي لج
قسيت عليج كثير
وابيج تسامحيني
ماراح ارتاح الى لما تسامحيني
يا سبحان الله
اربع سنيين وانا في حياه الم وعذاب وجفاف عاطفي وخيانه
اربع سنيين ضرب وتجريح وبعاد وفرقااااا
اربع سنيين شفت اللي محد شافه
اربع سنيين واربع واربع واربع
قال بس كافي ادري ادري والله ادري
انا تغيرت وبدلت حالي واحوالي
ومابي الى انج ترضين علي وبتلاقيني فلان اللي عرفتيه قبل
وبتشوفين شخص ثاني صدقيني
ضميته ولاول مره احس بمصداقيته
ومعشنا بعدها ثلاث ايام بالعسل
بعدها كنت قاعده اسوي الغداء دخل علي وقالي تعالي بسرعه
قربت صوبه قالي شوفي
اوراق بايده كثيره ماني عارفه شنو
وظرف كبير
قلت هذا شنو
قال هذا كل شي جرحج وضايقج مني وانا كل هذا مابيه
لي ثلاث شرايح تلفون سددت فواتيرهم الغيتهم وهذي ارواقهم
كان لي شقه وبعتها وهذي هي فلوسها بين ايدينج
وكل ماضي اسود بمسحه من حياتي
وهذي هديه مني لج
ولا علبه اصطوانيه
افتحها وابطلها
ولا تذاكر للعمره
لي وله
من فرحتي دمعت عيني مسكني من ايدي وحضني بقوه
قال انا احس اني اقذر انسان على الارض
وشلون اخلي ورده نادره مثلج واروح لمراحيض اعزكم الله واماشيهم
ويني انا اعمى او مجنون عن كل هالجمال
سبحان الله
بعد ماكان يشوفني اقبح نساء الارض
صرت بعيونه اجمل نساء العالم
كنت اكل واشوف عيونه علي
يقولي يا سبحان الله خلقج ما احلاج
كنت اتوقع انه يجامل
بس كنت لما انظر في المنظره والله يا بنات احس ان وجهي يشع نور
صلاتي التزمت فيها
كل حلقة قرآن تصير احضرها
ولي الحين سنتيين كل يوم استغفر الف مره
يااااااااااااااسبحان الله الاستغفار سر عجيب ومثل السحر
الصدقه ما صرت اخليها وبكل لحضه ادعي
حتى خدامتي وولدي تعودو على سالفة الحصاله
صرنا نعبي ونودي للجنه صار هالشي من ضمن حياتنا اليوميه
تغيرت حياتي بعد ما غيرت كل شي بداخلي
زوجي صار احسن من يوم اخذته
ودريت ان كل ما تضيج تنفرج
واني يوم زينتها مع الله زانت

وتدرون كل اللي غيرني منو
ومنو اللي شجعني وكل يوم ينصحني وصارت لي اكثر من صديقه


الاول لله تعالي الهدايه والشكر له
وثانيا لحبيبت قلبي وصدقيتي
(اللي اتقيت معاها في السوق ونصحتني )
وكل شغله ذكرتها كانت من نصايحها وتوجيها لي
شفتو شلون ان الصاحب ساحب
والمرء على دين خليله
من يوم رافجتها تغيرت حياتي
من يوم عرفتها احس اني فوق فووووق السما
احمد ربي واشكره على اليوم اللي صادفتها فيه
والحين اخليكم زوجي بيوصل الحين من دوامه لانه دوامه شفتات ولازم ازهب له شي ياكله قبل لا ينام
ومابي غير انكم تدعولي ان الله لا يغير علينااااااااااا
واذكرو ربكم ترى العين حق
ماشاء الله تبارك الرحمن
اتمنى الكل يفهم قصدي من حياتي وقصتي وشلون كانت وشلون صارت وشلون حليتها بطريقه فاشله وشنو الطريقه الصحيحه ) ...
\\
اترككم مع القصة حبيباتي ..
ويآآرب تكون مفيدة لكل من تعاني خيانة زوجها لها ..
...
الله يصبركم يآآآرب ويوفقكم ..
​

 

[أحاسيس الغرام]

الشجاعة او الرجولة لا تعنى ( الضرب )
وخاصة ان كانت هذه الزوجة طائعه وقائمة بشؤؤنه وشؤؤن بيته وابناءه فالضرب في هذه
الحالة يتعبر ظلم وقهر لها وقد يكون سببا كبيرا في ضعف شخصيتها وتزايد خوفها وكرها له
كما يعود بنتائج سلبية على البيت والابناء وفقدانهم لحترامهم لوالدهم الذي هو في الاصل يجب
ان يكون قدوة حسنة ومثال يحتذي به فيما يتصرف او يقول ويفعل .. كيف لا وهو عماد هذه
الاسرة التي ترتكز في الاصل عليه وعلى والدتهم من بعد فاي اهانة تلحق بوالدتهم كانها لحقت
بهم

\\

لكن في بعض الحالات يكون الضرب هو الحل الوحيد لبعض الزوجات للاسف اللواتي
يخرجن بافعالهن وتصرفاتهن عن المألوف فعندها لا يجد هذا الزوج غير الحل الاخير وخاصه ان
هو قام مرار وتكرار بالتوجيه والحديث مع هذه الزوجه وهي لا تستجيب ..
كيف يردعها حينها وهي الام .. المدرسة . القدوة . المثال ومنبع الحنان لابناء والاسرة
عن سلوكيات من شانها ان تهز هذه الصورة في نظر ابناءها ... ولكن هنا لا اقصد ايضا الضرب المبرح
ولكن التاديب ..
انا هنا لا اشجع على ضرب الزوجات او الابناء لكن للاسف هذا هو واقع
حال بعض الزوجات والازواج .. ان بعض التفاهم والمحبة في الاسرة والتجاوز من بعض
عن بعض الاخطاء والتحمل والصبر كفيل بان تمر الحياة بامان وسلام بينهما ..
.
.
ووفق الله الجميع لما يحب ويرضى ..​

 

[الناصحه الامينه]

اختى ببيرو...
اذا اردنا ان نتكلم عن المثاليه والالتزام بها
فهى موجوده فى كتاب الله تعالى ,,,واللاتى تخافون نشوزهن فعظوهن واهجروهن فى المضاجع واضربوهن فان اطعنكم فلا تبغوا عليهن سبيلا ,,,,الايه تتحدث عن التدرج فى العقوبه
فعصيان الزوجه واستفزازها للزوج ... نشوز ...
وعلاج النشوز باسلوب الوعظ ثم الهجر ثم الضرب وفسره العلماء بان لايبكون فى الوجه ويكون بقش او سواك او غيره بحيث يحصل منه شكل الضرب فقط والا فهو فى الحقيقه لم يضربها ولم يؤلمها
بل كان الالم على نفسها لتشعر بخطأها
اما ضرب الزوج بدون سبب او لسبب تافه فقد اوردته فى ردى السابق ....

 

[*..الحلوة..*]

أولا بالنسبة لموضوع ضرب الزوجة ...
ما في دخان بدون نار وما في ضرب بدون سبب حتى لو كان تافه من وجهة نظري الرجل اللي يضرب زوجته انواع ...

​

الاول رجل يضرب زوجته على كل شي سواء كان سخيف وتافه و هالإنسان ايده متعودة على الضرب و الإهانة والتجريح من صفاته أنه وايد مزاجي لذلك لازم الزوجة واااايد تراقب ردات فعالها معاة يعني مثلا تعاملة باحترام واخلاق عالية واذا شافته متضايق تحاول تتكلم بكل هدوء وتريحة وما تزعجه في شي ابدا لين ما يهدء باله وبعدين تتفاهم معاه يعني تكافي خيرها شرها وتتحشى انفعاله مثال :

محمد كان معصب من المدير واااايد ورجع البيت ولقى الزوجة بعدها ما خلصت الغدا بيعصب زيااااادة وبيصارخ عليها وين الغدا يا حرمة طبعا هي لازم تكون مجهزتله عصير بارد وتقوله بكل هدوء اتفضل حبيبي دقايق ويجهز الغدا خذ هالعصير برد على نفسك شوي ​

الزوجة الذكية تحاول تبتعد عن كل شي يزيد الحالة عنده مثلا الحر يزيد الحالة عنده وايد تحاول دايما يكون الجو مكيف في البيت وتبرد البيت قبل ما يرجع بحيث يكون مدخل البيت بارد ​

​

الانتظار أو التأخير تحاول مثلا تاخذ معاها أي شي يتسلى فيه وقت الزحمة مثلا مكسرات او أي شي يحبة شرب المنبهات مثلا اذا كان متعود على شرب المنبهات تحاول ما تخليه يطلع بدون ما يشرب لانه اذا ما شرب كوب القهوة أو النسكافيه يصاب بصداع وبالعصبية وممكن بعد تناول السكريات اذا نزل مستوى السكر عند الشخص يصير عصبي لابعد درجة فلازم دايما يحاول تغذية وتهتم من اكله عشان ما يعصب ويصاب بهالحالة .​

​

الازعاج تحاول توفر له جو هادي وكرسي مساج وموسيقى استرخاء ولا اصوات طبيعيه مثل خرير ماي او اصوات عصافير واذا جا معصب ما تسأله وتحقق معاه لا تهديه اول بشي يحبه وبعدين يوم يهدا تكلمة وتقوله حبيبي لا تعصب عشان صحتك وما في يستاهل تعصيبك .​

​

وتكون لازم واثقة من نفسها ما تخاف منه وتحسسه بالخوف لانه يعصب زيادة من المراة الغبية والخوافة يعني لازم تكونين قدامه وحدة ذكية واثقة من نفسك هادية ومتفهمة احتياجاته وطلباته ومجهزتله كل شي يهديه ويخليه يروق وتقللين من المحاسب والمعاتب وتبتسمين دايما في وجهه بس ما تبتسمين بهبل لا ابتسامة واثقة من نفسه ​

​

وعلى الزوجة أن تساعده على ممارسة الرياضة لانها وايد تهدي النفس وتهذبها مثلا السباحة لانه الماي يسحب كل الطاقة السلبية من الجسم حقيقة علمية لانه الانسان العصبي فيه طاقة زايدة ولازم يفرغها عنه بممارسة الرياضة وتهد حيله عشان يرجع البيت تعبان وهادي ويتعشي وينام

واكتشفوا انه الجسم الضغييييف مرة اكثر عرضة للعصبيه الزايدة من الجسم المليان فاذا كان نحيف مره تحاول تسمنه ​

​

وبعض الرجال يفهم انه كل شي تسوية الزوجة عشان تقهرة وتعانده المفروض انه الزوجة دايما تحاول تكرر على زوجها هالكلام عشان يتبرمج عليه أنا موجودة عشان أريحك وأخفف عنك وأفهمك ومب عشان أعاند ابدا واحس انه الرجل اللي يضرب دايما ناقص عاطفة وحنان فتحاول تعوضة قد ما تقدر .

وللحديث بقية تحياتي *..الحلوة..*​

 

[الناصحه الامينه]

ما يجب ان يورد هنا لتعرفه الزوجات
وبما ان هذا منتدى نسائى
وبما ان علاج المشكله يبدا اساسا من صاحبها
وعوده الى ان كل فعل لابد ان يكون رده لفعل سابق
ومن باب ان الوقايه خير من العلاج
احب ان اؤكد على ان سوء الادب من الزوجه
او الاهماال المتكرروالمتعمد
كلها اسباب تنتج رده فعل لدى الزوج لن تكون طيبه على الزوجه
فهل من العقل ان نعالج النتائج ونترك سبب الداء
ايعقل ان نطلب منه ان يكون مسيطرا على نفسه ومؤدبا معها فى الوقت الذى تسئ الادب معه
الا نلتمس العذر لزوج يتعرض لضغوط نفسيه وجسمانيه وعقليه كبيره فى غالب الاحيان تكون الزوجه لا تعلم عنها شيئا
او تتجاهلها وتقول انه ليس من شانها ذلك
اود ان اورد شيئا خطر على بالى واتمنى من كل زوجه ان تفكر بنفس الطريقه التى مرت على
,,......فى الايام الماضيه وعند سفرى ذهابا وايابا لديرتى التى تبعد عن مدينتى مائتى كيلو
كنت اتامل سياره امن الطرق وتاملت حال الجندى.وزميله الذين يركبانها.... وهى تعيد نفس المشوار الممل خلال ساعات العمل الثمان جيئه وذهابا
هذا فيما عدا ما يقابله من حوادث ومشاكل على الطرق وما يتوجب عليه تجاهها
تذكرت ذلك الجندى الذى يقودها مع زميله
اليس رجلا ..
وله زوجه واولاد واسره تنتظره ...
ترى لمن يتعب كل هذا التعب ؟
ترى هل تقدر زوجته مايقوم به؟
هل تحس بمعاناته؟
هل تقدم له مايحتاج وما يستحق عند عودته؟
كيف تقابله ؟
هل تقدر هذا الجهد البدنى والنفسى الذى يقوم به ؟
ماذا يحتاج بعد عودته من رحلته الشاقه والممله ؟
امراه شاكيه باكيه مقصره تندب حظها ان انشغل عنها بعمله ثم جاء ليرتاح نفس الفتره التى قضاها فى عمله فعلا ليست كل امراه تقدر ذلك التعب وذلك المزاج الذى يعود به زوج منهك ليجد امامه امراه مستفزه ومقصره
طبا هذا نوع من بعض الاعمال وغيره الكثير تتفاوت المشقه فيها حسب العمل ومركز الشخص لكنه يظل الرجل الكادح لاجل اسرته
فماذا يستحق ؟
من اجل ذلك قال حبييى محمد صلى الله عليه سلم
لوسال جسد زوج احداكن من راسه الى اخمص قدميه قيحا وصديدا ثم لعقته لم تؤدى حقه ..

 

[ام على +]

طيب ليش تستفزه مدام عارفه النتيجه ضرب ...........


وان كانت هاديه ويضربها ما تصير الا اذا كانت استفزازريه بهدوئها حركات بايدها او وجهها مو شرط بردودها الحركات حتى طريقت رفع ونزل الراس كلها ادت الى ضرب

 

[*..الحلوة..*]

اتابع ما بدأت به :
أما الرجل الثاني الرجل اللي يضرب الزوجة على سوء خلقها وبصراحة هالريال غلطان لكن على الاقل عنده حق لانها غلطت عليه ويجب على الزوجة انها ما تكون سيئ الخلق بالعكس تكون خلوقة ومأدبة حتى لو غلط هو عليها لا ترد الغلط بغلط ولكن تسكت وتعلمه انه القوي من يكتم نفسه عند الغضب .

​

بعدين أحس أنه اغلب مشاكل الضرب تكون عندما تكون الزوجة صغيره في السن وما تفهم الرجل ويمكن يكون هو كبير وهي ما تفهم الحياة الزوجية ولا تفهم شي في التعامل مع الزوج فلازم على كل ام وكل بنت قبل ما تتزوج تثقف نفسها يعني تقرا عن كل الامور اللي تفيدها مثلا في كتب وايد مهمة لازم تفهمها مثل كتاب رجال من المريخ ونساء من الزهرة .​

​

لازم تفهم انهالزواج مب لعبه ومب حياة رومانسية بدون مشاكل مثل الافلام بالعكس الحياة تنازلات وتفاهم وتضحية وكل شي بشوية صبر وثقة بالله ودعاء واهتمام تنحل الامور .​

​

ثاني شي انتي لما تتزوجين انسان مب يعني تملكينه اذا زعل زعلتي واذا رضى رضيتي لا بالعكس الزواج شي وايد حلو اذا فهمناه صح . ​

​

مثلا اذا الزوج خان لازم اتصرف بحكمة مب اهاوش وازعل واكسر الدنيا واواجه واحقق واجيب ادله طبيعي بيكرهني وبيضربني ما حد يحب يبين نفسه غلطان لكن بكيد الحريم اعرف اجيبه اولا لازم اراجع نفسي وتصرفاتي بدون ما اتكلم معاه ولا اجيب سيره واذا متضايقة اروح لي مكان يومين ولا ثلاثة واغير جو وبعدين ارجع واحاول اتغير واتقرب منه بهدوء واعرف شو يحب وشو يكره واحاول اتقرب من كل شي يحبه واترك كل شي يكره واحاول احسسه اني مهتمه بنفسي ومدلله نفسي بشكل يغرية انه يتقرب مني ​

​

وترا الحياة الزوجية مثل السفينه اللي في البحر ما تأمنين عليها ابدا وتكونين دايما مركزة ومنتبهة عليها لانه اذا غفلتي ممكن تغرق​

​

وانا اتوقع انه التصرف الصح اذا مثلا اعتدا الزوج بالضرب على الزوجة – طبعا انا اتكلم اذا غلطت عليه – الحل انها تزعل بس بنفس الوقت ما تقصر في حقوقة ابدا واذا جا يراضيها تفهمه كلمة وحدة انها مب راضية عن تصرفة نهائي وانه زعلانه لانها ضربها وليس لانه زعل عليها وتفهمه أنا إنسان ولست حيوان حتى تتعامل معي بأسلوب الضرب .

​

بس اذا ضربها بدون سبب ضرب مبرح من راي انها على طول تجمع كل اغراضها وتخليله البيت من اول مرة بدون تردد وتخلي اهلها ولا أي انسان فاهم يتدخل في الموضوع وما تقبل الرجوع له ابدا لانها مهما قال وسوا اللي يضرب مرة يبضرب عشر وانا احس انه الرجل لا يضرب المراة الضعيفة اللي ما تستقوي عليه .
انتظر تعليقكم تحياتي *..الحلوة..*

 

[خيوط ملونه]

بصراحه موضوع رائع..........
من وجهه نظري أن الزوجه هي الي تخلي الزوج يضربها
ويهينها ...........
يعني لما يضربها أول مره وتسكت~راح يتجراء مره ثانيه ويضربها طوووووووووووول عمرها......
بس لما توقفه عند حده من أول مره راح يخاف منها...
ويحسب لها ألف حساب.........
(((((وحده أعرفها كااان زوجها يضربها على الطااالعه والنازله كان يكفخها تكفيخ.......:30:وهي مسكينه ضعيفه ساكت ..وصابره ويجي ذاك اليوم يجلس يجلد فيها مسكينه......يوم هذاك وتتحماله بذاك الكف أقوى ماعندها.......قام يناظر فيها وتركها...............لها هالحين8سنوات تقول من عقب هذاك الكف وهو مارفعيده عقبها.........

 

[Et Rod]

صعب صعب جدا انو الحرمه تتعامل مع زوجها بنفس معاملته يعني مثلا يضربها تقوم اهيه وتضربه بعضهم اوكي راح يحس ع دمه ويعرف انو غلطان البعض منهم راح يعصب ويصير اللي مايحمد عقباه
​

 

[الناصحه الامينه]

مودايم النتيجه تكون كذا اخت خيوط ملونه غالبا النتيجه زياده فى العنف
فكم امراه فقط حاولت ان ترد وهو غاضب او تقاوم
وفى النهايه ضربت ضربا سبب لها عاهه او افقدها الوعى

فى نظرى ان على المراه اجتناب مايثير الرجل وبالتالى هذا اسلوب وقائى اما ان وقع الفعل فالتاديب والاصلاح ليس عندها عليها فقط ان تبلغ وليها لمعالجه الامر او تحويله الى الجهه المختصه
ان كان الضرب لعصبيه وسرعه فى الغضب
فبامكانها بعد هدوئه وفى لحظات صفاء ان تخبره بان هذا السلوك يدمر علاقتهم ويزعجها ويجعلها تشعر برح عميق وتخبره بما يتوجب عليه فعله عند غضبه وتعده بان لاتثيره وان حصل منها خخطا فهو بغيرقصد وبالرحمه والحب واقتناص الفرصه الملائمه تغير من اسلوبه وسلوكه