مسلسلاتنا .. الخير يخص والشر يعم

[ركز معي]

مرحبا بنات​

حبيت اليوم اطرح معاكم موضوع يهمنا كلنا يمكن يكون مر في بالكم للحظات​

لكني اليوم ابي اثبته بموضوع مسجل يقرأ وينتقد ويناقش من خلاله سلبياته وايجابياته​

اعلامنا صار له أثر سلبي على مجتماعتنا واثر كبير بعد​

طبعا الكل عارف انه يقدم لنا القيم والاخلاقيات الفاسده على طبق من ذهب ​

وينشر السمعه السيئه عن بلد المسلسل المعروض لانه يخلي باقي الدول تعتقد ان كل البلد فاسده​

أول كل البلد نصابين , محتالين , مغازلجيه , بويات , جنوس , عاقين أو طماعين
وشعب يحكم على شعب ثاني بالفساد بس عن طريق مسلسل شافوه
بحجة < ماكو دخان من غير نار > ؟؟​

بعطيكم مثال واقعي :​

جتنا معرفه من أحد الدول الشقيقه زياره وأول مره تجينا الكويت ووصلت قبل اذان المغرب بساعه​

على ماقهويناها وهلا ومرحبا ونورتي وسوالف ثانيه .. الا واذان المغرب يقول اللــــــــــــه أكـــبـــــــــر
اللـــــــــــه أكبــــــــــــــر
ماشفنا الا والمره تشهق ماشاءالله ماشاءالله عندكم أذان ماشاءالله واحنا كل وحده تطالع الثانيه .. وش الغريب بالاذان ياخاله ؟ تقول ماكنت اتوقع عندكم مساجد
ووالله والله ماابالغ​

واعرف ان عدد كبير وليس الكل يعتبر الكويت بلد كلها خراب من كثر هالمسلسلات الفاسده اللي طالعه الا ما رحم ربي
بس اللي يجي عندنا ويشوف ويعاشر اهلها سواء بدو أو حضر يعرف ان الشخصيات المحاكاة في التلفزيون ماهي الا قلة قلييله ​

والقصه مو واقفه ع الكويت لحالها بس أنا عطيت هالمثل لانها ديرتي وأمون عليها
بس المسأله أعمق من جذيه
انتشر بالسعوديه والبحرين وبالخليج
وتعدا بعد​

هذيلا مايناقشون قضية بحد ذاتها لأ وألف لأ
اهما يستمتعون بالرذيله ويطلعون انها لذيذه وتونس صاحبها وتعيشه احلى سنين عمره لا وتبقى أحلى ذكرياته بعد​

عيالنا ؟؟ أزواجنا ؟؟ قيمنا ؟؟ أخلاقنا ؟؟ مبادئنا ؟؟
في خطر​

أتمنى أنكم أتفاعلون مع هالموضوع لانه للجميع​

 

[الليالي]

معاك حق

احنا مانعرف كيف قيم واخلاق شعب كل دوله
الا بمعرفه اهلها وطبعا مانعرفهم الا من خلال

الشاشه..الله يهدي شبابنا وشباب المسلمين
مشكووووورة ع الطرح واتمنى تفاعل من الجميع

 

[عطر طيبة]

معاكِ حق ياغالية

انا زمان لما كنت اتفرج على مسلسلات عربية>>> ويا بعد ذيك الايام:icon30:
كنت اقول لماما كيف هذولا ناس مسلمين ويسون كذا ؟؟
كنت مررة استغرب

قالت لي ماما انتي شايفة ان المسلسلات السعودية تمثل حياتنا؟
قلت لها :لا,قالت خلاص ولا الناس الثانية تمثل حياتهم

فصارت قاعدة عندي أي مسلسل لا يمثل شعبه
هذا الكلام قالت لي اياه ماما لما كنت في المتوسط
والحمد لله مقتنعة فيه

يعني الافضل كل أم تعلم اطفالها هذا الكلام عشان نبقى متحابين ومحد ياخذ فكرة غلط عن شعب مسلم ثاني


ايش رايكم؟؟:in_love:

 

[الخطأمني وفيني]

معاك حق حبيبتي للأسف هالاعلام خرب عيالنا وبيوتنا وهو معروف انه غزو فكري الله يكفينا شره

 

[*همسة*]

معاك حق في كلامك

الاعلام يفسد عقول الابناء

فعلا هو غزو فكري

نسال الله السلامة