طيب ياحلوه انتي ابدئي وخططي من اليوم لتغيير غرفه امك اذا تقدرين اشتري لها غرفه اذا ماتقدرين اشتري لها مفرش وخدات جديده وتكون الوانها مريحه فسين وتكون من القطن او الكتان علشان تكون مريحه لها في الاستخدام اشتري لها كم قميص يكون شكلها حلوه وتناسب عمرها ماتجيبين شي صبياني يخليها تستخف نفسها لو لبسته شي يكون شعبي والوانه حلوه وفيه قصات مودرن وكم غرشه عطر تكون حلوه هذا اول شي وبعدين ..................................................
جربي يوم طلعي امك من البيت خليها تروح مشوار بعيد مثل سوق او زواج او عزومه المهم انتي انقضي على الغرفه وانفضيها مفض غيري ترتيبها وغيري معالمها بالمره وافرشي المفرش الجديد ورتبيها وبخريها وعطريها امك اذا جات بتنصدم ويمكن تفرح بعد تري في ناس ماتحب النصيحه المباشره تزعل وتتمسك بغلطها انتي سوي التغييرات ومن سكات ولا تعلقين لا بنظرات ولا باابتسامات اذا سئلتك قولي شفت نفسي فاضيه قلت ارتبها وبس والله بتنبسط امك وشوي شوي غير من وضعها بدون ماتطلبين منها التغيير هذا شي يجرحها وهي تكابر وماتغير شي من نفسها تبغى تثبت لكم انها مبسوطه والحقيقه هي في صراع داخلي تبغى تغير وتخاف تسمع تعليقات تسب وضعها الاول
