واثقة بالله 1;(ممنوع كتابة أرقام الهواتف نهائياً) قال:
تدرون يا بنات
قسما بالله الحاجة الي رادعتني هو الله فقط
ساعات اتخيل نفسي شايلة سكنين واطعنه طعنات قوية
أو مسدس اضرب حتى اشفي غليلي وارتاح
الحمد لله انه اني مسلمة وموحدة الله وما اقدر اسوي هذا الشي
أنا تركته للخالق هو الي راح يتولاه بولايته
انشاء الله راح يجي بين يدي واوريه الحريم الي على اصولها
هو اصلا خايف مني لهذا كل مرة يتردد في الرجوع
قالها لي بفمه انتي الحين وش سويتي فيني واذا رجعنا وش راح تسوي
الله يستر مني هههههههههههههه وخلاص
هذا النوع ينزع من الطيبة والرقة والعذوبة والرمنسية
ما يخليك على طبيعتك الي خلقك فيها الله
لازم تصيري جافة وقاسية مثله عشان تكونوا في نفس المستوى
عشان ما تؤذي نفسك
ليه ليه ي واثقه تحملين نفسك الطاقه السلبيه هذي كلها والله ما تظرين الا نفسك وهو مو داري عنك ولا مهتم يدري عنك وكل شي خرب بإذن الله يتصلح دام باقي الروح ساكنه ف الجسد حطي ببالك ان الصحه أهم شي أهم شي أهم شي والله لا وظيفه ولا غيرها بترجع لي صحتي لو راحت ..
الوظيفه راحت عليك حاولي تقدمين خطاب وتطلبين انك ترجعين لوظيفتك وان عندك أسباب ما رجعوك قدمي ع غيرها الحياه مو واقفه عليها فلوس راحت قولي حسبي الله وربي يعوضك بغيرها تركتي بلدك وسافرتي يا شيخه حطي فبالك انك غيرتي جو وسياحه وحركات ..
أنا عندك الشهر الماضي كانوا بيعاقبوني ف دوامي بسبب اني ماسافرت لأني مو أول مره يخرب السفره علي بس ربك ستر وسخر لي واحد من عباده ساعدني على تمرير المعامله بدون العقاب ( ملاحظه العقاب كانوا بيغيرون وظيفتي لوظيفه هامشيه ) اضطريت أقدم اجازه وأخسر راتب شهر كامل وكمان بسبب هذي السفره ومع ذلك أنا جالسه أقاوم بمساعدت ربي ..
يعني الخلاصه لا تيأسين ابذلي الأسباب لا تحطينه هو في بالك أنا والله ان كل اللي مر علي بسببه هو اللي سبب لي المشاكل هذي وورطني في وظيفتي لكن لو بأجلس كل يوم حاطه يدي ع خدي وأقول هو السبب لااازم أذبحه وأقتله بيعدي الوقت وبأخسر الوظيفه فعلا وساعتها ممكن أكون لا وظيفه ولا زوج وأحلامي اللي بنيتها تروح أدراج الرياح ...
لا تنتظري تنتهي مشكله علشان تبدئين حياتك عمر المشاكل ما تنتهي أساسا ما تنتهي مشكله الا الثانيه تبدأ وهكذا ولو بتنتظرين المشاكل كلها تنتهي ساعتها بنقدم العزاء لأهلك فيك بعد عمر طويل يعني وبعيد عن المشاكل ...
توكلي على الله وابني نفسك بفضل الله مثل ما بنيتيها قبل زواجك أنا فترة زواجي أقسم بالله كانت عباره عن هدم اللي بنيته قبل زواجي لكن الحمدلله ان ربي أعطاني هذي الفتره علشان أسوي ترميم وأرجع نفسي مثل قبل زواجي ثم أواصل حياتي .. أنا والله أحس ان هذي الفتره نعمه من ربي لأني لو واصلت حياتي معاه بدون هذا الفاصل أقسم بالله فلوسي كلها بتروح ووظيفتي راح أخسرها وما راح أكمل دراستي ونفسيتي راح تنهاااااااااااار ..
والله اني أحمد ربي انه كتبلي هذا الفاصل علشان أعد وضعي ..
كان بإمكاني أرسلك هذا الرد كرساله خاصه لكن أنا متعمده أكتبه هنا علشان كل وحده تتعلم وتبدأ تبني نفسها وما تعلق مستقبلها بأحد أيا كان وبلاش تضحيات ما ودانا في داهيه الا هذي التضحيات ..
أشكر كل من تفرعل معي من شموسه واحب حبك والواثقه بالله وعقدلؤلؤ ومغرمه وغيمة و... الخواسئل الله العلي العظيم ان يفرج همومنا جميعا اختي الواثقه انا فاقدتك لك مده ماتدخلينواختي مغرمه جميل انك في البدايه وتتعلمين وغيمه وعقد ان شاء الله ماشين مع شموسه صحالمهم يابنات لاحظت ضرتي صايره تقهرني في التوبيكات وكل صورها وكلامها عنه ورى بعض كل شيتشيل وتحط انا زمان كنت احط وبطلت بس من جد دعيت عليها اذا هي مقصدها تحرني او تقهرنيمع انها ماكانا تحط اول بس هالايام جايبه حيلها واموري مع زوجي لحد الان تمام لاني قمت اتغاضىوامشي الا حقوقي ماتنازل عنها وصرت اسايسه ولاحظت انه يجي في المسايسه اكثر من الخناق والزعل صحيح مازال فيني حزززن بس متاكده ربي مخبي لي الأجممممل
