تعديلي ع المشاركه السابقه لأن عليها اضافات
وكمان أنا ملاحظه شي في عائلته ينطبق عليهم الآيه ( تحسبهم جميعا وقلوبهم شتى ) والله العظيم تشوفينهم تقولين ايش الود والترابط لمن اتعمقت فيهم لقيت كل واحد يحاول ياكل اللي يقدر عليه ويكوش عليه وكل واحد يسدي بنصيحته للثاني طبعا النصيحه اللي ظاهرها خير وباطنها شر وهذا الشي اللي مكبر موضوعي كلهم جالسين يقوونه بشكل موطبيعي .. تخيلي لمن رحت لزوجي آخر مره مره يقولي حريم أعطوا أزواجهم ذهبهم كامل وماقالوا شي ( أنا عرفت قصده وقلت له ابعد عن اللي يحاولون التخبيب الرسول صلى الله عليه وسلم لعن من خبب علشان كذا انتبه من هذي الأشكال وأخوك افتكر ان زوجته أعطته ذهبها كله وما قالك انه عوضها أضعاف عنه بينما انت أخذت فوق 50 ألف ومع ذلك شايفني ولا سويت شي اذا هو عوضها أنا ماشفت منك الا قلة الحيا .. وأنا ما قارنتك بأزواج خواتي شوف اللي ماهم متوظفات وشوف كيف الدلع اللي عايشاته اذا انت بتفتح باب المقارنات انت ما بتسلم أنا أخاطبك واتكلم معاك حسب عيشتنا مو حسب ما الناس سوو أنا أسوي
أنا مشكلتي في أهله كل واحد يكبر في راسه الموضوع واني أنا ماارده وأبغى أمشيه بكيفي وان زوجاتهم النور والسلام مع انه عارف وهم كمان ان زوجاتهم ماهم مقصرين لكن الحق غالبا الخطأ من شخصياتهم هم ومن تربية أهلهم يعني وضع العائله نفسه موبوووووووووء ..
كمان حاجه : زوجي مهما أعطيته يشوفني ما سويت شي يعني ما يملا عينه الا التراب دايم يقولي شوفي اختي فلانه هي اللي كانت تصرف ع زوجها وكمان جابتله سياره ( أخته هذي أكبر من زوجها بكثير اتزوجت وهو باقي في سنه أولى بالجامعه وهي كملها موظفه فأغدقت عليه وكلنا عارفين ليه بس لمن اتخرج سحبت عليه وخلته يتوظف بالقوه لأنه اتعود ع الجلسه وظبطته معاها .. هو يقرب لها ) وشوفي اختي علانه هي متشاركه مع زوجها ف البيت والأراضي وشوفي أختك ( طبعا هو عرف من زوج اختي انها هي واياه متشاركين في بيت هذا الشي الوحيد اللي مشتركين قيه والباقي كل واحد له ذمته الماليه لا وكمان يحط لأختي مصروف ولكل واحد من عيالها مصروف شهري مع ان أختي موظفه.. وأختي زوجها جنوبي وهي شماليه ) وسبق وقلت له عن هذا الشي وانه مو معتمد ع راتب أختي بالعكس مو حاطه في باله ومجتهد تخيلي ماشاء الله عنده محلااات كلها بتوفيق الله ثم توجيهات أختي وكمان هو مجتهد وحرك عنده أكثر من وظيفه وزوج أختي الثانيه نفس الشي وهو عارف هذا الشي وكل مره أقوله شوف لك وظيفه مؤقته لو بألف ريال لا تعتمد علي .. قلت له أولا أنا لا تقارني بأحد لأني فقت كل أحد أنا ما قصرت عليك بشي ثانيا أنا والله أعرف ان العصمه بيدك لأن النفقه بيدك أما انك ترضى لنفسك المهانه وتبغاني أنا اللي أصرف عليك وانت في كامل قواك العقليه والجسمانيه وتعليم عندك وشهايد ودورات عندك لا وكمان تقولها بقوة عين فين راحت الرجوله ( طبعا هذا الكلام ما سبق وفشيت غلي فيه الا في الشهر الأخير قبل كنت أطنش واذا رديت تلاقينه رد لين عادي ) وبالنسبه للسياره بيكون طعمها أحلى لوكانت من عرق جبينك قبل قلت له ابشر اذا صرت دكتوره ابشر بالسياره تستاهل انت بتوقف معي في اكمال دراستي وبتسفرني وانا وقتها كنت صادقه .. ولكن الان بعد ما حطم أملي ف السفر والله والله علبة كلينكس كثيره عليه ما بالك سياره ..كمان قلت له انت ماشاء الله ماشفت الا اللي أعطوا رجالهم ماشفت أختك صرافة رجالها في يدها وهي مسؤوله عن كل شي قالي سلامات لا يكون بتقارنين نفسك فيها والله أنا ساعتها انجلطت .. مع العلم هرجت أخته هذي سبق وقالها لي بداااية زواجي ومشيتها قلت باقي ما يعرفني وأنا ما أعرف هو ايش يبغى ..
أنا أقولك شي ملاحظه بيتهم كذا الحريم هم اللي يصرفون وهم رجال بالاسم المشكله انهم ضباط ومدرسين يعني روااااااتب لذلك لمن اتكفلت بالصرف ما شافها انجاز شافه شي عادي ولمن سحبت البطاقه كلللهم قامت قيامتهم أحس فيه اختلال ف الفطره السويه عندهم بجد شموس أنا أبغى حل لهذي المشكله اني أصحصحه ان أنا اذا أعطيته تكرم واذا رفضت فكثر الله خيري .. هذا الشي مستقينه من كبيرهم ( الوالد طبعا ) ساحب يده من المصروف نهاائي بالقطاره يصرف وكمان كان ياخذ رواتب بناته وذحين يقول لعياله اذا اتقاعدت تحطون لي مصروف والله والله يا شموس تعرفين كم راتبه تبع التقاعد 20 ألف ريال هذا غير المعارض وتجارة الأراضي وووو وتخيلي وزوجاته عيالهم هو اللي يجيبون لهم الأغراض ..
حتى لمن جا ف الصلح كان بإمكانه يقول اذا الموضوع فلوس هذا 1000 ريال يا ولدي ولا تذلك الحرمه لكن جا بطولة لسان ليه ما تصرف أقسم بالله أحسها عائله عكس الفطره السليمه ...
حبيبتي طريقتك في الكلام معاه لازم تتغير -
ولا اسكتي احسن
وماعاد تجيبي سيرة ابوه مرة ثانية -
ومالك صلاح برواتب بناته - عقلهم في راسهم وهما حرات
ومو محتاجة تخبريه كيف يدور شغل -
هو يعرف كيف يتصرف امسكي فلوسك من غير كلام
انتي لك بنفسك فقط -
يصرف على حاجاتك في الحدود الطبيعية - وماتطلعي ريال لا على دوا ولا اكل ولا شرب ولا ملابس
يشتريلك كسوة مرة في السنة ولا كل 6 اشهر يصير كتر الله خيره
اما تبغي كل شهر نازلة السوق - نو
حتى لو تجلسي اسبوع جيعانة - حتى لو تروحي مستشفى حكومي اهم شيء ريال واحد ممنوع يطلع
وهو متكفل باكلك وشربك وملابسك - اعطاكي اشكريه وادعيله مااعطاكي اطلبي بالذوق والاحترام
مرة وثلاثة وعشرة وبكل طولة بال - الين يجيب اغراضك حتى لو بعد سنة
يعطي ابوه او مايعطيه - ماتدخلي ولا تهتمي تعرفي اصلا
تمام ياحلو ؟
