مساعدة عاااااااجلة

[مغرمة بالشرقي]

الله لايحرمنا منها وينور دربها ياااااارب

الله يسعدها ...
امين يا رب العالمين ...

 

[مغرمة بالشرقي]

مراحب بنات الشكر للغلا عقد لؤلؤ دلتني عالصفحات المثمرة..

قرأت الصفحات خلال ثلاث أيام وأنا أحاول ألا أسرع كي أعطي القراءة حقها وأستوعب بفهم أكبر..

مغرمة بشرقيها كيف حالك حبيتك وحبيت طيبتك وتغييرك لذاتك للأفضل..
شموسه كثير عجبتني شخصيتك وفهمك الدقيق لهالشخصية
فعلا هالشخصية ما تبي التعامل اللين السهل والحياة بالحب فاللي يبي يعيش معاها لابد يصير قوي وهذا الشيء الي أطور نفسي فيه حاليا ولا كنت أتصور بيوم أعامل بمبدأ المثل والتخطيط إنها حسب السجية والطيبة هذا ما كان بنظريفالناس أجناس سبحان الله..


غيمة المتفائلة
تابعت تطوراتك وتألمت لأجلك وثقي أن الجميع يأيدك تأخذي حقك لكن مثل ما قلت شمس بالأسلوب المناسب وهذا كله يحتاج الصبر
وتذكري إنما يوفى الصابرون أجرهم بغير حساب ..


عقد لؤلؤ
ربي يقويك وتستردي بيتك وعيلتك وتكون حياتك سعادة..


وبقية الأخوات الي أثمروا الصفحات بتجاربهم وتفاعلهم ربي يزيدكم من فضله..

هلا وغلا سدرة
الحمدوالشكر لله ههههه وانا حبيت نفسي اكثر بعد التغيير كان امتحاني الاول و اتمنى النجاح والتفوق في المستقبل في بيت شرقيي الامتحان الثاني الله يقوي كل البنات على شرقيييييهم وألف شكر لكل هذه التجارب والمشاركات لها دور فعال في تغييرنا الى الأفضل ...

 

[كونتيسآ]

يا اختي كونتنيسا لو تتركين زوجك شوي والركض وراه وتفكري في نفسك وتقربتي لله اكثر كان ارتحتي
انسي زوجك ما يستاهل كل هالحب انت اولى به منه
معك من كل شي ولحمدلله فليش تركضين وراه مايستاهل وااحد مثله تركضين وراه
خليه هو اللي يركض وراك ابتعدي عنه فترة طنشيه لا تعطيه كل الحب اتذبلي
خذي اجازه نقاهه لك طنشيه ولا تعطيه من الحب ولا تركضي وراه وورا اتصالاته ولا تقولي له احبك وتتغزلي فيه
عيشي هالاسبوع لك انت بس حتى اولاد شوي طنشيهم هو مسؤول عنهم مثل ما انت مسؤول عنهم
خليه يتحمل شوي مسؤوليتهم ويعرف مصاريفهم ويتعب معاهم
انت اخرجي شوي من حياته وزوجته
راح تقتلي نفسك ع واحد ما يستاهل كل هذا الحب واحد كذب عليك وللحين تركضين وراه

رحت اليوم وسجلت بمعهد اخذت دورة كامبرج
مدتها 3 شهور فرصه ارتاح شوي
وبالنسبه يوم تقولين انساه والله ودي
وهذا انا اشتغل ع نفسي واذا طلع من عندي مارسله ولا اتصل
الاولاد اذا بغوا شي خليتهم يدقون عليه واذا هو مو عندنا اتعب
والله معهم تعرفين العيال هوشات وزعل والله احيانا ابكي بيني وبين نفسي
وسبي وقلت له اولادك مسؤل انت عنهم في يومها انا تعبت معهم قال اي شي يسوونه
دقي علي بس اتفاهم معهم ..
حبي له عشرة عمر وللاسف ماقدرها شوي شوي وانسى
عشان كذا رحت اليوم وسجلت بمعهد اول خطوه لنفسي وذاتي
وان شاء الله اتعرف واكون صديقات

اشكرك اختي احب حبك ..

 

[مغرمة بالشرقي]

مساء الخير - سدرة الشرق -

( يقف أمام مول ويقول سأعود يخرج ويعود ولا أسأله بتاتا )

حلو استمري

(طلبات أريدها أقولها حتى لو كنت متأكدة من الرفض )

حلو ستمري برضه


(فيتجاهل بدون سبب ولا تجاهل كبيير إنما مثلا يمسك اللاب توب ويقضي وقت طويل إلى أن ينام أي لا أريد الجلوس سويا..
أو تقولي كلام ولا يرد يعبر بالصمت وإذا أشعلتي الوضع بكلمة أو تصرف بيهج ويزيدها )

انشغلي بجـــــــــــــــــــــــــــــــــــــــــــــــــــــــد

بــــــــــــــــــــــــــــــــــــــــــــــــــــــــــــــــجد

بـــــــــــــــــــــــــــــــــــــــــــــــــــــــــــــــــــجد

مش تمثيل –

انشغلي وابعدي عن طريقه

هذا الشيء يكون فترة مش بسيطة 6 اشهر –9اشهر – سنة

حتى يظنك بجد

رميتي طوبته – ولا عاد صار يهمك

وقتها بيسيب كل اشغاله و يجلس معاكي –

ههههههه اكثر شي اكره التجاهل والله اشهر لدرجة تنسين انك مرتبطة !!!
(الاتصااال وهذي مشكلة كنت أعاني منها كثيير ولا زلت وخربت كثيير من أوقاتي سواء قبل الزواج وبعده وخصوصا يوم يسافر أو أكون مسافرة
تعبت من هالنقطة كثير ولو كنت أعرف كيف أستغل هالنقطة كان تقدمت عليه بمراحل لكن هو فاز .. فمرات سفري ينكدني فيها نكد بسبب الاتصال فلا يرد علي ولا يعطيني تجاوب لما يتصل ،، والنقطة الثانية بالاتصال دايما وأبدا عنده إذا ما رديت عليه من المرة الأولى ما يرد ع اتصالي أبدا لو شو ما صار ولا يعيد الاتصال فأنا أريد أفضل طريقة لردعه من هالناحية كيف أضبط عقليته مع الاتصال لأنه موضوع سهل مو لازم كل مرة أكون جاهزة أرد ولا العكس ..)

آآآه ياقلبي

حبيبتي –

نفس الوضع الي فوق

انتي مهتمة

يتصل فيكي

اكثر من مرة

يعني باينة حتى الاعمى فاهمها

وحتموتي عشان يكلمك ويركض وراكي

وطالما انتي مهتمة فعمرك ماراح توصلي لشيء

بطلي تهتمي باتصالاته –

حيبطل هو حركاته

حيعرف انك بجد مايهمك- اتصل ولا لا ؟

دق مرة ولا دق عشرة ؟


– يوم تبطلي بجد بجد بجد بجد بجد بجد بجد بجد بجد بجد الجد تهتمي بالاتصال


حيصير يركض وراكي عشان تردي – وهذا مو يوم او يومين ولا شهر ولا شهرين

هذا ياخذ فترة طوووووووووووووووووووووووووووووووووووووووووووووووووويــــــــــــــــــــــــــــــــلة لحد مايظن انك بجد لما
نعم شموسة طووووويلة وكانت هذه مشكلتي الاساسية ههههه وكانهم تونز يا قلبي شرقيين نفس الماركة المسجلة !!!
تروحي عند اهلك تنسيه وتنسي
قبيلته -

ولما يتعصب ويسألك ليش ماصرتي تهتمي

خذيه على قد عقله

ولا تشدي معاه - مو انتي اخذتي حقك

فأاكيد حيتنرفز

اتمنى هذه اللحظة مع شرقيي يتنرفززززززز وانا كووووول يا رب
(هالمرة قال شو رأيك تزورين أهلك فقلت عطني فرصىة بفكر لين بكرة وبديت أحاول أغير من أسلوبي وطريقتي معاه حتى يكون مع الاسلوب والطريقة التي تناسبه ويفهمها رديت أني أكيد اشتقت لأهلي بزورهم بس ما أبي أطول
وهو حاب أني أجلس فترة طويلة إلى قرب الولادة يعني باختصار أنو أنا عادي عندي تطولين بس ما تبين..)

اوعك
اوعك
اووووووووعك تتركي البيت

اوعك واياكي يا اختي تتركي البيت –

الغي السفرة واجلسي في بيتك
؟؟؟؟ وضحي شموسة السبب
(الحين طبعا مع الوقت صرت أبي أقرصه من هالناحية كمان فقلت لا بروح وبطول عند أهلي لين ينطق أبيك ترجعين مش كل مرة أترجاه يجي ياخذني..)

الغي السفر ولا تتركي بيتك

مهما صار

لاتتركي بيتك

مهما حصل

لا تتركي بيتك

ابدا ابدا –


اجلسي في بيتك واولدي فيه وكلمي اهلك

(وأريد شو أسوي بالنسبة للتواصل والاتصال معاه لأنه حسب أسلوبه بيتصل مرة وحدة باليوم وغالبا وهو بطريقه للدوام وكلمتين ويسكر وغالبا يقول برد أتصل بالليل ومعظم المرات يسحب ويقول انشغلت أو رقدت والجوال عالشاحن المهم بغير أسلوبي معااه بحيث ما تصير توترات تكبر الجفوة وتكون السفرة مفيدة لي وله...)
ابغى اكتبلك شيء بس اوعك تزعلي مني - ممكن ؟


ماااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااالت عليكي


مااااااااااااااااااااااااااالت عليكي ياشيخة
?? مالت على كلنا البنات في موضوعي نفس التفكير للحين غير متوحشات ?
كل ذاالركض والجري و الاهتمام عشان مكالمة ((((((خمس دقايق )))))
يعني اللعوزة هاذي عشان تكرم طويل العمر وصار يدق عليك يوميا خمس دقايق
وانتي مش مصدقة نفسك

انه طويل العمر صار يتصل يوميا خمس دقايق –

ومهمومة ومضايقة ومتحسرة ومخك ضارب وشعرك صار ابيض

عشان الخمس دقايق ؟!!!!


– آآآآآآآآآآآآآآآآآآآآآآآآآآآآآآآآآآآآآآآه ياقلبي

يابنات قلبي حينجلط


ليش حبيبتي ؟

ليش تهتمي بذا الشكل بمكالمته؟

- ليش؟

ليش ؟
لييييييييييييييييييييييييييش ؟

وايش بيكلمك يقول ؟

هي كلها ماجات دقيقتين –

يفرسك ويحرق اعصابك ويموتك من الشوق والانتظار

لا وكمان يرميلك موعد ويسحب – يعني زي الي بيعلقك بقشة عشان تنتظريه حتى وانتي بعيد

ليه ياروحي تعملي في نفسك كذا ؟؟



* الأمر الأخير دايم يتهمني بنقص العقل وبدون مخ وألفاظه القاسية في عدم التفكير وأوضح له أني أفكر بعاطفتي لأني أنثى وأنت ذكر وهذه طبيعتي ويجب أن تفهمها لكن كل الأساليب م انفعت معه

والله ماالومه


* ينبهني دوم عالأشياء الي تناسب شخصيته يعني لا تتلصقي ما أحب كذا ، لا تعتذري ما بقبل أبدا لو شو ما صار...

طويل العمر بيبرمجك
وضحي شموسة قصة البرمجة هل كلامه مهم او اطنش ؟؟

مشكورة عزيزتي سدرة الشرق تفاصيل مهمة ذكرتيني بأيامي الغبية وهم الاتصال المفقود !!!

 

[مغرمة بالشرقي]

اخص عليكي - والله ظنيتك اقوى من كذا

اقعدي في بيتك الين تجيكي الام الولادة وحطي ايدك في ايده وروحي المستشفى

هو ابو البيبي ومسئول عنه وعنك -

وبعدين تبغي تروحي لأهلك وانتي معبية الكرش ؟ طيب روحيلهم وانتي بطولك وقوية وبدون حمل

تروحيلهم وتتركي صاحب الشأن المسؤل الاول عن الي في بطنك يدور ويهرب من التزاماته

واهلك يشيلوا كل المسؤلية ؟

ماظنيتك تتأثري بشوية حبسه فارضها عليكي عشان يخليكي تهربي وتتركي الجو له فاضي

كوني قوية وقولي انا مسافرة بس اهلي يخلصوا من النقل ولا امي مسافرة وحترجع بعد فترة ولا تخبريه

حترجع متى؟ وكل مايقول يلاه قولي : يلاه وسوي بتجهزي الشنطة وأجلي - اعملي تعبانة وهكذا

الين يجي وقت الولادة ويشرف ولي العهد في ظل وجود ابوه طويل العمر وترجع صاحبة السمو لبيتها

وطويل العمر يتعود على وجودها وانه صاحب مسؤلية

عزيزتي والله انا مع نصيحة شموسة كلامها عين العقل والمنطق ضروري يتحمل مسؤوليات شرقييك ...

 

[مغرمة بالشرقي]

تعرفو يابنات جد استغرب منكم الوحدة تروح بيت اهلها تولد وتقضي
فترة النفاس فيه ليش????
تتركي زوجك لمين? ??لصاحب سوء يحط براسه ولا للفراغ القاتل
والاشياء اللي مو زينة كلها تيجي من الفراغ...
طيب وايش استفدتي? ??
هذه مسؤوليته هوا ابو البيبي وملزوم فيكي وفيه بكل شيء ليش
ما تحمليه المسؤولية ???
والله لو شو ما صار ما اروح بيت اهلي وانام بره كمان يا عيني ...
رجلي علي رجله علي المستشفى خله يشوف عذابي...
قال اروح بيت اهلي واخليه قال في مثل عنا يقول
من غابت عن مخدتها غابت محبتها...ام الأمثال صرت
ههههه..

اعتقد قضاء فترة النفاس عند الأهل بسبب التعب والام محتاجة مساعدة
بالمناسبة شموسة كيف اقنع الشرقي بالخادمة؟؟؟
ومن كلامه في الاول غير موجودة الفكرة الى الحين لم نبدأ النقاش في الموضوع ...

 

[طموح حلم]

أختي عقد
هي صعبة أنه تمسكي نفسك لكن هذا الشي فيه مصلحه لكي
اذا كنتي بغاي ترجعين
أنا في أمس الحاجة لزوجي بس أمسك نفسي
وآخد قرآن وأقرأه حتى تهدى نفسي وانسى الموضوع
وفي الأخير اذا كاتب لك ربي الرجوع راح ترجعي لو تجلسي مئة عام
لذا عزي نفسك يعزك الله والناس
وريحي بالك واهتمي بنفسك حتى اذا رجع ينبهر بك
والله الحين أنا مركزة حيل على نفسي قاعدة أطور فيها
اهتم بشعري وبجسمي وأتعلم طبخات جديدة
تركيزي كله على نفسي وكيف أطورها وأصبح أفضل
وأنصحك نصيحة أنا كنت أسوي خطأ كبير
كلما يتكلم معي في الي صار بينا كنت أعايره كثير
واستهزأ به وأجرحه وأنتقص منه ومن رجولته
وهذا نتيجة الي سواه فيني والكذب الي كذبه علي ردة فعلي قاسية جدا
تصرفاته تقف أمام عيوني وأطلق فيه سميي
قسم بالله عمره ما جرحني هو يقول انتي تسوي كده وكده يعني تصرفاتي
بس ما ينتقص مني أو من شخصيتي نهائي
بالعكس يمدحني عند أهلي أو أي أحد يعرفني
ابغى أقول لك خليك من العتاب لأنه يمكن تجرحيه بكلامك فيبتعد
انتي لا تكلميه أصلا لا مدح يشوف نفسه ولا ذم تجرحيه
خليك غامضة ما يعرف أي شي عنك
لخطبتي كيانه
لا تسوي مثلي كلما يبغى يقترب ويختبرني اعطيه من مجامعه فيبتعد
تدرين أنه لما اتصل بأهلي وسوس لي الشيطان وقالي ارسلي له رساله
وقولي له لا تجي عند أهلي حنا ما نبغاك كل شي انتهى
شوي قلت انتي مجنونه تبغى حليمه ترجع لعادتها القديمه
سكري حلقك رجع الشيطان لك مثل السابق ويبغى يخرب كل شي زي كل مره
اذا يجي خليه بكيفه
المهم مو انتي الي قلتي له تعال
خليك منه لأهلك هم الي راح يتصرفوا معاه
أخيرا عرفت أنه الشيطان هو كان سبب مشاكلك كلها وهو الي يدفعني اليها
الحمد لله صرت اتحكم في نفسي وأميز بين كلامي ووساوس الشيطان
قسم بالله بمجرد ما تفتحي كتاب الله وتداومين عليه تصير عندك حكمة في الأمور
وتعرفين كيف تتصرفين بدون تهور وتتحكمين في أعصابك
عليك بكتاب الله ينور لك طريقك وتنفتح لك البصيرة
ادعي أختي ربي يفتح لي قلبي وعقلي لحفظ كتابه بتدبر
الحين حفظت حزبين من البقرة عقبال الباقي
انشاء الله انشاء الله انشاء الله

ماشاءلله تبارك الله عليكي الله يزيدك حلم وعقل وإيمان ويسعدك في الدارين ياارب
كلامك جدا " مرريح , تصدقي انا كنت متهووره وعصبيه واخرب كل شي في لحظات ماعندي صبرر ابدا لدرجة اني لما اعصب اقول كلااام والله ما اتذكر نصه بعد ما اهدى ولا حتى ليش سويت كدا فعلا فعلا وصلت للمرحله دي وانا كنت زمان معتبره المرحله دي مستحيله , لما اشوفها بغيري استغرب معقووله مايدرو عن انفسهم
بس دحين عرفت ايوا فعلا لما الواحد يوصل لأقصى حد من احتماله وينسى انه له رب يدبر اموره يصير فيه كدا بينه وبين الجنون شعرره
لكن الحمدلله لك ياارب من بعد ما من علي ربي بالحج السنه دي و رميت كل الدنيااا ورايا هناك وتقربت من ربي ودعييت يربط ع قلبي ويجعل الآخره همي ولا يفتنني بالدنيا ولا يجعلها اكبر همي ويجعل كل ما اشوفه من زوجي وباقي البشر بردا وسلام على قلبي زي ما جعل النار بردا" وسلاما" على إبراهيم ويشغلني بطاعته وذكره وشكره

والله شفت ثمارها الآن كل ماهددني زوجي يكنسل مشاريعه معايا حتى مصروفي هدد انه يقطعه عني ارد بكل برود افعل ما بدا لك ماعاد يهمني من الدنيا شي اللي ربي كاتبه لي بيجيني الله الرازق حسبي الله ونعم الوكيل وكلت اموري كلها لله ربي بيعوضني الخير القاها بالجنه ان شاءالله واكمل يومي مطمئنه ومرتاح قلبي
تغيرت عن اول كنت اذا هددني اخاصم واتوعد وارعد سويها وتشوف او افلتها بكااء لأيام وكل ماشفته اترجاه شويه وراح ابوس رجوله

ياااا الله ياغبااائي وكنت استغرب ليه ربي مايصلح حالي مع زوجي كل ما ادعي لأني علقت قلبي بمخلوق وربنا يغار على قلب عبده إذا كان للخلق يضيق عليييه لين يصير قلب عبده خالص لله وحده جل في علاه ربنا مو محتاج لنا احنا اللي نحتاجه بس غلطتنا اننا انحرفنا عن الفطره السليمه اللي المفروض تكون قلوبنا معلقه فقط بالله ولله ساعتها راح يكفينا كل ششششئ يغمنا ويحزننا

ما انكر فيني الآن نسبه من التهور بس احسن من اول بكثيير كل ماحسيت قلبي بدأ يضيق اقرأ سورة البقره وسورة يوسف واتجه لربي افضفض له بأي وقت حتى لو صادف صلاة فريضه وانا مهمومه بسجودي ادعي له اطلع اللي بقلبي وارتاح

*كلامي دا والله ماقلته اقصد رياء او سمعه لاا فقط تأكيد ع كلامك و ذكر تجربتي للتشجيع فقط
بس فعلا ياابناات اولا" و أخيرا" الأمور بيد رب العبااد مهما تعلمنا وطبقنا كل الأمور ترجع له يصرفها ويدبرها كيف يشاء بحكمته وعلمه وحده سبحانه ما اقول مانتعلم الا نتعلم لكن نحط في بالنا هي مجرد اسباب نتخذها وباقي الأمر بيد ربنا سبحانه حتى لو ماصار الشئ وفق توقعاتنا تبقى خيرة ربي ورحمته بنا

ومبرووك حفظك للحزبين و عقبال تختمي حفظ القرآن كامل و يرزقنا حفظه مثلك ياارب

 

[طموح حلم]

شموووس ابغى اصييير متوووحشششه محد يقدر لي لا زوجي ولا اهله ولا سلفتي ولا ايي احد ثااني ابغى لي هيبه واحترام يحسبولي الف حساب قبل مايفكرووو يغلطو
بلييز ساعديني اتغير زي ما ساعدتي البنات



والله ماقصرتي اعطيتينا من وقتك ونصحتينا شكرررا" لك ربي يسعدك في الدارين ويسخر لك زوجك و ذريتك ويجعلهم قرة عين لك

 

[ليالي شرقية]

جزاك الله خيرا أختي واثقة بالله ويسر أمورك وأصلح حالك ورد اليك زوجك ردا جميلا أنت وجميع الأخوات هنا في هذا التجمع وكل أخت تعسرت عليها أمورها
فعلا كلامك لا يعلى عليه وبركة سورة البقرة سبحان الله لا يحس بها الا من جرب وحارب لأجلها لأنها فعلا حرب تقوم بين العبد وبين الشيطان
حسبنا الله العظيم لا اله الا هو عليه توكلنا وهو رب العرش العظيم

 

[عقدلؤلؤ]

ما شاء الله تبارك الله أختي واثقه بالله الله يزيدك ثبات يااارب .. ويرد كيد كل من أراد بك كيد يااارب العالمين والله يسخر لك قلب زوجك بحوله وقدرته يااارب ..

الله عز وجل أمرنا بالتوكل والاستخاره في الأمور كلها وكذلك الاستشاره أنا معاك ان والله النافع الضار هو الله عز وجل أنا كذلك قبل زواجي استمريت ع قراءة البقره وقيام الليل وسبحان الله في هذي الفتره ربي سخر لي زوجي وأنا أساسا أعاني من حسد شدييييييييد في وضيفتي من قرايبي وزااااااد بعد زواجي فأي شي يخص وضيفتي تلاقي مشاكلي تدور حوله وأنا حاسه انه فيه شي بيني وبين زوجي سبحان الله الفتره اللي أقرأ فيها البقره حتى لمن كنت عنده ف البيت تلاقين حياتنا كلللها سلام والله اني ألاحظ بعد فتره من قراءتها وهو كمان ينتبه واذا تركتها ما نطول وأحيان في نفس الليله تجي مشكله لاهي ع البال ولا على الخاطر وأرجع أقرأها .. سبحان الله الليله اللي قبل أخرج لبيت أهلي لمن كنت عنده رحت أفرش أسناني واتمضمض الا تطيح من فمي سنه من فين جات ما أعرف والله العظيم ان هذا اللي صار وأعطيته ووريته قال خلاص سيبيها ع جنب نروح لطبيب الأسنان ونشوف مع انها مو من أسناني وقتها أخذتها ورميتها وهو خاصمني بس ما أعطيت الموضوع بال .. سبحان الله اليوم الثاني قامت القيامه ورحت لأهلي وسبته وجبت السالفه لأهلي انقهروا قالوا لو جبتيها ورحنا لشيخ أكيد فيك شي ( وأنا بيني بينك متأكده ان فيني شي وف زوجي زوجي اهله وأصحابه كثييير حاسدينه علي وع وظيفتي وقبلها فلوسي وانه صار يلعب بالفلوس ) ..
أنا أعرف ان اللي بيني وبين زوجي حسسسسسد وحسسد شدييد كمان .. بس اللي أبغى أقوله ان ربي قال توكلوا يعني أنا صح أدعي وأعرف ان النافع الضار هو الله ومفوضه أمري إلى الله وحتى لو ما فوضت أمري أساسا ايش بيدي أسوي .. أنا مكتفيه بالدعاء لأنه أقوى سلاح بيدي وأدعي الله ان الله يسخره ولو رجعت له من يومها حاطه ف بالي نروح لشيخ يقرأ .. بس لا تنسين جانب الاستخاره والاستشاره أنا ما أكذب عليك ما أحمل الحسد كل شي لأني أعرف نفسي انسانه ع الفطره وهذا النوع ما يمشي في الحياه فكان ولا بد اني أنمي نفسي وأطورها وأستغل فترة جلوسي عند أهلي وأتعلم وأتقرب من الله ...

أنا ملاحظه شي في حياتي اذا كنت عند أهلي تلاقيني محافظه ع الصلاه وداائما واضيه وأستغفر وأتحصن أما اذا رحت لبيتي والله أحيان أهمل في صلاتي فأحس ربي يبتليني ..

 

[عقدلؤلؤ]

خلاصة كلامي ان احنا مو لازم نغفل جانب التثقيف خصوصا مع نوعية رجالنا لأنها نوعيه متعبه والتعامل معها لا بد فيه من الذكاء والحيله وطوووووووولة النفس لأنهم فئه تطبخك وهي تضحك .. ما شاء الله تبارك الله الله يبارك لك أنا ما أتوقع زوجك شمالي شرقي أبدا .. أنا زوجي لو أعامله مثلك وأعايره ومدري ايه أقسم بالله كان طلقني من زمان أنا مراعيه ألفاضي معاه ومحترمته واذا زعل أحيانا أراضيه يعني مستحيل هو يراضيني ولو راضاني وكلف ع عمره يجي يقولي انتي غلطانه عاد ساعتها المفروض اني أشكره .. المهم مالك بالطويله أنا حاليا لي شهر نهائيا قاطعه التواصل معاه لأنه طلب مني ما أرسل ولا أتصل بحجة انه كم يوم ويرد وحاليا لي شهر فأنا سايبته ع راحته بس ما أعرف كم بتجلس فترة الخطوبه هههههههههههههه

 

[طموح حلم]

يا الله قصتك من جد اثرت فيا بكيتيني معاك والله استشعرت حياتك وحالتك كيف كانت

مشاكلك تشبه مشاكلي مع زوجي والله اغلبها تااافهه جدا (سوق وفلوس ومقاضي وليه سهرانه و غيره و وسوسه انه كل واحد فينا جالس يخون الثانيو غيييره كثير) الحمدلله من رمضان اللي فات بدأت تخف مشاكلنا عن اول بكثير قبل كنا نطلع المشوار مبسوطين ورايقين فجأه بنص الطريق ولسى ماوصلنا لوجهتنا نرجع بس عشان كلمه تافهه او حتى بدون اي سبب مو شرط كلام ينقلب مزاجنا ونتأفف نرجع طريقنا للبيت زعلانين اليوم اللي بعده نصحى مستغربين ليه ماكملنا مشوارنا ونتسامح بداية زواجي كنت مهتمه ببيتي ونظافته وفوق ما اشتغل وانظف وانا حامل يجي زوجي البيت نظيف ماعندنا اطفال لسى يقول ماسويتي شي بالبيت وسخ زي ماهو احلف له شوف والله نظيف كل شي بمكانه الأرضيه ممسوحه والدواليب والمرايات وكل شي مرتب بمكانه حتى الأبواب مافي نتفه غبار وفوقها مو شاايف شي صرت بعدها اعااند واهملت البيت بجد عشان يبطل اسلوبه وهو اعند مني لدرجة نوقف قدام بعض ونسسسب سب شوارع ما كأننا زوجين ولا حتى نعرف بعض كلام ماكنا نتجرأ نقوله قذف ببعض

الآن بعد الحج يارب لك الحمد بدأ يتغير زوجي حبتين بس برضو العصبيه لازالت موجوده لكن اخف المشاكل لسى برضو اخف من اول والله ما اسوي نص شغلي اللي كنت اسويه بداية زواجي الحمدلله يكون زوجي راضي بشغلي بالبيت (زمان كنت اهلك نفسي واطيح مكسره من التعب )

اعترف كنت زيك صح ما اسمع اغاني والصلاه مرات مو بوقتها يعني ماكنت مواظبه عليها الله يغفر لنا ويتوب علينا يارب

بفتره في سنه من السنوات بعد زواجي ومع المشاكل اللي مع زوجي اللي مو لاقيين لها سبب منطقي اتجهت لربي وكثفت الدعاء في القيام زي ماقلتي انك سويتي شكيت له همي ومشاكلنا وانك انت ياربي الوحيد اللي تعلم سبب مشاكلنا وحلها بيدك انت اكفنا المشاكل والهمني اياها بأي طريقه شئت ان تكون بها
بعدها في آخر العشر الأواخر حلمت حلم جداغريب ظاهره خير لما صحيت من النوم كنت مبسوطه ومحتاره بالحلم ع بالي خيير بيجيني مع ان احداثه غريبه
كلمت مفسر احلام وفسره ليا اني محسوده في نفسي و ف زوجي بعدها بفتره عزمت اني ارقي نفسي كنت احس بالنعاس وخمول وحراره بأقدامي تمتد لساقي لما حسيت بالحراره خفت وبطلت ارقي نفسي وتكاسلت عنها وصرت برضو فترات تجيني اهمل الصلاه وزادت مشاكلنا

لكن من رمضان اللي فات زي ماقلت لك عزمت اني احافظ عليها بأوقاتها لدرجة اترك شغلي اللي بيدي ما اخلصه اصلي و ارجع احيانا زوجي يقول يللا نطلع و صلي لما ترجعي البيت ارفض الا اصليها بوقتها او حتى لوكنا برا اصليها ما انتظر لين ارجع مو مدح فيني لكن لأني حسيت بالراااحه وبدأ ينصلح حالي ومشاكلي تنحل بسهوله ادا قصرت ترجع اقوى من قبل و لأني فعلا ما اضمن عمري ممكن اموت بأي لحظه..

من بعد الحج مرتين جاني الشيطان جنبي وانا نايمه يضحك عليا ويحاول يجرني من يدي لجهة الحمام وانا امسك بالسرير احاول افلت يدي منه ويقول لي انا الشيطان ويضحك عليا تعوذت منه وقرأت المعوذات واختفى المرتين اللي جاني فيها ماكنت محصنه نفسي قبل النوم من الكسل والتعب بس عرفت انها كمان من مداومتي على الصلاه والأذكار وسورة البقره لأني كنت اقرأها يوميااا اختمها بجلسه وحده برضو بعدها تكاسلت وتركتها لكن اليوم رجعت لها وان شاءالله ما اتركها ابددا

(زوجي دائما يقول لي انتي موسوسه من كثر تفكيرك باحاجت دي صدقتي انك محسوده وكلها احلام من تفكيرك الكثير فيها قلت له والله ما افكر فيها و لا حتى موسوسه والحمدلله متوكله على ربي كل شي حق العين ,الشياطين ,السحر ,الحسد نؤمن فيها بس مو لدرجة الوسوسه لكن برضو مو لدرجة إنكاره تماما وكأنه عالم خيالي مذكور في القرآن فقط لا كله حقيقه ولاماكان ربنا قال لنا عليها ولازم نؤمن فيها بس مانفكر فيها كثير ونخليها شماعه نعلق عليها كل شي سيئ يصير معانا
بس ماعلي منه خليه يتكلم زي مايبغى ويفكر عني زي مايحب اانا بكمل للآخر)

الله وحده العالم ايش اللي فينا بالضبط و وحده القادر على شفائنا وحل مشاكلنا ياارب اشفينا واشفي جميع مرضى المسلمين والمسلمات وفرج كربهم وأحسن خاتمتنا يارحمن بأحب الأعمال إليك وأدخلنا جنتك بها من غير حساب ولا سابق عذاب ياارب

واثقه بالله أسأل الله العلي القوي الشافي أن يشفيك مما انتي فيه ويجمعك بزوجك ويرده إليك ردا" جميلا" ويسعدكم معا "ويحفظكم من شر كل حاسد وساحر و أن يثبتك على إيمانك ويزيدك علما" و إيمانا وثبات وجميع من هنا بهذا الملف ومن تقرأ كلامي هذا يارب

 

[عقدلؤلؤ]

ااامين ياااارب الله يشفي كل مسحور وكل محسود وكل معيون وكل مريض ياااااارب ..

سؤال فيه وحده عندها معلومه كيف نسوي لو جت الدوره لأني أنا وقت الدوره أوقف قراءتها فهل عادي لو نقرأها وقتها طبعا بحائل ؟؟ ظني انه لا يجوز اذا فيه وحده متأكده من الإجابه يا ليت تفيدنا ..

 

[غيمـــ76ــــة]

اقريها من الكمبيوتر

 

[واثقة بالله 1]

حبيبتي ليالي شرقيه الله يناولك مرادك الله يدخلك في رحمته ويجعلك من عباده الصالحين
حبيبتي عقد أنا مئة بالمئة بالنسبة للتثقيف بصفه عامه وتكون عندك دراية بالحياة الزوجيه
من قراءة المواضيع وتجارب الآخرين وأنا ليش ذكرت تجربتي عشان الناس تستفيد
كيف أنا استفدت من الآخرين
ضروري تستشرين الناس بس مو حلو بحق الله أنك تشتكي للناس والله موجود في الكون
زي أنك تشتكين من الله للناس
يمكن أنه هذا الشي اعطاه لك كابتلاء نزل عليك من السماء
عشان يشوف هل ستشكرين أو تتذمرين أو تشتكين من الله للناس
أو يمكن نتيجة اخطائك وتفريطك في حقه
يقول شوف هذه غلطانه في حقي ومع تشتكي للناس على أساس انتي مو غلطانه
انتي ما تعرفي الحقيقة
هل انتي مخطئة أو لا
ساعات يظهر لنا أنه نحن صح بس الحقيقة غير
لذا خلي شكواك ومشاكلك لله واستفيدي من تجارب الآخرين
الله عالم بمشكلك وتفاصلها أكثر منكي انتي وعارف حلها
بس انتي استمري في الاتصال به حتى يفتح لك بصيرتك ونورك لك طريق
لا وراح يرسل لك ناس تساعدك أو يسخرها لك دون ما تطلبي من أي مخلوق
انتي ما تسمعي قصص ناس فقيرة ميتة من جوع لكن ما تمد يدها
والله يرسل لها ناس ما تعرفها أصلا تدق بابها وتعطيها فلوس
مين سخر لمين ؟؟؟؟؟؟
الغاليه طموح شفتي الشيطان ايش سوي
والله يسوي عجايب وما تتوقعي كل المصايب منه ويوهمك منكي يحاول يختبأ هو
استمري وناجي ربك في ظلمات الليل يكسيك من نوره

 

[مغرمة بالشرقي]

مرحبا صبايا صباح الخير.. كيفكم؟؟
هلا وغلا مساء الورد
لي ثلاث ايام اقرأ موضوعكم ليل ونهار لدرجة انام وانا اقرأه هههههه لكن بجد استفدت منه كثيير وانتبهت لأغلاط كثير اسويها للأسف.
ماشاء الله اكيد الحين استاذة في الشرقي
اول سوال عزيزتي عددي أخطاءك مع شرقييك ؟
من بعد إذن صاحبة الموضوع حابه شمس تساعدني بزوجي ,
ولا يهمك عزيزتي على الرحب والسعة
أبدأ بعلاقتنا اول ماعرفته ايام الملكه كانت شخصيتي غيير وقدرت اني اجذبه وكااان معجب فيا وبشخصيتي [كنت ثقييله عليه بالرغم من اعجابي فيه وبوسامته مولهدرجه وسيم لكن كان يجذبني بشخصيته ورزته وهدوءه واهتمامه بمظهره ّّ]
هههه مثلي ننجح في البداية وكلنا نقع في نفس الفخ في النهاية ..
انا تجذبني شخصيته وشرقيي غير مهتم بمظهره كليا وشكله عادي
>>المهم نرجع ليا شويه كنت ثقييله زي ماقلت لكم وهاادئه وحذره معاه احاسب ع كل كلمه تطلع مني واجاباتي كانت مختصرره جدا وغير واضحه لدرجة انه علق عليا في مره من المرات قال تعجبيني وتعجبني إجاباتك الدبلوماسيه طبعا بزياراته كان هو اللي يتكلم اغلب الوقت ويبادر بالغزل وكنت انا ثقيله ومطنشاه وخجووله جدا اسكت ما ارد عليه بس اضحك بخجل واشغل نفسي او اغير الموضوع
انا لا غزل ولا شي نعم كان يتحدث اكثر مني لاني كنت مترددة وما احبه
من ناحية الزيارات كنت انا اللي متحكمه فيها وحددت من البدايه طريقتي بزياراته انها تكون قلييله بفترة الملكه كل شهر ونص او شهرين واحيانا اعتذر وازودها شهر ثالث وبالوقت الللي يناسبني (ماكنت ادري اني بكدا ابرمجه ع اسلوبي سويت كدا لأني ماحبيت اكرر اغلاط اخواتي اللي قبلي كانو كل اسبوعين زيارات لين تزوجو وصار الوضع بينهم عاادي مافي خجل وتعودو ع بعض)
انا العكس هو متحكم من البداية وينسق مع اهلي انا دوري معدوم
استمرت ملكتنا سنه كامله ومكالماتنا قليله ودا اللي كان يقهرني فيه انه مايتصل حتى لو ما اتصلت انا وماعنده مشكله لو شهرين مانكلم بعض عادي بنهاية الملكه خربتها وصرت ازعل من قلة اهتمامه ومكالماته وكان عذره انه فاتورته كانت توصل لألفين لما يكلمني وصار عميل مميز لشركة الإتصالات من مبالغ فاتورته (فعلا كلامه صحيح)وصار يحاسب بعدها ع مكالماته معايا وقال كمان ليه المكالمات بيننا انا جالس اتعذب بصوتك تجننيني ما عاد اقدر اصبر خلينا بعاد مكالماتنا قليله وقصيره لين الزواج تكوني عندي واعرف اريح نفسي معاكي
والله شرقييك ماشاء الله نشيط وعجول ملكة سنة
اه المكالمات ومشاكل الاتصال نفس السيستم شرقيين ولكن انا يتعذر بالعمل ومشغول وما يحب الكلام من بعيد حلو شرقييك يقول يتعذب من صوتك ماله صبر يا حظي شرقيي قمة في البرود مصطلح الاستعجال ديليت في قاموسه
كان طييب جدا لو ابغى شي ينفذه ليا وكل زياره معاه هدي مره احتجت غرض من محل (اختبار لحبه ليا) وبينت حاجتي له واني ما اقدر اطلع محتاجاها الآن طلع وجابها ليا بالرغم من طول المسافه بين بيت اهلي واهله والمحل كان بأزحم شارع,
انا ما اختبرته في مرضوع الطلبات للحين
غيره موقف ثاني كنت تعبانه من آلام ببطني واستمرت فتره طويله خاف عليا واعطاني بطاقة صرافه ع اساس اروح لدكتور كويس ع حسابه -
من كلامه ايام الملكه كان دائما يردد لي لاتعيشي في احلام ورديه عشان بعد الزواج ماتنصدمي بأرض الواقع نصييحه احفظيها وكان يتكلم عن لبسي انه ماينفع البسه بعد الزواج لازم يكون محتشم و واسع لأن اهله وخصوصا جدته ملتزمه وماتحب دا الشي وخالاته واخواته مايلبسو كدا كنت اقول له دا لبسي وعاجبني ومالي ومال الناس كل واحد و ذوق بالأخير لما يئس مني قال دحين ما اقدر احكمك لكن بعد الزواج لي الحق ومحد يقدر يتكلم
وشرقيي بعد همه الأساسي الملابس وااااااسع ومحتشم واليدين الوجه و و و....
بالفتره الاخيره من الملكه صارت بعد الزواج اول مشكله حصلت بليلة زواجي ع زفتي بين اهلي وقريبته وكانت سببها قريبته وهو كمان كان له يد فيها بس كنا بمشاكل اولها تناقشنا بحركة قريبته وكان مايبغى يتكلم بالموضوع ويقفله وانا مصره اتكلم بالاخير قال محد منهم غلطان الغلط كله غلطي انا واختي وصرت اروح لأهلي زياره اسبوعيه وانام عندهم 3 او 4 ايام وارجع بيتي يومين ثلاث واروح لأهلي مره ثانيه و ع دا الحال > ادري اني غلطانه بالشي دا وغلط كبييير كمان بس لاني انصدمت فيه وبإسلوبه كان يحاسبني ع لبسي ويجلس عندي لما بلبس ادا رايحه لأهله او اهلي يقول وريني ايش ح تلبسي وانا اشوف مناسب او لا وطبعا شد منه ومني ونتزاعل حااولت اني اعوده ع انه انت انت وانا انا والزواج مجرد اضافه ولازم نتأقلم ونتكيف مع اختلافاتنا لكن كاان يرفض وفكرته الحرمه تابعه لزوجها ومكانها البيت ويعجبه حريم مسلسل باب الحاره وكان يعلق شوفي كيف مطيعاات ابغاكي زيهم.
ههههه وانا بعد يحب باب الحارة وحريمهم ونفس الأفكار
بالأخير بعد ماحملت ببنتي مع تعب حملي وتعامله الي زاد سوء قررت اني اسايره بموضوع اللبس واسوي اللي يبغاه وفعلا يهدأ بس كنت ارجع مره والبس شي يعجبني ع اساس اجرب ادا سكت ارجع لإسلوبي معاه بس كان يزيد عناد وشراسه -خلال حملي تعببت من الوحم وكان كابس عليا نووم لاإرادي مني وماقدر الشي دا وكان يعاملني بقسوه يشوفني نايمه يجي يصررخ ويخبط ع الباب بقووه قوومي لييه ناايمه بالنهار النوم بس بالليل وليه ماطبختي اليوم ياويلي لو قلت تعبانه ما اقدر اطبخ
?يا قلبي خفت من كلامك هذي حياة معقول يا ربي والله صعب شموسة هل لها في مثل حالتها والله صعب ما أتحمل ؟؟؟
( هو جدا نظاامي ونظاام معسكر أكله ونومه بمواعيد حتى قومته لو صحي قبل مايرن المنبه بنص دقيقه مايقوم من فراشه لين يرن ومشغوول بعمله واصحابه واهله كلهم لهم الأولويه وانا بعدهم)
نعم صحيح انا للحين بعيدة ولكن حسيت انه نظامي جدا في حياته
وانا اخر شخص مهم عنده اعتقد اني الاخيرة في القاءمة ...
بعد ولادتي ببنتي طبعا بنفاسي كله 40 يوم مازارني الا 3 مرات بحجة انه خجلان من اهلي ومايبغاهم ياخدو فكره غلط عنه (كنت مستغربه احنا متزوجين شرعا مو بالحرام ليه تفكيره كدا)
هههه هدي حجته شرقيي نفس الكلمات قلة زياراته وكانه علاقتنا غير شرعية هههه
ومعاملته السيئه لي مستمره بس كانت بأوقات تقصيري ادا ماطبخت كويس ع مزاجه او مانظفت البيت ع مزاجه او ما اهتميت ببنتي ع مزاجه (طبعا مزاجه=مزاج امه)كان دائما يقارنني فيها اطبخي زي امي اسأليها كيف تطبخ دي الطبخه كل شي اسألي امي او امي ماتسوي كدا امي تفعل كدا جنني بالمقارنه فيها لدرجة صرت اقول له انتا متزوجني؟ تزوج امك احسن ولاتحاول تخليني زيها.
لاحول ولا قوة الا بالله العلي العظيم فعلا امه هاجس في كلامه ...
شموسة في مثل هذا الوضع المقارنه الدائمة والام خصوصا ما الحل ؟؟؟
بعد معاناة 3 سنوات قدرت اجيب جزء من راسه هههههه
جبتي جزء من راْس شرقييك هذا بيت القصيد في موضوعنا هنا ضرورة.التوضيح مع النصاءح ...
صرت اطنشه واحاول اكوون فرفوشه ومايهمني ادا كان موجود او لا بس رجعت لعادتي القديمه اضعف قدامه. جربت معاه مره اول مايدخل جرري ع غرفه بعيده واشتغل بلاب توبي يجي يدورني ابغى الشي الفلاني اقوم ابشر وانا مبسوطه من شي ع اللاب احاول اخبي فرحتي وادري اننه ملاحظني بس كنت ابغى اشوقه واخليه يجلس بالبي اخلص له شغلته وهو طالع سألته تبغى شي ثاني لاني راجعه ع لابي يقول لا ويطلع بس مايطول ويرجع للبيت ويجلس عند التلفزيون يسوي نفسه ماله خلق للطلعه اليوم شويه ويكلمني تعالي ويبدأ يمسكني شغل البيت سوي كدا جيبي كدا يبغاني اكون قدام عينه مو مشغوله بشي
( دا الطبع الى الآن موجود فيه يكرره يشوفني مشغوله بشي احبه ومستمتعه
نعم ما يحب تنشغلي في شي غيره انا احب دراستي وكورسات و السفر و و
وهو كان يموت يوم سافرت وكلامه لاخوي لوكان عنده مجال اجل موعدها حرمني كليا منها
ما انكر فيه تحسن عن بداية زواجنا بس مو ثابت لسى اللي مضايقني الآن انه
عزيزتي النقاط الي تغيرها الشرقي وكيف تم التغيير خطوات ؟؟؟
*احتياجات البيت يهملها في شي خربان مايصلحه يجلس بالسنه والسنتين وممكن اكثر
*السوبر ماركت كان مهم عندنا ونشتري ع قد ميزانيتنا بس بالفتره الاخيره يمكن من سنتين تقريبا صار يهملها مايوديني الا بالسنه مرتين او مره واحساسي انه اخته ورا دا الموضوع لانها مهتمه بالموضوع دا وتسألني عنه كيف تروحو ولا لا مو لازم تروحو يشتري من البقاله اللي جنبكم وخلاص ماادري ليه هامها كدا.
؟؟؟؟ انا من خلال الأنماط ما اعتقد انه الشرقي يتاثر بكلام اخته ياليت شموسة توضيح هذه النقطة ؟
*قبل اربع شهور كفشته ع كدبه انصدممت اول مره يخبي عليا شي العاده قبل كنت معودته مافي اسرار بيننا كشفته مستعجل سألته فينك دحين قال ايح لصاحبي مسوي عمليه رديت ماشاءالله واختك معاك رايحه لصاحبك ؟ سكت كأني صبيت عليه مويه بارده ماعرف ايش يرد قال رايح لجدتي قلت وليه الكذب ماله داعي عموما لما ترجع نتفاهم وقفلت لما رجع كان مو قادر يتكلم سااكت ويحاول يتهرب ومسوي نفسه ماعمل شي لما سألته ليه قللب الموضوع عليا انتي تفتشي ورايا وتتجسسي عليا وراسله بنتي تراقبني قلت ماسويت شيو لا ادري عن شي ربي اراد يكشفك قدامي لانه داري بحسن نيتي وما ادري عن شي لكن نيتك انتا اللي الله اعلم ليه مخبي عني الزياره هادي صار يهدد ويتوعد بالأخير قال السبب انه ما ابغاكي تروحي لها لأنها مازارتك وانتي نفاس لأنك طيبه وماتستاهل تزوريها قلت مو عذر ومو سبب وانا اللي اقرر تستاهل اولا طبعا ماعجبه كلامي وصار يهدد مقتنع اني اراقبه عشان اقفل الموضوع مدري ليه اعتذرت وخليته يعتذر غصب عنه هههه ادري كمان غلط فادح مني بس لأني ما احب المشاكل من بعدها صار يخبي كل شي عني
في مثل هذا الموقف المفروض كان ما تواجه الشرقي صحيح كلامي ؟؟؟
حتى طلعاته فين مع مين سواليفه عن اصحابه بدون اسماء وادا سألته عن اسماءهم يقول موشغلك بتجلسين معاهم؟ من زمان مايحب يقول اسماءهم بس كنت اسأل بعفويه وانه عشان المرات الجايه اكون حفظتهم ومايحتاج اسألك مين دا و زي كدا .
وانا ما يقول الاسماء ولو سمعت اسم من أهله او من اهلي فقط
*الجماع ماايهمه ومايبادر الا مرات قليله لو نجلس 3 شهور عادي وقد حصلت مرتين مره شهرين رمضان وشوال ماقرب مني وبعدها ب5شهور تزاعلنا ع شي تافه ما اتذكره وجلسنا 3 شهور ماقرب اتوقع انه كان في مشاكل مع اهله شاغلته (يعتمدو عليه بالدرجه الأولى هو وابوه واحد كل مشاكلهم عنده وهو يحلها وبالتالي تتأثر علاقتنا حاولت افهمه ع الشي دا انه المشاكل اللي برا البيت خليها برا انا مالي ذنب بشي لكن مايعجبه)
!!!شموسة اذا كان الجماع حسب نصيحتك هو الاداة الاساسية في يد زوجة الشرقي للتحكم فيه اذا ما يهمه لشهور ما الحل ؟؟؟
عزيزتي انا بعد يعتبر ابوهم وهو الأكبر في أسرته وكل المشاكل عنده
*أذنه تاركها لأهله وتدخلاتهم بحياتنا يحسسني ماله شخصيه قدامهم ونصايحهم تتنفذ بالحرف الواحد ياويلي لو رفضت وسويت اللي براسي يحسسني بالذنب ويصير زعلان وماله خلق يتكلم .
انا شرقيي صعب عنده مكانة وهيبة عند أهله وله كلمة عليهم الشوبنغ والزيارات بموافقته وإذا رفض الفكرة ولا احد يعترض وكلامه على زوجة اخوه !!!
والله مشكلة اذا صفة عامة في كل الشرقيين !!

بإنتظار ردك.. مع خالص ودي
الله يعينك يا قلبي ...كلنا نتظر رد شموسة يهمنا جميعا

 

[مغرمة بالشرقي]

التسويف عنده بشكل غير طبيعي غرفة بناتي كملت سنه دحين وماخلصها بس باقي لها مكيف وينامو فيها السرير والدولاب موجود ويتحجج بفلوسه جاته فلوس ورااحت ضيعها ولما ما صار معاه قال لي انا ما ادري وقتها لما جاتني فين وديتها وليه ما اشتريت مكيف وقتها ما ادري قهررني بجد
حاليا واعدني بأشياء كثير يسويها (غرفة بناتي +يغير بوية البيت ومجلس الحريم +السفر لأنه ماعمرنا سافرنا حتى شهر عسلنا المزعوم قضيته بالبيت محبوسه ) من ناحية السفر كان واعدني ع شهر 3 الجاي نسافر بعدين جا قبل الحج قال احتمال نأجل لشهر 7 او 8 عشان اخويا ما حيقدر يسدد مخالفاته دحين (سيارة اخوه المتزوج بإسم زوجي ومخالفاته قيمة 14الف ريال)واخوه سبب من اسباب مشاكلنا لأنه معتمد ع زوجي ماديا الفلوس اللي ياخدها يصرف فيها ع عيلته ع حساب حبستنا وحرماننا من اشياء كثير
حسيت دحين زوجي بدأ يسوف بالسفر يجس نبضي آخر مره قال لي ممكن نسافر بعد شوال الجاي رفضت وقلت لا آخر موعد للسفر شهر 8 غيره ما أقبل وقتها بيكون جو البلد مناسب جدا لنا ح يكون ربيع وبشوال بيكون بداية صيف ما ابغى اروح بصيفيه عندهم كفايه كان مفروض نسافر قبل سنه ولا صار واخوك سافر وانبسط وبيرجع يسافر دحين مره ثانيه كمان

صح اكبر مشكلة التسويف انا وقف حياتي معه وزواجي وبيتي الله يعينا عليهم عزيزتي طموح !!!

 

[كونتيسآ]

صباح الخير حبيباتي ..

اسئل الله العلي العظيم ان يفرج لنا فرج من عندده
انا امس تهاوشات مع زوجي لان نفسيتي تعبانه مره
وساكته ليش ساكته وليش محزنه رغم اني كاشخه ولابسه
والبيت مرتب ونظيف بس اني ملتزمه الصمت

المهم كلمه منه وكلمه مني ولعت بينا يابنت ....؟؟؟ بصراحه استحي حتى اكتبها
الفاظ مرررره سوقيه لاعصب قمت وتركته رحت لغرفتي شوي قام ودخل الغرفه بيبدل
ويجلس يتكلم عادي طيب تجرح وتهين وتتلفظ وتجي تتكلم عادي ايش هالقلب اللي مايحس


كشخ ولبس وطلع مع ولده شوي نزل ولدع وراح يشيش في بيته الثاني
جاء الساعه 12 وانا كاشخه وجالسه اقراء كتاب ومسوي لنفسي جو جميل

سلم وجلس يطقطق ع جواله قال سولفي قلت ماعندي كلام
وكمل جلسه ع جواله سولف شوي وانا رسميه مره فجاءه قلب علي
يعني مزاجه يتغير بين دقيقه والثانيه

شوي طلع ملابس قال غسليهم قلت مو مشكله اغسل
بس المدام ايش وظيفتها هناك ماتغسل تجيني ملابسك وسخه
وتطلع بملابس نظيفه وين العدل بس الشغل لي انا ويعصب
قال خليهم انا اغسلهم طيب لك بيت ثاني شيل خلها تغسل
قال حتى هيا عندها ملابس ثانيه تغسل وهو نصاب لان كل شي عندي

ويجلس يقلبها علي اصلن انتي متى غسلتي ومتى سويتي ومتى ومتى
انا طيرت عيوني فيس منهبل كل اللي اسويه مايشووووووووووووووووفه

زوجي صعب صعب التعامل معه

 

[شمس بيني وبينك]

خطأ كبير فادح كونتسا
تعطي اشارة لعقله أنك انتي خادمة وزوجته أميرة
ما قلل من شأني أصلا وأقارن نفسي بيها
اغسل ملابسه دون ما افتحه عينيه
تدرين ملابسه وأشيائه عندك وش معناها
معناه حياته عندك انتي مو عندها
أنا كنت زوجته ثانيه
اقلب عليها الدنيا ليش ما تجيب ملابسك حتى أنا عندي حق فيهم
بس ما جابهم عشان ما يجرح زوجته الأولى
بس ما أقوله تخلي ملابسك عندها وأنا لا
لا لا لا ما أنطق اسمها أو حسها عشان ما يقول قهرتها زوجتي وأبين ضعفي
أقول جيب ملابسك وهذا حقي وخلاص
اضطر أنه يشتري كم شوية ملابس عشان يسد حلقي
افهمي زوجك صح راح ترتاحي

انتي ماتسمعي الكلام

افردي وجهك وزيـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــدي

خليها تموت بغيظها

( اغسلي ملابسه

وبرفنيها

وعطريها

واكويها كمان

ملابسه بالذات تنكوي وتتعطر ووتتبرفن وتتطبق وتتحط في شنطة من الشنط او الاكياس الحريمي الناعمة

خلي يروح يمدح عندها وتموت قهر ويطق لها عرق

 

[طموح حلم]

أختي طموح هو يحاول يطفشك من السفر حتى تكرهيه
كان يسوها معي كثير حتى تزول مني الرغبة في الحاجة
وأنا كنت غبية وأزعل وفي الأخير يطلع هو الرابح
لأنه عارفني أزعل بسرعة وما أبقى أبغى الحاجة بعدها وبالتالي ما يسويها
الشمالي خطيرررررررر جدا
بس انتي طولي بالك وأصري على الطلب حتى تاخدينه
لا تقولي بعدها ما أقبل لانه لما يجي وقت السفر بعدها
تقولين ي أبو فلان ما راح نسافر يقول انت تقولين ما أقبل في الا في شهر ثمانية
وأنا كنت مشغول في شهر ثمانية
فكرت أعرض عليك السفر في شهر عشرة كمثال
بس قلت هي قالت ما أقبل بعدها فسكت ما قلت شي وانتي رافضه أساسا بعدها
فهمتي يكذب ويسوي حجة عشان يكنسل الموضوع
بس ولو قلتي انشاء الله راح نشوف رغم أنك عارفه أنه يكذب
يجي الموعد ويطلع لك بحجة أخرى وخودي موعد آخر عاشر مرة وهكذا وهكذا
لا تخلي ليه الفرصة نهائي في أنه يكسر رغباتك أو حقوقك والا راح تعانين بعدها
بس امشي معاه لغايه هو ما يطفش من الطلب ويسويه
راح يحاول يطفشك من كل شي
بشوي بشوي تتنازلين على حقوقك بدون ما تحسين
وتبغى طالبي بيها من بعد يكون خلاص تعود
عمرك ما تقفلي أي موضوع حتى تحصلي عليه لو بعد مئة عام
المهم تحصلي عليه أفضل ما تتنازلي عليه بالمرة
ترسلي اشارة لعقله الباطن أن هذه ما تتنازل على حقوقها لو أسوي ايش
دائما ارمي الكرة في ملعبه لا تخليها عندك
ولا تنساي الدعاء حتى يسخره لك ربي
لأنه كل شي بتوفيق من الله مو بجهدنا أو ذكائنا

تصدقي فعلا صادقه كلامك صح
لاحظته اسلوبه دا صار بأغلب الأشياء كل ماطلبت شي يأجل بعدين بعدين بس بالأشياء الثانيه غير السفر وراه وراه ما اطفش من تأجيله
لكن موضوع السفر قاهرني فيه لأني أدري ومتأكده انه قادر على تكاليفها وحارمني من تمشياتنا الداخليه كله عشان السفر (تخيلي 6 سنوات ماطلعت من مدينتي حتى مدينتي اللي انا فيها مو كل مكان اروح له حارمني من الخرجات يقول ما نتمشى هنا لين نسافر برا , رابط كل شي بالسفر وحليييني متى نسافر أجلها مرتين دحين )
وبنجلط من اخوه معتمد ع زوجي ماديا ويبغى يسافر بزوجته مره ثانيه (المره الأولى على حساب زوجته سافر) وخوفي يتسلف مننا حق سفرته الثانيه , زوجي حاليا صاير مايقول لي ع اخوه ادا بيتسلف منه او بيساعده يخبي و سبحان الله ربي يكشفه ليا مايكدب زوجي بس يخبي مايجيب سيره للموضوع ابددا الا ادا سألت وتعمقت بالأسئله يجاوب

بنظره هو مساعدته لأخوه من باب انه حزنان عليه عشان زوجته قاسيه معاه ماترحمه الا تبغاه يلبي طلباتها و يقول دايما يشتكي لي منها عصبيه ومدري ايش غيره شكاوى \
قلت له لا حببي مو كدا بس لأنه يهمه رضا زوجته ويحبها مايبغى يقصر عليها بشي لو على حسابي انا وبنتي ماهمهم يظلمون او لا عادي لأنهم انانيين جدا ولا حتى فكرو فيك لكن ادا ترضى اخوك يكون ظالم تراني بدعي عل كل شخص ياكل حقوقنا ماتبغاه تصيبه دعوتي خايف عليه وقفه عند حده

الحمدلله فتره نفع معاه كلامي وصار يطالب بحقننا منه لكن احسه دحين كأنه بدأ يرجع لإسلوبه القديم

الله يكفيني شرورهم ويسخر لي زوجي يارب