مشتتة ومكسورة .. رأيكم يهمني

مشكورة أختي أحب حبك

البيت اللي ساكنين فيه إجار مش ملك

إن شاء الله ربي يوفقني بطريقة آخذ حقي فيها ، والله العظيم أنا مش زعلانة على زواجه قد ماني زعلانة ع نكرانه وتهميشه مشاعري
صدمني وبالنسبة للغيرة هو أكثر واحد يعرف ان غيرتي شبه معدومة لأني دخلت ع زوجتين وعودته مالي شغل فيه الا بيومي والله يصلح احوال الجميع يارب

تشرفني ردودكم ربي يجزيكم خير
 
خيتو كيف خذيتي قرض لشو؟؟؟
اذا البيت اجار

ارسلي له وفهميه كل شي ورساله تكون مدح بعدها الموضوع وبعدها المدح
وخليك صريحه هذي حياتك وعبري له عن حزنك من موقفه وكيف هو ظلمك في هذا الموقف
وقولي له ما معنى ان انا عندي راتبي واشاركك في البت ما عندي احساس او ما محتاجه لك انا حتاجه لكل رجولتك وظلمك في رضوتي غيرت صورتك
 
الله يسعدك يا قلبي ويفرج همك من جد اسعدتني عودتك لموضوعي

هو كان محتاج مبلغ كان عنده ظرف وما يقدر لأن البنك ما حيعطيه فطلب مني اوافق وهو يسدد ، وافقت وكتب ف الورقة أن المديونية

ف ذمته ووقع عشان يطمني والورقة عندي . قبلها كنت أساعده ف الإيجار أنا ألف وهو ألف وبعد القرض صار يحط الفين عني وعنه
 
يعني هو الحين يرجع لك الفلوس؟؟؟
خيتو اسحبي عليه شوي شوي لين تاخذي حقك
وري عليه اذا قال ما استفدنا من راتبك شي قولي له انا اللي ساعدتك من بين كل زوجاتك وردي عليه في وقتها ولا تسكتي
وحببيه في بناتك وامدحيه وقولي له انت كافل يتيمتين يا حظك
واستخدمي ذكائك وعقلك
وارسلي له تبيني سبب زعلك لازم يعرف ولازم تكوني صريحه معاه
وبإذن الله تبشرينا خذيتي رضوتك وبيني له انك المظلومه هنا
 
لا ما بيرجع الفلوس بس كتب الورقة عشان اطمئن ومن يومها يحط عني الإيجار لان البنك يستقطع من راتبي القسط فهذه بتلك ..

معليش احس اني مشتتة ممكن توضحين حبيبتي كيف اسحب عليه ؟؟هل تقصدين ما أطالبه بدفع القسط
 
لا اذا تريدي تاخذي حقك خذيهم شوي شوي بدون ما يحس
مثلا محتاجه هذا الشهر فلوس مما اقدر ادفع انت ادفع عني او نفس المبلغ يعطيك وكذا لين تاخذين حقك
انا ما فهمت عليك انت خذيتي له قرض وفوق هذا تدفعين الاجار معاه

حبيبتي كل زوجاته ما حد يدفع اجار ليش انت كذا مستغلك؟؟؟ وما عطاك رضوه بعد؟؟؟
لازم تصارحيه خيتو لازم تكتبي له رساله
ما يصير كذا انت تظلمي نفسك كذا
 
هو مسكنهم ف سكن خاص بالعمل لانه ف القطاع العسكري مايدفع إيجار ولا كهربا

لا أختي م يوم ما بدأ البنك يستقطع من راتبي صار هو يدفع الإيجار
 
اها كذا زين
ما عليه انت الحين اكتبي الرساله
وفيها قبل مدح وبعدها الموضوع وبعدها مدح
وكتبي فيها سيدي وتاج راسي اميرتك تحس بالظلم عندما قصرت معها في الرضوه وانت جيت من بيت لا يرضى بالظلم...انا محتاجه احس بمشاعرك نحوي...انا اعلم انك تحبني ولم يأتي في بالك كبخل ولكن انا اعمل وليس معنى هذا انني لا احتاج ان احس برجولتك والامان معك انا لن اتنازل عن رضوتي فيهي تترجم لي مقدار حبك وكرمك وعدلك لي...انا لن اتنازل عن يوم استمتع فيه معك واتذوق كل جمالياتك ولن اتنازل عن اموال رضوتي لانها تحسسني بمدى عدل وكيف انني استطيع ان اثق فيك واتوجك ملك على عرش قلبي...
سيدي وحبيبي واميري ها انا ابث لك بمدى حزني وصدمتي من نسيانك لرضوتي وعدم اهباري بزواجك ...لقد اوغرت سكينا في صدر محبوبتك ومدللتك الغاليه...
وعاد اكتبي اللي تحبيه
 
صلحي الاخطاء اركتبي الحين من الفون ههه
الشمالي تأثر فيه الرساله كذا تمدحيه الموضوع والمدح
وعطيه من الكلام الجميل وبيني صدمتك منه وحزنك وانك انت الضحيه المظلومه بصورة غير مباشرة وامدحي نفسك كأميرتك وغيرها من الالفاظ الموجوده بالرسالة
 
اختي ممكن سؤال زوجاته الباقيات عندهم اطفال من غيره وإلا لا ؟؟ يعني بس انتي عندج اطفال من غيره لان كثره وتعدد الزوجات يخلي يفكر انه يطلق. وخايفه لانه تعامل معاج بهالموضوع اقل من الباقيات انه يجي يوم يحب يطلق وحده ويتزوج وراح يفرط بيج اول وحده ،،،، عندج اطفال منه لو لا ؟ اذا عندج لا الوضع يختلف ،،،، بس مااعرف والله شنو انصحج بس اليوم تزوج به ألطريقه بأجر كلما عطف على وحده تزوجهة مو حالة تكلمي معا انه متمسك بينه خلاص يكفي صح حقه الزوإج بس مو بهالطريقه
 
أحب حبك عسى ربي يوفقك ويكتب أجرك ههههه ماكنت بكتب الرسالة كذا بس جبتي لي أفكار ماشا الله عليك

والله أني صايمة وما انساك من دعائي بإذن الله
 
السعيدة بإذن الله

عندي منه ولد وعنده عيال من الأولات

والله كان مرتاح بس أمر الله والحمدلله كل حال


خليني آخذ حقوقي منه وما يهمني تزوج ولا طلق
 
اذا بغيتي مساعده ما راح نبخل عليك فدوه لكن الرساله اذا تحتوي اشياء خاصه بالخاص ارسلي
ودامك الفضله استمري ع كذا وراح تكوني المفضله دايما بإذن الله
ومشكوره ع الدعوات حبيبتي هذا اهم شي معاي والصايم دعوته مستجابه والحمدلله فديتك واكيد ولك مثلها ودعوة الملك اقوى
انا اذا بغيت شي ادعي لغيري ويجيني والحمدلله
ان شاء الله تبشرينا الغاليه بالاخبار الحلوه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل