مششكلتي في عمري

[جروحك فرحتي]

مراااحب يابلقيسيااات


انا شابه غير متزوجه في الثلاثين من عمري او بالاصح واحد وثلاثين
احس اني كبيره حيل
حتى لما اجي اضحك وامزح والا اسولف بصوت عالي اخجل من نفسي
المشكله اني من يوم كنت صغيره ومراهقه كانت امي تجبرنا نكون كبار
مانتكلم مع احد ولانسولف ولانلعب مع البنات ولازم نكون جالسات جمبها ومانتحرك عنها
كبرنا وكبرت هالعاده فينا
يعني ايام مراهقتنا ماعشناها زي باقي البنات
بالعكس كانت امي جدا جدا حريصه علينا وشديده علينا ولاتخلينا نختلط باحد
حتى انه الناس يعتقدون انا خبلات ومانفهم ولانعرف نتكلم
امي كانت تبغانا عاقلات عشان الناس يقولون ماشاء الله عليهن عاقلات مو زي بقية البنات
بينما احنا بواقعنا ماعاد احنا زي زمنها
المهم كبرت ومالي اي صديقات حتى وانا بالمدرسه ماكان عندي اي صديقات اختلط فيهم
مرت السنوات واتخرجت من الكليه وهذا انا جالسه بالبيت افكر وتعبت من التفكير
للان ماتزوجت ولاجاني النصيب وكل اللي بعمري اتزوجو
يعني مافيه وحده زيي عشان اقول اصادقها وكمان تعبت من كبر سني
احس اني كبيره حيييل وماقدر اصادق احد اصغر مني
والا حتى اسولف معاهم
اولا لانهم صغار وانا احتقر نفسي واستصغرها لما اسولف مع صغار واقصد بالصغار هنا اللي عمرهم بالعشرين مقارنة بعمري
ثانيا لاني اتربيت على اني اكون كبيره من وانا صغيره
ومشكلتي اني اتمنى وبقوه اراهق
اتمنى ارجع لمرحلة المراهقه والعب وانبسط واعيش حياتي صح
احس العمر يجري وانا زي مانا مكتئئئئبه حيييييييييل ومو عاجبتني حياتي ولابيدي اغيرها
ابين للناس اللي حوالي اني مبسوطه ومستانسه ومن جواتي محطمه مكتئبه
كارهه نفسسسي كارهه مجتمعي كارهه عادتنا
وكل شيء كرهته من وصلت للثلاثين

كيف اتخلص من هالشعور وكيف اريح نفسسسي​

 

[يوم لي ويوم علي]

لا تضايقين روحك يالغالية وعسى أن تكرهوا شيئاً وهو خير لكم يمكن عدم زواجك لهذي اللحظة خير لك يمكن لو كنت متزوجة بتكونين اتعس من هالحين وبعدين مو معناته انك دخلتي الثلاثين تحرمين نفسك من الجلسة مع اللي اصغر منك أنا اعرف بنات بعمرك متزوجات وغير متزوجات ومع ذلك مايجلسون الا مع البنات وما يحبون جلسة الحريم مادام ما تسوين شي غلط فما همك احد حتى لو سمعتي احد انتقدتك لأن رضا الناس غاية لاتدرك وبعدين حاولي تهتمين بلبسك ووزنك وهيئتك لان هذا الشي يبينك اصغر في العمر وانا والله اعرف بنات كثير خاصة الغير متزوجات بعمرك واكبر ومع ذلك اللي يشوفها يقول هذي بالعشرينات

وطبعا لاتنسين المحافظة على الصلاة وقراءة القرآن والدعاء بأن يفرج الله همك ويريح قلبك


دعواتي الصادقة لكي بالسعادة والراحة

 

[ام لنووو]

ياقلبي انتي ابيدك تقدرين اتساعدين نفسك يعني
شيلي التفكير الاسود الي رسمتيه ابالك اوطنشي اوعيشي حياتك اختي عمرها 40 ماتحب تجلس الا مع البنات الي بلعشريناات وكلهم يحبونه ومحد تكلم اوبعدين الي يبي ايعلق ابصراحه مغفل انتي غيري من نفسك الله يوفقك ياعمري

 

[ميييمووو]

ماشاء الله عليك اسلوبك مرررره حلو
واضح انك انسانه لبقه ومتعلمه
اولا حبيبتي
هذي مو مشكلتك انتي لحالك هذي مشكلة بنات كثييييييييير ولا يخلو بيت منها مثل مشاكل الشباب من بطاله ورفقاء سوء وماده ووو .........
ثانيا لانو انا في نفس عمرك حااااااسه فيك وكانت عندي بعض الافكار السلبيه عن سن الثلاثين
لكن شوي شوي تخطيط الازمه وتعايشت مع الوضع ع اساس انو مادام احنا عايشين في هاالدنيا لازم نكبر واللي الحين بالعشرين بكره يصيرو بالثلاثين وكذا الحياه لن تتوقف لالنا ولا لغيرنا
بعدي مو كل متزوجه سعيده قد يكون هذا الزوج ظالم اوليس عندها اطفال او عندها طفل لكن معاق وهذه الدنيا
ثالثا هناك شيء جميل جدا يجعلنا نحب الحياه وهو الآخره كل مافكرنا ان هناك آآآخره وجنه ورب رحيم كلما احسنا العمل واحببنا الحياه لان لنا هدف عظييييم
ولا تنسي ايضا بر الوالدين وان لديك فرصه لخدمتهم وكسب برهم اكثر من غيرك واطلبي من والدتك الله يحفظها ان تدعي لك بالتوفيق والزوج الصالح والله مافيه اصدق واروع من دعاء الام
ولا تنسي ايضا ان تحسني الظن بالله وان تؤمني بأنه سوف يرزقك ويوفقك لااااااازم تؤمني بذلك
كذلك اوصيك بدعاء راااااااااائع وهو دعاء سيدنا ايوب عليه السلام
"ربي اني مسني الضر وانت ارحم الرحمين"
جربي ماقلته وان شاء الله ماتلقين الا كل خيييييييييير بل انا متأكده
وبليييييييييييييييييييييييييييييييز طمنينا عليك

 

[ابي اسجل وبسس]

وييين انتي !!!!! تدرين ان احلا عمر هالعمر اللي انتي تعيشينه ...يوووووه يا ان المراهقات يتمنون متى يوصلون لثلاثينات ..واللي يتعدون الثلاثينات يتمنون متى يرجعون لها
وترى حبيبتي اهل الجنه اعمارهم بالثلاثينات ..ليش ربي ما خلا اهل الجنه مراهقين او بالعشرينات او بالاربعينات!!!؟؟؟ إلا عشان الثلاثينات هو احلااااااا عمر
وبالنسبه للزواج ترى كل تأخيره وفيها خيره والله احيانا يكون عدم الزواج للبنت اريح لها من الزواج ... الزواج مو كل شي ..وما شاء الله انتي جامعيه ..حبيبتي خليك ملكه بعزوبيتك مهما كان عمرك
شوفي حبيبتي اذا انتي مو موظفه بصراحه ممكن تفكرين بهالشي لان قعدة البيت ممله ..حبيبتي توظفي وسجلي في نادي المساء او اي شي المهم يكون كل وقتك بيزي يعني طول الوقت وانتي مشغوله

والله يوفقك يالغاليه وييسر لك كل خير يااااااارب

 

["نونهـ"]

حبيبتي
أولا إحمدي ربي ع النعمــه اللي أنت فيهـــا
غيركـ يتمناها
فيه غيركـ تزوجوا وهم صغــار ولا عاشوا طفولتهم زين
وتحملوا مسؤليه أكبرمنهم..
وغيركـ تزوجوا وهم في سن الزواج....
ولكن مو مرتــاحين في عذاب مع أزواجهم...
وإلا أزواجهم مومعبرينهم...
وربي يقول"وعسى أن تكرهوا شيئا وهو خير لكم"
ويقول:
"وعسى أن تكرهوا شيئا ويجعل الله فيه خيراً كثيراً"
وإذا عشان ما عندكـ أحد إحنــــــــا خواتكـ...:5:إذا تقبلينــــــا...
:26:​

 

[انسه طفشانه]

الله يرزقك الزوج الصالح

 

[التسامح طبعي]

أختي : أحمدي ربك عندك الأم الملاك قبلي يده وجبينه على حرصها عليكم
ذكرتني بأمي الله يحفظها ويطول بعمرها
ويحفظ لك ميمتك
الله يكفينا شر الزمن

 

[نثار روح]

الله يسرلك أمرك.

 

[بهيره الموسى]

يارب يسعدك ويرزقك الزوج الصالح للي يستاهلك