مساعدة عاااااااجلة

الحالة
مغلق و غير مفتوح للمزيد من الردود.
ما أعرف ليه انتي مالك نفس في مساعدتي هل لك وجهة نظر في الموضوع ؟؟ هل انتي شايفه انه بيطلق ؟؟ مع انك قبل تقولي هو سايبك تأديب فقط أنا مستغربه ترددك لا تلوميني .. أسألك بالله هل ترددك فقط لأنك حاسه اني مو متماسكه ؟؟ ما أعرف ليه عندي احساس ثاني ..

شموس أنا ماجيتك علشان تخبي علي وانتي سبق وأعطيتيني ف الوجه وعادي عندي وأنا متعوده ع أسلوبك ,, مافي انسان كامل هو غلط وأغلاطه الكل شايفها أقسم لك حتى أهله مصدومين منه .. وأنا غلطت لكن أتمنى انك تعطيني رأيك بكل صراحه أنا الحق حاسه فوق راسي مليون علامة تعجب من تغير اسلوبك الآن عن قبل اسبوعين ..
 
أخيرا الشريحه بإذن الله العشا وهي عندي والحمدلله ما أحد سألني ايش أبغى فيها ممكن لأني من زمان أزن عليهم أبغى شريحه لجوالي الثاني ..
 
الضوء المنير;(ممنوع كتابة أرقام الهواتف نهائياً) قال:
ياشموسة بالعكس انا مااتكلم معه بهالجمل ابدا
دايما اقوله انت احسن مني تعامل مع البنات
وحتى هو موجود لو طلبوا مني شي اقولهم بابا
بيسويه احسن مع انهم يقولون لا ياماما انتي الاحسن
وماارفع صوتي ابدا وهذا اللي خلاه يتمادا ويرفع صوته
اليوم تعبانه من قلت النوم بسبب تعب الصغيرة
وشغل البيت شافني تمددت جلس يبغى اشياء يقدر يسويها
قمت والابتسامة على وجهي مع انه داخلي ابغى اقتله
عندي اشغال اهم من طلباته اللي يقدر يسويها بنفسه
وجلس هو مدد رجلينه بين التاب والتلفزيون والجوال
وكان توه قايم من النوم،،،،بدل مايفكر ياخذ التعبانات
او يساعدني مو تصرف يقهر
أنقر للتوسيع...

ماشالله عليكي - هي هاذي الزوجة الذكية - استمري فترة من الزمن ولا تترجعي
 
خلاص شموس أنا قررت والقرار لله ما راح أتخذ معاه خطط وراح أسيبه براحته لفتره معينه ان رجع كان بها ساعتها راح أعطيك خبر بحيث تكوني معي في حال لو رجعت وأستفيد من خططك ..
وان قرر الطلاق كان بها وبكذا ما أكون فرضت نفسي عليه بحيث ما يحسسني مستقبلا ان أنا اللي غصبته علي ..

كل شي ممكن الاكراه فيه الا الزواج لأنه مستقبل وبناء أسره .. في حال رجع وراح يردني معززه مكرمه كان بها أما غير ذلك راح يكون أمامي قوله تعالي ( إن يتفرقا يغني الله كلا من سعته )
اللي يشوفني يقول مافي البلد الا هذا الولد .. بتصرفه حسسني انه آخر حبه ...

لا تلوميني ف كلامي عنه بس بجد أنا بذلت معاه كثير ومع ذلك انتي شايفتني اني غلطانه لمجرد اني خرجت من البيت .. بالرغم من اني رجعت له بنفسي وهو اللي خرجني وقال راح يتصل وما اتصل وجاب أغراضي وكمان قال راح أتصل وما اتصل .. أنا انضريت منه كثير في كل شي في دراستي ووظيفتي ومستقبلي غير سمعتي اللي شوهها عند أهله ..

لعلمك شموسه أهله بنفسهم معترفين بخطأه لذلك غريب انك مو شايفه انه غلطان .. كمان هو معترف انه غلط وهذا من ضمن كتاباته ولازال معترف بغلطه واني أنا فقط ما استحملته .. فغريب انك شايفتني الجبروتيه وهو الحمل الوديع وانه صابر علي ومتحملني ؟؟
 
أستودعكم الله الذي لا تضيع ودائعه .. وراح أوافيكم بأي تطورات في موضوعي قريبا بإذن الله ..

ولا تنسوا
وكم لله من لطف خفي ........يدق خفاه عن فهم الذكي
وكم امر تساء به صباحا.... ...وتأتيك المسرة في العشي
وكم يسر أتى من بعد عسر... ....ففرج كربة القلب الشجي
إذا ضاقت بك الأحوال يوما....... فثق بالواحد الفرد العلي.
تضرع للعلى فكل عبد ............. يغاث إذا تضرع للعلى
و لاتجزع اذا ما ناب خطب ....... فكم لله من لطف خفي
 
السلام عليكن يا مغرمات سوء شرقي او شمالي وسلام خاص لأساتذتنا المشرقة شموسة ?
انا الحمدلله بخير واحاول اتابع بصمت وسرعة ?
مشغولة في امتحانات الكورس الخاص بدراستي كان مؤجل واعتقد حان وقته الان ?
وأحاول اجهز في نفسي للاطروحة أبحاث ودراسات وووووو... ?
شرقيي ماشاء الله عليه بخير ولازال يرن في رناته على الفجر على المغرب .... المتخلفة اكل عليها الدهر ...
اعتقد انه زعلان مني اذا ماتغير الى الان ?لان والدته سمعت من وامي اني سجلت وادرس في كورس ورجعت أواصل دراستي بالتاكيد وصلت هذه المعلومة منها وانا قصدت ما اخبره ولا اتصل? هو رجع نهاية السنة اسبوع قابل اخوي مرة صدفة و سافر للعمل و الى الان لا حس ولاخبر....
??? ثانكس مغرمات على سؤالكم عني والله يعين شموسة عليكن ?
 
شموسة بسالك عن العدسات
كنت تنصحين فيها لزوجات الشرقي
مع اني اعرف انه شرقي يعني مايحب
التجديد،،،اخاف اشتريها واتوهق ويعطيني
كلمتين تعرفيني شمالية ومااحب احد ينتقدني
 
الضوء المنير جربي يا حلوة ما راح تخسري شي
اتوقع ضروري تكون عندك كم وحده عشان نفسك برضوا دلعيها ^_*
ممممممم كمان احس لو انتقد فأكيد عاجبو سيري بخطى ثابته
اي شي يقولك عليه خاصة في ذي الاشياء ردي بدلع =)
 
كنت من سنين وسببت لي حساسية وبطلتها
الحمد الله عندي ثقة عالية من صغري والا كان
ماقدرت استمر مع الشوشو
باحاول باقرب فرصة بدون مايكون معي اشتريها
 
من تجربتي مع الزوج الشرقي الشمالي ان التطنيش والتجأهل ما ينفع مع كل الشرقين حتى الشرقيين مختلفين عن بعضهم البعض والدليل تجأهلي له ادى إلى هجراني اكثر من اربع سنوات وانا الان رفعت عليه قضية فسخ عقد نكاح في المحكمة ومنتظرة المحاكمة الشهر القادم وهو بعد ما استلم الدعوة قبل ايام اتصل على قريبي ويطلب منه انو يقنعنا في حل المسالة بطريقة ودية ولكن رفضنا رفضأ تاما لانو انعدمت ثقتنا فيه .. هجران اربع سنوات انا مو لعبة عنده !!
 
طبعا هو اللي بدأ في لعبة التجاهل وانا عاملته بالمثل .. اول سنة ثاني سنة ثالث سنة رابع سنة يعني اربع سنوات وانا في بيت اهلي معلقة لا سؤال لا إتصال ستوووووووب خلاص رفعت علية فسخ عقد نكاح ايش رايك يا اخت شموسة في لعبة التجأهل !!
 
لا سأل عني في ايام حملي ولا في ولادتي وبنتي تكبر يوم بعد يوم ما يعرفها ابدا ولا قد شافها وانا واهلي صامدين صامدين صامدين إلين ما وصلت المدة اربع سنوات ونصف !! خلاص عرفناه ما ينفع معاه لا تجأهل ولا بطيييخ ما ينفع معاه إلا قانون يكسر راسه و تجربتي علمتني ان البوصلة الشخصية ما تنفع مع كل الشخصيات !!
 
قصر الرمال;(ممنوع كتابة أرقام الهواتف نهائياً) قال:
لا سأل عني في ايام حملي ولا في ولادتي وبنتي تكبر يوم بعد يوم ما يعرفها ابدا ولا قد شافها وانا واهلي صامدين صامدين صامدين إلين ما وصلت المدة اربع سنوات ونصف !! خلاص عرفناه ما ينفع معاه لا تجأهل ولا بطيييخ ما ينفع معاه إلا قانون يكسر راسه و تجربتي علمتني ان البوصلة الشخصية ما تنفع مع كل الشخصيات !!
أنقر للتوسيع...


قصر الرمال

طولتيها واااايد كان المفروض تصبرين عليه سنة وحدة بس

بس الي مافهمته كيف قريبه يبغي يحل الموضوع ودي
 
قبل اشهر قريبي راح عند زوجي وفهمه يا إمساك بمعروف وبشروط او تسريح بإحسان بس زوجي رفض وقال قريبي معناته حنوصلك للمحاكم وزوجي ما اهتم بكلام قريبي وبعدين حطيناه لامر الواقع ورفعنا عليه قضية ولما عرف زوجي بهذأ الشي اتصل على قريبي اللي هو الوسيط بينا وقال اقنعهم انهم يقفلو على قضيتهم وخلينا نحلها ودي باللي يبغوه طبعا قريبي رفض ﻷنه مقهووور منه تعب وطفش منه من كثر ما يتفاهم معاه وزوجي ما يتجأوب معاه وانا بصراحة قرفت منه ومن تجأهلاته لي حتى اهل الخير والإصلاح طفشو من زوجي وقرفوو منه وقالو تعبنا معاه وما ينفع معاه إلا القانون يعني التجأهل ما نفع معاه مع إنو شرقي بإمتياز
 
الحالة
مغلق و غير مفتوح للمزيد من الردود.
عودة
أعلى أسفل