مشكلة بنت أختي الله لا يهينكن

لغيرك لاتخليني قال:
انا من راااائي تبلغي امها علشان تتادب وتخاف وامهاااا ادرى فيها وتعرف كيف تتعامل معها وتراااقبها لانك بعيده عنها ماتدري يمكن تتكلم من وراك وانتي ماتدرين الاااافضل تعلمين الام
أنقر للتوسيع...

انا من راي الاخت لانه لو صار شي للبنت لاقدر الله راح تلومك امها ليش ماقلتي لها ومن رايي تسحب منها الجوال
 
لا انا اقول خلج معاها اول باول على الاقل نبهيها على اغلاطها

عطيها الثقه علشان تقولج كل شي

على الاقل تسوي شي بعلمج ولا تسوي اي شي من وراج

اذا شرت تلفون ثاني من ورا امها يعني تحبه وايد وما اعتقد انها تقدر ان تبعد عنه

بالسياسه اخذيها

نصحيها لاتقرب صوب الحرام نبهيها ان شرفها مستقبلها سمعتها بين الناس اهم من اي شي

البنيه اذا شرفها وسمعتها اختربت بس تعتبر روحها انتهت

الريال شايل عيبه ويسوي الي يبيه محد يحاسبه او يلومه

بس البينه غير

لاتقسين عليها اخذيها بالسياسه وباللين

وبالهداوه وبالمحبه

علشان لاتسوي اي شي من وراج
على الاقل زين انج عرفتي انتي تراقبينها

وتديرين بالج عليها

حاولي تكلمين الولد وتقوليله انج خالتها وان اهي قالتلج كل شي

وكلميه بكل جد وقوليله اذا يبي يلعب خل يروح بعيد عن بنت اختج

واذا جاد ويبيها خل اييييي يخطبها بس خطبه ويحجزها

الولد راح يحس ان السالفه صجيه ان كان يلعب راح يوخر شوي شوي

وان كان جاد راح يبين

بس كلميه علشان يحس انج موجوده وتعرفين عنها ودايره بالج عليها علشان لايفكر ويغلط
على الاقل يخاف ومايغلط

والله يسهل ويبعد المشاكل عنها يارب

اذا فيه الخير والمصلحه والتوفيق يارب تتزوجه

وان فيه العكس يارب يعقد الامور ويبين لبنت اختج انه اهو مو كفوو
 
ولله يالغاليه ...
مدري وش اقولك ...
البنت بهالسن ...تكون بعدها مراهقه ومثل مانقول على سن نضوج
القصد الله لايهينك تقعدي معها تنصحيها بهدوء وبشرط يكون نوع من التهديد انها اذا ماتابت عن هالشي راح تخبري احد يخاف منه كثير (من بعد الله سبحانه )
وانصحيها انه هذا غلط مافي شاب بهالدنيا يحب يكلم بنت معناها يحبها وراح يتزوجها ..
الشاب يقول للبنت راح اخطبك عشان يكمل استغلاله لها ويضمن حقوقه كامله منها ويبين لها انه يموت على التراب اللي تمشي عليه عشان ماتتركه ....
حتى لو كان الشاب من اهلها...
انا سمعت قصه حقيقيه....بختصرها لكم...
(وحده صغيره بهالعمر تحب ولد عمها وهو كذلك عمره صغير مايقارب 20 او 21 ويكلمو بعض ويطلعون مع بعض من ورا الاهل طبعا ...ظلو فوق السنتين وبعدهم على علاقه والقهر انه البنت تكلم غيره وهنو يكلم غيرها ....
ابي اثبت لك معنى كلامي بس وياليت تقولي للبنت هذي القصه ....عشان لاتتوهم اكثر....وتنتظر نصيبها افضل ولاتتأمل من هالقصص انه حلات الزواج بعد قصه حب...
ولله مرد البنت اللي تكلم شاب ويتزوجها يدوسها ولايحترمهاااا...وتصير طايحه من عينه بأعتبار انه ماكلمته الا انها كلمت غيره ...

والبنت بهالسن تعتبر كالورده اذا ذبلت صعب تنبت من جديد ؟...
والله يستر على بناتنا ...
لحقي على بنت اختــــــــــــــك



....واسفه ع الاطاله​
 
انتي الى الان سويتي الي عليك الباقي على الله ثم امها
قولي لامها مااحب اكون فتانه او انقل كلام واخسر ثقت بنتك بس دام انها تقول لي كل شئ انا بكون مخزن اسرارها مايجي يوم تتعلم تكتم وماتقول لي وتطيح بمصيبه ومانقدر نتلاحقها
انتي أمها شوفي لك طريقة تصيدينها بس بدون مااكون بالصوره وربيها بطريقتك الخاصه
لكن من مصلحت الام ان ماتدري البنت انك انتي الي قلتي لامها
 
لازم تعلمين أمها عشان تشيل البلاك بيري منها أحسن من تضيع البنت من إيدينها البنت ألحين تزعل ولا إنها تضيع مع واحد ما يبي منها إلا المتعة
لأنها لو قالت لك إنها بتتركه يمكن ما تتركه وتستغفلك لكن لو خبرتي أمها راح تراقبها وتكون طلعت من مسؤوليتك
 
الله يحفظ بناتنا وبنات المسلمين

كوني صريحة معها وأطلبي منها أن تطلب منه وأنتي معها


أن يتقدم لخطبتها من أهلها ويتم العقد والزواج بعدين


وخليها تفهمه أنها بتنخطب لواحد من قرايبها وهي ماودها !!

طبعاً هو بيتهرب من الموضوع ..وهي بتعرف انه لعاب !!

وحاولي أنك تكوني صديقتها وبيني لها مضار هذه العلاقات

الله يكون في عونك وقت يخوف بصراحة .

 
لازم تخبري احد الابوين هذه امانة في عنقك استخيري وتوكلي على الله بس بالاسلوب الحسن ولابد ان يتفاهمو مع البنت بالحسنى ان تركت البنت ممكن ان تقع في المحظور وهذا ما لا نتمناه البنت تبقلى جاهلة وبعدها في بر الامان انقذيها من الوحل اللي يمكن ان تقع فيه لا قدر الله
 
حناااان الكون قال:
دائمآ يقولون الخاله مثل الأم بغياب الأم ....... أعتبريها بنتك وأحتضنيها وخذيها بحضنك ووقفي معها صدقيني ربي بيأجرك وبكره لا عرفت أختك بالموضوع بتكون ممتنه لكل بجميل عمره ما تنساه لك

بنت اختك كم عمرها ؟ هل هي قريبه من بيتك ؟ بتجتمعون ببيت العائلة كل اسبوع مثلا ؟ خذي تفاصيل منها اكثر عن الشاب وين تعرفت عليه وبايش وعدها وطرق التواصل بينهم بس مسن والا فون وحاولي تعرفين ايش الحوارات اللي بينهم تدور عشان لو كان معبي مخها بكلام كبير انتي تحاولين تداركين الموضوع اكثر​
أنقر للتوسيع...


صدقتي يا أختي الخاله مثل الام بس ما تجي مقام الام ابدا
إجابة علي تساؤلاتك
البنت بالثانويه 15 او 16
البيت نوعا ما قريب
و نجتمع كل اسبوع بس أنا لو كان عندي دوام ما احضر
الولد من نفس الجماعه تقريبا و المنطقة
تقول انه قالها اسمه بس هي ما أعطته اسمها الحقيقي
ثانويه عمره 16 او 17 مب ذاكرة
و علي فكرة اكذبت علي في البدايه و قالت انه من منطقة بعيدة عننا و بعدين اكتشفت انه قريبه و مرتين او ثلاث اللي قامت تحكي معه مسنجر الباقي بالتلفون
تقول انها ما أعطته تفاصيل عنها و لا عن العيله
كل الحكي اللي يدور بينهم نوع من الفضفضة
هي تقول له علي المدرسه و مشاكلها و هو يقولها علي مشاكل البيت
تقول انهم ما يحكون في الحب الا عن طريق الرسائل بس

يا جماعه انا ابغي أصدقها بس مو قادرة احس انفي شي
و للمشكله زي ما قالت بعض البنات الله يجزاهن خير
البنت ذي أمانه بس منجد لو أمها تدري بتنهاااار
أنا جولها اخذته و رقم الولد اخذته بس كيف اثبت لها انها غلطاااانه و انه يضحك عليها
 
اخفي دموعي قال:
انتي الى الان سويتي الي عليك الباقي على الله ثم امها
قولي لامها مااحب اكون فتانه او انقل كلام واخسر ثقت بنتك بس دام انها تقول لي كل شئ انا بكون مخزن اسرارها مايجي يوم تتعلم تكتم وماتقول لي وتطيح بمصيبه ومانقدر نتلاحقها
انتي أمها شوفي لك طريقة تصيدينها بس بدون مااكون بالصوره وربيها بطريقتك الخاصه
لكن من مصلحت الام ان ماتدري البنت انك انتي الي قلتي لامها
أنقر للتوسيع...



كلامك صح بس أمها مرييييضه و خائفه عليهه
أبوها منوالنوع اللي ما يرحم لو دري بالموضوع
 
أنا من رأيي تخبرين أمهاا بس لا تدري بنت اختج ووخلي امها تراقبيها من بعيد لبعيد
وأنتي حاولي تعرفين كل شئ بالتفاصيل عطيها الامان علشان تخبرج كل شئ اهم شئ ما تسوي شئ غلط ونصحيهاا علشان تحس بالامان وتخبرج عن كل شئ بس لا تعرف انج قلتي حق أمهاا وأن شاء الله يصير شئ وتقتنع اللي تسويه غلط اما تجبرينها انسي مستحيل بالعمر هذا الا اذا كانت مقتنعه
 
صراحه ماعندي حل بس قوليلها تعطي الجوال امها تقولها ابغى ابيعه مابغاه طفشت منه ولا تقولين لامها
 
بلغي امها ..

لازم .. يمكن هذا الشاب يخدعها بوهم الحب وبكرة يدمر مستقبلها
 
الله لايبارك فيهم ولايوفقهم من جاب هالبلاك بيري عندنا
خرب عقول بناتنا وشبابنا,,, وياليته على المكالمات وبس
لاء صارت تجي مقاطع اباحيه اذاانتي استقبلتيها من اي شخص
اذاحاطه البيبي عرضه للكل وتبين تسولفين معه,,,
انا ضد ان البلاك بيري يكون مع مرااااااهقاااات لان هاذي اخرتها
لافيه رقابه من ناحية الاهل تضيع البنت واذاانجرفت قالوا وش نسوي معها,,, اختي الافضل لك تفهمين اهمها قبل لاتكبر السالفه وقبل لايجرها بصوراومقطع خليها تشيل الجهاااااااز عنها معليش تزل من الحين ولاتزعل منك بعدين ,, حلوالسالفه الحين قبل لايطيح الفاس بالراس اختي,,, لاتتهاونين بالموضوع هاذي اعراض ناس واذاانتهك العرض اختك اللي راح تلومك وتقولك ليش ماقلتيلي عن الموضوع اهي بسن مراهقه ومنجرفه بالعاطفه ماتدري عن شي بهالدنيا لاغدرت فيها وقلبت كيانها ,,,الله يسترعلينا وعلى بنات المسلمين
 
آآآآه بس من عيال الشوارع
أختي الغاليه لازم تهدديها و تعلمي أمها و لو كانت أمها مريضة ما تستحمل الخبر على واحد من خوالها يجلس معها و يشوف شو عندها و لازم ياخذ رقم الولد و يخاصمه و يهدده بالهيئه و الشرطة و يوريه العين الحمرا
و أنا أشوف البنت بدت تتمادى لدرجة أشترت جوال جديد و شؤيحة جديد عشان تأخذ راحتها و خاصة الشاب المعاكس إذا شاف البنت تعلقت فيه يضغط عليها عشان ترسل لها صور سواء كانت عاديه أو خليعه
و بعدها يجي التهديد و بعدها الكاااااااارثة
لذلك أمسكو البنت ولاتخلوها على هواها لو توصل درجة الحبس و الضرب مو مشكله المهم السمعة و حفظ العرض
الدلع و المسايسه ما تنفع ..
إحسموا الموضوع قبل وقوع الكاااااااارثة
الله يحفظك ..​
 
آآآآه بس من عيال الشوارع
أختي الغاليه لازم تهدديها و تعلمي أمها و لو كانت أمها مريضة ما تستحمل الخبر على واحد من خوالها يجلس معها و يشوف شو عندها و لازم ياخذ رقم الولد و يخاصمه و يهدده بالهيئه و الشرطة و يوريه العين الحمرا
و أنا أشوف البنت بدت تتمادى لدرجة أشترت جوال جديد و شريحة جديد عشان تأخذ راحتها و خاصة الشاب المعاكس إذا شاف البنت تعلقت فيه يضغط عليها عشان ترسل لها صور سواء كانت عاديه أو خليعه
و بعدها يجي التهديد و بعدها الكاااااااارثة
لذلك أمسكو البنت ولاتخلوها على هواها لو توصل درجة الحبس و الضرب مو مشكله المهم السمعة و حفظ العرض
الدلع و المسايسه ما تنفع ..
إحسموا الموضوع قبل وقوع الكاااااااارثة
الله يحفظك ..​
 
والله يالغالية شي يحير كيف تهتمين فيها وهي بعيدة عنك وصعبة تقولين لأمها بسبب ظروفها وحراااام ترووح البنت عليكم بس حاولي تتقربين منها وإن حسيتي مانفع قولي لأمها لانها هي اللي بتكون طول الوقت معها والله يهديها .....
 
خبري امها ضروري امها تعرف ضروري لان لو لاسمح الله وتطورت العلاقه وانفضحت بنت اختك اختك بتحط كل اللوم عليك ومعاها حق اختك لازم تدري لانها هي بتراقبها بنات اخر زمن واذا بيدك تجلدينها عشان تعرف خطورة اللي تسويه يؤدي الامالا تحمد عقباه موفقه يالغاليه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل