مشكلة الاكل مع بني ذا10شهور

[صوت الحب]

:icon1366:السلام عليكم ياملكات بلقيس
كيف احوالكم انشالله انكم تكونو بخير والحمد لله

عندي مشكلة كبيره مع ابني ذو10شهور واتمنى ان تفيدوني بحلولكم
مشكلته انه يعاني من ضعف شديد في جسمه بلإضافه الى الحساسيه يعني مااعرف وش الاكل المناسب لحساسيته
زرت طبيب ونصحني اني ابتعد عن منتجات الالبان(الروب.السيريلاك.الكريم كراميل .مهلبيه الحليب)
يعني كل شي يدخل فيه الحليب البقري
وانا محتاره الان في اكله ياريت تعطوني وصفات طعام مفيده للرضع في عمر ابني
مع ملاحضة اناابني متعلق كثير بالمصاصه
ومايرضع من صدري يرضع حليب صناعي


شكرا:in_love:

 

[الجميلة وحمودي]

قلبي ليونور
شوفي حبيبتي هذي الوصفة مررره مفيدة بس يمكن ولدك مايرضى يقبلها اول مررره لازم
تحاولين معاه وتحاولين تأكلينه وانتي تلعبيه عشان مايلاحظ الطعم
حبة بطاطس وحبة جزر
اسلقيها بالماء فقط واضيفي شوي كمون شوي بس
لما تستوي زين
حطيها بالخلاط مع شوي ماء وتصير مثل الحساء ثقيلة شوي
وفيه نقطة مهمة بعد اذاولدك يحب الحلا حطي عليها سكر
واذا يحب المالح حطي شوي ملح شوي بس
او ممكن تحطي كم نقطة ليمون
عاد شوفي ولدك ايش يحب وحطي
وفيه ملاحظة بعد
لاتكثرين من هذي الوصفة صح أنها مفيدة بس ممكن تجيب إمساك
وفيه بعد وجبة خفيفة ومفيدة وتشبع
اسلقي ارز مصري واضربيه بالخلاط و اكليه مع مراعاة ولدك كيف يحب اكله مالح ولا حالي
اتمنى اني اكون قدرت اساعدك
احبكم
ودمتم سالمين

 

[سكون28]

أختي أسلقي له خضار متنوعه.. وأهرسيها..
وحطيها في صحن وعطيه ملعقه وخليه هو ياكل بنفسه.. لو بيده.. صدقيني راح ينبسط بهالحركه..
حتى لو وصخ ملابسه.. أنتي سويي أحتياطات في مكان جلوسه.. يعني أفرشي سفره عليه ولبسيه مريله..

صدقيني لو كلنا نطبق هالحركه.. أحسن لأطفالنا.. لأنهم ياكلون أكثر من أللي أحنا نعطيهم أياه بالملعقه..
لأنهم يحسون بمتعه..

 

[Sun Lolo]

هلا ليونور أعطيه شوفان بالتفاح مفيد وخفيف على معدته وبنفس الوقت طعمه حلو إن شاءالله ماراح يستنكره طعمه يشبه الوجبات الجاهزه حطي تقريبا كوب أوأقل شوي ماء على النار وحطي عليه ملعقتين كبار شوفان وخليه 5دقايق يغلي لين يستوي ماراح يطول وقشري تفاحه وحطيها بالخلاط وصبي عليها الشوفان وأخلطي راح يكون قوامه زي العصيد وبالعافيه على قلبه وبشريني إذا حبه عشان أعطيك وصفات ثانيه

 

[صوت الحب]

شكرا علي مرووركم الطيب ونصائحكم
اخت سن لولوشكرا لكي على وصفت الشوفان والحمد لله تفبل ابني طعمها وحبها

 

[صوت الحب]

نسيت ماقلت لكم وديت ابني لطبيب الاطفال وماخليت سؤال ماخطر على بالي الا وسالت
الطبيب عنه ....ومن الاسئله اللي سالة الدكتور عنها
س:في امهات كثير ومن ضمنهم انا اعطي ابني خبر اوصمون منقوع بشاي يعني ثريد الخبر بالشاي؟
ج:ممنوع الشاي منع باتا عن الرضع لانه يسحب الحديد من عضم الطفل وهذا يأخر نموه ويسحب فوايد الاكل اللي اعطيه اياه

س:هل اعطي ابني الان اللحوم وعمره11شهر؟
ج:المفروض انا الام تبدء تعطي ابنها اللحوم المسلوقه من عمر ال8 الاشهر
تبدء بالكبده تسلقها مع الخضار ثم تطحن بالخلاط
جرب عطيت ابني خضار مسلوقه مع صدر دجاج وطحنته بالخلاط والحمد لله انه حب طعمه<<<<<<طبعا لاني مكثره البطاطا الحلوه

س:ابني يعاني من الضعف ووزنه كثير قليل 8كيلو بس وش السبب؟
ج:بمكن يكون السبب الحليب الخاص للحساسيه انا اعطي ابني حلين ابتاميل اتش اي وهذا الحليب مايامن لطفلي المغذيات اللازمه لعمره نصحني الطبيب اغير حليبه ال ابتاميل 2

انشالله تستفيدون ولو قليل من اللي نقلته لكم