مسج طليقي ........بعد ثلاث سنوات ؟؟؟

حسبي الله على كل ساحر وساحره يفرقون بين الناس وبين الاحباب الله يحرقهم بنار جهنم ويذيقهم العذاب في الدنيا والاخره يارب
 
يمكن زوجته بنت حلال وطلبت منه مايقصر على ولده بالمصروف بما نك انتي تربيه خلي هاذا الشي ببالك
 
اعتقد انه ناوي يرجعك والله اعلم اذا حاول يرجعك ارجعي له مدام انه بينكم طفل وكنتو تحبو بعض
 
ما ادري والله ايش يقصد بهذا المسج ..

تجاهليه لانه باااااعم وسمح لامه وخواته يفرقون بينكم

زوجك ضعيف شخصيه وما يستاهل تفكرين فيه ..

ونصييييحه اذا تبين شئ منه خلي ولدك يرسل له

عشان تقطعي جمييع وسائل الاتصال الممكنه معاه

عشان اذا يبي يرجع لك يدخل من باب ابوكي ..
 
اهلين اختي الله يفرج لك ويرزقك من عنده , بس الواحد يتعلم من التجارب اللي عاشها وانت قلتي ان اهله هو سب الانفصال فهذا يعني انه من الرجال اللي مايقدر يتخذ قراراته بعيد عن اهله فلو حصل ورجعتي له ممكن تنعاد التجربه مره اخرى فنصيحتي لك من اخت محبه لك الخير انك ماتعلقين نفسك به والصحيح انك تحبين نفسك اول شي بعدها ولدك فقط ام هو انسيه نهائيا لانه اختار طريق يكمل عليه بقية مشواره ام انت فادعي الله ان ينزع من قلبك حبه وشوفي حياتك مثلا ان كنت غير موضفه فابحثي عن وضيفه وان كنت كلك فركزي على وضيفتك وشغلك وولدك فقط وان الله ارزقك برجل مناسب فيه صفات الخير فادعي الله ان يسهل امرك معه ان كان فيه الخير لك , وفقك الله
 
بارك الله فيكن يا أخواتي ويعلم الله كلما قرأت ردودكن وجدت الثقة بنفسي تزيد سعادتي بكلماتكن أحسست بوجود أخوة حقيقية فيما بيننا الله يبارك فيكن وفي ذريتكن وأزواجكن والله يكتب لنا الصحه والعافية والرزق العظيم اللهم آمين .............
واللي يسهل ولادتك يا الغلا .................................
ويحقق الرحمن لكل واحدة فيكن ما ترغب به اللهم آمين ..........
 
والله عورتي قلبي ....

حببتي رسالته عاديه وما فيها شي ولا تفكرين فيها الرساله عاديه لكن لانج تحبيه راح تفكيرج بعيد

اما بالنسبه للولد ... لا تخدعينه وتقولي له بابا مسافر فهميه انه بابا خلاص ما يصير يعيش عندنا
لانه انا وبابا خلاص ما بنرجع عند بعض .... سمعت هذا الكلام من الدكتوره الغاليه ماما فوووز ...


فهمي الولد بهذا الشيء ..

اما ولد عمج لو كان صدق يحبج وشاريج ما بيسمع لاهله امنا يدل على عدم شخيصته والا كان وقف معاج ..

ولا بيسمع لاهله .. الله يخلي لج ولدج ويسعدج خيتووووووووووووووووووووووووووووو



كل الحب عيناويه خقاقه
 
اختي انتي متاكده من سالفه السحر وثانيا لانعلق مشاكلنا على عين وسحر فالقران ولله الحمد شفاء بين ايدينا انتي امشي بمايرضي الله وخلي الباقي عليه سبحانه ولاتقنطي من رحمة الله وحتى لوكان سحر فعلا لاقدر الله فانتي مظلومه وستنصرين ولو بعد حين اختي لاتبني امل الا بالله فلا تعلقي امل بطليقك ولاغيره فانتي لاتدرين مايدور في قلبه حتى لاتتعبي او تنصدمي به بل ادعي واستخيري وتوكلي
 
انتبهي تضعفي كللل الرجال كذا كذابين مو كلهم بعضهم
انتبهي تغلطي وتتجاوبي معه او ترسلي له رساله او اي شي ماعليكي فيه انتي ربي مابينساكي واذا كان مايبي يفقدك من اول مره تدخلو فيها اهله كان يقدر يوقفهم ولا رضي يطلقك حتى لو عن حب ويقرب لك لو كان شاريكي كان ماباعك وتركك وتزوج غيرك اختي انتبهي تردي عليه حتى لو برساله كذا الرجال كلامهم احيان عسل واحيان بصل بس الله اعلم من طريق كلامه يمكن كان مروق وقال خليني ارد عليها بأسلوب حلو بعدين انتي مطلقه يعني لو تفكري ترجعي له حرام يا اختي مايحتاج اعلمك اكيد لانه ماتجوزي له بعد ماطلقك الا لو تزوجتي غيره وتطلقتي ذاك الوقت تقدري ترجعي له
بعدين حلو انه انتظم بدفعه واهتمامه لابنه هذا الشي غصب عنه مو برضاه لازم انه لانه ابنه وهو ملزم عليه
الله يعينك خيتوو ويقويكي ويخليلك ابنك ويحفظه من كل شر ياااارب...
 
للتوضيح يا الغوالي طليقي مبتلي بالسحر والله يفكه عنه وشخصيته حيل قوية عند أهله ولكن سبحان اللي غيره وصار ما يشعر باتجاه بأي احساس ...........
قبل طلاقي وفي بداية المشكله زعلت عليه وسافرت لأهلي وجلست عند أهلي 4شهور ولا مسج ولا تلفون بيننا وفي ليلة تشجعت وأرسلت له رساله عتاب وبسرعة دز لي مسجات حب وغرام واعتذار وطلب مني الاتصال واتصل عليه ومن سمع صوتي بدأ بالبكاء وبكيت بشدة معاه وطلب مني الرجوع وأن طلباتي مجابه وفعلا رجعت له بدون شروط عشانه ولد عمي وأبو ابني ......
وطلبت من أحد أخواني بأن يوصلني له وبالفعل سافرت له مع ابني ويشهدالله كانت دموعه حابسها خايف من أخوي لا يتريق عليه ........وركبت معاه السيارة وضم ولده وانفجربالبكاء وهديت منه وصار يضغط على ايدي وكان وده يضمني حييييييل بس كنا بالسيارة والناس حولنا ولاقرب فندق حجز ومن سكر باب الفندق ضمني وصار يبكي ساعه ويقول احلفك بالله لا تجي كلمة الطلاق على لسانك ............
بالفترة هذه اهله ما كانوا يعرفون برجعتي له وبعد سفرتنا لمدة اسبوع رجعت لشقتي اللي عند اهله ودخلت بيت اهله واقسم بالله يا اخواتي ان امه واخواته انصدموا لدرجة كانوا يسلمون عليه وهن ساكتات ولا كلمة قالنها ..............
بعدها سافر لعمله وبعد شهرين طلبت منه السفر لاهلي وقال لما اجي من الدوام يصير خير ........
جا من الدوام وكنت دوم متعودة اقبله ويقبلني اذا رجع من الدوام واقسم بالله يا اخواتي سلم من بعيد وقال وين الولد قلت نايم والتفت لي وقال ما فيه سفرة عند اهلك واذا موعاجبك اطلعي من البيت وراح للغرفة ونام .............. وللعلم غرفة نومي ما نمت فيها من سنه ونص كنت انام انا وهو في المجلس والسبب كرهي لها من حملت بابني ...............
الحكاية يا بنات معمول لي عمل وحسبي الله على من حطت هالعمل اللي فرقني عن اغلى الناس اللي حبهم قلبي وحتى الان اكن الحب والغلا لهم وحافظة الود والحب اللي كان بيننا عشان كذا انا راجية من ربي يفرجي ويفرج له ويفضح الانسانه اللي فرقت بيننا وسعت في ذلك .......
 
أسأل الله ان يعوضك بخير و انقى و اتقى منه
اللهم آآآآمين
اللهم آآآآمين
اللهم آآآآمين ​
 
فرج الله همك أختي الكريمة ..

معذرة على السؤال فقط أردت أن أعرف إن شئت ِ ذلك :-

كيف تأكدت ِ أنه معمول لك عمل (( سحر )) ؟؟

 
انا مع كلام احدى الاخوات خلي ابنك يطلب من ابوه احتياجاته بشكل مباشر بدون تدخل منك...طالما عنده تلفون خليه يتصل على ابوه ويطلب منه بدون ما يكون لك كلام مع طليقك...وهو طلقك..يعني اتخذ قرار وهذا القرار بيده مو بيده امه مهما كااان..
 
فديت روحج..
أعرف شو معنى قلبج متعلق فيهـ
و أفهمج كثيـــــر من هالناحيهـ

بس حبيبتي لا تعلقيــن نفسج بوهمـ
..
.
و انا برأيي تتزوجيــن..
يمكن الزوج المستقبلي.. ينسيج ولد عمج و أكثـــــر
::
:
عسى ربي يفرحج قلبج بأحححلى خبر عن قريب
قولي آميــــن
 
الذمه على المشايخ اللي كانوا يرقوني بالرقية الشرعية كانوا يقولون انتي شاربة وماكله سحر والله العالم ...
 
حاسة فيك يا عمري ،،

وحاسة بفرحتك بالمسج ،،

وحاسة بالعواطف اللي ثارت بداخلك ،،

وربي قلبي معاك ،،

إذا تبغين نصيحة وحدة مجربة لا تعلقين نفسك بالمسج ،،

اذا انت فعلا حابة ترجعين له استغفري استغفري ليل نهار وخلي سبحتك بايدك عشان تتذكرين الاستغفار

وربي تنفتح لك الابواب المسكرة من تجربة والله العظيم وبدعين لي ،،

عسى ربي يسهل لك امورك يا قمر​
 
والله ياأختي أنت بموقف لاتحسدين عليه وطبيعي تحتارين فاانت أمام خيارين قلبك وكراكمتك نصيحه لاتتعلقين باأمل ولاتضيعي الفرصه على نفسك عيشي حياتك من وجهة نظر هو ولد عم قبل يكون زوج المفروض انصفك على هذا الأساس وحتى لو كنت غلطانه فرضا يصبر عليك ويقومك ويأخذ بيدك اولا لانك بنت عم ثانيا زوجه وثالثا ام |إبنه
اعانك الله .............واهم شي فكري بنفسك فقط
 
لاتشغلين بالك وتتعلقين بشي ماتدرين يصير والا لا..........عيشي حياتك طبيعيه الايام تمشي بسرعه وعمرك يروح بالانتظار.......
 
أختي الكريمة /

واظبي على الرقية , وأذكار الصباح والمساء , وتعاهدي الصدقة ,

وأكثري من ذكر الله والاستغفار ..

ولا تنسي الدعاء وقت السجود !!!!!

[[ شفاك الله , وألهمك تمام الرشد , وسخر لك الخير حيثما كنت ]] ..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل