مشاكلي الماديه

[جنان غايتي]

انا متزوجه. من ست شهور واعمل راتبي ثلاث الاف وزوجي راتبه ست الاف واتفقنا ندخر كل شهر الف بحساب. مشترك وطبعا زوجي عنده دين الفين ريال قسط يدفع كل شهر وهو قالي ندخر كل شهر علشان نسافر بالعطله لانه انا سافرت شهر العسل اربع ايام فقط ويقول انه بعوظني بس لازم ادخر معه انا كل شهر ادخر معه مع. انه مايصرف علي ريال الا الاكل والشرب اما مصاريفي الخاصه انا اصرف علا نفسي ويقولي اذا ترسمت اعطيك بس انا اكتشفت ان رجلي طالع من بيت بخيل مايطلعون الريال اهله بس انا افكر الحين بالزياده اللي راح تجينا من الملك الله يحفظه افكر اقوله مارح ادخر معك كل شهر وشرايكم انا متاكده ماراح اشوف ريال من الزياده علشان كذا افكر مااعطيه الشهوو الجايه وشرايكم مع العلم انه رجلي جنوبي غربي

 

[زوجة تـــوتـــو]

من رأيي لا تدخرين معه خليه هو المسؤول وفوق كذا مايصرف عليك لا والله خليه يصرف

عوديه على اخراج الفلوس حتى لو كان من بيت بخلاء على قولتك الحي عليه انه يصرف عليك

واذا انتي عادي ماتفرق معك من ناحية المصرف خلاص بس لاتدخرين معه انا ماأأيد ذلك

لان الرجل اذا سوا شي ماراح ينقهر الا انتي ......... والله يوفقك لما يحبه ويرضاه بس نصيحه

عوديه ان يطلع الفلوس بس مو تبذير .......... اقرأي قصة عطر الهمس

 

[ايفوريا]

حبيبتي فكره رائعه انكم تدخرون مع بعض
بس اذا هو زي ماتقولين بخيل
لا تعطيه
ياخذها في الاخير ماتشوفين وريال ولا حتى سفره ولا شي
ومو حال هذا عشانك موظفه تصرفين على نفسك في كل شي ماعاد الماكل والمشرب هو اللي يصرف ليش
تزوجك ليش عشان تصرفي على نفسك

 

[حزينه حد الجنون]

خلي تجميعك لحالك وهو لحال انتي ظامنه انه يحط معك في التحويش الله يكون في عونك

 

[ღ اُمـ رامي ღ]

انا رااي انك ادخرين لعمرك
يعني تقوليله الي بدخره راح يصير لي
دامك ماتصرف علي غير الاكل والشرب والي هو واجبك​

 

[ليالي حزينة]

عزيزتى خليه يصرف عليك مو لازم تقولينها في وجهه جيبيه بطريقة ثانية مثلا قولي انك داخله جمعية ومزنوقة شوي وما تقدرين تدخرين معه استخدمي كيد النساء حاولي تاخذين منه قدماتقدرين هذا واجبه لك​

 

[حلا شرقي]

لاتدخرين معاه ادخري بحساب خاص فيك وحاولي كل فترة تطلبين منه أي شي خاص فيك قوليله أبيه منك ولاتعودينه انك انتي بس تصرفين على نفسك هو رجال ومجبور يصرف عليك حتى لوكنت موضفه لازم تفهمينه هالشي

 

[مييسو]

توك في اول المشوار ست شهور قليلة عوديه كل شهر تطلبين منه غرض لين يتعود ويكون مصروفك عليه ليه تصرفين على نفسك وهو ملزوم بكره يجيك عيال والله ماتشوفين منه ريال تصرفين على العائلة كلها