قلت لها انا هنا بدل ابنك ومش تطلبى حاجة من بناتك انتى عارفة انا هعمل اللى انتى عاوزاة واحسن منهم كمان مش تشغلى حد بيكى انا بدل ابنك لحد ما يرجع لنا بالسلامة
الكلام دا غلط منك انتي كده بتقولي لها انك احسن من بناتها وطبعا هي واو اي ام في الدنيا بتحب ولادها ومش هتحب ابدا ان حد يقول عليهم اي كلمه في حقهم
حتي ولو كان فيهم العبر
انتي تقولي لها انا عايزه اخدمك ولو في اي حاجه انتي عايزاها انا تحت امرك وبناتك والله كويسين وانا بحبهم وهم مش مقصريين معاكي ربنا يبارك ليكي فيهم وكده يعني
انا هروح الحين وهرجع ليكي ان شاء الله
السلام عليكم ورحمة الله وبركاته
انتي بتقولي ان زوجك بيقول لأمه على كل حاجة ودي بالنسبه ليكي مصيبه
ازاي نخلي الموضوع دا نقطة في صالحك
هقولك ازاي
لما تكلمي جوزك قولي له انك بتحبي حماتك وانها غاليه عيكي وانتي هتبدأي صفحة جديدة وانك مسامحاها وانك بتحبي اخواته كانهم أخواتك ومفيش حد بيزعل من اخواته ولو حد فيهم غلط فيكي انتي مسامحاه لله (والكلام دا يكون من قلبك فعلا مش كدب)
وفكريه انه يجيب هدايا حلوه لحماتك واخواته
واستمري علي الموضوع دا
وطبعا هو بيحكي لأمه على كل حاجه هيوصل ليها كلامك الحلو وان شاء الله ربنا يهديها
اكيد هتتغير لان ربنا قال ادفع بالتي هي أحسن
ولو استمرت علي حالها جوزك هيعرف انك طيبه وهو هيدافع عنك ويقف في صفك وربنا هيدافع عنك برضه
انتي قلتي انه جوزك قلل الفوس اللي بيبعتها هقولك علي شوية حاجات خدي بالك منهم
لما تروحي عند حماتك او لما هي تيجي عندك بلاش بلاش تلبسي اغلي لبس عندك يا اختي البسي هدوم مش جديدة ومش غاليه وحددي طقمين هم دول اهل زوجك دايما يشوفوكي بيهم
لانك لما تلبسي وتتشيكي هيقولوا معاها فلوس وبتجيب
تاني حاجه لما تروحي تكشفي لحماتك اوعي تدفعي تمن الدواء أو الكشف قولي انك مش معاكي وانه زمان كان جوزك بيبعت فلوس كافيه لكن الحين يادوب الفلوس بتكفي الضروريات
لانك لو دفعتي ليها تمن الكشف هتقول دي معاها فلوس كتير وهتتضايق منك وهتحس انك بتتصدقي عليها من مال ابنها هى (اوعي تفكري انها هتشكرك)
انا حماتي الحمد لله علاقتي بيها تمام ولما اقولها عايزه حاجه تقولي مثلا عايزه كزا اقولها بس انا مش معايا فلوس كافيه فتروح تديني فلوس وانا أجيب لها اللي هي عايزاه وتفرح بيا خالص
لو عايزه تحسسي حماتك بالزنب علي ان جوزك قلل الفلوس
اعملي اللي هقولك عليه
قبل ما تزوري حماتك بكام يوم ماتجيبيش لاولادك اي حلويات ولا فواكه
ولما تروحي عند حماتك قولي انه المصاريف كتيره وانك مش يتجيبي لاولادي حاجات بيطلبوها ولا فواكه مثلا يعني
وحسسيهم انك عايشه في ضيق مادي
ويا سلام لو حد من اولادك طلب منك فلوس عشان يشتري حاجه وانتي عند حماتك (طبعا انتي مش واخده معاكي غير مبلغ صغير) قولي من عيني ياحبيبي بس مش معايا والمصاريف كتير وكده يعني
ولو حد من اهل جوزك زارك في بيتك بلاش الكرم الزايد لانهم مش هيشكروك (هيقولوا انك عايشه فالجنة وانت ما تستحقيهاش)
وياريت لو عارفه مسبقا بميعاد زيارتهم ابقي خلي ثلاجتك فاضيه وشيلي اي حاجه انتي اشتريتيها منهم لانهم اكيد بيحقدوا عليكي لانك في نظرهم عايشه فالجنة بسبب اخوهم
وربنا يهديهم عليكي وهم بعد شويه هيشيلوكي من دماغهم