مستشفى القصيم الوطني

[nset ansak]

السلام عليكم

عزيزاتي انا بكريه وناويه اولد ف القصيم الوطني لأنهم يسبون مستشفى الولاده عندنا وعنايتهم مو ذاك اللي

ف اللي تعرف احد والد او فيه او مجربه الولاده عندهم ومن افضل دكتوره وكم اسعارهم
تقولي الله يوسع ع اللي ترد ويفتح لها ابواب الرزق من عنده ولو برفع الموضوع

 

[m0na10]

وعليكم السلام


تصدقين نفس معانا تي


محتاره وين اولد

وانا بكررية حالي من حالك

 

[nset ansak]

الله يعينا اختي وييسر لنا

اهئ اهئ ماحد رد علينا
شو نعممممممممممل

 

[دمعه مشتاق]

الله ييسر للجميع
ماعندي فكره

 

[nset ansak]

مشكوره اختي
ردك يكفي الله يرضى عليك

 

[ملكة نفسها]

السلام عليكم
انا بصراحة ماجربت الا مستشفى الولادة عندي طفلين بس بعد الولادة الاخيرة حرمت اولد عندهم
انا سمعت عن الحبيب يمدحون فية كثير واسعارهم للطبيعي اعتقد5000
والوفا بعنيزة

 

[دموعي شي معتاده]

انا سمعت عن مستشفى الوفا بعنيزه فيه عنايه حتى وقت الكشف
يغطونك ويهتمون فيك اعتقد دكتوره اسمها امل
اما مستشفى البكيريه سمعت ان نفسهم خايسه

 

[nset ansak]

الله يرضى عليكم
ويرزقكم من حيث لاتحتسبون

 

[إنكساري شموخ]

انا مثلكم بكرية لكن انشالله ناوية على مستشفى القصيم الوطني
كثير اعرفهم يمدحونه .. ودكتورة نادرة سمعت عنها حلووة باكستانية

على العموم انتي ماراح تختارين حظك نصيبك منو تكون موجودة راح تولدك .. ربي يسهل علينا

 

[مدري ليش]

اب اب اب

 

[nset ansak]

آمييييين
جزاكم الله خير

يارب سهل ويسر

 

[الاموره القموره]

امممم انا كمــان محتاااره مثـلكم..بس انا الثاني..الاول ولادتي في الوفــاء حلــو مع ان ولادتي تعسرت كثيير..الحمدلله..بس سمعت انه متغيره معاملتهم هل صحيح؟
ياليت الي قـريب والده عندهم تعلمنا؟
اختي ..الوطني.. سمعت انه مـو حــلو ودايم فــاضي مافيه احد يعني يخوف تدخلين ما تلاقين احد..
الحبيب...كثير يمدحونه وانا الصراحه مـارحت له؟
الله يهـــون علينا وتيسر ياااارب

 

[الاموره القموره]

رفــــــــــــــــــــــــــــــــــــــــــــع

 

[حلاة الورد]

رففففففففففففففع

 

[إنكساري شموخ]

مستشفى الوفاء خالتي والدة فيه قريب وهاذي ثالث ولادة فيه

تمدحه كثيييييييييييييييييييييير ..


اما مستشفى الحبيب يسبووووووووون خياطته ودكتورة احلام
حذرتني منه قالت اذا بتولدين بستشفى خاصا فضل شي القصيم الوطني او الوفاء ...

الله يسهل على الجميع يارب..

 

[فتاة الخير]

مافي مثل عناية الفريح..صدق ان مبناهم قديم..لكن د: نوال ممتازة وهاديه حيل ..ويعتنون فيك الى ماتطلعين ..وخياطته ممتازة حيل..عليها زحمة من زمان..
دعواتكم لي بتسهيل ولادتي

 

[أم الأميـر]

والله مادري أنا مثلكم محتاره
واللي تعرف أحد أنجب بالوطني تخبرنا

 

[بداري5]

حتى انا زيكم افكر اولد بالقصيم الوطني
وصديقتي والدت فيه وتمدحه 00 والي تقول انه فاضي
انتي دخلتيه انا كنت اقول مافيه احد وفاضي ويخوف بس
يوم دخلته شفته مليااااان مراجعين ماصدقت عيوني
والي تقول فيه بكستانيه الضهر انه سافرت اخر مره رحت لمهم
قبل شهر قالو لي انه مسافره ورحت لسودانيه فاهمه وحبوبه
الله يسهل علي وعليكم وعلى كل مسلم ياارب تقومنا بالسلااامه

 

[إنكساري شموخ]

بنااااااااااااات انا بنت عمي والدة فيه قرررررررريب
عند الدكتورة نااااااادرة باكستانية وتمدحها كثير
وفيه دكتورة عروب جديدة
وفيه دكتورة زهرة تونسية مرة ممتازة
وفيه دكتورة سمية سودانية بعد كويسة

وطبعا فيه دكاترة رجال للنساء والولادة بس ماعندي خلفية عنهم

صدق المراجعين مو كثير عندهم بس.!!!! عنايتهم مرة حلوووة عن تجربة لاني كنت مرقدة فيه وتشرف علي دكتورة زهرة ... وان شاء الله ادا ولدت عطيتكم تجربتي .. ربي يسهل على الجميع

 

[الاستاذواضح]

تجربتي مع هذا المستشفى الخايس // القصيم الوطني
ارجو منكم قراءة الموضوع كاملا لفهم المشكله بهذا المستشفى وعدم دخوله او تشجيع احد على دخوله لاي سبب كان فمن واقع تجربة ادخلت زوجتي مستشفى القصيم الوطني في شهر10 من عام 1434هـ للولادة وكان اختيار هذا المستشفى بناء على بحث في مواقع الانترنت وكذلك سوال من جربه ومن لدية ولو معلومات بسيطه عنه..... القصه
دخلنا لقسم الطوارئ بالمستشفى وكانت الموجوده استشارية سودانيه لايحضرني اسمها وقامت بالكشف على زوجتي واخبرتني ان الولادة طبيعية ولا يوجد أي مشكلة ولله الحمد فقالت لابد ان تحول لقسم الولاده فورا لتوليدها فوافقت ووقعت اقرار الدخول بعد ان اقنعتني ان الولاده طبيعيه ولا داعي للقلق ابدا واحسست بثقتها العاليه جدا .. وبعد ان دخلت زوجتي لغرفة الولاده بدا التلاعب بي والتطنيش منهم فلا احد يرد علي ولا استطيع معرفة ماذا يحدث ولكن بفضل الله كان مع زوجتي الجوال واتصلت بها للاطمئنان فكنت اتواصل معها بالدقيقه وبالثانيه ايضا واعرف ماذا يحدث هناك بالداخل ..
لن اطيل عليكم القصه اكثر من اللازم فهناك تفاصيل كثيره واكتفي بذكر المهم والمفيد
الدكتوره قامت بخطأ فادح جدا وهو ثقب كيس الجنين بدون سبب حيث انه لا يوجد لاتبول من الجنين ولا يوجد بكترياء ونبض الجنين سليم ولله الحمد ولا يوجد أي داعي لثقب هذا الكيس بهذه اللحظه حيث انه قد يتسبب بولادة قيصريه وانخفاض نبض الجنين وبالفعل هذا ما حدث جاءت الدكتوره تركض والابتسامات تكسو وجهها وكأنها حصلت على بشارة مفرحة جدا فسألتها ماذا حدث لزوجتي فقالت لازم نبدا العمليه القيصريه الان فرفضت وقلت لها انتي قلتي لي ان الولاده طبيعيه جدا ولاداعي للقلق فقالت لي لامجال للرفض فنبض الجنين بدا بالانخفاض ولابد ان نبدا العمليه الان والتاخير فيه مشاكل ولايمكن اخراجها من غرفة العمليات رفضت وجادلتها بالموضوع وقلت انتم تكذبون وهمكم الفلوس ومن هالكلام ولكن في النهاية انا مضطر ان اوافق على العمليه حيث انهم رفضوا اخراجها نهائيا ونبض الجنين بانخفاض وبدأت بالعمليه وولدت زوجتي والحمدلله ..

بعد الولاده سالت عن زوجتي لا احد يجيب او يرد علي لا دكاتره ولا ممرضات ولا احد ولا اعلم عنها وماذا حل بها وبعد ما يقارب اربع ساعات اخرجوها من غرفة العمليات والحمدلله تطمنت عليها وعلى ما وضعت والحمدلله ..

زبدة الموضوع :
حاولت الدكتوره السودانيه ان تطمئني على حالة الولادة بالطوارئ قبل الدخول ونجحت بذلك .
وبعد الدخول والموافقه قامت باللعب بي والتحكم بي حيث لايوجد مجال للرفض بتاتا في حال قررت ان تكون الولاده قيصريه .
فانت بعد الموافقه والتوقيع بقسم الطوارئ على الدخول تكون سلمت نفسك للدكتوره وهي من تقرر خروجها او بقاءها وطريقة ولادتها .
عندما واجهتها بالموضوع بعد الولاده عن ثقب الكيس قالت احنا نسوي مع كل الناس كذا ؟؟؟ قلت يعني تكذبون بهالطريقة على الناس وتطمنونهم انها ولاده طبيعيه وفي النهاية يثقب الكيس وتصير قيصريه .. ادارت وجهها عني ولم تجب

بعد الولاده
بقيت زوجتي بالمستشفى لمدة اربع ايام تقريبا وقررت بعدها الخروج فورا للاسباب التاليه :
عطورات الدكاتره مركزه جدا تصدع بالراس بالرغم من انه تم التنبيه عليهم اكثر من مره .
عدم مسح الغرفة وعدم النظافه اطلاقا .
عدم الاستجابة لاي طلب منا .. فكانت زوجتي تحتاج الى غيار بسبب الدم وتبديل المتسخ من الملابس وغيرها وكانت الممرضات يرفضن ذلك .
تقدمت بشكوى لادارة المستشفى ولكن للاسف بلا فائدة حاولت جاهدا ان اقابل المدير الطبي ولكن لم استطع ذلك وحتى لو قابلته لا فائدة من مقابلته فهو لا يتحدث الا اللغه الانجليزيه فقط .

بعد الخروج من المستشفى :
كان الخيط للعمليه ردئ جدا جدا وذلك بعد الكشف عليها لدى عيادات المستقبل اكثر من مره .
التهاب العمليه بسبب ظهور الخيط بشكل غير طبيعي وبعد ازالته الحمدلله خف الالتهاب
لازال مكان العمليه واضحا بسبب الخياطه الرديئه

نصيحتي :
لا احد يروح لهذا المستشفى فبعد البحث تبين لي امور كثيره ومنها :
اغلب الاطباء من الرجال والنساء هم في الاصل مفصولين ومسرحين من مستشفيات اخرى لعدم كفائتهم .
اغلبهم يعمل بدون شهادة التصنيف التى لايمكن ان تزاول المهن الصحيه الا بعد الحصول عليها واغلبهم لم يحصل عليها حسب ما سمعته من بعض المراجعين بالمستشفى وما قراءته بمواقع التواصل الاجتماعي وغيره من المواقع الالكترونية

مبلغ الولادة الطبيعيه 6500 تقريبا للغرفه المشتركه والخاصه اعلى
مبلغ الولاده القيصريه 12200 اثنا عشر الفا ومئتان
للغرفه الخاصه والمشتركه اقل ب700 تقريبا


خذوا حذركم من هذا المستشفى ترا ما يبون الا فلوووووس وبس ولا يهمهم لا صحتك ولا شي اهم شي فلووووس