مشكلة صديقتي .. ابي اعطيها حل بسرعة..

[سرااااااااااب]

مرحبا بلقيسيات .. ابي استشيركم بمشكلة صديقة عزيزة علي .. واتمنى تفيدوني ..

انا بعد عيد الاضحى كلمتها مرتين وكانت مررة متضايقة وكله تدعي على الرجال وعلى زوجها .. المرة الثانية سألتها وش فيك ؟؟ وش صار بينكم بالضبط .. لانها لما اسألها تقول كلام عام وانه مهمل وانه وانه .. ولو وصلت للطلاق ما راح تهتم زي ماقالت .. قمت سألتها ابي اعرف وش صار بالضبط بينكم ؟؟
طلعت من جد مجروحة ... اهله عيدوا عندها وما قصرت معاهم بشي وبعد ما خلص العيد وراحوا اهله .. طلبت منه يروحون فندق يغيرون جو طبعا هي عندها طفلين .. وافق زوجها .. وحجز بالفندق .. وراحوا ..
تركها وقت صلاة العشا وقال لها نومي الاولاد الين ما ارجع .. وقال لها حتى انتي ريحي ونامي اذا رجعت بصحيك انا ..
طبعا يوم في الفندق اكيد لازم يكون فيه رومانسيات ودلع ..
تخيلوا يا بنات .. ماراح تصدقون انا بنفسي انصدمت ..
مارجع الا الساعة 7 الصبح ..
وين كان ما تدري ؟؟ وتسأله يقول مع الشباب على الكورنيش ..
طيب وليه الفندق وليه التعب ؟؟؟
طبعا هي عصبت مررة ولمت شناطها وقالت بيتي ما راح اجلس ولا يوم زيادة ..
رجعوا البيت وظلت مطنشته وكل ما حاول يتكلم معها تسأله ليه سويت كذا ؟؟ وين رحت ؟؟ كيف ترميني في الفندق وتطلع ؟؟ انا كل طلعتي للفندق ابي اغير جو معاك ؟؟
طبعا هو يتكلم ما كأنه مسوي شي ويقول عادي نسيت وكنت مع الشباب ..
واليوم الثاني بعد المشكلة ما عوضها ابدا ولا اعتذر ولا قدر موقفها واللي صار لها .. طلع من 11 الليل الى الصبح ورجع ينام ..
وهي تقول ما همني بيت اهلي اكرم لي .. انا قلت لها طولي بالك .. وطنشيه لا تكلمينه لا كلام زين ولا شين .. اهتمي باولادك وخلينا نشوفك نهايتها معاه ..
واضح انها مقهورة .. ومجروحة .. والله انا بنفسي انقهرت .. ما صدقت .. ومنتظرة نسمع منه عذر زي الناس .. او على الاقل احساس بالذنب ..
شوروا علي وش اقول لها وش انصحها ؟؟

 

[سرااااااااااب]

طبعا اهله عيدوا عنده يعني جلسوا اسبوعين اجازة الحج كاملة عندها وبعدين رجعوا للمنطقة اللي هم عايشين فيها اصلا ..

 

[انوثتي فخري]

زوجها بجد غرب يعني مو عارفه اوكل هذا الدلع عشن هما ينبسطو
بس يمكن ما يحبها عشان كذا ما يهتم لامرها خليها تصبر لعل وعسى ربي يهدي النفوس ويريحها وترتاح ....

 

[سرااااااااااب]

:5: >>>>>>>>>>>>>>سوري على العنوان الفلة .. وش صديقي ما صديقي ؟؟؟

سوري مافي تعديل ... انما الاعمال بالنيات ..

 

[ضيــاء الشمس]

الله يهديه

 

[لين0]

شمالي شرقي اخذته العزه بالاثم وكبريائه منعه يعترف بخطؤه رغم انو عارف نفسه انه غلطان ..
حبيبتي قوليلها انجع علاج للي كدا الطناااااااااااااااااااااااااااااااااااااش .. وتمارس حياتها طبيعي ماتحسسه انو الدنيا واقفه عليه تلبس وتتكشخ وتطلع طبيعي جدا .. زي ماهوا له عالم حتى هيا ليها عالمها .. لاتتنكد ولا تنقهر .. لاتقهر بعمرها ولاتبكي عمره محيطل فيها لانو يستصغر البكاء من المرأه ..

 

[قطـــــريه]

اختي صراحة انا لمن قريت انها مجروحة قلت الله يستر .. بس اسمحي لي الموضوع بسيط كثير وهي مكبرته وايد .. طيب ماقصرت مع اهله .. وهو ماقصر طلعهم الفندق .. شصار !! هالزعل لانه رجع الصبح وكان مع اصحابه !! لو مكانها بطلب عشاء لي وللاولاد وثاني يوم بانزل افطر تحت في المطعم مع الاولاد وانبسط معاهم ويستانسون لو في بركة سباحة مب لازم يكون موجود عشان انبسط .. اسمه انج غيرتي جو ومكان .. انا ضد تصرف صديقتج .. وانها تفكر ترجع بيت اهلها لانه ماعبرها ثاني يوم ولا راضاها !!!! صراحة مبالغ فيه اختي هو من وجهة نظره ماقصر وداها فندق ومو مجبور يقعد معاها طول اليوم في الفندق خاصة اجازة العيد يبي يستانس مع اصحابه .. يمكن لو كملت في الفندق كان بيعوضها ثاني يوم بس هي استعجلت ورجعت بيتها .. انا ما ادافع عنه هو غلطان 100 ٪ لكن تصرفها ما كان التصرف الصحيح بدليل انه ولا على باله .. وفي الاخير هي نكدت على نفسها وعيالها ما انبسطوا ياحرام لان امهم زعلانه من الاب .. طيب شو ذنبهم الاطفال ان ابوهم ماخلى ذيك الليله ليله رومانسيه للام ! يعني كل همها الزوج وهالاولاد لا !!! زوجها ظلمها وهي ظلمت عيالها ..

 

[الرين]

لو كان كل زوجة ستطلب الطلاق عشان مثل هالأسباب التافهة كان ما بقى ولا متزوجة كلهم مطلقات .. صحيح زوجك أخطأ .. بس علاج الأخطاء اللي تكون زي هاذي مو هيك

حبيبتي الزواج يبيله صبر و قوة ايمان و طولة بال و تفكير عميق ... زوجك ما يدري عن اللي نفسك فيه .. اطلبي كل ما تريديه منه و هو عندك ترى الزوج مايدري عن تفكير البنت الا الازواج الأذكياء جدا ... و نصيحة لوجه الله قوي نفسك بالصبر و قوة الأيمان شكل هالشيئين مفقودة عندك ... الله يعينك و يوفقك ..

 

[سرااااااااااب]

انوثتي فخري ..

ضياء الشمس ..

اشكركم على مروركم وردكم ..

 

[سرااااااااااب]

لين0 ..
اشكرك على ردك ..

انا هذا اللي قلته لها تطنشه وتعيش الين ما يرد ..

 

[سرااااااااااب]

قطرية .. انا مستغربة من ردك .. كيف يعني مكبرة الموضوع .. انا بصراحة هديتها وقلت لها تطول بالها والموضوع ما يستاهل مثل كلامكم .. بس في نفسي لا والله انا اشوف انه استهتار واهمال لها ولمشاعرها .. هي اسبوعين تخدم في اهله وكانت هي وياه بعيدين عن بعض بحكم انه اهله عندها وهو طول الوقت مع اخوانه او يطلعهم للاسواق او يمشيهم .. ولما راحوا حبت تعيش يوم حلو مع زوجها واولادها يقوم يتركها ..

معليش ما تدخل العقل .. احد يترك زوجته يوم كامل في الفندق لحالها وحتى ما يعتذر .. بس يبي يجلس مع اصحابه ويشوف الموضوع عادي ما صار شي ؟؟؟؟؟؟
المفروض يقول لها اليوم بطلع مع اصحابي وحجز لها يوم ثاني في الفندق ..
وبعدين يا قلبي يا قطريه .. حنا في السعودية خصوصا بعض العوائل المحافظة ما تطلع الزوجة ولا تروح ولا تنزل الا مع زوجها .. كيف تقولين تروح المسبح مع عيالها او تنزل تفطر في صالة الفندق .. الحياة هنا غير ..
هي لا انبسطت ولا بسطت اولادها .. طلعهم من بيتهم لغرفة وتركهم ينامون لليوم الثاني ورجع ينام ... واليوم الثاني نفس الشي طلع للصبح ..
انا مؤيدة انها ما تطلع من بيتها .. لكن برضه لازم يحس بغلطته ..

اشكر لك مرورك

 

[سرااااااااااب]

الرين .. شاكرة مرورك ..
بس علاقة الزوج بزوجته مو اسباب تافهة .. واول ما تهتز هاذي العلاقة يبدأ مشوار النكد والمشاكل والصبر ..
والله انا اشوف انها انسانة مؤمنة ومصلية وقارئة لكتاب الله .. والباقي علمه عند الله انا مو عايشة معاها ولا ازكيها على الله ..

ادري علاج المشكلة مو هيك .. وانا وصيتها بطولة البال والصبر ..

وهي طلبت منه وحددت له وش تبي .. طلبت يروحون فندق ويتونسون مع بعض يوم او يومين .. وما يحتاج لها ذكاء مررة ..
يعني وش تبي تجلس بين اربع جدران يوم او يومين وبعدين يرجعها بيتها وش تغير عليها .. يمكن سرير الفندق مريح ؟؟؟ او ارتاحت من شغل البيت ؟؟ هل هذا يكفي .. كانت محتاجة للتقرب من زوجها ولتعويض ايام العيد اللي راحت في كد وتعب
... اكيد انها بلحظة غضب فكرت بالطلاق ... خصوصا انه ماهمه ولا يعتقد انه سوى شي .. لكن اكيد مو من قلبها مستحيل تشتت اطفالها ..
المطلوب كيف يحس بغلطه ؟؟ وانتو شايفين انه ما غلط هههههههههههههه

شاكرة لك مرورك .. والله يهديها ويسخر لها زوجها ويدلهم لجادة الحق ..

 

[الى الله امضي]

وش قصت الفنادق هذي اللي صارت فرض على كل زوج انه يعيش ليله رومنسيه في الفندق مع زوجته

يالله رحمتك

واهله يعني نكدو عليها حجزوها في البيت ماخلوها تطلع وتستانس في الاجازه

وتدعي على زوجها وعادي لو تتطلق عشان ما عملو ليله رومنتيييييييييييييييييك في الفندق ياناس اصحوا

اصحووووووووووووووووووووووووووووووووووووووووو

اتقوووووووووووووووووووووو الله

صديقتك هذي اذا تمونين عليها روحي كفخيها تكفيخ تستاااااااااااااااااااااااااااااااهل

شرهت الحريم اللي يتدلعون كذا على رجالهم والله

اتعشى بمطعم

اتمشى بمجمع

اعيد ذكرى زواجي بفندق

وباقي عيد ميلاد مدري وين وحفلة تخرج مدري وين

وااااااااااااااااااااااااااااااااااااااااااااااااااااااااا حسرتااااااااااااااااااااااااااااااااااه على المسلللللللللللللماااااااااااااااااااااااااااات

 

[الى الله امضي]

كل يومين او ثلاثه اقرا مشكلة في القسم لوحده غير

ما يخرجنا مايمشينا

انا سويت له وسويت له وهو ماعطانا ولا كافئنا

ايام وكل وحده تاخذ اجره انها حامل بجنينه او انها ترضع طفله

مافي احتساب للاجر عند الله

الله يهديكم

قرررررررررررررررررررررو في بيوتكم اهدأو في بيوتكم وترتاحون

 

[سرااااااااااب]

الى الله امضي ...

ههههههههههههههههه .. ضحكني ردك .. لا ياقلبي مو فرض عليه ياليته قال لها لا مو لازم نطلع فندق بدل ما يوافق ويرميها بالفندق كذا ..
وبعدين مافيها شي اذا الازواج حبوا يغيروا جو ويطلعون مطعم او فندق .. او غيره ... طالما مو حرام ولا فيها ما يخالف الشريعة وش المانع ؟؟؟؟

لا تخلطين الموضوع بذكرى زواج او عيد ميلاد .. كل شي معروف حكمه .. لكن ليلية من كل الليالي ليه لا .. ولازم الزوجة تجدد الرومانسية في حياتها .. خصوصا انه الزمن تغير .. زماااااان ماكان الواحد لا يشوف ولا يسمع ..

وبعدين ايه اهله نكدوا عليها ولا تكلمت ولا شكت لزوجها قالت كلها اسبوعين راح اصبر عليهم ويروحون وارتاح بعدها .. ومعليش زي ما الزوج يحتاج للتقدير هي بعد تحتاج للتقدير ..

احس اني مصدووومة من ردودكم ... صح هي مكبرة السالفة لما وصلتها للطلاق .. بس مو معناته انه مو غلطان ..
بالعكس انا اقول يا زوجاات اصحوا وعيشوا حياتكم .. روحوا مطاعم وفنادق وتمشوا وتسوقوا ولا تعطون الرجال اللي معاكم وجه .. اجل عشان يوم في الفندق اكفخها واقول لها اصحي ؟؟؟؟
لا هو اللي لازم يصحا .. وينتبه انه متزوج وعنده اطفال ويبطل حركات المراهقين والسهر للصبح .. ولازم ينتبه انه زوجته تحتاجه عاطفيا مو بس ماديا ..
مشكورة على ردك ...

 

[الى الله امضي]

بالعكس انا اقول يا زوجاات اصحوا وعيشوا حياتكم .. روحوا مطاعم وفنادق وتمشوا وتسوقوا ولا تعطون الرجال اللي معاكم وجه ....

طيب يا سررررررررررررررررررررررررررررررراااااااااااااااااااااااااب انا بنزل السوق الاسبوع هذا اشتري اغراض القاك بس انزل الدعوه هذي
هههههههههههههه الله يحفظك

الله يهدي النفوس