مشكلة متفشلة منها

الله يعينا وياكي والمسلمين جميعا
 
اسأل المولى القدير ان يشفي امك وامهات المسلمين ويعيننا ع برهم,,,

حبيبت امك تحس بملل وعجز لاتلوميها..والله احييك ع حرصك ع امك انك ماتبين تجرحينها الله يصلحك..

انا اقول انتي دقي عليها قبل تدق وسولفي عليها وووو يعني انتي سوي الي هي تسويه وشوفي يمكن تحس بحرصك وتهدي شوي من الاسئله..الله يوفق الجميع
 
سبحان الله قلب الام شوفي كيف
وهيا ولا على بالها انك متضايقه منها
طيب بالله عليكي خلي نفسك مكانها ويوم من الايام شفتي بنتك
كاتبه مشكلتها عنك في المنتدى وتبغى حل
بالله ايش يكون ردت فعلك
وعلى كلامك تقولي انها كبيره ومريضه تحمليها
وخلي امك قدام زوجك عظيمه وماترضي عليها بشعره
تمسها يعظمها زي مايشوفك ولا تسمحي له في يوم يتأفف منها
او يتضايق منها
تصدقي والله العظيم قهرتييييييييييييييييييييييييني
 
ولا ضروري يوميا يكفي في الأسبوع 3_ 4 مرات
أنقر للتوسيع...


بالعكس ضروري مررره

ماما يوميا تتصل على امها ولا تقطعها واحيانا مرتين الفجر والمساء صحيح ما تطول بس انو ضروري تتصلي عليها ..

واذا سالتك تهربي اختصري اوك
 
السلام عليكم ورحمة الله
ياقلبي عليها رحمتها والله اكيد عايشة لوحدها عشان كذا تحس بوحدة وفراغ كبير الله يعينك أصبري عليها واتحملي عسى الله يكتب لك الاجر والثواب
تصدقي امي على النقيض تماما وكل ماكبرت زاد الوضع عندها عشان كذا سرت ازورها يوميا تقريبا واتمنى انها ترجع زي زمان تسال وتتصل وتفقدني اذا غبت يوم عنها
 
أتصلي فيها قبل ما تتصل فيك يعني كل ما لقيتي فرصة في اليوم أكثر من مرة عشان تاخذي أجر برها ومن غير ما تسأل أسردي لها أخبارك بالتفصيل ... طبعاً الآخبار اللي عادي تنتقل وما تضر زوجك
عشان تستانس ترى هذا من البر
بس أهم شي لما تتصلي فيها أكدي عليها أنك قدرتي تتصلي عشان زوجك بعيد أو خرج أو مشغول عنك الآن وأنك ما تاخذي راحتك بالكلام معاها وزوجك عندك

عشان تتنبه لهذا الأمر ولما تتصل وزوجك عندك تتفهم الوضع وما تسأل بالتفصيل
 
اخواتى بعض درودكن على الاخت فيها اشعار بالذنب وهذا خطا كبير الانسان يحتاج الى التوازن مابين العقل والعاطفه
والعاطفه المدمره كهذه يجب على العقل ان يوقفها ويهذبها ويصرفها فى مصرف طبيعى
فيه امهات كثير دمروا بناتهم او اولادهم بسبب حبهم لهم
الاخت تعانى من مشكله كبيره واكثر ماجعلها كبيره كون هذا الشخص هو امها
لو كان هذا شخص اخر لاستطاعت ان توقفه عند حده ولكن برها بامها جعلها تسكت حتى وصلت الى هذه المرحله من التازم
نريد ان لاندع العاطفه تتحكم فى تصرفاتنا مثل هذه الردود لاتحل المشكله بل تزيدها تعقيدا
مطلوب من كل واحده ان تضع نفسها دائما مكان الاخت التى تستشير لتنظر للموضوع بعقلانيه وعداله اكثر
 
حبيبتي حراااااااااااااااااااااااااااااااام عليك ترى هدي امك لو شنو تسوي
يحليلها وقلبها عليك
الجنه تحت اقدام الامهات
تخيلي انك في يوم من الايام زوجتي بنتك وقلبك عليها مشغووول
وبنتك كانت تتضايق من اتصالاتك لها .... اكيد راح ينكسر خاطرك
فلا تكسري بخاطرها وتتدمري من اتصالاتها
ولا تسمحي لزوجك يتافف منها او يغلط ابدا .... بيني له انه هذي امك وما ترضين عليها ... وحتى زوجك لما يحس انه فرحانه باتصالات امك ومتقلبتها بصدر رحب .... هو راح يحبها مثلك ويفرح

والله في ناس اعرفهم في كل لحظه يتمنون انه امهم عايشه وتسال عنهم كل يوم ومن يجي طاري الام تنزل دموعهم على خدهم

حبيبتي ترى الانسان ما يحس بقيمه الام الا ادا فقدها

نصيحه ترى الام ما تتعوض .... واما الزوج يتعوض
فبري بامك حتى يبرون ابناءك بك مستقبلا



 
يارب يكونون بناتك بارين بك
وكل ما تتضايقي تخيلي انك مكان امك مع بناتك
وعلى فكره لو كانت ام زوجك تدق على زوجك على طول اكيد ما راح يتدمر ولا راح يسمح لك تتدمري من اتصالات امه ويمكن يتشاجر معاك عشان امه .... لانه مهما يكون هي امه .... فهو مستعد يغثك او يجرحك عشان امه
فانت ايضا لا تتدمري من اتصالات امك بل بالعكس افرحي امام زوجك ان لك ام تحبك وتتطمن عليك
فهدا سيعكس الشعور عليه ... ولن يتضايق من امك بل سيفرح لانك فرحانه وعازه امك على الكل وحاطتها فوق راسك
 
اهليـــــــــــــن..
الله يصبرك..
شوفي انا امي مايمر يوم الا يا تصل انا او هيا او ارحلها..
لازم..
بذات انو امك كبيره ومريضه الوحده لما تكبر تحس بفراغ وتفرغه في عيالها..
وهيا ما عندها احداث عشين تحكيكي..عشين كدا تسال..
لازم تتحمليها..
وتذكري انو رضا الله من رضى الوالدين..
قولي لوحده من اخواتك او ااخو انك يكون قريبه منها..
واهم شيء تتقبل ارائهم..
يفهموها انها تخف عليكي شويه ..
والله يساعدك ويصبرك..

​
 
حرررررررررررررررام عليج هذي امج وبكره بنتج بتسووووووي فيج نفس ماتسوووووووين في امج لهدرجه توصل انج اتضايقين من اتصالاتهاااااااااا بكره عقب عمر طويل لافقديها بتحسين بندم على اللي اتسووووووينهاااااا الله لايبلانا امك ثم امك ثم امك اللي بيقووووووله بس الدنيا ماعاد فيها خير اذا بنت اتضايق من اسئلة امهااااااااا واتصلاتهااااااااا انا امي يوميا اتصل عليهااااااااااااااااااااا ويوميا تسال عني الام طبعها كذا
 
قلبي على ولدي انفطر........ وقلب ولدي علي حجر
 
اممممم عاتي تحمليها
تصدقين انا اكلم امي يوميا ونفس الاسئله اللي تسالك امك بس ووالله على قلبي زي العسل الله يخليها لي يارب
بس اذا تايقك مكلامات امك حسسيها انك شويه مشغوله او تتصل بوقت محدد مو كل شوي
وهذا هم العجايز فاضيات ودائما يبغون عيالهم جنبهم واذا ماكانو عندهم تبدا الاتصالات​
 
قولي لأحد من خواتك او اخوانك يكلمها وكأنك ما تدرين وشوفي وش ردة فعلها فعلا احراج عليك وهذا من الفراغ المسكينة
 
ترى اعظم بر.... بر الام اللي صعب برها ...انتي تقولي صعب....وترى باب الجنه مفتوح لك الحين لبرها ....بس لا قدر الله وتوفيت ..............بابها رح يقفل ..........مااقول لك الا الله يجعلك اكثر وحده من اخواتك بااااااااااااااااره في امك ..........وادعي في الصلاه ان يعينك ربي على برها .........ادعيلي ان اكون ابر وحده في العالم بوالديها........
 
الله يعينك وهذي امك حولي ماتجرحينه رضا الله من رضا الوالدين استغفر الله العظيم
 
غصب عن زوجك يستحملها

قلتي هي كبيرة وترحمينها تحمليها وتختمي عليها بخير

الله يخليها لك يارب بس لو صار فيها شي لاقدر الله والله لتندمي إنك شكيتي منها يوم..

أنا ماقلت لك إنك عاقة بس من البر تتحملي وتسكتي

الله يجزانا واياك عن والدينا الجنة يآآآآرب

(آه لو نسينا الدنيا كلها وحطينا كلمة في بالنا
إن تحت أقدامها الجنة)

آه ماأعظم قدرها يارب ترزقنا بر والدينا
 
عزيزتي أكيد الوالدة تطفش و تبغى حاجة تسليها
إذا فيه جيران عندها حاولوا تتواصل معهم و إذا ممكن تدخل تحفيظ يكون أفضل و إذا مرة مرة إدعي ان الله يطول عمرها على الطاعه و يفرج همك يا غاليتي
 
الله يعينكـ إنشاالله
مالكـ إلا حل واحد إنك تكلميها وقت خروج زوجكـ
وحاولي تتفاهمين مع خواتكـ يتقاسمون معاكـ مسئوليتها عشان يخف الضغط عليكـ شوي
حاولي تهيئين نفسكـ لهالوضع وتتدربي ع الصبر والتحمل
هذي أمكـ وهي الحين بكبرها ياما صبرت عليكـ وتحملتكـ بصغركـ وجاء الدور عليكـ تردين لها جميلها اللي ماراح توفينه لها طول العمر ..
مااقول غير الله يعينكـ وينولكـ برها ورضا الله ثم رضاها
دعواتي لكـ يالغاليه
الله يسهل لكـ ويسخر لكـ زوجكـ ويعمي عيونه عن تصرفات أمكـ / ونصيحه أخيرهـ حاولي تلبين طلبات زوجكـ كلها بوقت غياب أمكـ عنكـ هو كمان له حقوق وواجبات
لاتقصرين مع أحدهم على حساب الآخر
موفقه عزيزتي ...
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل