مشروع الصيف (نيولوك) كل وحدة تريد تتغير تشاركنا

  • بادئ الموضوع بادئ الموضوع قلبي
  • تاريخ البدء تاريخ البدء
ق

قلبي

New member
إنضم
2007/06/08
المشاركات
51
السلاااام عليكم ورحمة الله وبركاته ..

عندي فكرة حلوة خواتي ..شورايكم نغير من نفسياتنا وننسى المشاكل ونوكل أمرنا كله لله ..ونبدأ نهتم بأنفسنا التي أهملناها ..خلونا نستغل فترة الصيف في تغيير شكلنا يعني نعمل نيولوك على كل شيء مثلا كل وحدة تكتب إهني مثلا وزنها وخاطرها كم ينزل تذكرمثلا طريقة معينة تحب تتعلمها سواء في اللبس والمكياج وغيره ..نشجع بعض ونتابع بعض ..مثلا نتفق ننزل وزن مع بعض ..مثلا نذكر بعض الصالات الرياضية اللي يمكن ننضم فيها سواء في الإمارات لأهل الإمارات او السعودية ..المهم نخصص هذي الصفحة لإهتمام بأنفسنا وكل وحدة محتارة في شيء ولا همتها ضعيفة في التغيير نساعدها ....

أبدأ أنا أول الصراحة أنا وزني 70 وخاطري أنزل 58 ..بالرجيم وأني أنضم للنادي في الصيف أريد أستغل فترة الصيف هذي ..وانا من الإمارات ..يالله خواتي من تبدأ معي ..شاركونا بكل إقتراحاتكم صغيرة كانت ولاكبيرة نحو تغيير شامل (نيولوك) وكل وحدة عندها إقتراح في هذا الموضوع تضعه حتى يكتمل الموضوع ويحقق أحسن النتايج

موفقين جميعا
 
أنا أول وحدة موافقة

شوفي قلبي بكل صراحة ما أقدر أذكر وزني بس أبي أنزل حوالي 50 كيلو لأني تناولت نوع من أنواع الأدوية

خلا وزني يزيد لكن اللحين قطعته أنا ما أقدر أروح صالت رياضة لكن إذا في شئ أسوه في البيت يكون أفضل

والله شجعتيني

والشئ الثاني أبي أعرف طريقة صحيحة في الأهتمام بالبشرة لأن بشرتي حساسة ما قادرة أسوي شئ

كل ما أستخدم شئ يطلع حبوب أو تلتهب بشرتي معنه يكون للبشرة الحساسة لكن ما ينفع عندي
 
وردة الليل زميلتي كان وزنها بالمئات
وما قدرت تنزل نزول معتبر الا لما سوت تحزيم معدة وهي الحين قريبة من مرحلة الرشاقة ونزلت 54 كيلو
ولو اني من مؤيدي الحميات الصحية بس حبيت افبدج وهي مو متأذية من العملية بس دايما تراجع طبيبها وهو متابع حالتها ليما الحين الله يوفقكم
اما انا فالنيو لوك تبعي ابيه يبتدي من داخلي ابي افرز كل العلاقات والمشاعر والطباع واخلي المفيد واترك الظار منها
وشي ثاني ابي انزل وزني حتى 52 احتسابا للوزن المكتسب بعد سن الاربعين
ام بالنسبة للطله فأنا اجدد دائما والحين ابي اصير مثل الباربي
ليش لا دلال احسن مني ؟
بس همتكم بنات نبي تكنيكاتكم يالهابات الريح ( النشيطات )
​
 
اختي جزاك الله خير مووضووع حلووووووو ويدعو للتفاائل كم نحتااج للتفاائل في خضم المشااكل

انا اتمنى اولاً أن تكون هذه الإجازة اجازة خير وحب وطمأنينة

اختي ...اتمنى أن أنزل 10 كيلو بصحة وعافية يارب

وشعري طوويل ايش اقصه اقترااحاتكم لانه حاااشتني قشرره مرررره متعبه

واتمنى اخذ كوورس انجلش .....واتعلم رقص من المنتدى ....يالله نتشجع بس كيف نستفيد مدام كل وحده بتقوول وما نتشاارك
 
في حلول ثانية حبيبتي وردة الليل ..شورايج إتزورين أخصائية تغذية وتسويلك رجيم يناسبك وبعدين تبدين رياضة ..أنا أعرف وحدة كان وزنها كبير يمكن في التسعين واللحين هي في الخمسين راحت لأخصائية تغذية وساعدتها وبعد مانزل وزنها قالت لها تسوي رياضة في نادي ..وإذا ماتقدر ممكن في البيت تأخذ أشرطة رياضة وتسوي معهم ..وأعرف وحدة سوت رجيم بروحها في شهر نزلت 20 كيلوا وهي إستمرت كم شهر إلى أن نزل وزنها من 100 وشي إلى 69 وكانت كل يوم تمشي مسافة ساعة ونصف ومرات في اليوم مرتين وكانت تمارس رياضة على جهاز المشي ..الرجيم إلي إتبعته رجيم كيميائي ..وهو ينزل وايد عادي في الأسبوه سبع إلى 10 كيلوا بس أنا ماأفضل الرجيم الكيميائي وأفضل تروحين عند إستشارية ...
يالله خبرينا وبشرينا شوصار معك ..

البشرة حبيبتي أضل شي وأريح لج إستشاري دكتورة جلدية وبترتاحين وايد ..يعني قولي لها شو الصابون إلي تستخدمينه شوالكريمات الماسكات الطبيبة وإلي تنفع لبشتج وربي يوفقكج
 
حبيبتي محرومة ...أكتبي الصفات إلي أتحبي تغيريها وماعاجبتك وإحنا نساعدك ..والرجيم يالله نبدأ اللحين ويخلص الصيف ونكون إنجزنا شي نفرح فيه ..وبالذات الأشياء إلي نشوفها صعبة ..ونصير أحلى من باربي ..ياسلاااااااااااااااااااااااااااااام والله شعور ترا رائع ..يوم تشوفي وزنك صار مناسب وجسمك متناسق وتلبسي على كيفك ..
 
أختي أميرة ذوق ..

كان شعري طويل وقصيته قصير لين الكتف طلع روعة وغيرني طلعت أصغر من عمري بكثير والكل عيبه ....وأنا قصيته في بوظبي ماأدري إيصير أقول الصالون وأسم إلي قصتلي ..وعن القشرة شوفي حبيبتي عالجيها أفضل الصراحة أنا أعاني منها بس خفت علي حاولي تسوي حمام زيت زيتون لشعرج وهو عبارة عن ماسك وخليه ساعة وبعدين إغسليه وربي يوفقج
 
الفكرة اكثر من رووووعة ربي يعطيك العافية اختي :clap:

لكن لازم كل واحدة تقول نتائج تجربتها اول بأول عشان نتشجع ونستمر

أنا ابي اتغير بكل شيء شكلي - شخصيتي - وزني

لكن مشكلتي كيف أبدأ خاصة اني اهملت نفسي من ايام المرحلة المتوسط بسبب حرصي على دراستي

ولما دخلت الكلية حاولت اسوي مثل البنات واهتم بنفسي لكن فشلت بشكل كبييير

وكل ماحاولت أسوي برنامج للعناية ببشرتي او شعري استمر يومين بعدين ابطل :icon1366:

حتى تسريحات ما أعرف اسوي لنفسي ولاحتى حاولت اتعلم

يعني عزيمتي ضعيفة ( لكن إن شاء الله يتغير كل هذا )

بالنسبة للقشرة أفضل شيء أنا جربته كان خل التفاح :icon30:
بعد ماتغسلين شعرك بالشامبو وفي الشطفه الأخيره خذي شوي ماء وحطي فيه خل تفاح
وغسلي به شعرك واتركيه لمدة ربع ساعه بعدين اغسليه بالماء
ولاتنسين تغسلين المشط والفرشاة بماء يحتوي خل او مطهر

على الاقل مرتين بالاسبوع الين تنتهي القشرة


تمنياتي للجميع بإجازة سعيدة :icon26:
 
فكــره حلــــــوه ..

بالنسبه لي آنا يعجبني نموذج باربي بالاهتمام ،،
وبعد ماقريت قصتها رديت أهتم بنفسي نفس أول هههههه :nosweat: ..

خذيت موعد بالعياده ورحت حق البشره ،، وسألت عن الليزر للجسم ..
وخذيت كريمات مرطبه وصنفره ومقويات للشعر والبشره والأظافر ومن هالسوالف ،،

وناويه ادش دورة اتيكيت بـ فن التعامل والتواصل مع الناس ..
آنا عندي خلفيه عن اتكيت القعده والأكل وترتيب المائده بس شكلي بروح أأكد عليهم :icon30: ..

بديت أقرا من الكتب اللي عندي وبديت بالرجال من المريخ والنساء من زهره ..
واحتمال ادش دورة انجليزي اذا ماراح نسافر .. وآخذ صيفي ..

مشاريع مشاريع :sly: ..
بس ادعولي اكملها كلها ان شاء الله ..


====

بالنسبة حق الاخت اللي شعرها طويل انصحها تقصه بعدين تعالجه عشان تقل القشره ويمكن عين !!
وعن طريقة العلاج والله ما عندي أي خلفيه بس آنا وحده كلش مو ويا الخلطات اللي تنكتب وما اسوي منها ولا شي ،،
سيده أروح العياده أقط فلوس صح بس اضمن العلاج بإذن الله :) ..


واللي حابه تنزل وزنها ،،
اذا اهي بالكويت انصحها بطالب الشمري ،، نظامه حلو وعلى وبالراحه ويعطي حبوب مالها ضرر تسد الشهيه ومن هالسوالف وهالحجي خلاصة تجربة رفيجتي :) ..
للامانه آنا مو مجربته ..
وخل تدير بالها لا تسوي رياضه الا اذا وصلت الوزن اللي تبيه عشان لايصير ترهل بالجسم ،،

أما عن تعليم الرقص فـ عن طريج الأشرطه أو النوادي وايد نتايجه أفضل من القرايه !
الرقص حركة لازم العين تلقطها أول !!

بالنسبه حق فرز العلاقات ،،
تحتاجين ورقه وقلم وتكتبين فيهم كل مشاعرج السلبيه اتجاه بعض الاشخاص والحجي اللي قاهرج وودج يوصل لهم عبري بدون ماتهتمين اذا الكلام عادي ينقال لهم ولا لأ ،، وبعدها اقري الورقه راح تضحكين واايد على نفسج وسيده شقيها قبل لا تطيح بيد أحد ،،
هني انتي بتتخلصين من المشاعر السلبيه اتجاهم على الأقل بتخف ،،
وكلي أمرج لله فيهم ،، وصفي نيتج وصدقيني راح ترتــــــاحين ..

الموضوع يبيله تقييم 5/5 :) ..
بشري بالتقييـم لـول :clap: ..

أتمنى انه قدرت أفيـد :) ..
والله يوفقنـا ..​
 
:icon1366: :icon1366: :icon1366: :icon1366: ..
والله قعد أكتب صار لي سنـه آخر شي بارده مبرده ينمسح كل شي !!!!!!
:shutup: :shutup: :shutup: :shutup: :shutup: :shutup: !!!!!!!!!!!!!!!!!

حدي مقهـــــــــــــــــوره !
والله أحس عيوني متروسه دموع من القهر هههههههه ..

ورقــــــــه 20011 ..

الرد كان خاص لج ،،
وان شاء الله أرد أكتبه بس لما يروح القهر :icon28: ..​
 
انا عن نفسي:bye1: بديت بتغيير لوك شعري0000تاثرت بباربي بس عاد توني كنت مقصرته بس مو مشكله قمت يوم العب بالشباصات الصغيره واسوي حركات بنوته ولاكني اصغر من بنتي(على فكره كفشت بنتي تسوي نفس حركاتي القلوده:bleh: )-ويوم تجعيد لشعري وعلى جنب ورده رومانسيه:icon26: -ويوم رفع لفوق وربطه بالشرايط الملونه000000وهكذا 0
بس الحين ابي ابداء بتغيير لوك لجسمي وهذا اللي صعب بس مو مستحيل وانا مخططه من اول انه بكرى انشالله ابروح مع صديقتي اسجل بنادي مده 3 شهور00وانشالله انحف 10 كيلو يااااااااااااااااارب
حتى دولابي ابسوي له تصفيه متجمع فيه اشياء مالها داعي اصفيه واشتري لي ملابس نيو لوك0
وكلها احس اني اقدر اتحكم فيا الا لوك الجسم والتنحيف0000ادعولي اسيطر على الوضع
 
انا أبي أولا اني أحاول أصير ناعمة...في الكلام وفي الحركات وفي التصرفات..
قاعدةألاحظ روحي صايرة خشنة حبتين ...

وبعد شنو....

:idea: اي أبي شعري يطول تراه حده بطيييييئ ولا يطول.....متعبني....:icon28:

أما للبشرة فلدي بعض البقع الحمرة نتيجة حب الشباب ...
ما أدري اشلون اخليهم يختفون...:blushing:

وأظافري دايما ينكسرون ولا اقدر أفتح علبة ولا شي...

و.....بس بسكت أحسن .....لا أكون بس طولت عليكم....
 
أنا ما أبي نيو لوك ... أبي نيووو استرخاء ...

أفكر أني استغل هالإجازة بالدلعععععع الكامل ... أبي أتخيل نفسي ضيــــفة عزيزة على قلبي ...وأدللها خوش دلال

حتى تنتهي الإجازة على خير ...وابدأ بنفسية حلوة أكثر وأكثر ...:clap:
 
اولا ودي شخصيتي تتغير للاحسن واترك الاشياء السلبيه وافكر ايجابي على طول

وان شاء الله اخذ دوره انجليش

وانا الان خلصت دورة التجميل والعنايه بالبشره وابدأ التطبيق في الاجازه ان شاء الله

واشرايكم ننظم وقتنا في صلة الرحم يعني تحددين كم يوم في الاسبوع وتخلينه للزيارات

والاولاد افكر اسجلهم مركز صيفي
 
هلاحبايبي بغيت اسالكم تعرفو احدبالسعوديه يبيع اشرطة الرياضه الي بالرقص

لاني ابغاهاضروووووووووري وتشكرات
 
حبيبتي أخت قلبي سويت ريجيم مع أخصائية تغذية ونزل وزني 22كيلو وبعدين توقف

جلست أحاول شهرين وما فيه فايدة لدرجة إني تضايقة على الأخر

أم بنسبة لدكتورة جلدية إذا تعرفي وحدة زينة دليني عليها بس تكون في الإمارات لأني كل ما أروح لوحدة

تطلع نفس إلي قبلها
 
انا نفسي ادخل دورة مكياج في الاجازه ودي بعد تكون في بداية الاجازه اللي عندها خلفيه عن الاماكن هذي ترد علي الله يعافيكم سوى مجربتها او سمعت عنها علما انا من الريييييييييييياض منتظره ردكم ودمتم سالمييييييييييييين
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل