مشكلة عشتها من أيام المدرسة وشكلها راح تلاحقني لبعد الجامعة..((الزواج عن حب))

[جرحي القديم]

بسم الله الرحمن الرحيم​

سامحوني على التأخير .. في طرح هذا الموضوع..​

تعودت من الصغر أنا أسمع فلانة والله عندها حبيب وياما شفتنا البنت اللي تتعذب عشان الحبيب وتحاول تتنحر عشانه وقصص كثيرة .. فلما وصلت للأعداداية أتذكر لما كنت بالباص.. كنت مضايقه شوي .. قال لي وحدة إشفيج قلت لها مضايقه ..شوي قالت لي لا يكون من الحبيب قلت لها أنا ما أحب هالسوالف..إستغربت من هذه الإجابة..:no: :no: ​

وصلت للثانوية وبدت فكرة الزواج عن حب تتكمل وتظهر على وجه جديد ..لدرجة إنه الوحدة تواعد الحبيب عند المدرسه ..فأتذكر وحدة من جنسية عربية مسكوها ويا ولد الفريج الثاني كانت طالعه وياهاا.. وإنسجت وعاد نحن من سمعنه إنها طلعت ويت المدرسه كلنا ركض على الصف اللي هيه فيه عشان نشوفها .. وتوصل الوقاااحه فيها إنه تحكي شو سواا لها الحبيب يوم لقائهم..:icon28: :icon28: ​

وصلت للجامعه وشفت العجب اللي تتكلم عن حبها الوفي لحبيبها مب عيب الوحدة إطلع تلفون عسب إدق لأهلها .. ولا تكلم حد من ربيعاتها ولكن القهر..إنه أي حد يدق لهم بالغلط على طووول صار الحبيب....:msn-wink: :msn-wink: أتذكر ربيعتي خبرتني عن وحدة كانت لها بطاقه للحبايب وللأهل والقهر.. إنهم يعرفون عنها كل شي والسبب يمكن سبحان الله يكونون واحد منهم زوج المستقبل..:nosweat: :nosweat: ... أتذكر لما كنت أسمع عن الوحدة اللي تواعد الحبيب اللي يبا يرضيها بس تطلع وياها من السكن شرده أو من أي بوابة في الجامعه .. وعاد تييي الوحدة وتحكي اللي صار لها ..وتقول ما لمسني فديته مؤدب...:msn-wink: :msn-wink: ..ع قولت ربيعتي محتاجه لريال يسمعج أحسن عن البنت..يمكن هو يفهم أكثر والله ما أدري:thumbdown: :thumbdown: ..في بعض البنات يقولن لربيعاتهن والله أخوي شافج وهو معجب فيج..:blushing: ..لا والثانية تقول ربيعي عند واحد خجول ومؤدب ويبا يتعرف عليج وهو معجب فيج بأخلاقج..​

مب عيب الوحدة تحب ولكن المفروض الوحدة تحب الشخص الصح.. أتذكر مرة سمعت في برنامج الدكتورة فوزية الدريع إنه العلاقة الجسدية بين الطرفين تخلي الواحد ما ينسى اللي وياه .. هذه لغة البنات الحين .. هذه حبيبي يعني لازم أطلع وياه.. يعني لازم أخليه يبوسني .. ويضمني أخليه ياكل الكافي من يديي مب هذا حبيبيي.. ((هذه أمور نقلتها إقتباس من كلام أكثر من وحدة)) ..​

الزواج عن حب.. في نظري ما يستمر حتى لو إستمر 10 بالمية من أصل تسعين..راح أنقل لكم قصص بنات تزوجوا عن حبهم .. وكان أخر شي شو غير الطلاق...​

س. ق. تزوجته عن حب دام 6 سنوات من العشق والهيام اللي خلاهم صج اللي يشوفهم مستحيل يقول هاذول يهدون بعض .. فكانت س. ق تغار لدرجة إنه كان يضربها من كثر ما كات تغار عليه..وكله تشك فيه .. ((يقولون اللي ما يغار تراه أبو حمار))لدرجة إنه راح وتزوج عليها وخاف على زوجته الثانية منها فضربها..فطلبت منه الطلاق رغم حب دام ست سنوات فبعد طلاقها .. رجع يكلمها ويذكر أيام الحب القديم..فطلبت منه يرجعها..شو قالها:أنا ما فيني على المشاكل..
وحاليا هيه تزوجت ... وتعاني من نفس المشكلة ...​

خ.ع قصة حبها دامت لفترة 4 سنوات ولكن شو حصلت أخر شي غير إنه تزوج وحدة ثانية وهيه تمت تنووح عليه أنا أبيه والله أبيه فكانت توصل إنها إدق لها من تلفون عمومي بس عشان تسمع صوته..تزوجت واحد ثاني .. وهو هم تزوج.. ولكن الحنين بعده يتم من الطرفين والغلط ما أقول إنه من طرف واحد أو أقول من طرفيين لأ أقول من عدم توفيق أي علاقة بينهم..​

ف.ح بنت من صغرها وهيه تحلم بالزوج عن حب .. وهيه تسمع بس فلانه تزوجت حبيبها الفلاني.. فلانه واجهت أهلها بسبب الحبيب اللي وعدته ما تتخلى عنه..وفلانه وفلانه وفلانه ...إنزرعت هذه الفكرة في بالها ولكن شو حصلت الحين.. من علاقة لعلاقه .. والسبب النقص اللي عايشته في البيت ..عدم التواصل الأسري.. شو حصلت غير الفضيحه والضرب من أهلها.. والرقاد بالمستشفيات والسبب.. حلمها في الزواج عن حب..من هذا لهذاواللي قهرها محد تقدم لها من حبايبها غير واحد ..تقول أنا بحاول أنساها لأنه قالها في الويه أنا أصلا ما بييج دام أهلي ما يبونج..وهيه مازالت صامده لأجل الزواج عن حب الوهمي ...

ص.هـ حبت واحد وكان أوكي وياها ويا فعلا خطبها من أهلها وصارت مشكلة أمه والله أنا مابا هذه أنا بزوجك وحدة أحسن عن هذه ..وملج عليها ونفس المشكلة وما أرتاحت أمه إلا يوم طلقها ولكنا لحين شو حصلت غير التعب..وللحين هو متواصل وياها على أمل يتزوجها ولكن أهلها مستحيل يرضون لأنه طلقها..

م.خ تزوجته عن حب أمه هيه اللي يتخطبها وكانت فرحانه بها .. ولكن شو صار بعد العرس وبعد أول مولود صارت المشاكل وأمه تبا تزوجه وحدة يديه على مزاجها وهيه م.خ تعاني من أمه ولكن شو حصلت من الزواج غير الهم والغم..

​

عرض أسباب الزواج عن حب في هذا الوقت اللي خذتها من تجارب اللي عرفتهم واللي يصيرون لي:​

1.التفكك الأسري..​

2.الضرب المستمر للبنات والسبب نباكم أحسن بنات..​

3.قصص البنات الوهمية عن الحبيب المزعوم..​

4.وقت الفرغ..​

5.ضعف الوازع الديني..​

6.قصص الحب والهيام اللي بالنت ..​

7. الإستخدام الخاطئء للموبايل..​

8.رفقاء السوء..​

وأخيرا.. ​

أخواتي في مملكة بلقيس..مب عيب الحب ولا إني يوم عرضت هذا الموضوع إني معترضه على سالفة الحب لأ..ولكن اللي نشوفه في هذا الزمن يخلينه نحس بهذا اللي أنا كتبته ..الحب الصادق يكون بعد الزواج بالعشرة الطيبة وتحمل الزوج ومساعدته على تخطي الأمور اللي تضايق في الوحدة من دون ما تتجه للدرب الغلط وفقكن الله لما يحبه ويرضاه​

إختكم ​

جرحـــــــي القديـــــــــم..​

 

[(( نبأ ))]

وفقك الله أختي الحبيبه
موضوعك حلو وانا أيدك
والله يصلح بناتنا وسائر بنات المسلمين

 

[واحات]

جزيت خيرا..أخيه ...بارك الله فيك ...

والله أن كلامج ميه الميه

 

[جرحي القديم]

نبأ



طفلة كبيرة




أشكرم على الرد والموضوع شي من الواقع...


إنتظروني في موضوعي اللي يناقش مشكلة أكبر


ودمتم بخير..

 

[فراشه]

موضوع حلو ومفيد جداً.. يا ريت البنات ها الزمان يقرونه ويحطون اللي فيه في بالهم دايماً..

الحين صارت كل وحده تفاخر بعدد ربعها وكل واحد شو عنده من السيايير وشو عطاها من الهدايا..

وكل وحده تعزم ربيع ربيعها على ربيعتها من باب انها تفيد وتستفيد..

الحمدلله اللي حفظنا من ها السوالف قبل الزواج، والله يحفظ خواتنا وبناتنا ويهديهم إن شاء الله..

 

[@حيرانه @]

الحب شي اسمى من هالحركات اللي طايحات فيهن البنات اللحين .....

واللي يسونه ما له خص في الحب ولكن هذا له دخل في (((قلة الحيا والاسباب اللي ذكرتيهن بعد )))

الله يستر على امة محمد من هالخرابيط اللي يسونها البنات بأسم الحب......


مشكوره الغاليه على الموضوع اللي فعلاً بدا ينتشر بشكل فضيع.......

 

[جرحي القديم]

فراشة ذهبية

الله يسلمج الحبيب الحين صار بنك مركزي يصرف على الحبيبة الغبية والزوجة حرام لو عطايا ربية وحدة من خاطرها إلا بعد تحقيق تسلمين لي الغالية على الرد



حيرانه

أشكرج الغالية على الرد ودمتي بود..والله ستر علينا من هالأشكال الغبية اللي ما تفكر

 

[غدير الحب]

موضوع جميل

نعم الحب جميل بس مب منا لشباااك

مهما صعدنا ونزلنا الحب الي ايي بهذي الطريقة غلط

ليش ما يصبرون ويتحمولون
ويتبعون سنة الله والرسول


الله اوجد الحب رحمةب ين الناس مب عذاب وضياع شرف

والملاحظ انه الي يتزوج تقليدي من غير حب يدوم الزواج اكثرمن الزواج الي بالحب

طبعا في زواجات تنجح وهذا بتوفيقمن رب العالمين


ومثل ماقلنا زمانا اصبح زمن انحرافات وماندري الجيل القادم شوبصيرعليه

 

[ameee]

مشكورة أختي عالموضوع ..

رائع وجميل .

ياريت البنات يفهمو معنى الحب بشكل صحيح.......
حتى ما ينضحك عليهم....!!

 

[حبيبة قلبه]

عزيزتي جرحي القديم
احسك اخذتي افكاري كلها ونقلتيها باسلوبك الرائع على صفحات المنتدى..أأيدك قلبا وقالبا
بس في شي ادهى وأمر هالايام..علاقات البنات صارت حتى من غيــــــر حب يعني قبل الريال يقص عالبنية بقصة حب وهمية عشان تطلع وياه بس احين مافي داعي للقصص لان كل واحد فيهم يقص عالثاني.."عـــافــــانـأ الــلـــه"

 

[ألوان]

مشكوره على الموضوع الجميل والمفيد 000 البنات ما صاروا يحبون ويعشقون ويطلعون مع عشيقهم الا بعد ما ظهرت المسلسلات المكسيكيه وايد سمعت عن بنات صغار يتكلمون عن هذه المسلسلات بكل تأثير وتفاعل وألم وكأنهم أصحاب القصه وبتالي يلجأنا الي البحث عن عشيق ويلعبون الدور 000 وطبعا بعض العلاقات تستمر سنوات اما تنتهي ويبحثون عن عشيق أخر او يصبح الرتباط وبعد فتره من الزواج يكتشفون ان العلاقه التي كانت بينهم مجرد وهم 00 ونادر ما تستمر العلاقه ولكن لا يكون بنفس الحب الذي كانوا يعيشونه ويحلمون به 000:no: ​

 

[ام سلامي]

تسلمين الغاليه وهذا الواقع

 

[جرحي القديم]

غدير الحب جزاج الله خير على كلامج والله يهدي الجميع..أشكرج على المرور..


ameeee يالغالية غصب بنضحك عليهم ذكرتيني بوحدة كلهاللي تكلمهم إسمهم حبيبي...أشكرج على المرور.


حبيبه قلبه الحمد لله إني نقلت فكرتج للناس والله يقدرني أحط مشكال أكبر عن جي...أشكرج الغالية على المرور..

 

[جرحي القديم]

ألوان .. على قولت داوود حسين في تقليده للمسلسلات المكسيكية..لقد مات المخرج ومات الممثلون وأنتي لم تردي علينا..

صدقيني عيل قبل كنا نتابع المسلسلات ولكن تدرين يوم الوحدة بتزين لج هذا الموضوع..شو بيصير .. وعلى فكرة شياطين الإنس أخطر من شياطين الجن..لأنه ما راح يخوز عنج حتى لو قلت لي أعوذ بالله من الشيطان الرجيم ما راح يخوز عنج إلا بعد ام يتم يزين لج الموضوع شؤات الهندي ولا السوري اللي بالمحلات ..هذا مشان إنته بس..كرمالك مدام..ينزل السعر..


أشكرج على المرور




أم سلامي ..أشكرج على الرد...

 

[ليل الشتا]

جرحي القديم
الله يبعدك عنك الهموم سبحان كأنه شي فخاطري وجبته تسلمي فعلا زواج الحب فاشل صار الحب لعبه بين الناس لا واللي مستغربه منه انه البنات بكل فخر يتكلمن عن حبايبهن واللي تسهر تتكلم في الموبايل لين تحمر اذونها أذان الصبح ياذن هي ساهية لاهيه والشباب اللي كلهم ذباب يضحكوا عليهن أبسأل البنت لو عاشت من دون حب شاب هل بتموت ليش تعلق نفسها بشاب وثانيا صدجني في كل العلاقات الاحظ البنت هي اللي تعطي وهو ياخذ ولا بعده طلعت معنا موضه انه اللي تشتغل وتحب تدفع المهر لحبيبها عشان يخطبها يابنتي بيدوسك تحت رجوله جايتنه ببلاش وهاذي سالفه خبرني عنها اخوي حسبي الله ونعم الوكيل اللهم لا تملأ قلوبنا إلا بحبك وحب نبيك يا أرحم الراحمين اللهم لا تعذب قلوبنا بهذا الزيف فانا قلوبنا ضعيفه يا أرحم الرحمين
ودمتي بعافيه

 

[جرحي القديم]

ليل الشتا..

اللهم أمين يبعند عن أمة سيدنا محمد الشر والأحزان..

والبانت الحين يا إنها تشتري الحبيب بفلوسها يا إنها تقوله ..ياأنا يا رحمتك ولأنه دلووووووووعه يختارها هيه


الله يستر علينا..

 

[ريــم الدلوعة]

وتسلمين على طرح الموضوع

واتمنه انا الكل يقرا ويستفيد

جزاك الله خير

 

[ملكة الخليج]

مشكوره على الموضوع

 

[جرحي القديم]

أشكركم على الرد والتواصل..

هذا واجبنا إنا إنزل المواضيع الهادفه,,

 

[boomb flower]

كلامك صحيح 100في 100
الله يوفقك اختي