مريتي بموقف محرج جدام الناس ؟؟؟؟ دخلي وسعي صدرج

[سلة فواكه]

مساء الحب
:icon26::icon26::icon26::icon26::icon26::icon26::icon26::icon26::icon26::icon26::icon26:
شوفو القلوب تدق .... طبعا بدل الهم والنكد والتفكير بازواجنا ومشاكلهم خلنا شوي نوسع صدورنا
انا اليوم كنت اتصفح احد المنتديات وشفت هالموضوع واصل لفوق المئه صفحه قلت ليش ما اسوي مثله حق البلقيسات عشان نضحك شوي وننسى الهم ......
اكيد ما في وحده منا ما مرت بموقف محررررج جدام اهلها او اهل ريلها او صديقاتها او الي تشتغل معاهم او حتى جدام الناس كلهم
طبعا المواقف المحرجه مثل الطيحات ... الاتصالات الغلط ... الكلمات التي تنطقينها بالغلط او او او واااايد شغلات ما اذكرها بس انتو تحفوني فيها
ببدي بروحي
يوم كنت بالحج اول ما رجعنا من الطواف كنت تعبانه ودااااااااااايخه حدي
وانا ادل الغرفه لانها اول وحده بالممر
الحجيه الي هي انا بدل ما اضغط على رقم 6 في المصعد ضغطت على 9
وبحكم ان في وحده معاي بالغرفه ووصلت قبلي مايحتاج افتح الباب بالبطاقه وعلى طول فتحته
وادخل على شله رياييل
:blushing::blushing::blushing:
وااااااااااااااااااااااااخزيااااااااااااااااااااااااااه
قاطين الاحرامات الي فوق وقاعدين بصدورهم عاريين
فشيييييييييييييييله فشيييييييييييييله
قمت القط ويهي الي طاح بالارض
ورحت على الدرج وانا اركض وانا مو مهتمه فيهم بس الي كنت ادعيه ان ولا واحد منهم يكون زوجي ويسوي لي سوالف انا في غنى عنها
اي اي ضحكووووو شوراكم انا الي صارت براسي مو انتو اهئ اهئ اهئ :icon1366::icon1366:


يالله يا بلقيسات نااااااااااااطره مواقفكم البلقيسيه الحلوه مثلكم:icon26:

 

[سلة فواكه]

تراني عندي مواقف وايد من هبالتي
بس ابي تفاعل

 

[غروب القمر]

حليلج سلة فواكه

الصراحة موقف ماأحسدج عليه

مشكوورة ياقلبي ع الموضوع الحلو

أممممممممممم

الحين في بالي بس هالموقف

أول يوم لي في الجامعه طحت :tears:
جدااام البنات والشباب

الصراحة فشيلة :shutup:

والطيحة مب على جدام لالالا طيحتي كانت ع ورا
يعني طيحة معتبرة وكله كوم والألم اللي حسيت فيه كوم


هههههههههههههههههههههههههههه

كل ماأتذكر شكلي أمووت من الضحك

موضوعج :icon30: واااايد حلو

مشكوورة

 

[سلة فواكه]

ههههههههههههههههههههههههه
غروبه
اتخيل شكلج مع اني ما اعرفج
سكتي على مواقف الطيحات لو اصفهم لج ما اخلص
صرت ما البس كعب الا للمناسبات ههههه
مشكوره يا قلبي نورتي

مدام في احد تفاعل معاي بقول الموقف الثاني
مره لما كنت مخطوبه كنت متهاوشه مع خطيبي وقافله التلفون ,, ويرن تلفون البيت واروح مثل المينونه يعني بزفه وشلته واسمع صوت واحد مثل صوت خطيبي الي هو زوجي الحين
قلت الو قال مرحبا
قلت له لا مرحبا ولا شي انا مو قايله لك لا تتصل ليش تعاند يعني اذا اتصلت عالبيت بتحطني امام الامر الواقع
قال المتصل : العفو انا فلان ( ولد خالي ) ممكن اكلم الوالد
ويييييييييييي تمنيت الارض تنشق وتبلعني
من يومها اسمع الصوت مليون مره قبل لا انطق بكلمه

 

[قمير]

هههههههههههههههههههههه موقفج حلو وسعي صدرج اش فيها الدنيا حبيبتي

 

[سلة فواكه]

قمير
ما مريتي بموقف
ما طحتي جدام احد ؟؟
ههههههههه قولي لنا لا تستحين

 

[غروب القمر]

هههههههههههههههه

ياحليلج ياسلة

مواقفج واااااااايد حلوة

واذا على مواقف التلفونات دوووم تستوي

ربيعتي في الجامعه عصبية واايد

يوم طلبنا من مطعم والطلب تأخر تقريباً ساعتين

ربيعتي اتصلت ع المطعم وهزبته هزبة محترمة ماأظن حصلها من قبل

وكل مايا بيتكلم تقوله اسكت ولاكلمه

في النهاية طلعت مغلطة واللي رد عليها عطاها في الويه

قالها المره الياية تأكدي قبل تطلعين نذالتج ع الناس

هي ويهها قلب ألوان وشوي بتصيح المسكينه

ههههههههههههههههه

أنا كل ماأشوف هالإنسانه أتذكر الموقف واضحك

 

[سلة فواكه]

مسكينه
هههههههههههههه
شكلها عصبيه الله يعين الي بياخذها هههه
نورتي حبيبتي

 

[دانة الدنيه]

موضوعك حلوه يا سلة الفواكه ومواقفك تفطس من الضحك
واذا على التلفونات توني امس راده على التلفون
وقلت نعم
قال اهلين
طبعنا القشيمه انا حسبالي حماي رديت وقلت اهلين شخبارك وينك
ماشفت الا يكلمني بمياعه يقولي تبين شحن جوال
قلتله نعم وانا مستغربه شفيه حماي
ويرد ويقولي ماتبين شحن جوال
حسيت ان الموضوع غلط وسكر السماعه وانا خايفه رهبه بس
ويرد ويتصل مره ثانيه واسفل ابه تسفل الي مارد اتصل تحسف

 

[سلة فواكه]

دانه هههههههههههههههه
اثاري صوتج مو هين
خسبق الريال بيشحن جوالج بس يسمع هالصوت هههههههههه
مشكوره حبيبتي وحياج الله

 

[العنووود]

سالة فواكه

والله انج فله كل مواقفج تضحك

قبل مااتزوج كان عمري ال16 تقريبن

وماكنت اعرف شي على نياتي والله

وكانو اهلي كهم جالسين

ويقولون خبر واشوف الكل مستغرب

ويقول حسبيه الله ونعم الوكيل

وكانت السالفه انو واحد اغتصب بنته

وانا على نياتي جالسه معاهم ونقزت

وقلت يعني شنو اغتصبها والكل ناضرني

وقالت زوجت عمي عيب تسالين هاذا السؤال

وقعدو يضحكون علي

 

[سلة فواكه]

هههههههههههههههههههههههههههههه
ذكرتيني بشي يالعنود
لما كنت بصف الثالث ماكنت اعرف يعني شنو ينتحر
واسمع البنات يقولونها بالمدرسه
ذاك اليوم اقول لابوي اذا وديتي هالمكان بنتحر ههههه
عصب علي وانا قلت الكلمه ولا اعرف معاناها
الى هذا اليوم اذكر الزف الي حصلته







افاااااااااااااااا يابنات شكله موضوعي ما عجبكم
شدعوووه
تعرفون تقرون وماتعرفون تردون ؟

 

[سلة فواكه]

شدعوه بنات ليش الموضوع لما ينكتب بمنتدى غير فيه تفاعل وهني تطنيش وبس ؟؟؟
توقعت تفاعل اكثر من جذي
شكله موضوعي سخيف

 

[نسمة غرام]

بالعكس حبيبتي موضوعك جدا رائع
انا قاعده اقرأ واضحك
بس للأسف والله حاليا ما يحضرني موقف يضحك
اوعدكم لو افتكرت حاكتبلكم
تسلمي على الموضوع الرائع

 

[*حرم الغالي*]

موضوعج وايد حلو.....والله من زمان من ضحكت.....
جزاك الله خير وسعتي صدري

 

[$أمرأه من زجاج$]

والله مواقفك تضحك ياسلولة وتسلمين على الموضوع........
وهاذي احد سوالفي
أنا لما كنت طالبة في ثالث ثانوي سألت المعلمة
سؤال وقمت أجاوب وتقوم ربيعتي النجسة
ترجع الكرسي على ورى ولما جلست مادريت
بعمري الا وانا طايحة في الارض وتميت
اضحك وابكي على الموقف وصرت اهاوش
ربيعتي جدام المعلمة ...خخخخخخخخخ

 

[لايأس مع الحياة]

حلو الموضوع وانا عندي مواقف مضحكه بس بقوم اصلي وانام وبكرا بشارككم ان شاءالله

 

[سلة فواكه]

نسمه غرام
مشكوره قلبي عالمرور
ناطرتج


حرم الغالي
الله يدوم الضحكه ومشكوره على المرور


ملاك الكون
هههههههههههههههههههههههه
مادري ليش البنات بالمدرسه يحبون يسوونها مايعرفون يعني لو الله لا يقولها طايحه جان شنو صادج ؟؟
حياج الله يا قلبي


مهاوي
لاتتاخرين نااااااطرتج

 

[لحن الوداع]

مواضيعك دائما مميزه

أنا لما كنت بالإعدادي صار لي موقف محرج مع المدرسه
هي مدرسه لغه عربيه
وانا ما احب النحو
كانت عندنا حصة النحو
المهم المدرسه تأخرت علينا وانا اعطي ظهر للباب واقول لصاحبتي وين مدرسه الغه العربيه
تقول الظاهر انها ماجات اليوم
انا اقوا أحســـــن كل يوم واجبات خلونا نرتاح
ولا أطالع ورااي ألاقي المدرسه واقفه
آآآآآه وا إحراجــااااااااه

الله يعيننا على المواقف المحرجه
تحصل كثير لو تذكرت شي برجع اكثب

 

[سلة فواكه]

لحن الوادع
اشوى ما قلتي عنها شي ثاني وسويت لروحج سوالف انا مره حشيت في مدرسه عند بنتها وانا مادري انتها بنتها هههههههههه