مشكلة صديقتي مع حماتها

د

دلووعة البدو

New member
إنضم
2007/07/05
المشاركات
6
مرحبا خوااااتي ...
اشحالكم عساكم بخير ...............

بعد ما ضاقت الحال على وحدة من أعز صديقاتي طلبت منها الاذن إني أعرض مشكلتها في المنتدى، لعل و عسى نستفيد من خبراتكم ,,,,



صديقتي معرسة صار لها سنتين، و عندها و لد عمره سنة و كم شهر ..... زوجها أكبر إخوانه و خواته ........... و حماتها مش كبيرة وايد في العمر في منتصف الأربعينات ...


مشكلتها كانت بادية من بعد الملجة و العمة تتدخل في كل شي حتى في منو بيمكيج البنية ... "العروس قصدي"

المهم .. الحرمة ربت و يابت بيبي ...و بدت معظم المشاكل من بعد ما ولدت صديقتي

صديقتي ساكنة في ملحق معاهم في البيت و لها باب خاص للخروج منه ...

زوجها وايد علاقته قوية بأمه ...

ممنوع تطلع الصالون و تخلي ولدها عند الخدامة، مع العلم إنها ما تروح الصالون دوم ، و معظم الشغلات تحاول تخلصها في البيت ، و لكن مرات تعرفون لازم الوحدة تروح الصالون ، ( 3 مرات بالكثير في الشهر)

ممنوع تطلع وايد و تخلي ولدها في البيت ... يعني بس مسموح لها مرة في الاسبوع ، الانسان مرات تحت ضغوط لازم ، عنده ترتيبات ، عنده مواعيد ، (لازم بتسمع رمسه)

إن راحت بيت أهلها على المغرب ، دقت حماتها اتقولها متى بتين (توها البنية انزين سايرة)

و لازم تعطي اذن دخول و خروج قبل لا تطلع و تدخل من أي مكان كان

و في الويك اند لنفرض راحت دبي و لا العين ، قبل لا تغط الشمس مفروض يكونون في البيت

مرة صديقتي كانت حاجزة حق العمرة لها و لزوجها و ابنها ، مسكينة سوتلها وايد مشاكل ، بس لجل ما تشل ولدها ، ومسكينة صديقتي ما تروم تصبر عن ولدها .....

وايد و وايد تعق عليها رمسة و تنغيزات ..

حتى في لبسها تتدخل و لبس ولدها و في خدامتها ، وايد تعطي أوامر

مسكينة صديقتي تشتغل بغت اتدخل ولدها الحضانة ، العمة ما رضت ، على أساس أونه هيا معاه في البيت، بس هيا عندها زيارتها و طلعاتها و مشاويرها ، و اتحلفتلهم ان دخلوه الحضانة

* حتى عمها (أبو زوجها) مرات يعق عليها رمسات كبيرة

للعلم بأن العمة انسانة تطلع و اتي و عايشة حياتها

أفيدوني عشان أفيدها .... تعبت حليلها .. هب عارفة شو تسوي :(
 
تنطنيش ولا كانها تسمع شي لانه المشكله هاذي باغلب البيوت الا من رحم ربي وبعدين اغلب الحموات يحبون اللقافه والسؤال المفروض طنش ولو تقدر تطلع بيت بروحها تطلع احسن من المشاكل والتدخلات والله يعينها
 
والله مدري شقولج حبيبتي
ان شاءالله البنات يفيدونج
الله يعينها خل تصبر يعني مافي غيلا هالنصيحه وتدعي لان اهل بللللللللللللوه
بذات خواته خليها ع جذي تحمد ربه مو اللي عندي بس يوصفون له الحريم طول القعده
بس انا مو فاهمه قصدج اخت الزوج او امه
 
بصراحة الله يعينها

هي من البداية ساكتة كان المفروض تطلب من زوجها بطريقة حلوه انها ما تحب اسلوب امة

وهي مو ملزومة تخبر عمتها عن طلعاتها وجياتها طالما عندها زوج

بعض الاحيان العمات تريد من يقولهم stop
 
تطنشع\ها ولا تعلمها وين بتروح وين بتجي واذا سالتها تقول لها بابتسامه حمااتي حببتي لازم تعرفين ووين انا بروووح ، اشياء خاااصة ذذي وما احس بتفيدج بشيء وتخبر زوجها انها منزعجة من حركة امه بس طبعا بهدوووء وادب
 
وبالنسبة لولدها توديه حضااانة افضل واذا الحماااه اصرت ترد عليها تقول لها لا عمري يا الغالية انتي كفيتي ووفيتي وابي اريحج وانتي ما فيج شدة تربية يهال وفوضتهم وانا ابي اريحج بس تاخذها بالسياااااسة وتاكل بعقلها حلاااوة
 
الله يعينها المشكله فيه ناااااس ماتعرف تطنش واي كلمه تعكر صفوهم مثلي انا
لوتقدر تطلع بيت لحالها افضل لها وعالاقل هي احسن من غيرها معها ملحق وشغاله ووظيفه ماشاء الله غيرها ماعندها غيرغرفة نومها وملزمه باشياء كثيررررره وليش ماسويتي كدا وليه مانظفت هدا وانت وانت
عسى الله يفرجها مالها غيرر الصبرررررررررر
 
حبيبتي
من الضروري أن يكون للزوج دور في الحياه
وهو الاساس فأذا كان زوجها معها مالحد دخل فيها
والكلام يروح ويجي تتعود ع التطنيش لأن الحياه كذا
بتتعب أذا أخذت كل كلمه بجديه
الله يوفقها وييسر لها
 
خليها تسايسها وتقول لها كل ماطلعت تروح معها
ونها تستانس بالروحات معها لين الحماة تمل وتقول روحي لحالك ولا تدورها
 
لاتحط في بالها كثير لأنهم يرمون عليها الكلام ولاعلى بالهم بس هي اللي راح تتعب..

وبعد لازم ماتصير مستضعفة.. يعني مو تخليهم يتحكمون فيها في كل شي .. هي لها حياتها الخاصة اللي مالمفروض يتدخلون فيها في كل شي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل