مشكلة بسيطه لها سنوات ماقدرت تحلها؟؟بسرعه اسعفوها؟؟

[فتاة الخير]

السلام عليكم ورحمة الله وبركاته ..
كيف اخواتي البلقيسيات ..ان شاء الله طيبين..
انا احبكم فديتكم يا اخوات انا صايرة احب انصح الاخوات المتزوجات اللي مايدشون المنتدى..
وطرحت كم مرة مشاكل بعض الاخوات وماقصرتوا معاي..
واليوم جايبه لكم مشكلة وحده من قريباتي وصديقاتي..طلبت لي ان اجد لها حلا..وقلت استشير بنات بلقيس ..فديتهم لانهم يحبون الخير:icon26::icon26::shiny:
على لسانها..
زوجي طيب وحنون وكريم ومحترمني الحمد لله
وتقول نقطه ضعفه انفصالنا لانه عايش من ابوين منفصلين ومتعذب..وايضا نقطة ضعفه دمعه امه لانها شخصيتها ضعيفه مرررررررة لو تقولين لها ابعدي شوي نزلت دموعها..
وانا ملتزمه ولله الحمد وهي عكسي تماما ..تتابع مسلسلات وعادي ماتقصر الموسيقى ..جاهلة بالدين وتقول اذا نصحتها قالت الذنب عليهم ليش يجيبونه..وكان زوجي يسيبنا عندها ويخلينا ننام ايام عندها ولاتتطابق تصرفاتنا ابد ولا اخذ راحتي حتى اتفشل لما يطلب حقه الشرعي وهي حولنا والبيت صغير والغرف على بعض ودخل براسي انه متزوجني لاجل اخدم امه واصبح يغار من اهلي واذا قلت ابشوفهم مجتمعين قال امي ابدا حتىى بمناسبات الاعياد يجبرني بالجلوس معها ويطلع للبر حتى اصبحت لا اطيق العيش في مدينتها ولما نرجع لمدينتنا انبسط واعيش حريتي واطلع واجي وهالضغوط صارت لي في 4سنوات وبعدها رفضت بتاتا اروح لامه لاني مش مجبرة فيها..
وهو يتحبب فيني ويطلب اروح معه وسنه كامله وانا رافضه واذا رحت معه ما انوم عندها نرجع بالليل ومدينتها تبعدعنا50كم تقريبا
واذا قال بنروح يجيني خفقان وانهيار بس ودي اضربه واحس بكره تجاهه عظيم ووقتها افكر بالانفصال
ومن اسبوع تهاوشنا هوشه كبيرة وقلت ما اقدر اروح اتعب احس قولوني يتعبني ويجيني اكتئاب وخفقان وقلت ما احبها هالديره اكرهها ويقولي ان كانت ماتعني لك شي انتي ماتعني لي شي..حسيت بجرح كبيروحتى المشائخ الفضلاء وقفوا معي وقالوا مالك حق تجبرها بس معاند يقول ابغى امي تنبسط في اولادي وانا اقول اذا اشتاقت لهم تجي الله يحييها..
وانا مقررة اروح مرة بالاسبوع من العصر الى 12 بالليل وهو يحس اني فارضه رائي عليه ويقول ابغى كل ماقلت مشينا تقولي يالله..وماتمنعيننا ننام..وادري لو ققلت ايوة راح ترجع حليمه لعادتها القديمه ان يخلينا اسبوع هناك واسبوع بديرتنا وانا ماارتحت نفسيا وجسديا الا لما استقريت ببيتي والحين وضحت له انه خارج ارادتي وقرر بالاخير انه يعالجني عند طبيب نفسي يقول متأكد انك رهاب اجتماعي ضد هالديرة..وانتي اللي جبتي هالشي لنفسك..وش رايكم اعالج صدق اولا ..
وزوجي انسان مزاجي اذا مبسوط عاملني ببساطه واذا امه متضايقه قوم الدنيا علي ونكد علي انا وعيالي..وانا احبه كثيرا ..لانه له افضال علي كثيرة..
بس اذا جت هالمشكله على بالي افكر بالانفصال لانها لها سنوات عيت تنحل من شيخ لشيخ وكلهم واقفين معي وهو مو راضي ..يفكر بسعادة امه على حساب سعادتي
يقولي ضحي انتي ليش ماتضحين ..


وهذا اختصار لمشكله صاحبتي وانا دارسه وضعها لانها دايم تشكي لي ..وتقول اتمنى تنحل هالمشكله..وتقول تعبت من التفكير..:schmoll::schmoll:

ارجوكم خلوني افرحها بحل..لاني قلبتها بنفسي مالقيت..
الله يسعدكم وينوركم..:icon31:

 

[فتاة الخير]

ياربيه 23شاهدة ولا وحده نكن ذكيه او عندها حل؟؟؟
خلون افرحها قبل لا اشوفها بكرا ارجوكم وادعو لها

 

[رحيل الوقت]

حبيبتي

قولي لها تكسبه بالدمعه

تحكي له وضعها بدون هواش وبدون تعصيب اغلب الازواج كذا وانا متاكده اني بصير كذا في يوم الله يرزقني بعيال ما القى الا عمتي داقه الباب تقول ابي حفيدي

لكن هناك امور اتبعها لعل وعسى تمشي الامور بعدين على هواي وبدون ماا احرمها شي

قولي لها ان الوالده امي وهي امي اختلف معها في السوالف شحال امك شلون اسولف معها اخاف اتأفف تتضايق مني وانا ما عندي حد احكي معه هناك الاولاد يدوشوني وهذاك مو بيتي والله يهداك كل وحده والثانيه تطش علي كلمه خلاها خدامه خلاها خدامه

وخلها تجيبه انو انا ما ابي اكره امك تعبت والسبه انتي تبي تجبرني على شي انا كبشر احس واشعر لازم استانس ابي اسير لكن انت تبي كل الخاطر لامك وانا لا وخليها تقول لو انها طبينتي كان عدلت لكن هذي امك ماله داعي تسوي حقوقها عليك على حسابي

اذا انت تبي تبرها اجلس عندها وجرب يوم واحد ولا البر مو كذا هذا انا اجي اونس امي وقت ثم اروح القاها ترضى عني لكن انت مالك بامك تبيني انا ابر عنك ما يصير

حبيبتي صدقيني استرسلت لاني خضت غمار هذا الحديث ولازم تبين له ان الانسان يبي راحته ما يبي الناس تحس انه متضايقه منه

بقلك موقف لي زوجي اجبرني على شي ورفضته على حسابي وعلى باله بر لامه

قال له ابوي وش رايك بنتي تقعد مقابله امك اف واف واف وش هذا وبوزها شبرين هل في اعتقادك امك بتنبسط لا طبعا وفعلا كان لهالكلمه تاثير مثل السحر قال عطها فرصه تحب امك مو مجبوره عليها

واتمنى افدتك خليها تبين له ان الكلام هذا فيه جور على حقها وعلى مشاعرها وتقوله هل يرضيك اخلاقي بخشمي وانا عند امك اكيد لا لازم تحس امك اني مو مجبوره عليها

وخلها بين وقت والثاني تقول الولد اللي يطلع امه من بييتها حتى تجي تسكن معه يقلل من قيمة امه وهذا بعيد كل البعد عن موضوعها لكن بيساعدها

واتمنى اني افدتك

 

[مايصحش هالحتسي]

مالمريض الا هو امه
لاتخلينه تروح لطبيب نفسي هذا يبي يعدم له الثقة بنفس ويبدء يشككه بشي مهب به
تصبري وتحملي

 

[فتاة الخير]

تسلمون ياقلبي على ردودكم..
وكلامك يارحيل الوقت جميل لكن طبقته معه ولاجاب نتيجه يراضيها اسبوعين شهر ويرجع ينافخ الى متى ابصبر على الوضع؟؟ويطير عيونه عليها ؟؟ويقولها لاتحديني اتزوج ثانيه واسكنها عند امي..
بس هي قالت تزوج ولاتوجع راسي وقال ما ابي اتشتت بين بيتين وبمدينتين..
بس تقول قايل لي اعطيك فرصه هالشهر فكري بالموضوع

 

[فتاة الخير]

اختي مايصحش هالحتسي..مشكورة..
هي كانت متضايقه من تحطيمه لها يقلل من هيبتها ويقول انتي انسانه جامعيه وشلون بتربين اجيال؟؟حتى صار ماعندهاثقه وشوي شوي وقفته عند حده ..وعطيتها دروس والحد لله بدت تستعيد ثقتها بنفسها..
اما من ناحيه العلاج تقول ضحكت عنده وقلت حلوة ذي اتعالج عشان مدينه؟؟ويقول ايه مافيها شي..
وتقول انا رافضه هالشي لكن ادري انه بيعقدها بيحرمني من اشياء كثيرة ..
وتقول اني من القهر مرات ادعي على امه تموت لعلي ارتاح بحياتي مليت النكد وتقول تعبت من التفكير من اجله وهي مادرت عني..وانا اهبطها اقول ام زوجك حبيبه لاتدعين عليه؟..
وسالفه العلاج وش تقوله ارشدوني بسرعه..

 

[فتاة الخير]

معقولة 136مشاهدة وبس ثنتين ردو على الموضوع..
افا ماتوقعتها منكم يابلقيسيلت

 

[نووودي3]

الله يكون بعونه والله يجزاك خير انشاء الله راح يفيدوكن البنات والله يسخر لي زوجي ويهديه ويرده لي اميييييييييو وياكم اجمعين الله يسخرة لها
​

 

[المنفرده]

لا تطاوعه وتروح للطبيب نفسي خله تخلي ثقته بنفسها كبيره وتقوله امك على عين وراسي ولاتعدى على حقوقي

انا لي حقوقي كازوجه في الشرع والقانون ولاتخرب علي وبعدين اكره امك وانا اغليها واحترمها واذا تبي تبر امك
بره ماراح امنعك او اجبرك بس انا خلني على راحتي هذي حياتي ولاتعانده خليها تكون سلاسه معه في الكلام
وتقول انا احبك واغليك واعز امك واغليه ولا ابي اجبر نفسي على شي يضيقها وتقوله من الكلام الحلو على شان ينسى العناد . خليه تكثر من الاستغفار ان شاء الله تيسر اموره ويسخر له زوجها

 

[ginger]

لو انا منها رحت عند الدكتور النفسي وتشرح حالتها من طقطق للسلام عليكم

واكيد الدكتور بيوقف في صفها وراح يقول لزوجها انه هو المخطئ وهي الصح

خلي صديقتك تجرب وتروح للدكتور

لان الدكتور راح يتفاجئ ان المريض زوجها مو هي

 

[sweetprincess]

قولي لها لاتروووووح لطبيب نفسي هي الحمد لله مافيها شي
ومثل المواضيع يبيلها طولة باال وهداوه مو صراخ وعناد
خليها تجبر نفسها تروح مره وتنزل دمعتها وتقوله بروح هالمره عشان خاطرك اتمنى يكون لي خاطر عندك وماتجبرني على شي ماابيه
وتقوله انا احب امك واعزها مثل امي وتشتري لها كذا هديه وتعطيها اياه بس انت بتصرفاتك واجبارك لي تخليني كره المدينه والقعده في البيت
تقوله انا ماعندي مانع ازورها بس ماابات عندها احب اخذ راحتي في بيتي ومن هالكلام
والله يهدي بالهم

 

[أماااااااه]

طيب حبيبتي ماذكرتي لنا التفاصيل
هل هو وحيد أمه؟؟

أمه هل معاها أحد في البيت ولا ساكنة لحالها؟؟

وثانيا أنا أقول أنها لو تنازلت بعض الشيء عشان خاطر زوجها وحاولت انها تتأقلم مع الوضع يعني ماتعتبر بيت أمه شي يضيق الصدر بالعكس تحاول تعتبره إسبوع ترفيه
وتحاول ان تخليه يطلعهم سوا
وانتي قلتي انهم منفصلين يعني ماعندها زوج فأكيد انها تكسر خاطر ولدها

وايضا صعبة انها تقول له مب مجبورة في امك الكلام يجرح صراحة
وانا متأكدة أن هالنوع من الرجال إذا قدرت زوجته تحب أمه وتعتبرها مثل أمها راح يحطها بعيونه الثنتين ويدلعها آخر دلع

تحياتي

 

[رنا خان]

حبيبتي الله يحفظك انت وصديقتك
ما فيها شيء اذا اعنت زوجي الي له افضال علي اني اكون له عون
على امه ادا انت ام حتحسي ان احلى مافي الدنيا ان عيالي بقربي
رغم بعد المسافه وفي القول العاقل خير النساء من تعين زوجها
على امور اهله فتضهري لهم المحبه والمساعده والانس بهم حتى تكسبي رضا الله
برضا زوجك من نا حيه ومن اخرى اعنتي امه الكبيره في السن بشيء لن يضرك بل
مع الوقت اذا اقنعتي عقلك الباطن انك تحترميها فسيكون ذالك
الاطباء النفسيين لدوي الايمان الضعيف تسلحي بالقرب من الله حقا وهو هلاجك
تقبلي مرور والله يحفظك

 

[فتاة الخير]

الله يسعد كل من ردت علي
من ناحيه انها تعتبرها تمشي كل اسبوع
قايله له انا وضحكت علي قالت انا اذا جيت اروح كأني رايحه لمقبره ولابعد تبيني اخليها تمشي وتقول لاتقنعيني بالنوم عندها لو انفصل منه وتقول جتني حاله ادعي ان ديرتهم تحترق وقلت حرام وسكانها قالت اكرههم كلم مع اني ادري مالهم دخل
البنت يا اخوات مره ماتبي الديره تقول صاير فيني اكتئاب واحس الدنيا ماله طعم واحس اني ما انبسطت مثل غيري
من المشاكل,,وتفككر بالانفصال بس متردده عشان اولاده ,,,
البنت مره كارهتها وتقول احد اولادي صرت عصبيه معه وما احن عليه لانه دايم يقول متى نروح لجده,,وتقول حتى ام زوجي اذا جابت طاري ديرتها والا مدحتها تقول لاشعوري اقوم اسب الديره وودي اتفل بوجهه
تقول احس لي مع الديره ماضي مؤلم وحزين,,مو قادره انساه,,
تصدقون عاد انها متغيره اول كانت فرفوشه من خلت هالديره, والحين تقول اضحك مع الناس وتجين حاله ودي اصيح احس بضعف وحياءوهم يضحكون معي ويسولفون,وانا شاكه انها معيونه ياناس لان الناس كانوا منبهرين كيف كانت بس تررد لخالتها وتنام عندها,,بس هي مو مقتنعه بهالشء
الله يفرج لها لانها مريضه من التفكير

 

[مدري شسوي]

الله يكون في عونها

 

[فتاة الخير]

؟؟؟؟؟؟؟؟؟؟؟؟؟؟؟؟؟؟؟
يا اخواتي كيف تنحل بدون انفصال؟؟

 

[رحيل الوقت]

؟؟ويقولها لاتحديني اتزوج ثانيه واسكنها عند امي<<< هذا هو التهديد

خلها تقول جبت التايهه تزوج خدامه ترضا انك جايبها عشان امك والله انه مو صاحي ما يستحي جد هذي حجته

مو الشمالي يحب المره القويه

خلها قويه تقول له جيب خدامه مو حرمه يعني هو يقصد يتزوج خلها تقول له جيبها وعلى اساس تسكن عند امك وحلها يا شاطر

القوه لازم عند الدفاع عن الحقوق مو من حقك تفرض علي رضاك لامك انت حر تبي تراضيها كل يوم روح فطرها ولبسها واكنس لها انا مو خدامه هذا لازم يسمعه لانه ما يعطف عليها من ان الناس يقولون وهو فرض وليس واقع قولة خدامه

تقول له انا برفضها على نفسي انا عندي كرامه انا ما بخدم امك مو واجبي غير اني اجيها ضيفه اسولف معها وامشي

 

[فتاة الخير]

مشكورة يارحيل....وشكل الزوجه الثانيه هي الحل؟؟
لان امه رافضه الخدامه..نهائي..ومو بحاجتها مرة..لان بيتها صغير واولادها قلة ..وامورها ماشية ومو بحاجة احد..
وامه هي السبب لانه دايم تقول بحضرة الجميع اذا غلطتوا وجيتوا لنا جيبوا كذا..وهو ينقهر.. مايبغى امه تضايق؟؟
القهر انه مايبي يدخل ببيت امه من دونها يخاف امه تقول وين زوجتك..وهو عديم التفاهم مع امه لو يشوفها تسكر ماينصحها يخاف يشوف دمعتها مخليها على كيفها..

 

[ام سعود11]

تتفق معه لو تبينا نروح منالصباح اهم شي انه نرجع ننام في بيتنا

لان اصبحت نفسيتي تتعب

وقت اخرج من بيتي

وتكثر ايضا من الاستغفار

 

[فتاة الخير]

يا اخواتي ارجع لموضوع صديقتي مرة اخرى..بالاحرى ماطلعنا بنتيجه الا بعض الاخوات قالوا تكسبه بالدمعه..
فا ختنا تسال عده اسأله؟؟
1)كيف تفتح معه الموضوع لانه قالت اصبر شهر؟
2)هو شخصيته غربي هل الدموع تأثر فيه؟وكيف تحاورة وتحسسه بأنها مظلومه ؟
3)ولو قالت له انه هذا القرار الاخير اني ما ابنام هناك وقال لها ابحرمك من الطلعات نهائي وبيرفض زيارة اهلها الا مرة بالاسبوع ؟؟وش احسن تكون رده فعلها تقول عادي او ترفض؟
4)وكيف تعاملة بعد هالجلسه لانه بيشيل بخاطرة عليها؟
الله يسعدكم خبروني عشان اخليها تنهي السالفه اللي مجننتها ومطينه عيشتها؟؟