مسابقة عروس جين آير فرحة ما تمت

[بنية اهلها]

الله يوفقك ويعوضك يارب يزوج خير منه ​

 

[عصفورة بحضنه]

ماشاء الله جهاااازك مرررة حلووو ومرتب

صح مو واضح مرة لصغر الصور بس باين انه حلوو وذووق

بس مو كنك كثرتي شوي من كل شي؟؟

انا دايم اقرأ نصايح للعرايس هنا يقولون لاتكثرين

مدري صح والا خطأ؟؟

والله يعوووضك احسن منه ومايتم هالشهر الا انتي مخطوبة

 

[جين آير]

بنية اهلها

الله يستجيب منك دعاك و جزاك الله خير حبيبتي
عصفوره بحضنه

تسلمين يا قلبي والله انك صادقة يوم قعدت احسبه واصل معي للعشرات
حدود 20 بلوزة على تي شيرت وحوالي 10 بناطيل جينز بس
هذي مشكلة الي تشتري بدون تخطيط فنصيحة يا بنات حددي حاجتك و لا تكثرين لأنه بيتلقين شي و تبين تشترينه

 

[جين آير]

المحلات الي انصح فيها و شريت منها (الانجري)

لزيادة الفايدة من موضوعي بانزل لكم اقتراحاتي متفرقة اول شي خلوني اقول لكم المحلات الي شريت منها

الانجري
قميص اول ليلة و مجموعة قمصان لاول ايام ساتان و دانيتل من مجموعة فيروز من نعومي
بجد مجرد تشترينها تحسين بانك عروس

البيبي دول و القمصان الحرير و الساتان من ايتام و ليدكس و دبنهامز و اتش اند ام و لافي اند روز كنت ناوية اطلب من فكتوريا سيكرت لكن قلت انتظر للتخفيضات مع ان ما فيه فرق كبير يمكن بس 10 دولار بالكثير تخفيض ما يستاهل تنتظرين

البجامات اويشو - دبنهامز - ومن سيكرت - لاسنزا ( ما حبيت قمصانه لكن البجامات حلوة)

الارواب لشاور من نعومي و لافي اند روز( شريت طقم روب + فوطة لف للسفر )
البرا و بانتي اليومية و البوش اب اغلبها من ومن سيكرت و لافي اند روز و والدنتيل من نعومي

و للحفلات من نعومي و لاسنزا

و البانتي الابيض و انتم بكرامة من ماكس اند سبنر و دبنهامز ( احسن واحد عندي) و شريت من ستي ماكس بس ترا مو زي دبنهامز و ماكس


المايوه من دبنهامز

نصيحتي لما تشرتين احرصي تشترين البانتي مع القميص و اشتري بالوان و اشكال مختلفة
تلقين البنات تحط لك خمسة من كل شي مثلا مو ضروري اشتري الي يعجبك و يطلعك:32: و جربي كل واحد قبل ما تطلعين من السوق

و لا تقشين بدون تفكير اشتري الي يعجبك و يطلعك حلوة
التخفيضات حلوة لكن تاكدي من مقاسك لاحظت بان اغلب المقاسات الي تبقى لارج اما سمول فهذا اول شي يخلص عكس الملابس العادية​

 

[لويتا]

حبيبتي جين اير وربي حاسة فيكي لانو انا كنت زيك مملكة ومجهزة بس مو كله وسبحان الله تفركشت الحمدالله وربي خيرة سبحان الله
وشوفي الحين الحمدالله انخطبت انتي دايما قولي الدعاء اللهم اجرني في مصيبتي وأخلفلي خيرا منها وربي يعوضك ان شاء الله باللي يستاهلك ويحبك وتحبيه

 

[جين آير]

المحلات الي انصح فيها و شريت منها (ملابس البيت)

هذي متعتي و اكثر شي اهتميت فيه و تفننت فيه:21::1:

المحلات الي شريت منها

بعضها من لبنان و الاغلب من السعودية
الي في السعودية

التي شيراتات و البلائز
كوستا بلانكا و ستراديفوس و بيرشكا ونيروركر و نيويرك اند كومبني و السواني و نكست ودبنهامز و زارا و اكسبرس و نيو لوك و توب شوب و كمايو و جس و مايسمو دوتي ..>>حبيب قلبي
الجينزات و البنطلونات و البرمودات
اكثر و احسن شي عندي توب شوب يمكن لانه فيه فرق بين مقاس الخصر و الساق و لما تقيسين الملابس بتحسين بمشكلات البنطلون بعده يجي نكست و مانجو وزارا
الفساتين القصيرة
اكسبرس و توب شوب و كوستا بلانكا و زارا و دبنهامز و جس
احرصي تكون قطن و مريحة لانه من جد بتتعودين عليها

و شريت ليقيز
ملون و جينز و الوان اساسية الى مالا نهاية يمكن لاني مقتنعة بان البجامات ما تلبس في النهار البسي ليقيز مع اي بلوزة مناسبة كذا تكوني مرتبة و مرتاحة حتي ينفع في ايام البيرود

اغلبها من بيرشكا و توب شوب و سبلاش و اكسبرس
التنورات القصيرة
توب شوب و اكسبرس و دبنهامز
الشورتات
اغلبها من نيروركر و توب شوب و اكسبرس و زارا
بلوفرات الشتاء
اغلبها من ماكس اند سبنر و دبنهامز بدون استثناء

اشياء على قطعة او قطعتين
افرول قطن من كمايو
صديري من زارا
قبعات من اكسسواريز​

مكملات للبيت و للزيارات​

توبات بيضاء و ملونة بيرشكا و نيو لوك ستراديفوس >>موجودة في كل مكان
سكارفات ماسيمو دوتي- اكسسواريز- توب شوب
احزمة اكسبرس و اسبريت و جس​

النصائح


اول شي انصح البدء فيه ملابس البيت
شوفي ايش في دولابك و يناسب و حطيه في جهازك كلنا عندنا بلائز و تي شيرتات و جينزات ..الخ

الشي الثاني ركزي على المحلات الي تعرفينها و تشترين منها بتكوني اعرف بطبيعة خاماتها مثلا من المحلات الي اشتري منها و انا مغمضة
نكست و دبنهامز و زارا و ماسيمو دوتي و توب شوب خاماتهم عملية غالبًا
بالنسبة لي زارا و ماسيمو هذولي تلاقين فيهم شي للبيت و للمناسبات مو خسارة فيهم
عكس اتش اند ام مثلا
الشي الثالث ابدي بالالوان الاساسية اسود - ابيض و نسقي عليهم اشياء من كل الالوان الي تناسبك و اعيد وازيد جربي كل شي و طقمي التنورة مع البلوزة و البنطلون مع التي شيرت مثلا قبل ما تطلعين من السوق و تاكدي من انه يطلعك حلوة

و الرابع ملابس البيت اذا اختريها صح تستفدين منها في البيت و في الطلعات بعدين بالذات البلائز فلا تشترين شي بس للبيت شوفيه هل يستاهل تشترينه و تلبسيه قدام الناس في الجامعة او الشغل او زيارة بسيطة بعدين علشان كذا مو كل لبسك عاري تعلمي كل لبسه تطلع شوي و تخفي شوي و كل وحدة غير مرة اليدين مرة الرجول وو

الخامس تقدرين تنسقين كل قطعة على اكثر من ستايل لو اختري صح و تغيرين بسهولة بالذات مع الجينز و الالوان الاساسية
و السكارف و الاحزمة تغير في الستايل كله و ينفع تلبسينها بعدين في الزيارات

اشياء كثيرة بالنسبة لملابس البيت لو اختريتها صح بتعودين على الشياكة على طول مو شهرين و تطفشين من جد اشوف بنات جهازها و هي عروس عادي
و بعدين تتعلم كيف تختار و تنسق

و هذا الي يحضرني هالحين يمكن ازيد بعدين على لبس البيت بالذات وبالتوفيق للجميع

 

[جين آير]

يا حياتي يا لويتا الله يوفقك و يجزاك خير منورة الموضوع يا كل الغلا

 

[جين آير]

بنات اذا عجبتكم نصائحي قولو الي علشان اكمل

 

[إحسآإس طفله]

الله يعووضك بآللي أحسن منـــه ياااااارب

 

[أنفآس الفجر]

الله يعوضك

 

[جين آير]

احساس طفلة و انفاس الفجر تسلمون حبايبي كلكم ذوق

 

[حريريه]

الله يعوضك خير
بس وش حاطه للتسريحه ياذوق

 

[جين آير]

تسلمين يا حلوة كلك ذوق
ابد بس مفرش من التحف الشرقية و شمعتين من سنت بونت و اطار صورة كنت مجهزة باني باحط صورة لنا في الملكة و علب زجاج للقطن و اعواد الاذان مع صينة العطور هذي بس الزينة لاني ما احب الزحمة​

 

[خرس النواعس]

مره أغرااضك تجنن
ولكن عسى ان تكرهو شيئآ وهو خيرأً لكم
وعسى ان تحبو شيأ وهو شر لكم
عسى ربي يوفقك ويعووضك في الي احسن منه يآرب

بس ممكن سؤال وش ناويه تسوين بأغرآآضك بتخبينهم عندك لين تتزوجي مره ثآنيه
أو بتعطينها احد او بتستفيدي منها انتي

<< شطحة أسئله هههههههه

 

[جين آير]

تسلمين يا حلوة والله انك صادقة عسى ان تحبوا شي و هو كره لكم و عسى ان تكرهوا شي و هو خير لكم

اما اغراضي فمارح ابيعها
ملابس البيت اغلبها اقدر البسها في النادي او الدوام و الطلعات الخفيفة
اما الطلعات ليش ما البسها للطلعات مو لازم اكون عروس
و الميك اب و العطور ما شريت غير الي يعجبني واستعمله
و
الانجري و القصير و الضيق يمكن اهديه لاي عروس اذا زاد وزني قبل ما اعرس مرة ثانية ولا يقعد الين يجي الي يستاهل البسه له وهذا الي ناويته بس ادعي لي ما يزيد وزني :dunno::essen:

 

[امي كل الغلا]

ياااارب يااااكريم ارزق غاليتي الحبيبه كل ماتتمنى

واسعد قلبها ياااارب وعوضها الخير ياكريم

 

[جين آير]

احرجتني حبيتي ما اقدر اقول غير اللهم يا حي يا قيوم وفقها لما تحب و ترضى و اسعدها سعادة لا تغاردها و اشف امها و قر عينها بما تحب اللهم امين

 

[~جمال الروح~]

يارب يعوضك بخير منه ويرزقك من حيث لاتحتسبين

آآآآآآآآآآآآآآآآآآآآآآه اللي يشوف بلوة غيره تهون عليه بلوته يارب صبرنا وعوضنا بالازواج الصالحين




~سبحان الله وبحمده سبحان الله العظيم~

 

[فرح الشمالي]

مرحبا جين اير كيف حالك وليه ماتكملي نصايحك

 

[جين آير]

جمال الروح جزاك الله خير منورة الصفحة
فرح الشمالي هلا وغلا والله ماحسيت بان فيه احد داري عنها محد رد علي بس