مشكلة بنت أختي الله لا يهينكن

[دكتورة بزارين]

السلام قبل اي كلام
أخواتي و الله توني راجعه من استراحه مجتمعين حنا و العيلة كااامله و سار لي موقف ضيق صدري حيييل
بنت أختي الله يسلمكم طالعه ثانوي و يوم ان حنا في الاستراحه مشغولين بالشوي و البرازين الا هي ملاحظتن انها منزويه و بهالبلاك بري بس تضحك و تهمس
بس أنا قلت البنت ما شكلها تحكي وحدده من خوياتها
من هنا و هنا - بس عشان لا أطول بالسالفه- كشفت انها تحكي مع واحد و يوم أني استجوبتها قالت لي انه واحد من اهل ال$€*٪^#٪ و انه فالثنويه بعد و عمره كذه و انه يحبها و ناوي يخطبها من اهلها
البنت قامت تبكي عند رجولي و تترجاني ما اخبر امها و الله أني رحمتها بس قلت يا بنت فكري بعقل مو بعاطفه
البنت حرام تضيع في عمر الورد و الله أني في حيرة من امري مب عارفه وش اسوي معه؟؟؟؟
بنااااات طلبتكم بعد الله تراني بشهر عالمنادي انتظر ردودكم
أتخيل ان وحده من بناتي لا قدر الله بنفس الموقف وش ممكن اسوي احس أني عاجزة؟؟؟؟؟
الله يفرج كربتكن

 

[دكتورة بزارين]

عفوا غلط مطبعي
بنات طلبتكم بسهر عالمنتدي
و أختي الله يسلمكم ما ودي أقولها عاللي سار لانها مريضه و كفايه مشاكلها مع زوجها

 

[دكتورة بزارين]

يعني محد ناوي يرد علي

 

[ام معصب]

والله مدري ماقدر اقول لك حل
ما اقول الا الله يعينك ويهدي بنت اختك

 

[كل دنيتي اسرتي]

لازم تجلسين مع البنت وتفهمينها ان الشي الاي قاعده تسويه خطا وتشرحين لها كيف ان الشباب يستغلون البنات وان ما فيه شي اسمه حب وتشرحين لها ان الفترة هذي الاي تمر فيها فترة مراهقه واي خطا بالعمر هذا كلن بيدري عنه واكيد انتي كبيره وتعرفين كيف تتكلمين مع مراهقه وخصوصا توضحين لها ان البنت اهم شي شرفها اذا راح راح مستقبلها وكثري من الحكي هذا بهدوء وعلى جنب وما احد يسمعكم وربي يسهل اموركم​

 

[ماريا999]

لا تخلينها وتصرفي معها بحزم وانبيها على هالفعل المشين وخوفيها من الله وربي مايرضى بعملها
وهولي من عواقب هالامور
انتبهي تتركينها وهدديها انك راح تقولين لابوها لو مانصاعت لكلامك

 

[دكتورة بزارين]

طيب كيف اظمن ان البنت ما تعودها
البنت جمعت من مصروف المدرسه و أشرت جوال ثاني و شريحه ثانيه عشان تكلمه
البنت مو معاي بالبيت كيف اداريها و اطمن انها ماتعود الشي هذا مرة ثانيه
أنا أخذت رقم الولد ابغي اثبت لها انه يلعب و أرسلت له رساله بس جا جوابه عادي من إنت؟
قلت له الرقم غلط و عذرا قال مافي مشكله
بس كنت ناويه اكلمه قدامها و استفسر منه علي اساس أني انها مب خالتها بس قلت لا خليني أستشيركم بالأول و بعدين افراج
وشرايكم؟

 

[دكتورة بزارين]

الاخت اللي ارسلت لي رساله ربي يفرج همها
ما ضبطت معي أني ارد عليك معليش سامحيني

 

[حناااان الكون]

دائمآ يقولون الخاله مثل الأم بغياب الأم ....... أعتبريها بنتك وأحتضنيها وخذيها بحضنك ووقفي معها صدقيني ربي بيأجرك وبكره لا عرفت أختك بالموضوع بتكون ممتنه لكل بجميل عمره ما تنساه لك

بنت اختك كم عمرها ؟ هل هي قريبه من بيتك ؟ بتجتمعون ببيت العائلة كل اسبوع مثلا ؟ خذي تفاصيل منها اكثر عن الشاب وين تعرفت عليه وبايش وعدها وطرق التواصل بينهم بس مسن والا فون وحاولي تعرفين ايش الحوارات اللي بينهم تدور عشان لو كان معبي مخها بكلام كبير انتي تحاولين تداركين الموضوع اكثر​

 

[لغيرك لاتخليني]

انا من راااائي تبلغي امها علشان تتادب وتخاف وامهاااا ادرى فيها وتعرف كيف تتعامل معها وتراااقبها لانك بعيده عنها ماتدري يمكن تتكلم من وراك وانتي ماتدرين الاااافضل تعلمين الام

 

[تمناك قلبي]

و الله يا اختي صار هالموقف مع اختي اصغر مني طبعا ولا قلت لامي لانها

راح تنفعل وتتضايق وانا اعرف امي زين ماراح يكون في صالحها المهم اخذت رقمه من جوالها بدون ماتدري

وارسلت له وانا كلي ضيقه وقهر وحزن على اختي ( قلت اذا الله باليك في هالطريق لا تجر بنات خلق الله معك وحرام عليك ) ومن هالكلام

واختي ماتدري المهم ارسل لها يسألها قالت انها اختي تخيل قال لها بنشر رقمها عقبها الحمدلله غيرت رقمي المهم اختي انحرجت مني

وقلت لها ماترجع لها الطريق وهي عارفه عواقبه والحين طلعت البلاك بيري وكل شوي اسألها من تكلمين من عندك بس بطريق عاديه جدا ...

و الله اعلم ..........

عاد البنات في هالعمر والله يبي لهم مراقبه وحب لازم نغمرهم حنان ونقنعهم بالشي الخطأ انه خطأ

معليش اختي طولت عليك كثير بس والله كلام في نفسي

الله يهدي بنت اختك ويشرح صدرها ويبعدها عن هالطريق وباقي بنات المسلمين والله يعينك ويأجرك

 

[سنجار]

انا اشوف انك ماتعلمي امها بس هدديها انه اذا ماتركت هالخطا لا يمكن انك تسكتين لأن هالأمر ماينسكت عليه
يعني ستر امر الله به مع شده في محلها

 

[في صمتي ألم]

الله يلعن هالبلاك ويلعن من جابه
الوضع ماينسكت عليه
حاولي معاها بالطيب
واذا مانفع قولي بخبر امك وابوك بعد
واحسن خليها تغير رقمها
عشان مايزعجها هو

 

[القمرر]

الله يعين من الشباب الي مايخافون الله اب البنات
الله اما اجعل كيدهم بنحورهم يااارب العالمين

 

[نور زوجها]

كلمي احد اخوانك

 

[صريحه جداً]

اختي بمانك مو موجوده عندها لازم تخبري امها بكل شي

لانها صغيره يمكن تتراجع وتتوب عندك وبعدين يكلمها وتنساق وراه

يعني البنت محتاجه مراقبه ومحتاجه احد تخااااف منه داخل البيت
وفكري بعدين لو صارر شي بينهم ايش راح يكون موقفك وانتي كنتي تعرفين من قبل

 

[-:مسك:-]

انا اقول لاتعلمين امها ..يكفي همها .. وبعدين البنت بتكرهك وبتنفر منك .. ومهما يكون ماراح تعرف مصلحتها الا اذا كبرت ..

انتي انصحيها وراقبيها .. وخليك وراها .. يعني لاتثقين كل الثقه ..

ترى لو قلتي لامها مهما عاقبتها واخذت منها الجهاز والبنت براسها شر بتسويه لو بتحبسونها بصندوق ..

ادعي لها وخليك قريبه منها ..الله يهديها ويفرج همك ..

 

[خافيه غلاها]

اثبتيلها انو مو ناوي يخطبها

دبري احد يكلمه عندها ويقول له تعال اخطبها .. وشوفي اش حيقول

 

[الزوجه الاولى]

الله يهديها ويعينج عليها

 

[غروري عاجبني ^^]

لا تخبرين امها بعدين البنت ما بتثق فيج و لا بتثق ف اي حد

انصحيها و قوليلهاا اللي تسويه غلط ,, و انه مستحييل يعرس فيج و من هالكلاام ....’’’

الله يهديهاا و يستر عليهااا