(مشكلة) في كمبيوتري :(

[الكونتيسة]

السلام عليكم ورحمة الله وبركاته
يا أحلى حاسوبيات

أنا عندي مشكلة عويصة
والحقيقة هي 3 مشاكل متعبتني في لاب توبي
وهي...
(1)
أنا كنت مثبته برنامج عندي
وبعدين حذفته من ازالة البرامج
لكن كل ما أفتح كمبيوتري تطلع لي هذي الرسالة

ليه وايش المشكلة؟!!!!!

(2)
عندي في الكمبيوتر هذا العداد

إذا وصل 100% علق كمبيوتري

لمـــــــــــــــــــــــــــــــــــــــــاذا؟!!!!!
وايش هو هذا العداد؟
حق ايش؟!!!!!!!!!!!!!

(3)
وهذ المشكلة الأهم عندي
أنا استخدم ويندز 7
ومعروف إن الصور ماتجي متحركة فيه
فحملت برنامج irfan view thumbnails
وصارت تشتغل الصور المتحركة
لكن لما أرسل الصور لرسائل الوسائط لجوالي تجي ثابتة!!!!!!!!!!!!!!
بليييييييييييييييييييييييييييييييييز أبي حل
أرجوووووووووووووكم​

 

[قـطـريـة]

كاتبه مشكله بالعنوان المفروض مشاكل ^_^ >> مزووح

بخصوص مشكلتج الاولى لازم تحذفين برنامج speed optmizer ممكن تكونين حذفتي البرنامج لكن فيه بقايا للبرنامج في الريجستري

دشي هالرابط وشوفي الرد الثالث عشان تحذفين البرنامج كااامل

http://www.niswh.com/vb/showthread.php?t=241794

اما بخصوص السؤال الثاني تبع الساعه فهذا يخص USP Usage الي هو المعالج

اذا وصل مئه يعني في عندج مشكله في امر ما بالجهاز لان المفروض ما يوصل 100

بالضبط يعني هالمشكله يعانون منها الكثير في جميع اصدارات الويندوز لكن جربي هالحلول وان شاء الله تفيدج

اول شي تسوينه لازم تسكرين كل البرامج الي تشتغل عند الساعه وخلف الكواليس ^^

* * التجربه الاولى :

من ابدأ >> اختاري تشغيل >> واكتبي هالكلمه او انسخيها msconfig

بتظهر وياج اوامر اختاري منها بدا التشغيل او start up

احذفي كل الصح الموجود عند بس خلي تبع الانتي فايرس ولو حبيتي البلوتوث والماسنجر اما الباقي شيليه كله

وبعدها حطي تطبيق وموافق وسوي اعادة تشغيل للجهاز وجربيه

** التجربه الثانية :
سوي فحص للجهاز كامل ممكن يكون فيه فايرس او تروجان ماثر على المعالج وماخذ منه

** التجربه الثالثه :
افتحي ادارة المهام من خلال الضغط على Ctrl+ Alt+ Del من الكيبورد بتظهر وياج اوامر اختاري ثاني امر الي هو

الوظائف او العمليات ( processes هذي هي جميع العمليات الي تشتغل حاليا بالجهاز اذا كنتي تعرفين شنهي

العمليه الي شغاله وما تحتاجينها سكريها ضغطه وحده عليها وبعدها اختاري انهاء العمليه او end now

ولو ما تعرفين العمليات الي فيه صوريها لنا وحطي لنا صوره هوون نتفرج عليها شوي بس حطي العمليات كامله

عشان نشوف المهم من غيره ^_^

ولو عندج اكثر من حساب تلاقين مربع صغير تحت حطي فيه صح وبعدين صوري العمليات الظاهره عندج

** التجربه الرابعه :

احتمال كبير بعد من مقاطع الفيديو فاذا ما انفعت الطرق الي فوق جربي تحملين حزمة كوديك لويندوز 7 او تنزلين الحزمه الجديده لبرنامج الكوديك

هذا هو الرابط لحزمة ويندز 7

الـــــــــــرابــــــــط

ولو حبيتي حزمة الكوديك الاصدار الاخير بشكل عام لجميع اصدارت الوويندوز هذا الرابط

الــــــــــــــــرابــــــــــط

ومممم فيه حلول اخرى لكن مب متاكده منها بس اكتفي بالقدر هذا لين نتاكد بالاول تنفع او لا ^_^

نجي للمشكله الاخيره تبع البلوتوث

هل هي كذا الصور ما تتحرك من زماان والا بس من فتره صغيره .؟

لاب توبج هل شريته وفيه ويندوز 7 او كان عندج وحملتي عليه ويندوز 7 .؟

انا للحين ما جربت ويندوز 7 لكن سمعت بالشي هذا

بينزل مع ويندوز 7 برنامج الصور اللى بيشغل الصور افتراضيا
وكمان فى برنامج ويندوز لايف فوتو جاليرى
اعملى كليك يمين واختارى اوبن ويذ وجربيه فيه

بالتوفيق

 

[بنت مكه 1100]

ماقصرت معاك قطريه كفت ووفت بس ردي وش صار معاك بعد كذا

 

[الكونتيسة]

يـــــــــــــــــــــــــــــــــا بعد عمري قطرية
والله ماقصرتي
إن شاء الله بقعد عليها قعدة معتبرة وأسوي اللي قولتيه
وإن شاء الله أرد لك خبر
الله يجزاك الجنة حبيبتي
​

 

[الكونتيسة]

حبيبتي قطرية الله يعطيك العافية
ما قصرتي

بالنسبة للمشكلة الأولى
الحمد لله انحلت

والتعب من المشكلة الثانية
بالنسبة للحل الأول
مالقيت الـ run أو التشغيل في start
وين ألقاه؟
شوفي

وجربت الطريقة الثانية
وبصراحة ماعرفت خخخخخ
حطيت لك الصور كلها عشان تشوفين

وسويت فحص لجهازي
وشوفي ايش طلعت فيه
(دماااااااااااااااااااااااار) هههه
virus:82
trojans:126
طبعا كلها موجودة ما انحذفت
استخدم كاسبر سكاي لكن تريل
وما عرفت أحذفها
وطلع لي رسالة عن تروجن مو راضي ينحذف
هذا هو
Backdoor.win32.IRCBot.opm
بس تخطي skip
سويت له تخطي

وأبغى أسأل عن معنى Vulnerability
و
Exlusion rule

وكمان ايش معنى هذي الرسالة؟

أما المشكلة الثالثة
أنا شريت لابتوبي وفيه ويندز 7
ومن أول ما شريته كذا الصور ما تشتغل المتحركة
وجربت على كل برامج عرض الصور منها ويندز لايف فوتو جاليري
برضو ما في فايدة!!!!!
هل من حل؟​

 

[قـطـريـة]

تشوفين خانة البحث الي عندها عدسة اكتبي فيها run وراح يظهر لج اول شي ^_^

بخصوص البرامج ما شاء الله كل هذا شغال بوقت واحد وما وتبينه ما يوصل 100 ^_^

حلو لقيتي فيروسات > لان بعد الفيروسات تاخذ من المعالج فلازم تحذفينها اول شي

اما بالكاسبر او في برنامج حلو وظائفه كبيره اسمه a-squared

وهذا الرابط له تلاقينه اول رد اول برنامج

http://www.niswh.com/vb/showthread.php?t=181812&page=2

اول ما تحملينه وتثبتينه سويله تحديث ابديت يعني وبعدها سوي فحص للجاهز بعد ما تسكرين كل شي وخليه لين يخلص لانه يمكن يطول على حسب كثرة البرامج

وبخصوص هالكلمه Backdoor.win32.IRCBot.opm لا تسووين تخطي لانها فايرس ^^
اذا صادها البرنامج خليه يحذفها


هالكلمتين Exlusion rule + Vulnerability
اعتقد هي بالكاسبر اذا ما كنت غلطانه

الاولى اذا كان قصدج Exclusion rule فهذا معناه الاستثناء يعني تستثنين برامج

معينه من ان الانتي فايرس يفصحها دايما

اما الثانيه اعتقد يعني البرامج الضعيفه يعني الي نص ونص ^_^

ورسالة updat cener هذا يبين لج اخر التحديثات الي صارت للانتي فايرس

انا شخصيا للحين ما جربت ويندوز 7 بس سالت والاغلبيه عندهم مشاكل بالصور

لكن تقريبا الي اشتغل معاهم يشتغل بالبرامج الي قلتيها

لكن ان شاء الله بعد بشوفلج بالخصوص هذا وارد عليج

اما بخصوص الصور الثلاث بشوفلج اياه واعلمج عن البرامج الي تسكرينها >>

بس خليني اجيب فص فص اتسلى فيه وانا اتفرج عليها ^_^


لكن الحين اهم خطوة تسوينها لازم تتخلصين من الفيروسات لان احتمال بعد لها تاثير على الصور ما ندري اذا تاكدنا ان جهازج نظيف نلعب بالصور بعيدن ^_ ^

استخدمي البرنامج الي حطيت رابطه فوق a-squared

ناطره ردج بان جهازج نظيف من الفيروسات

بالتوفيق

 

[قـطـريـة]

شكلج وانتي تصورين فاتحه البرامج تحت ^_^

جبت لج الصور الثلاث الي تلاقين عليها مربع بني هذي الي تسكرينها في عندج البلوتوث لقيت له ثلاث برامج مدري ليش .؟! يعني لو ما تستخدمينه سكريه

بتلاقين مكتوب جمبه على اليمين بلوتوث بالانجيزي

وفيه برنامج حطيت عليه مربع احمر هذا اعتقد ملف تجسس اضغطي على البرنامج الي بتسكرينه واختاري من تحت End process

وبعدها سوي بحث على هذا البرنامج ss في خانة البحث بعد ما تسوين فحص في البرنامج الي فوق

الصور

 

[الكونتيسة]

يا بعد عمري قطورة
الله يسعدك
شكرا على المساعدة

بخصوص هذا البرنامج
a-squared
فهو اللي كنت أستخدمه وبعدين صرت أستخدم كاسبر سكاي
وهو لسا موجود عندي بالجهاز بثبته وأحذف كاسبر سكاي

أما سالفة الفص فص بصراااااااااااااحة توووووووحفة

جلست أضحك
أجل شلون ما أخلي هذا كله يفتح؟

وشلون أخليه يغلق بدون ما أسويه يدوي؟

وألحين رايحة أسوي اللي قلتي عليه

تحياتي​

 

[قـطـريـة]

اهليين كوكو > بدت تدلع ^_^

بخصوص الكاسبر لا تحذفينه الا اذا انتهى او فقدتي الامل تلقين له مفتاح ^^

لكن افضل يكون عندج انتي فايرس مع هالبرنامج لان هالبرنامج ما يصيد الفيروسات الا اذا سويتي بحث يعني

اذا دش الفيروس الجهاز انتي تسوين فحص

لكن الانتي فايرس يصيده قبل يدش فهذا افضل

فالافضل تستخدمين الاثنين

بخصوص البرامج الي تفتح عندج وتظل شغاله في النظام

مثلا عندج برنامج الريل بلير والكويك تايم > هالبرنامجين لو سكرتيهم تقعد شغاله خلف الكواليس بالنظام

من شان هيك يا خيتوو دشي بنفس المكان وسكريهم ^_^

بما معنااه اي برنامج تشغلينه يظهر في ادارة المهام واذا سكرتيه البعض يختفي تماما لكن البعض يظل شغال

بين فتره وفتره تفرجي عليه وسكريهم تقريبا هي نفسها الي بالصوره

بالتوفيق

 

[الكونتيسة]

مرحبا قطرية الحلوة
رجعت مع مشكلتي اللا منتهية هههههه
شريت كاسبر سكاي الأصلي
وحذفت كل التروجن والفايروسات اللي في كمبيوتري
والملف اللي قلتي ملف تجسس ss
طلع برنامج بريـــــــــــــــــــــــــــــــــــــــئ جدا عندي هههههههه
ماله دخل بالفايروسات والتجسس
المهم
سويت الحل الأول اللي فوق قلتي عليه
لكن قلت خليني أسأل أول قبل أخبص الدنيا وأقعد أولول خخخخخخخخخخ
هذا اللي تقصدي أشيل منهم الصح؟

وإلا في مكان ثاني؟
لأن المشكلة ما زالت موجودة عندي وعالتني
وكمان هل ممكن يكون الإتصال له دخل؟​

 

[قـطـريـة]

لا لا زين ما خبصتي هذي الخانه الي فاتحتها انتي خاصه بالنظام يعني لا تتعبثين فيها لو ما فهمتي منها شي ^_^

اختاري الي جمبها على اليمين اسمها startup >> وهون تلقين كل البرامج الي تشتغل خلف الكواليس وحاليا

وشرحت هالنقطه في الرد الثالث من موضوع تنظيف الجهاز من المواقع تلقينه في المواضيع المثبته

بالتوفيق