مشكلة بنت اخوي ياليت تفيدوني............

[حرم ناني]

السلام عليكم جميعا
بدخل في موضوعي لاني بجد متوتره
البارح دقت علي زوجة اخوي وهي مره متضايقه
لان بنتها سبق صار عنده الشفه الارنبيه وسو لها عمليات بس مازال الاثر والانف لسى ماصار مستقيم يعني فيهاتشوه

و البنوته الله يصلحها تدرس برابع ابتدائي وممتعقده مره ياقلبي عليها دايم تطالع نفسها بالمرايه وتقول ماما اذا كبرت انفي بيتعدل لان البنات بالمدرسه يتمسخرون علي امها ماخلت شي تواصلت مع المدرسات وحاولت انهم تهتمون فيها بس المشكله مافيه اي نتيجه الطالبات معقدينها وحتى اخوها الله يهديه دايم يتمسخر عليها
الله يعافيكم ابي لها حل او اي شي تعرفونه عن هالحاله
اذا تعرفون ان فيه حاجه تقوم الانف دلوني عليهالان عملياتها خلاص خلصو بس مافيه تحسن
لاتبخلون علي لانها غاليه على قلبي:4:

تكفون يامشرفات لاتحذفونه او تنقلونه لاني نزلته بالاستشارات التربويه ومحد يقدر يرد عليه​

 

[مدام فلمبان]

ياثلبي ععليها
الله يشيفيها يارب
اتوقع الحل ان امها تقنعها ان هالشي عادي وانها طبيعيه وان اللي فيها مايعتبر مرض
مدري الصراحه اول مره اسمع في هالشي اصلا عشان كذا مااعرف كيف يصير الخشم
بس المهم انا اعطيتك حل نفسي للبنت
اما علاج ها والله مااعرف
ان شالله يفيدوكي البنات

 

[الورده الخاصه]

لازم امه تخلي البنت تثق بنفسه اذا قالت ماما ليش انا كذا مفروض تقوله ليه وشبك تهبلين انتي حلوه بعدين ليش ماتسوي عمليه تجميل

 

[حرم ناني]

المشكله انهم ماقالو لها انه تشوه قالو انك وانتي صغيره طحتي من على الدرج وصرتي كذا وبالعكس امها مقنعتها حيل بس غصب البنوته تسمع​

 

[صدمتيز]

اختى افضل شي تزور دكتور له سمعته في التخصص هذا ممكن بعمليه يتعدل بس لا تطنش الموضوع امانه
حتى لو دكتور تجميل

 

[حرم ناني]

سوو لها 3عمليات وحده عمرها شهرين والثانيه وعمرها اربع شهور
ووحده عمرها ست سنوات ويقولون المستشفى خلاص مالها عمليه

 

[عصفورة مكة]

والله ولد اختي كان نفس الحاله بس بسم الله عليه ما فيه ولا شي سواء عمليته في مستشفى التخصصي با الرياض اعرضوها على دكتور ثا ني الله يشفبها

 

[حرم ناني]

المشكله مستشفى التخصصي رفضو انها تصير عندهم يعني لازم واسطه قويه ويدخلونها

 

[ثقتي بصمتي]

الله يشفيها ويفرج همها يااارب

 

[ابتسامه حزن]

احسن طريقه انها توريها الاطفال المعاقه او الاطفال الي ما عندهم يد او رجل او محروقين لازم تعلمها القناعه والرضا وتحمد ربها
ما شاء الله سنه رابعه مو صغيره تفهم
انا ابني عندو مشكله بسيطه دايما اضافير رجولو تتكسر لحالها ويحس بالم فظيييييييع وصعب اني ادي مسكنات كتير عشان عمرو 3 سنوات مافي حل غير انو يتحمل الالم لما الظفر ينكسر فعلمتو ان لما ضفرو ينكسر يقول عليه بسم الله الرحمن الرحيم ثلاث مرات وهو يتعافا ويخف الالم علمتو ان لما يدعي بيقين ويقول بسم الله بيقين ربنا يستجبلو وفعلا اول ما يقول بسم الله يخف الالم وينام
اعملي نفس الشي خليها تدعي وتثق بنفسها ان الله بكره هيغير من شكلها ويخليها احلى من سندريلا

وبالنسبه لاخوها ازا كان كبير لازم يتعاقب بس من غير ضرب
ولو صغير لازم نفهم ونفهم البنت ان اخوها مو فاهم وما يقصد عشان لا تكرهه​

 

[آنثـى خ ـرٱفيه✿]

ياقلبي عليـهـآ الله يعينها ويعين امها

 

[الأمــ فجر ــل]

اذاهم في الرياض حاولوتودوهاالعسكري بنت وحده من قريباتي زى كذى سوت عمليات وهي صغيره والدكتوريقول باقي لهاعمليه تجميل اذاعدت 16سنه عشان يكون اكتمل نموهاتماما ويقول بتكون طبيعيه بعدهل العمليه.​

 

[دنيا الصمت]

الله يسعدها يااارب

الشفه الارنبية تختفي بعمليات التجميل

والله بحكم تخصصي شوفت حالات كثيره . بعد العملية صارت قريب من الطبيعية

لكن بشكل عام . لازم امها تعلمها كيف تواجه هذه المشكلة

يعني تعلمها ايش الرد المنطقي لزميلاتها و اخوها في البيت

و تزرع في قلبها الرضا و القناعة . و الثقه بالنفس

.

طبعا هذا الشي يكون عن طريق اللعب و القصص و بشكل غير مباشر

بعد فتره البنت راح تتعلم كيف ترد على صاحباتها باسلوب منطقي و عقلاني و ما تحس بخجل

.

اهم شي اسألو عن طبيب آخر . و ان شاء الله ربي يساعدها و يعينها

 

[حرم ناني]

اشكر كل من رد على الموضوع
والله ماصرتو
بس المشكله ان امها مو مقصره معها وحتى احنا اذا جت عندنا كثير نثني عليها انك احلى البنات ومن هالقبيل
بس مشكلتها المدرسه وهي خجوله وماتاخذ حقها بالمره
وقايل لهم الدكتور اذا صار عمرها 15 فيه عمليه ثانيه بس لاتتوقعون ان الانف بيتعدل
واخوها الله يصلحه اكبر منها بسنه واذا تخانق معها لازم يجرحها وحاولنا نفهمه بس هو عصبي مرررررررره​

 

[بنه وهيل]

ياعمري عليها اسمعي ولد اخوي كان كدا وبعدين سوي العمليه وماشاء اللله تمام

 

[دنيا الصمت]

حبيبتي

حلووو انكم تثنو عليها . هذا الشي بيرفع من معنوياتها

بس هي بداخلها حاسه . ان في شي ناقصها . و انها مختلفه عن غيرها

.

علشان كدا ممكن تبدؤو معاها ببعض القصص . للأسف ما تحضرني حاليا

بس مضمونها يكون عن طفل مختلف . و كيف اتعامل مع هذا الاختلاف

كل يوم قصه مختلفة . في البداية تسمع القصه . بعد كدا ابدؤا ناقشوها في مضمون القصه

و ركزو على الحلول . و على الطريقة اللي الطفل بيواجه فيها المشكلات

و اذا حسيتو انها استوعبت

.

جربو معاها اللعب . يعني زي تمثيلية . بينها و بين امها

و كل يوم فكره جديده و سيناريو جديد

كل هذا بشكل غير مباشر . يعني ما تجيب سيرة الشفه ابداااااااااااااااااا

.

صدقيني البنت راح تتعلم كيف ترد على صاحباتها و على اخوها

بجمل بسيطة . و ما تحسسها انها اقل او مختلفة عنهم

.

مثلا / الحمد لله هذه نعمة . لاني ربنا بيعطيني حسنات كل يوم ؟

اعذريني جاوبتك على عجل . بس حبيت اوضح . انكم ماراح تقدرو تمنعو اخوها و زميلاتها من مضايقتها

لكن هي الوحيده اللي تقدر

والله يسعدها و تشوفوها عروسه زي القمر يااااااااارب

 

[حرم ناني]

اميييييييييييييييييييييييييين يارب يعطيك العافيه

 

[تغيرت للافضل]

اللي عملوا لها المستشفي عمليه لاكن مو تجمليه

اعرضوها علي دكتور تجميل وشوفوا شنو رده

ياليت ماتتاخرون ربي يحفظها

 

[مييم]

اذا المدرسة بيعقدونها احسن شي تخليها تدرس منازل لين تتسهل عاد كل شي ولا هز الثقه

لانه بيأثر عليها اذا كبرت

 

[خلود بكر]

طبعا افضل شئ لحالاتها خاصة انها بدأت تتعقد نفسيتها تروح الام للطبيب نفسي وتأخذ البنت معاها وترى من جد ممكن تتعب وتجلس تبكي وتكره المدرسه فاالافضل تروح الطبيب وهو اكيد بيكلمها كلام على عمرها وانتم طريقتم صح بس لاتكثروا بالمدح طول الوقت لان ممكن تحس انكم تحنوا عليها بس كلامكم عادي اعطوها ثقه بنفسها ممكن تكون شاطره اثنوا على شطارتها ممكن تكون تحب الاعمال الفنيه انتم انتبهوا لااشياء ثانيه وامدحوها فيه ويارب انك تشفيها